03/09/2026
SAFETY DRILL, ISINAGAWA SA ORTIZ-SARANAY ELEMENTARY SCHOOL
Ortiz-Saranay Elementary School, Cabatuan, Isabela โ Setyembre 3, 2026. Isinagawa kahapon ang isang Safety Drill sa Ortiz-Saranay Elementary School bilang paghahanda sa ibaโt ibang sitwasyong maaaring magbanta sa kaligtasan ng mga mag-aaral at kawani ng paaralan.
Nakibahagi sa aktibidad ang mga mag-aaral, g**o, at kawani ng paaralan, kasama ang mga kinatawan mula sa Cabatuan Police Station at Municipal Disaster Risk Reduction and Management Office (MDRRMO). Layunin ng drill na maturuan ang mga kalahok ng wastong kilos at desisyon sakaling magkaroon ng emergency o insidente sa loob at paligid ng paaralan.
Binigyang-diin ng mga resource persons ang kahalagahan ng pagiging alerto, kalmado, at handa sa oras ng panganib. Ipinaalala rin sa mga mag-aaral na mahalagang makinig sa mga awtoridad at sumunod sa itinakdang safety procedures ng paaralan.
Isa sa mga tinalakay ang โHide, Run, and Fightโ, isang safety response na maaaring gamitin sa sitwasyon ng isang mapanganib na tao o banta sa loob ng paaralan.
Sa Hide, pinayuhan ang mga mag-aaral na humanap ng ligtas at tagong lugar, manatiling tahimik, at i-lock o harangan ang pintuan kung ligtas itong gawin.
Sa Run, kung may ligtas na daanan palabas, kailangang mabilis na makalayo sa pinagmumulan ng panganib at pumunta sa isang ligtas na lugar. Hindi dapat bumalik sa lugar ng insidente upang kumuha ng gamit o hanapin ang ibang tao.
Samantala, ang Fight ay itinuturing na huling paraan lamang kapag hindi na ligtas ang pagtatago o pagtakas at may agarang panganib sa buhay. Ipinaalala na dapat unahin ang kaligtasan at humingi agad ng tulong sa mga awtoridad.
Sa pamamagitan ng safety drill, higit na nahubog ang kahandaan at kamalayan ng mga mag-aaral at kawani sa tamang pagtugon sa oras ng emergency. Ipinakita rin ng aktibidad ang mahalagang pagtutulungan ng paaralan, pulisya, at MDRRMO upang mapanatili ang isang ligtas at handang komunidad ng paaralan.
