27/10/2026
ENVIRONMENTAL AWARENESS AND COMPLIANCE ORIENTATION
Nagsagawa ang Municipal Environment and Natural Resources Office (MENRO) – Bula ng isang orientation para sa lahat ng may-ari ng negosyo sa bayan ng Bula, rehistrado man o hindi, hinggil sa mga umiiral na Environmental Laws and Local Government Unit (LGU) Ordinances.
Dumalo rin sa nasabing aktibidad sina Punong Barangay Maria Fe Beroin at Barangay Kagawad Jose Dondon Ase Bufete bilang bahagi ng pakikiisa sa pagpapalaganap ng kaalaman at kamalayan tungkol sa pangangalaga ng kalikasan at pagsunod sa mga batas at ordinansa.
Layunin ng orientation na mapalawak ang kaalaman ng mga negosyante tungkol sa kanilang mga responsibilidad sa pangangalaga ng kapaligiran, wastong pamamahala ng basura, at pagsunod sa mga umiiral na batas pangkalikasan upang mapanatili ang kalinisan, kaayusan, at kaligtasan ng ating komunidad.
Hinihikayat ang lahat ng may-ari ng negosyo na makiisa at sumunod sa mga batas at ordinansa para sa isang mas malinis, ligtas, at luntiang Barangay Pawili at Bayan ng Bula.
KALIKASAN AY PANGALAGAAN, BATAS AY SUNDIN, AT KALINISAN AY PANATILIHIN!