Camp Tinio Elementary School

MATAGUMPAY NA UNANG ARAW NG BRIGADA ESKWELA 2026!

Isang taos-pusong pasasalamat ang ipinaaabot ng Camp Tinio Elementary School sa lahat ng mga magulang, g**o, volunteers, at mga katuwang sa komunidad na nakiisa at naglaan ng kanilang oras, lakas, at suporta sa unang araw ng Brigada Eskwela 2026.

Sa pamamagitan ng inyong pagtutulungan at malasakit, unti-unti nating naihahanda ang ating paaralan upang maging mas malinis, ligtas, at kaaya-ayang lugar para sa ating mga mag-aaral sa nalalapit na pagbubukas ng Taong Panuruan 2026–2027.

Ang inyong pagkakaisa ay patunay na ang edukasyon ay responsibilidad ng buong komunidad. Maraming salamat sa inyong walang sawang suporta at pakikiisa para sa ikabubuti ng ating mga kabataan.

Sama-sama nating ipagpatuloy ang diwa ng bayanihan para sa mas maliwanag na kinabukasan ng bawat batang Camp Tinio!

UNANG ARAW NG OPLAN BALIK ESKWELA 2026

Masiglang sinimulan ng Camp Tinio Elementary School ang unang araw ng enrollment para sa Taong Panuruan 2026–2027. Mainit na sinalubong ng mga g**o at kawani ang mga magulang at mag-aaral na nagtungo sa paaralan upang magpatala bilang paghahanda sa nalalapit na pagbubukas ng klase.

Patuloy naming hinihikayat ang lahat ng mga magulang at tagapag-alaga na i-enroll ang kanilang mga anak upang matiyak ang kanilang pagpasok sa paaralan sa darating na pasukan. Ang enrollment ay magpapatuloy hanggang Hunyo 1–11, 2026.

Maraming salamat sa patuloy na pagtitiwala at pakikiisa ng ating mga magulang at komunidad. Sama-sama nating ihanda ang bawat mag-aaral tungo sa isang matagumpay at makabuluhang taong panuruan.

Mag-enroll na at maging bahagi ng pamilya ng Camp Tinio Elementary School!

Sa ika-14 na araw ng ARAL Summer Program 2026 sa Camp Tinio Elementary School, patuloy na umusbong ang saya, sigla, at aktibong pagkatuto ng mga Batang Kampo sa bawat gawaing inihanda ng mga Gurong Kampo bilang ARAL Tutors. Sa pamamagitan ng iba’t ibang interactive at enjoyable learning activities, mas naging buhay at makahulugan ang bawat araw ng programa habang unti-unting napapalakas ang kakayahan at kumpiyansa ng mga mag-aaral. Makikita sa kanilang mga ngiti at aktibong pakikilahok na tunay na nagiging masaya ang pag-aaral kapag ito ay sinasabayan ng malasakit, paggabay, at inspirasyon mula sa kanilang mga g**o.