DPWH Region IV-A

𝗠𝗮𝘀 𝗺𝗮𝗯𝗶𝗹𝗶𝘀, 𝗹𝗶𝗴𝘁𝗮𝘀, 𝗮𝘁 𝗺𝗮𝗴𝗶𝗻𝗵𝗮𝘄𝗮𝗻𝗴 𝗯𝗶𝘆𝗮𝗵𝗲 𝘀𝗮 𝗠𝗮𝗵𝗮𝗿𝗹𝗶𝗸𝗮 𝗛𝗶𝗴𝗵𝘄𝗮𝘆!

Mula sa tatlong oras, magiging isang oras at 45 minuto na lamang ang biyahe sa pagitan ng Tacloban City at Catbalogan City sa oras na makumpleto ang rehabilitasyon ng Maharlika Highway sa Samar ngayong Agosto 2026.

Sa pag-inspeksyon ni Pangulong Ferdinand R. Marcos Jr. sa nagpapatuloy na rehabilitasyon ng kalsada sa Pinabacdao, Samar, tiniyak niya ang mataas na kalidad ng proyekto upang mapabuti ang interconnectivity, mapabilis ang paggalaw ng mga tao at produkto, at mapalakas ang mga oportunidad sa ekonomiya sa rehiyon.

Inaasahan ding mababawasan ang gastos sa transportasyon, mapapahusay ang logistics para sa mga magsasaka at negosyante, at magiging mas madali ang pag-access sa edukasyon, serbisyong pangkalusugan, at iba pang mahahalagang serbisyo, at magiging mas ligtas at mas maaasahan rin ang pagdaan ng mga relief at recovery operations sa panahon ng kalamidad.

𝐏𝐮𝐛𝐥𝐢𝐜 𝐍𝐨𝐭𝐢𝐜𝐞: 𝐁𝐚𝐭𝐚𝐧𝐠𝐚𝐬 𝟏𝐬𝐭 𝐃𝐄𝐎
https://www.youtube.com/.Batangas1DEO

𝐂𝐑𝐈𝐌𝐈𝐍𝐀𝐋 𝐂𝐀𝐒𝐄 𝐀𝐓 𝐊𝐀𝐍𝐒𝐄𝐋𝐀𝐒𝐘𝐎𝐍 𝐍𝐆 𝐋𝐈𝐒𝐄𝐍𝐒𝐘𝐀, 𝐈𝐍𝐈𝐇𝐀𝐈𝐍 𝐍𝐆 𝐃𝐏𝐖𝐇 𝐋𝐀𝐁𝐀𝐍 𝐒𝐀 𝐃𝐑𝐈𝐕𝐄𝐑 𝐍𝐆 𝐓𝐑𝐔𝐂𝐊 𝐍𝐀 𝐍𝐀𝐆𝐃𝐔𝐋𝐎𝐓 𝐍𝐆 𝐏𝐀𝐆𝐆𝐔𝐇𝐎 𝐒𝐀 𝐊𝐀𝐋𝐈𝐖𝐄𝐓 𝐁𝐀𝐈𝐋𝐄𝐘 𝐁𝐑𝐈𝐃𝐆𝐄, 𝐈𝐋𝐎𝐂𝐎𝐒 𝐒𝐔𝐑

Nagsampa ng kasong Reckless Imprudence Resulting in Damage to Property ang Department of Public Works and Highways (DPWH) laban sa driver ng 20-ton 10-wheeler truck na nagpumilit dumaan sa temporary Kaliwet bailey bridge sa Santo Domingo, Ilocos Sur, na may kapasidad lamang na 5 tons, dahilan para gumuho ang tulay at magdulot ng perwisyo sa mga motorista at komyuter sa lugar.

Bukod sa kasong kriminal, ipinakakansela rin ng DPWH sa Land Transportation Office (LTO) ang lisensya ng iresponsableng driver, kasunod ng direktiba ni Pangulong Ferdinand Marcos Jr. na panagutin ang mga lumalabag sa road safety at naglalagay sa panganib sa buhay ng publiko.

𝐓𝐈𝐍𝐆𝐍𝐀𝐍: Nakibahagi ang Department of Public Works and Highways (DPWH) Central Office at Regional Office IV-A sa Brigada Eskwela 2026 na ginanap sa Mayapa Elementary School, Barangay Mayapa, Calamba City, Laguna, bilang suporta sa nalalapit na pagbubukas ng klase.

Namahagi ang tanggapan ng pintura at 350 set ng school supply kits para sa mga mag-aaral ng kindergarten bilang dagdag na tulong sa kanilang paghahanda para sa darating na pasukan. Nakiisa rin ang mga kawani ng DPWH sa pagpipintura ng mga silid-aralan upang makatulong sa pagpapanatili ng maayos, ligtas, at kaaya-ayang kapaligiran para sa mga mag-aaral.

Nakiisa sa nasabing programa sina Usec. Lara Marisse I. Esquibil, OIC-Director Jumar Tablando, OIC-Regional Director Carolina D. Pastrana, OIC-Assistant Regional Director Ray Andrew K. Molano, at iba pang kawani ng DPWH, bilang patunay ng patuloy na pakikipagtulungan sa Department of Education (DepEd). Isinagawa ang aktibidad bilang tugon sa direktiba ng Pangulo at ni Secretary Dizon na tiyakin ang maayos at ligtas na pagbabalik-eskwela ng mga mag-aaral at g**o.

𝐓𝐈𝐍𝐆𝐍𝐀𝐍: Sinampahan ng non-bailable na kasong graft at malversation ang mag-asawang Curlee at Sarah Discaya ng St. Timothy Construction Corp. kaugnay ng umano’y substandard na flood control project sa Brgy. Bulusan, Calumpit, Bulacan.

Magkasamang naghain ng reklamo sina Assistant Ombudsman Mico Clavano at Public Works Secretary Vince Dizon, kasunod ng direktiba ni Pangulong Ferdinand Marcos Jr. na tiyaking mapapanagot ang mga sangkot sa maanomalyang flood control projects.

“Big fish talaga ang mga Discaya. Ang mga Discaya parang mga Napoles ‘yan dito sa flood control scam. Talagang malaking isda ‘yan. 2016 pa lang, nag-ooperate na sila. Bilyun-bilyong piso ang kanilang ninakaw. At dahil do’n, grabe ‘yung mga pagdurusang dinaranas ng mga kababayan natin kagaya ng sa Bulusan,” sinabi ni Secretary Dizon.

𝐓𝐈𝐍𝐆𝐍𝐀𝐍: Binalikan ni Public Works Secretary Vince Dizon kasama sina QC Mayor Joy Belmonte at Project NOAH Executive Director Mahar Lagmay ang Matalahib Creek Pumping Station sa Brgy. Talayan at Brgy. Santo Domingo, Quezon City upang tingnan ang resulta ng pag-aalis ng steel sheet piles at trumpet walls sa nasabing pumping station pati na rin ng tuloy-tuloy na dredging operations sa San Juan River na layuning mas mapabilis ang daloy ng tubig at maibsan ang lagpas-taong baha sa lugar lalo na ngayong simula na ng tag-ulan.

Nauna nang iniutos ni Pangulong Ferdinand Marcos Jr. ang pagsasaayos ng Matalahib Creek Pumping Station bilang tugon sa taun-taong dinadaing ng mga residente na pagbaha sa lugar, lalo na tuwing may habagat o malakas na bagyo.

𝗣𝗮𝗴𝗸𝗶𝗹𝗮𝗹𝗮 𝘀𝗮 𝗵𝘂𝘀𝗮𝘆, 𝘁𝗮𝗹𝗶𝗻𝗼, 𝗮𝘁 𝗶𝗻𝗼𝗯𝗮𝘀𝘆𝗼𝗻 𝗻𝗴 𝗸𝗮𝗯𝗮𝘁𝗮𝗮𝗻𝗴 𝗣𝗶𝗹𝗶𝗽𝗶𝗻𝗼.

Kinilala at binigyang-pugay ni Pangulong Ferdinand R. Marcos Jr. ang mga miyembro ng Philippine Robotics National Team (PRNT) at FELTA Multi-Media, Inc. para sa kanilang mga natatanging tagumpay at ambag sa pagsusulong ng robotics, agham, at teknolohiya sa bansa.

Nasaksihan ng Pangulo ang presentasyon at live demonstration ng mga award-winning robotics projects na SYLAX, isang mobility-assistance device para sa mga batang may cerebral palsy; TUKLAS, isang teknolohiyang tumutulong sa pagtukoy at pagdodokumento ng mga archaeological site at cultural artifacts; at FRANCIS, isang AI-powered companion robot na tumutulong sa pangangalaga, pagmomonitor ng kaligtasan, at pagtugon sa mga emergency situation sa tahanan. Ipinakita ng mga proyektong ito kung paano magagamit ang robotics at artificial intelligence upang makalikha ng mga makabago at praktikal na solusyon sa mga hamon ng lipunan.

Pinuri rin ng Pangulo ang dedikasyon at pagkamalikhain ng mga kabataang innovator, gayundin ang patuloy na suporta ng FELTA Multi-Media, Inc. sa paghubog ng susunod na henerasyon ng mga Filipino scientist, engineer, at technology leaders na mag-aambag sa pag-unlad ng bansa.