07/10/2026
Magandang araw po sa ating lahat. ❤️
Maguulat lamang po ako tungkol sa mga napag-usapan at aking mga inihain sa naganap na pagpupulong kahapon. Narito po ang apat na mahahalagang usapin na nais nating mabigyan ng solusyon sa pamamagitan ng paggawa ng mga ordinansa at resolusyon:
1. Paghahanda sa Super El Niño 🌞💧
Sa aking privilege speech kahapon, hinikayat ko po ang ating pamahalaan na maging maagap at handa sa epekto ng Super El Niño. Layunin nating makapagbuo ng mga konkretong solusyon at plano upang mapangalagaan ang kalusugan, suplay ng tubig, at kapakanan ng bawat kababayan.
2. Mga Permit at Epekto ng Renewable Energy/Solar Power Development Project.
Usapin hinggil sa pagberipika ng mga permit, clearance at authorization ng proyekto, gayundin ang epekto nito sa trapiko, kalinisan at kaligtasan ng mga mamamayan, partikular sa mga lugar na dinaraanan ng mga truck sa Barangay Mamatid na nagdudulot ng matinding alikabok at dumi sa kalsada.
3. Proteksyon at Kapakanan ng mga Bata at Kabataan 👧👦
Isang panukalang ordinansa na magtatatag ng Community-Based Protection, Prevention, Intervention, at Rehabilitation Program para sa mga bata at kabataan sa Lungsod ng Cabuyao, kabilang ang mga Children at Risk (CAR), Children in Conflict with the Law (CICL), bullying, at youth-related violence.
4. Regulasyon sa Pag-inom ng Alak sa Pampublikong Lugar 🍺
Isang panukalang ordinansa na magreregula sa pag-inom ng alak sa tabing kalsada, bangketa at iba pang pampublikong lugar, magtatakda ng kaukulang parusa sa mga lalabag, at maglalayong mapanatili ang kaayusan, kalinisan, katahimikan at kaligtasan ng ating mga komunidad.
Ang mga ito po ay bahagi ng aking patuloy na pagtupad sa tungkulin bilang inyong boses sa Sangguniang Panlungsod. Patuloy po tayong maghahanap ng mga konkretong solusyon para sa kapakanan ng ating mga kababayan. God bless Cabuyao❤️🙏
