Areola Law Office

23/10/2026

Our office is closed today! (October 23,2026) However, we are open tomorrow! (October 24, 2026)
Thank you!

14/10/2026

Sa sesyon nito ngayong araw, ika-14 ng Oktubre, nagpasya ang Korte Suprema na hindi maaaring humingi ang mga senior citizen ng karagdagang 20% na diskuwento bukod pa sa umiiral na diskuwento sa promosyon o napagkasunduang diskuwento.

Paliwanag ng Korte Suprema, kapag iniaalok ang mga produkto o serbisyo sa presyong pang-promosyon, maaaring pumili ang mga senior citizen sa pagitan ng diskuwento sa promosyon at ng 20% na diskuwento para sa senior citizen, alinman sa dalawa ang magbibigay sa kanila ng mas malaking matitipid.

Naglabas ng naturang pasya ang Korte Suprema kasabay ng pagpapawalang-sala nito kay Orville U. Ong (Ong), general manager ng isang hotel sa Bacolod City, sa kasong paglabag sa Senior Citizens Act dahil umano sa pagtanggi nitong ibigay ang itinakdang 20% na diskuwento sa mga panauhin ng hotel na sina Atty. Paul S. Alcazaren, 66, at Eric Gadiana, 70.

Iginiit ni Ong na naibigay na ng hotel ang 20% na diskuwento sa pamamagitan ng napagkasunduang halaga ng kuwarto para sa Cebu Bikers Club, kung saan miyembro ang mga panauhin. Hindi hiwalay na nakasaad sa opisyal na resibo ang diskuwento dahil ibinawas na ito sa kabuuang halaga.

Hinatulang guilty ng Municipal Trial Court in Cities, Regional Trial Court, at Court of Appeals si Ong.

Isinantabi ng Korte Suprema ang mga pasya ng mga mababang hukuman. Ayon sa Korte, natanggap na ng mga panauhin ang 20% na diskuwento sa pamamagitan ng napagkasunduang halaga para sa club. Dahil dito, hindi na obligadong magbigay ang hotel ng karagdagang 20% na diskuwento.

Binigyang-diin nito na bagama’t layunin ng Senior Citizens Act na protektahan at suportahan ang mga senior citizen, dapat ding maging patas at makatwiran ang pagpapatupad nito para sa mga negosyo.

Basahin ang press briefer sa https://sc.judiciary.gov.ph/?p=174900.

Ia-upload ang Desisyon sa website ng Korte Suprema kapag available na.

Sumunod sa Credit Attribution Policy ng SC PIO: https://sc.judiciary.gov.ph/credit-attribution-policy/.

05/10/2026

Maraming salamat po sa serbisyo at pagiging ikalawang magulang namin sa loob ng paaralan, mga Ma'am at Sir! 🫡❤️

Happy World Teachers’ Day po sa lahat ng mga g**o.

02/10/2026

⚖️ 𝐈𝐬𝐚𝐧𝐠 𝐌𝐮𝐧𝐭𝐢𝐧𝐠 𝐓𝐫𝐢𝐯𝐢𝐚 𝐦𝐮𝐥𝐚 𝐬𝐚 𝐀𝐫𝐞𝐨𝐥𝐚 𝐋𝐚𝐰 𝐎𝐟𝐟𝐢𝐜𝐞

Alam ba ninyo? 🎂 Ang buwan ng "Oktubre" ay buwan ng kapanganakan ni Atty. Ar**la. Bilang pasasalamat sa lahat ng biyaya, pagkakataon, at mga pagpapalang natanggap niya ngayong taon, isang simpleng paraan ng pagbabahagi ang inihanda para sa mga nangangailangan ng gabay sa batas.

Sa bawat Biyernes ng Oktubre 2026 (Oktubre 9, 16, 23, at 30) magkakaroon ng libreng notarization para sa simpleng affidavits at mga dokumento at libreng ligal na konsultasyon para sa anumang ligal na suliranin. 𝐇𝐢𝐧𝐝𝐢 𝐤𝐚𝐬𝐚𝐦𝐚 𝐫𝐢𝐭𝐨 𝐚𝐧𝐠 𝐥𝐚𝐡𝐚𝐭 𝐧𝐠 𝐮𝐫𝐢 𝐧𝐠 𝐤𝐨𝐧𝐭𝐫𝐚𝐭𝐚.

Walk-ins are welcome. Gayunman, mas mainam na magpa-book muna ng schedule sa aming page upang mas maayos ang oras at pagdalo.

Isang simpleng pasasalamat para sa isang panibagong taon ng buhay at pagbabahagi ng mga biyayang natanggap. 🙏⚖️

📞 0969 157 6324
📍 Purok 6, Cullalabo San Antonino, Burgos, Isabela

𝙉𝙤𝙩𝙚: 𝘼𝙣𝙜 𝙡𝙞𝙗𝙧𝙚𝙣𝙜 𝙣𝙤𝙩𝙖𝙧𝙞𝙯𝙖𝙩𝙞𝙤𝙣 𝙖𝙩 𝙡𝙞𝙜𝙖𝙡 𝙣𝙖 𝙠𝙤𝙣𝙨𝙪𝙡𝙩𝙖𝙨𝙮𝙤𝙣 𝙖𝙮 𝙚𝙠𝙨𝙠𝙡𝙪𝙨𝙞𝙗𝙤 𝙡𝙖𝙢𝙖𝙣𝙜 𝙨𝙖 𝙢𝙜𝙖 𝙖𝙧𝙖𝙬 𝙣𝙖 𝙣𝙖𝙗𝙖𝙣𝙜𝙜𝙞𝙩.

**laLawOffice

28/09/2026

𝗣𝗵𝗶𝗹𝗛𝗲𝗮𝗹𝘁𝗵 𝗖𝗶𝗿𝗰𝘂𝗹𝗮𝗿 𝗡𝗼. 𝟮𝟬𝟮𝟲-𝟬𝟬𝟭𝟱

Coverage of Solo Parents and Their Children or Dependents to the National Health Insurance Program (NHIP).

Published in Manila Standard on September 26, 2026.

Basahin ang buong PhilHealth Circular at Tamang Sagot (FAQs) sa ating website:
https://www.philhealth.gov.ph/circulars/2026/PC2026-0015.pdf

19/09/2026

Pursuant to Proclamation No. 713, s. 2004, September is observed as Rule of Law Month, reminding us that no one is above the law and that every institution must uphold its principles.

This Rule of Law Month, the Anti-Red Tape Authority (ARTA) joins the nation in reaffirming the importance of the rule of law as a foundation of a just, accountable, and well-governed society.

For ARTA, this commitment means ensuring that government services are delivered efficiently, transparently, and without unnecessary red tape. Through Republic Act No. 11032, we continue to promote simpler processes, strengthen accountability, and uphold the public’s right to efficient government service.

Sa ilalim ng batas, pantay-pantay ang bawat isa.

26/08/2026

FYI

18/08/2026

ANNULMENT vs. DECLARATION OF NULLITY: ANO ANG PAGKAKAIBA? ⚖️

Magkaiba ang Annulment of Marriage at Declaration of Nullity of Marriage, at mahalagang malaman kung alin ang naaangkop sa inyong sitwasyon.

🔹 ANNULMENT OF MARRIAGE
Ang kasal ay valid noong una, ngunit maaaring ipawalang-bisa dahil sa isang ground na umiiral noong panahon ng kasal.

Grounds under Article 45 of the Family Code:
• Marriage between 18–21 without required parental consent
• Unsoundness of mind of either party
• Fraud
• Force, intimidation, or undue influence
• Physical incapacity to consummate the marriage
• Serious and incurable sexually transmissible disease

🔹 DECLARATION OF NULLITY OF MARRIAGE
Ang kasal ay void from the beginning. Ibig sabihin, walang valid marriage na nabuo sa ilalim ng batas.

Common grounds include:
• One party was below 18 at the time of marriage
• Lack of a valid marriage license, in cases where a license is required
• Bigamous or subsequent marriage
• Incestuous marriage
• Marriage void for reasons expressly provided by law
• Psychological incapacity under Article 36

📌 Bakit mahalga ang distinction?

Dahil magkaiba ang kanilang legal grounds, requirements, at epekto sa ilalim ng Family Code. Hindi rin sapat na sabihing "ayaw na namin sa isa't isa" o "hindi na kami compatible" para maging awtomatikong maging ground ang mga ito.

at higit sa lahat:

Hindi dahil matagal nang hiwalay ang mag-asawa ay awtomatikong annulled or void ang kanilang kasal.

Kailangan pa rin ng court proceeding at judgment before the marriage may be legally treated as annulled or void.

16/08/2026

Ang maling Lot Number sa deed of sale ay maaring itama at hindi nakaka apekto sa bisa ng kasulatan.

Nagpasya ang na nananatiling may bisa ang bentahan ng lupa na magkaibang numero ng lote ang nakasaad sa kasulatan ng bentahan o deed of sale kumpara sa tunay na nabenta, basta’t malinaw na maipapakita ang totoong pinagkasunduan ng mga partido. Dahil dito, maaaring itama ang kasulatan para tumugma sa aktuwal na napagkasunduan ng magkabilang panig.

Sa Desisyong isinulat ni Associate Justice Henri Jean Paul B. Inting, pinagtibay ng Ikatlong Dibisyon ng Korte Suprema ang bentahan ng isang 491 metro kuwadradong lupain sa Lungsod ng Cebu sa pagitan ng mga mamimiling sina Genara at Felipe Abay, Sr. (mga Abay) at ng mga nagbentang sina Crispin Caballes at mga tagapagmana ni Trinidad Caballes-Gallardo (mga Gallardo), sa kabila ng pagkakamali sa nakalagay na numero ng lote sa deed of sale.

Bahagi ang lupang ito ng ari-ariang naiwan ni Margarita Lopez na may siyam na anak, kabilang sina Crispin at Trinidad.

Binisita ng mga Abay ang lugar kasama si Crispin at si Tomas Gallardo, isa sa mga tagapagmana ni Trinidad, bago nila binili ang ari-arian. Sa kanilang pagbisita, ipinakita sa kanila ang mga hangganan ng lupa. Tumulong pa si Tomas sa mga Abay sa pagtatayo ng bakod sa paligid nito.

Tinirahan ng mga Abay ang ari-arian nang humigit-kumulang 20 taon. Naputol lang ang kanilang paninirahan nang pumasok dito ang mga manggagawa ng mag-asawang Jacinto at Chiok Ngo Lim Young (mga Young), sinara ang bakod, at nagtayo ng sarili nilang mga poste.

Nalaman ng mga Abay na isang titulo para sa ari-arian ang naisyu sa pangalan ng mga Young. Dahil dito, naghain sila ng reklamo sa Regional Trial Court (RTC) para maipakansela ang nasabing titulo.

Kinuwestiyon ito ng mga Gallardo at ikinatuwirang ang mga dokumentong iprinisenta ng mga Abay ay tumutukoy sa ibang lote, ang Lot No. 6036-B, at hindi sa loteng kanilang tinitirhan na Lot No. 7. Bagama’t parehong matatagpuan sa iisang lugar ang dalawang lote, hiwalay na ari-arian ang mga ito at hindi magkatabi. Sinuportahan ng mga Young ang panig ng mga Gallardo at pinanindigang sila ay mga mamimili na may mabuting intensyon.

Nagdesisyon ang RTC pabor sa mga Abay, pero binaliktad ang desisyong ng Court of Appeals (CA). Ayon sa CA, ang mga dokumentong iprinisenta ng mga Abay ay nagpapakitang Lot No. 6036-B ang kanilang nabili at hindi ang Lot No. 7 na inangkin at pinaghahawakan nila.

Hindi sumang-ayon ang Korte Suprema at iginiit nito ang ang mga naging desisyon nito sa mga naunang kaso na nagpapatibay ng bilihan. Pinahihintulutan nito ang pagtatama ng kasulatan para maipakita ang tunay na kasunduan ng mga panig sa mga pagkakataong nabigo ang deed of sale na tumpak na mailarawan ang lupang nilayon ng magkabilang panig.

Sa ilalim ng Civil Code, maaaring itama ang isang kasulatan nang kapag dahil sa isang pagkakamali hindi nito naipapakita ang tunay na pinagkasunduan ng mga panig.

Paliwanag ng Korte Suprema, ang isang kontrata ay maaaring baguhin o itama kung: (1) nagkasundo ang mga panig sa transaksyon; (2) hindi naipapahayag ng kasulatan ang kanilang tunay na kasunduan; at (3) ang kamalian ay sanhi ng pagkakamali o mistake, panlilinlang o fraud, aksidente, o unfair conduct.

Sa kasong ito, napatunayang umiiral ang lahat ng mga kondisyong ito.

Basahin ang press release sa https://sc.judiciary.gov.ph/?p=169523

Basahin ang Desisyon sa https://sc.judiciary.gov.ph/?p=164169

Sumunod sa Credit Attribution Policy ng SC PIO: https://sc.judiciary.gov.ph/credit-attribution-policy/.

08/08/2026

𝐁𝐀𝐊𝐈𝐓 𝐍𝐆𝐀 𝐁𝐀 𝐊𝐀𝐈𝐋𝐀𝐍𝐆𝐀𝐍𝐆 𝐌𝐀𝐆𝐏𝐀-𝐍𝐎𝐓𝐀𝐑𝐘𝐎 ⚖️📄

Madalas nating marinig: “Kailangan pa bang ipa-notaryo ’yan?” Pero ano nga ba talaga ang silbi ng notarization?

Ang pagpapa-notaryo ay hindi lamang paglalagay ng pirma at selyo sa isang dokumento. Layunin nitong gawing isang notarial document ang isang pribadong dokumento at bigyan ito ng mas mataas na antas ng kredibilidad at pagiging tunay sa ilalim ng batas.

Narito ang ilang mahahalagang dahilan kung bakit nagpap notaryo:

🔹 1. Para mapatunayan ang pagkakakilanlan ng lumagda.
Sinusuri ng notaryo ang pagkakakilanlan ng taong lumalagda upang makatulong na maiwasan ang paggamit ng ibang tao ng kanyang pangalan o pagkakakilanlan.

🔹 2. Para matiyak na kusang-loob ang pagpirma.
Ang isang taong nagpapapirma at nagpapapanotaryo ay inaasahang personal na humaharap sa notaryo at kusang-loob na lumalagda sa dokumento.

🔹 3. Para magkaroon ng mas matibay na ebidensiyang halaga ang dokumento.
Ang isang wastong notarized document ay maaaring magkaroon ng katangiang public document, depende sa uri at pagkakasagawa ng notarization. Dahil dito, maaari itong magkaroon ng mas mataas na probative value sa mga legal na proseso.

🔹 4. Para makatulong na maiwasan ang pandaraya at pamemeke.
Bahagi ng tungkulin ng notaryo ang pagsunod sa mga rekisito bago isagawa ang notarial act. Hindi dapat basta-basta pinipirmahan at pinapanotaryo ang isang dokumento nang hindi sinusunod ang mga kinakailangang proseso.

🔹 5. Para magkaroon ng karagdagang proteksiyon ang mga partido.
Ang notarization ay nagsisilbing isang mahalagang safeguard sa mga transaksiyon tulad ng affidavits, contracts, deeds, powers of attorney, at iba pang dokumentong nangangailangan ng notarization.

⚠️ PERO TANDAAN:
Ang notarization ay hindi nangangahulugan na awtomatikong tama, legal, o enforceable ang lahat ng nakasulat sa dokumento. Hindi rin trabaho ng notaryo na gawing legal ang isang ilegal na kasunduan.

At higit sa lahat, hindi maaaring ipa-notaryo ang isang dokumento nang wala ang mismong taong lumalagda. Ang personal appearance ng signatory ay isa sa mahahalagang requirement ng notarization.

📌 Sa madaling salita:
Ang notaryo ay hindi lamang “tagapirma at tagapagselyo.” Ang notary public ay nagsisilbing neutral na legal safeguard upang makatulong na mapatunayan ang pagkakakilanlan, kusang-loob na pagpirma, at pagiging tunay ng isang notarial act.

Bago pumirma sa anumang mahalagang dokumento, basahin, unawain, at kung kinakailangan, kumonsulta muna sa isang abogado.