Quirino Province Online Action Center

06/10/2026

𝐓𝐈𝐍𝐆𝐍𝐀𝐍| 𝐆𝐎𝐕. 𝐕𝐀𝐐𝐔𝐈𝐋𝐀𝐑, 𝐏𝐈𝐍𝐀𝐍𝐆𝐔𝐍𝐀𝐇𝐀𝐍 𝐀𝐍𝐆 𝐔𝐍𝐀𝐍𝐆 𝐏𝐀𝐆𝐏𝐔𝐏𝐔𝐋𝐎𝐍𝐆 𝐍𝐆 𝐋𝐔𝐏𝐎𝐍 𝐒𝐀 𝐏𝐀𝐌𝐀𝐌𝐀𝐇𝐀𝐋𝐀

Upang maipagpatuloy ang pagkakaisa at maayos na pagtutulungan ng Pamahalaang Panlalawigan, pinangunahan ng Gobernador ng Lalawigan, Kgg. Julius Caesar S. Vaquilar, kasama sina Bise-Gobernador, Kgg. Lilybeth H. Yogyog at Provincial Administrator, G. Carmelita B. Jimenez ang isang Pagpupulong ng Lupon sa Pamamahala noong ika-2 ng Oktubre sa Audio Visual Room.

Nagtipon ang mga pinuno ng iba’t ibang tanggapan ng Pamahalaang Panlalawigan ng Quirino upang talakayin ang mga usaping inihain ng bawat isa, pagsubaybay sa progreso ng mga pangunahing gawain at inisyatiba, pagpapanatili ng maayos na ugnayan at koordinasyon ng mga tanggapan, at pagtugon sa mga hamon at usaping nangangailangan ng magkakaugnay na pagkilos.

Layunin nito na mapanatili ang pagkakaisa sa direksyon ng mga tanggapan, maayos na pagpapatupad ng mga gawain, at tuloy-tuloy na operasyon ng pamahalaan sa paghahatid ng serbisyo sa mga Kailyans.

Muling pinagtibay ng pagpupulong na ito ang mensahe ni Gov. Vaquilar sa kanyang talumpati na ang magandang kinabukasan ng Quirino ay nakasalalay sa sama-samang suporta at pagkilos ng bawat isa tungo sa iisang layunin ng pag-unlad ng lalawigan.

05/10/2026

HAPPY TEACHERS' DAY! 👩‍🏫👨‍🏫🧡

Maraming salamat sa ating mga g**o na araw-araw nagtuturo, gumagabay, at nagbibigay-inspirasyon sa ating mga kabataan. Saludo kami sa inyong sipag, tiyaga, at malasakit. Mabuhay ang ating mga g**o! 🧡

01/10/2026

HELLO, OCTOBER! 🧡

October na, mga Kailyan! Sana maging magaan, masaya, at puno ng magandang balita ang bagong buwan na ito. Ano ang wish ninyo ngayong October? 😊

29/09/2026

Guess who’s in Quirino! 👀👑

Miss Philippines Earth 2026 Rina Andrea Delos Santos paid a courtesy call on Governor Julius Caesar S. Vaquilar at the Provincial Governor's Office.

Welcome to Quirino Province, Miss Rina🧡

28/09/2026

Kainang Pamilya Mahalaga Day! 🍽️🧡

Walang katulad ang sabay-sabay na pagkain kasama ang pamilya. Sa simpleng pagsasalo sa hapag, nagkakaroon tayo ng oras para magkwentuhan, magkumustahan, at mas mapalapit sa isa't isa.

Kaya ngayong araw, sama-sama tayong kumain at maglaan ng oras para sa mga taong mahalaga sa atin. Kain na, mga Kailyan! 🥰🍚

26/09/2026

𝐓𝐈𝐍𝐆𝐍𝐀𝐍| 𝐏𝐀𝐆𝐏𝐔𝐏𝐔𝐆𝐀𝐘 𝐀𝐓 𝐏𝐀𝐒𝐀𝐒𝐀𝐋𝐀𝐌𝐀𝐓 𝐌𝐔𝐋𝐀 𝐒𝐀 𝐌𝐆𝐀 𝐐𝐔𝐈𝐑𝐈𝐍𝐈𝐀𝐍 𝐒𝐄𝐀𝐒𝐎𝐍𝐀𝐋 𝐖𝐎𝐑𝐊𝐄𝐑𝐒 𝐒𝐀 𝐒𝐎𝐔𝐓𝐇 𝐊𝐎𝐑𝐄𝐀

Mula pa sa South Korea, ipinahatid ng mga Quirinian Seasonal Workers ang kanilang pakikiramay at pagpupugay kay Gov. Dakila Carlo “Dax” E. Cua.

Kanilang ipinahayag ang pasasalamat kay Gov. Dax sa pagbibigay sa kanila ng pagkakataong maging bahagi ng Seasonal Exchange Program for Farmers, na nagbukas ng oportunidad sa kanila upang makapagtrabaho bilang magsasaka sa South Korea.

Bagama’t malayo sa Quirino, nakikiisa ang mga Quirinian Seasonal Workers sa Korea sa pamilya Cua at sa buong lalawigan sa pag-alala at pagpupugay sa isang gobernador na naging bahagi ng kanilang buhay.

26/09/2026

𝐓𝐈𝐍𝐆𝐍𝐀𝐍 | 𝐏𝐀𝐆𝐏𝐔𝐏𝐔𝐆𝐀𝐘 𝐏𝐀𝐑𝐀 𝐒𝐀 𝐈𝐒𝐀𝐍𝐆 𝐋𝐈𝐍𝐆𝐊𝐎𝐃-𝐁𝐀𝐘𝐀𝐍 | 𝐃𝐀𝐘 𝟒

Sa huling gabi ng burol ni Gov. Dakila Carlo “Dax” E. Cua sa Heritage Memorial Park, muling nagtipon ang kanyang pamilya, mga kaibigan, kasamahan, kapwa lingkod-bayan, at mga kababayang nais magpaabot ng kanilang pakikiramay.

Sa mga nakalipas na araw, naging lugar ang kanyang himlayan para sa mga taong nagmula sa iba’t ibang bahagi ng kanyang buhay—mula sa kanyang pamilya at mga malalapit na kaibigan hanggang sa mga kasamahan niya sa pamahalaan at mga kababayang nakasama niya sa mahabang paglalakbay sa paglilingkod.

Ito na ang huling gabi bago siya tuluyang ihatid sa kanyang huling hantungan.

Sa pagtatapos ng gabing ito, dala ng kanyang mga naiwan ang mga alaala ng kanyang buhay, ang mga sandaling pinagsaluhan, at ang mga taon ng paglilingkod na naging bahagi ng kasaysayan ng Quirino.

Salamat sa inyong pakikiisa at pakikiramay.

24/09/2026