PIA Laguna

Across Southeast Asia, community action and local conservation efforts remain vital to achieving the regional bloc’s biodiversity targets under global biodiversity frameworks by 2030.

The ASEAN Centre for Biodiversity, which led the celebration of International Day for Biological Diversity 2026 under the theme “Acting Locally for Global Impact,” highlighted the important reality that local, on-the-ground initiatives led by individuals, communities, and key stakeholder groups are crucial to achieving the commitments made by ASEAN member states under the ASEAN Biodiversity Plan.

Read the full story in the comment section.

MAGPAREHISTRO NA SA PHILHEALTH YAKAP!

Tuluy-tuloy ang pagpaparehistro at First Patient Encounter para makatanggap ng benepisyo sa PhilHealth YAKAP!

Sa bayan ng Victoria, sinimulan na sa Peregrina Rebong Dator Memorial Health Center (Victoria Rural Health Unit) ang PhilHealth YAKAP FPE at pagpaparehistro para sa mga kawani ng pamahalaang bayan.

Layon nito na matiyak ang tamang pagpapalista ng mga LGU employees sa programa, gayundin ang pagsasagawa ng paunang konsultasyon, pagkuha ng mahahalagang impormasyong pangkalusugan, at pagbibigay ng access sa de-kalidad na serbisyong pangkalusugan mula sa PhilHealth.

Sa tulong ng mga programa ng PhilHealth, hangad ng Victoria RHU na maisulong ang mas malusog at mas protektadong komunidad sa pamamagitan ng serbisyong pangkalusugan na abot-kamay ng bawat mamamayan.

𝗕𝗥𝗜𝗚𝗔𝗗𝗔 𝗘𝗦𝗞𝗪𝗘𝗟𝗔: 𝗡𝗔𝗚𝗞𝗔𝗞𝗔𝗜𝗦𝗔 𝗣𝗔𝗥𝗔 𝗦𝗔 𝗞𝗔𝗔𝗬𝗨𝗦𝗔𝗡 𝗔𝗧 𝗞𝗔𝗔𝗟𝗔𝗠𝗔𝗡

Inilunsad na ng Department of Education (DepEd) CALABARZON ang taunan nitong Brigada Eskwela Bayanihan sa Paaralan sa idinaos na kick-off ceremony nitong Miyerkoles, Hunyo 3 sa Pacita Complex I Integrated School, San Pedro City, Laguna.

Pinangunahan ang programa nina Department of Labor and Employment (DOLE) Secretary Francis Tolentino, DepEd Undersecretary Filemon Ray Javier, DepEd CALABARZON Regional Director Carlito Rocafort, at ilan pang mga opisyal mula DepEd Central at Regional Office.

Nakiisa rin sa paglulunsad ng programa sina National Bureau of Investigation (NBI) Director Melvin Matibag, Laguna Governor Sol Aragones, San Pedro City Mayor Art Mercado, Laguna 1st District Rep. Ann Matibag, at mga opisyal at kawani ng iba’t ibang DepEd School Division Offices.

Sa kauna-unahang pagkakataon ay makikibahagi ang mga TUPAD beneficiaries na sabayang maglilinis sa lahat ng mga paaralan sa rehiyon. Sa kabuuan, aabot ng 245,000 ang TUPAD beneficiaries sa buong bansa na pasasalihin sa mga Brigada Eskwela na bukod sa makakatulong sa paglilinis ng kapaligiran ng mga paaralan ay makakadagdag pa sa kanilang kita at kabuhayan.

Nagpahayag naman ng patuloy na suporta ang pamahalaang lungsod ng San Pedro sa Brigada, na inanunsyong magbibigay rin sila ng mga school supplies para sa mga estudyante ng pampublikong paaralan sa lungsod at laptops para sa mga pampublikong g**o.

Nag-donate naman ng bagong desktop computers si Cong. Matibag, at inanunsyo ng NBI na may mga pribadong kumpanya na magdo-donate rin ng computers sa mga paaralan.

Nakiisa rin ang ilang mga pribadong kumpanya at partners sa pagdo-donate ng cleaning materials at iba pang ICT materials.

Inaasahan ng DepEd CALABARZON na higit 3 milyong mag-aaral ang magbabalik eskwela sa rehiyon sa pagbubukas ng klase sa Hunyo 8, na nananatiling pinaka-mataas na bilang ng enrollees sa buong bansa.

| Itinalaga bilang General Manager ng People’s Television Network (PTV-4) si dating Taguig City Mayor at film at television director Lino Cayetano bilang, ayon kay PCO Secretary Dave Gomez.

| Itinalaga si dating Taguig City Mayor at film at television director Lino Cayetano bilang General Manager ng People’s Television Network (PTV-4), ayon kay PCO Secretary Dave Gomez.

𝗜𝘀𝗮𝗻𝗴 𝗔𝗦𝗘𝗔𝗡, 𝗶𝗶𝘀𝗮𝗻𝗴 𝗹𝗮𝘆𝘂𝗻𝗶𝗻: 𝗺𝗮𝘀 𝗺𝗮𝘁𝗮𝘁𝗮𝗴 𝗻𝗮 𝗲𝗸𝗼𝗻𝗼𝗺𝗶𝘆𝗮 𝗽𝗮𝗿𝗮 𝘀𝗮 𝗹𝗮𝗵𝗮𝘁

Nagkaisa ang mga bansa sa ASEAN sa mga bagong kasunduan para palakasin ang digital economy, enerhiya, at kalakalan bilang hakbang tungo sa mas matatag na ekonomiya para sa rehiyon.

Layunin ng mga hakbang na ito na gawing mas matatag, handa, at maunlad ang ASEAN para sa lahat.