08/06/2026
🧭 MGA DAPAT GAWIN PAG MAY LINDOL
Kapag may lindol (earthquake), napakahalagang manatiling kalmado at alam mo ang mga tamang hakbang bago, habang, at pagkatapos ng lindol. Mga ka barangay, Narito ang mga dapat gawin:
🟡 BAGO ANG LINDOL
✓Maghanda ng emergency kit na may lamang pagkain, tubig, flashlight, first aid kit, powerbank, cellphone at whistle.
✓Alamin ang mga ligtas na lugar sa bahay, paaralan, o opisina.
✓Siguraduhin na matibay at maayos ang bahay — ipaayos ang mga bitak o sira.
✓Makipag-usap sa pamilya tungkol sa evacuation plan at kung saan kayo magkikita kung magkahiwalay.
✓Maghanda ng important documents sa waterproof bag.
🔵 HABANG LUMILINDOL
✓Manatiling kalmado at huwag tumakbo.
✓DUCK, COVER, and HOLD — yumuko, magtago sa ilalim ng matibay na mesa, at hawakan ito hanggang tumigil ang pagyanig.
✓Lumayo sa bintana, salamin, kabinet, at mabibigat na bagay na pwedeng bumagsak.
✓Kung nasa labas, lumayo sa mga gusali, puno, poste, at kable ng kuryente.
✓Kung nasa sasakyan, ihinto sa ligtas na lugar at huwag bumaba agad.
🟢 PAGKATAPOS NG LINDOL
✓Suriin kung may nasugatan at bigyan ng paunang lunas kung kaya.
✓Patayin ang kuryente, gas, at tubig kung may sira o tagas.
✓Lumayo sa mga gusali at tumungo sa maluwag na lugar.
✓Mag-ingat sa aftershocks — huwag agad bumalik sa loob ng bahay o building.
✓Makinig sa balita o opisyal na abiso mula sa mga awtoridad.
✓Kung nasa tabing-dagat, lumayo agad sa baybayin dahil posibleng may tsunami.
💙💙💙 PAALALA
Ang lindol ay hindi natin kayang pigilan, pero kaya nating paghandaan. Manatiling kalmado, alerto, at handa — dahil ang kaalaman at kahandaan ang pinakamabisang sandata laban sa sakuna. 🌏💪
