04/09/2026
LAYAG KABATAAN || PESO Career Guidance at Employment Coaching
Matagumpay na isinagawa ngayong Setyembre 4, 2026, ang programang "LAYAG KABATAAN: Charting the Vision to a Future-Ready Tomorrow" sa BNHS Covered Court. Ang naturang Career Guidance and Employment Coaching ay inorganisa ng Public Employment Service Office (PESO) upang magbigay ng sapat na oryentasyon, kasanayan, at gabay sa mga kabataan at mag-aaral ng Burdeos para sa kanilang hinaharap na propesyon at karera.
Naging masigla at makabuluhan ang buong palatuntunan sa personal na pagdalo ng ating Punong Bayan, Honorable Mayor Gina P. Gonzales, na nagpaabot ng kanyang warm welcome message at nag-iwan ng inspirasyon ukol sa kahalagahan ng kahandaan ng mga kabataan sa kanilang hinaharap. Binuo at pinangunahan naman ni Ms. Grace G. Ayuso, PESO Designate Manager, ang pangkalahatang talakayan, pagsasanay sa employment coaching, at ang mismong career assessment activity para sa mga participants, sa tulong at gabay ng buong PESO staff.
Naghatid din ng malaking inspirasyon at mahahalagang aral sa mga mag-aaral ang mga namumukod-tanging pinuno ng lokal na pamahalaan na nagbahagi ng kanilang motivational speeches, kabilang sina Municipal Accountant Ms. Cielo A. Ruzol, Municipal Health Officer Dr. Carmela Cybelle V. Rudio, MD, at Municipal Planning and Development Coordinator Mr. Hannibal A. Diasanta, EnP. Pormal namang nagtapos ang matagumpay na aktibidad sa pamamagitan ng pampinid na pananalita mula kay Principal II Ms. Marnita G. Banderada. Sa pamamagitan ng inisyatibong ito, patuloy ang Pamahalaang Lokal ng Burdeos sa pagtataguyod ng mga programang naglalayong linangin ang potensyal ng kabataan at ihanda sila sa mas maliwanag na bukas.
