BFAR SAAD MIMAROPA

𝐁𝐚𝐧𝐠𝐮𝐬 𝐟𝐢𝐧𝐠𝐞𝐫𝐥𝐢𝐧𝐠𝐬 𝐈𝐩𝐢𝐧𝐚𝐠𝐤𝐚𝐥𝐨𝐨𝐛 𝐬𝐚 𝐍𝐘𝐌𝐓𝐓𝐁𝐏 𝐬𝐚 𝐋𝐢𝐧𝐚𝐩𝐚𝐜𝐚𝐧, 𝐏𝐚𝐥𝐚𝐰𝐚𝐧

Patuloy na pinalalakas ng Bureau of Fisheries and Aquatic Resources – Special Area for Agricultural Development (BFAR-SAAD) Program ang kabuhayan ng mga pamayanang mangingisda sa pamamagitan ng pagkakaloob ng mga interbensyong pangkabuhayan at teknikal na suporta sa mga samahan sa Palawan.

Noong Mayo 28, 2026, muling pinagkalooban ng 2,620 piraso ng bangus fingerlings ang Nurutan y ang Manegbila na Tagbanua ‘tong Barangay Pical (NYMTTBP) sa bayan ng Linapacan, Palawan para sa kanilang bagong gawang fish cage. Isinagawa ito sa pakikipag-ugnayan ng Inland Sea Ranching Station (ISRS) Palawan bilang bahagi ng patuloy na pagsuporta sa produksyon ng bangus sa komunidad.

Bago ang nasabing dagdag na fingerlings, una nang nakatanggap ang samahan ng 1,650 piraso ng bangus fingerlings noong Pebrero 18, 2026. Kasabay nito ay nagsagawa rin ng pagsasanay ukol sa best management practices para sa grow-out culture ng bangus sa fish cage upang mabigyan ang mga miyembro ng sapat na kaalaman sa wastong pagpapalaki at pangangalaga ng bangus.

Ayon kay G. Billie P. Subang Jr., OIC-Chief ng BFAR-ISRS at Regional Focal Person ng National Bangus Development Program (NBDP), layunin ng kanilang tanggapan na matulungan ang mga samahan sa pamamagitan ng pagbibigay ng fingerlings at teknikal na gabay upang matiyak ang maayos at mas mataas na produksyon ng bangus.

Sa pamamagitan ng proyekto, inaasahang magkakaroon ng dagdag na mapagkukunan ng kita ang samahan habang pinauunlad ang kanilang kakayahan sa aquaculture production.

𝑺𝑨𝑨𝑫, 𝒌𝒂𝒂𝒈𝒂𝒑𝒂𝒚 𝒔𝒂 𝒎𝒂𝒖𝒏𝒍𝒂𝒅 𝒏𝒂 𝒃𝒖𝒉𝒂𝒚.

𝐃𝐚𝐥𝐚𝐰𝐚𝐧𝐠 𝐚𝐬𝐨𝐬𝐚𝐬𝐲𝐨𝐧 𝐧𝐠 𝐦𝐠𝐚 𝐦𝐚𝐧𝐠𝐢𝐧𝐠𝐢𝐬𝐝𝐚 𝐬𝐚 𝐁𝐚𝐧𝐭𝐨𝐧, 𝐑𝐨𝐦𝐛𝐥𝐨𝐧, 𝐬𝐮𝐦𝐚𝐢𝐥𝐚𝐥𝐢𝐦 𝐬𝐚 𝐓𝐞𝐚𝐦 𝐁𝐮𝐢𝐥𝐝𝐢𝐧𝐠 𝐚𝐧𝐝 𝐂𝐚𝐩𝐚𝐜𝐢𝐭𝐲 𝐁𝐮𝐢𝐥𝐝𝐢𝐧𝐠 𝐖𝐨𝐫𝐤𝐬𝐡𝐨𝐩

Upang mas mapatibay ang pamamahala at pagkakaisa ng mga samahan ng mangingisda, matagumpay na isinagawa ang isang Team Building at Capacity Building Workshop noong Mayo 19-20, 2026 sa Banton, Romblon.

Ang dalawang araw na aktibidad ay naglalayong ihanda at palakasin ang kakayahan ng mga benepisyaryo sa ilalim ng Bureau of Fisheries and Aquatic Resources - Special Area for Agricultural Development (BFAR-SAAD) Program upang mas mapahusay ang kanilang sarili at asosasyon.

Aktibong nakiisa sa pagsasanay ang dalawang samahan ng mangingisda na kinabibilangan ng Laging Pangalagaan Upang Lalo Pang Umunlad ang Ating Kalikasan o LAPU-LAPU at Mamayan, Mahalin at Ingatan ang Ating Kalikasan o MAMING. Sa pamamagitan ng mga talakayan, natutunan ng mga miyembro ang kahalagahan ng pagtutulungan, maayos na komunikasyon, at tamang pamumuno sa loob ng kanilang mga asosasyon.

Nagsilbing pangunahing resource speaker sa workshop si G. Vincent H. Gado, MSc. RFP, Associate Professor II mula sa Romblon State University (RSU) - San Agustin Campus. Ibinahagi ni G. Gado ang kanyang kaalaman sa pamamahala ng samahan at kung paano mapapanatili ang pagkakaisa sa gitna ng mga hamon sa pangisngisda.

Naging katuwang din sa paggabay sina Jerome A. Mijares at Rheanea D. Aladad mula sa BFAR-SAAD Romblon, kasama si Ace Michael F. Fetizanan, mula sa Municipal Agriculture Office (MAO).
Malaking hakbang ito upang matiyak na ang mga ipinagkakaloob na proyektong pangkabuhayan o livelihood interventions ay magagamit pangmatagalan. Sa pamamagitan ng matatag na samahan, mas madali nilang mapamamahalaan ang kanilang mga kabuhayan at sama-samang maitataguyod ang adbokasiya para sa kalikasan.

𝑺𝑨𝑨𝑫, 𝒌𝒂𝒂𝒈𝒂𝒑𝒂𝒚 𝒔𝒂 𝒎𝒂𝒖𝒏𝒍𝒂𝒅 𝒏𝒂 𝒃𝒖𝒉𝒂𝒚.

𝐁𝐅𝐀𝐑-𝐒𝐀𝐀𝐃 𝐩𝐢𝐧𝐚𝐥𝐚𝐥𝐚𝐤𝐚𝐬 𝐚𝐧𝐠 𝐤𝐚𝐤𝐚𝐲𝐚𝐡𝐚𝐧𝐠 𝐩𝐚𝐧𝐠𝐧𝐞𝐠𝐨𝐬𝐲𝐨 𝐧𝐠 𝐦𝐠𝐚 𝐬𝐚𝐦𝐚𝐡𝐚𝐧𝐠 𝐦𝐚𝐧𝐠𝐢𝐧𝐠𝐢𝐬𝐝𝐚 𝐬𝐚 𝐁𝐚𝐥𝐚𝐛𝐚𝐜, 𝐏𝐚𝐥𝐚𝐰𝐚𝐧

Patuloy na isinusulong ng Bureau of Fisheries and Aquatic Resources – Special Area for Agricultural Development (BFAR-SAAD) Program ang pagpapalakas ng kakayahan ng mga samahang mangingisda sa Balabac, Palawan sa pamamagitan ng mga pagsasanay sa Marketing Assistance and Enterprise Development (MAED) na isinagawa noongh Mayo 11-16, 2026.

Layunin ng aktibidad na mapalawak ang kaalaman ng mga kalahok sa pamamahala ng kanilang kabuhayan. Sa pangunguna nina Gng. Florfe Anne B. Fernandez at Gng. Karen Grace G. Seville mula sa Palawan Cooperative Development Office (PCDO), unang isinagawa ang Intermediate MAED Trainings sa Pinaglagkawan Seaweeds Farmer Association noong Mayo 11 hanggang 12 sa Sitio Salang, Barangay Pinaglagkawan, Balabac, Palawan.

Samantala, mula Mayo 13 hanggang 16, nagsagawa ng MAED Training para sa mga miyembro ng Southern Palawan Fishermen Cooperative (SPFC) sa Sebaring, Balabac, Palawan. Kabilang sa mga pangunahing paksang tinalakay ang Basic Business Recording, Understanding Financial Statements, Bookkeeping and Basic Accounting for Non-Accountant, Entrepreneurial Mind Setting and Values Formation, Basic Pricing and Costing, at Packaging and Labeling of Food Products.

Bukod sa basic MAED trainings, isinagawa rin ang intermediate MAED sessions na tumalakay sa Effective Selling and Negotiation Skills for MSMEs, Problem Solving and Decision Making Techniques, at Business Branding. Layunin nitong mas mapalawak pa ang kakayahan ng mga kalahok sa pakikipagtransaksyon, pagharap sa hamon sa negosyo, at pagbuo ng matatag na pagkakakilanlan ng kanilang produkto.

Sa pamamagitan ng mga pagsasanay na ito, inaasahang mas magiging handa ang mga samahang mangingisda sa Balabac sa pagpapalago ng kanilang kabuhayan at pagbuo ng mas matatag na mga produktong maaaring maipakilala sa mas malawak na merkado.

𝑺𝑨𝑨𝑫, 𝒌𝒂𝒂𝒈𝒂𝒑𝒂𝒚 𝒔𝒂 𝒎𝒂𝒖𝒏𝒍𝒂𝒅 𝒏𝒂 𝒃𝒖𝒉𝒂𝒚.

𝐌𝐠𝐚 𝐤𝐚𝐠𝐚𝐦𝐢𝐭𝐚𝐧𝐠 𝐩𝐚𝐧𝐠𝐤𝐚𝐛𝐮𝐡𝐚𝐲𝐚𝐧, 𝐢𝐩𝐢𝐧𝐚𝐠𝐤𝐚𝐥𝐨𝐨𝐛 𝐬𝐚 𝐍𝐒𝐌𝐍𝐋𝐘𝐃𝐄𝐂𝐀𝐁 𝐬𝐚 𝐋𝐢𝐧𝐚𝐩𝐚𝐜𝐚𝐧, 𝐏𝐚𝐥𝐚𝐰𝐚𝐧

Pormal na ipinagkaloob sa mga miyembro ng Nagkakaisang Samahan ng mga Mangingisdang Nagmamalasakit sa Likas Yaman ng Brgy. Decabaitot (NSMNLYDECAB) sa Linapacan, Palawan ang mga kagamitang pangkabuhayan na inaasahang makatutulong sa pagpapalakas ng kanilang kabuhayan.

Kabilang sa mga ipinamahaging kagamitan ang isang unit ng 14 cu. ft. HD inverter chest freezer, isang unit ng 48V/3KW solar unit, at sampung piraso ng fish container na may 40-kilogram capacity.

Layunin ng nasabing interbensyon na matulungan ang samahan sa mas maayos na pag-iimbak at pagpreserba ng kanilang mga huling isda, lalo na sa mga panahong kinakailangang mapanatili ang kalidad ng produkto bago ito maibenta sa merkado.

Dumalo sa aktibidad ang mga opisyal at miyembro ng NSMNLYDECAB gayundin ang mga kinatawan ng Barangay Local Government Unit (BLGU) ng Decabaitot bilang suporta sa patuloy na pagpapaunlad ng kabuhayan ng mga mangingisda sa kanilang lugar.

𝑺𝑨𝑨𝑫, 𝒌𝒂𝒂𝒈𝒂𝒑𝒂𝒚 𝒔𝒂 𝒎𝒂𝒖𝒏𝒍𝒂𝒅 𝒏𝒂 𝒃𝒖𝒉𝒂𝒚.

𝐌𝐚𝐬𝐢𝐤𝐚𝐩 𝐅𝐀 𝐬𝐚 𝐁𝐚𝐥𝐚𝐛𝐚𝐜, 𝐏𝐚𝐥𝐚𝐰𝐚𝐧 𝐒𝐮𝐦𝐚𝐢𝐥𝐚𝐥𝐢𝐦 𝐬𝐚 𝐀𝐝𝐯𝐨𝐜𝐚𝐜𝐲, 𝐋𝐢𝐧𝐤𝐚𝐠𝐢𝐧𝐠, 𝐚𝐧𝐝 𝐍𝐞𝐭𝐰𝐨𝐫𝐤𝐢𝐧𝐠 𝐓𝐫𝐚𝐢𝐧𝐢𝐧𝐠

Sumailalim sa Advocacy, Linkaging, and Networking Training ang 20 miyembro ng Masikap Fisherfolk Association (FA) sa Balabac, Palawan noong Mayo 5-6, 2026 bilang bahagi ng patuloy na pagpapalakas ng kakayahan ng samahan.

Nagsilbing tagapagsanay si Bb. Neyza Joy Villanueva kung saan tinalakay niya ang mahahalagang konsepto at estratehiya sa epektibong pakikipag-ugnayan sa mga ahensya ng pamahalaan, pribadong institusyon, at mga pamilihan. Binigyang-diin din sa pagsasanay ang kahalagahan ng maayos na pagpapahayag ng mga pangangailangan at suliranin ng samahan upang makakuha ng suporta mula sa iba’t ibang katuwang na institusyon.

Tinalakay rin ang pagbuo ng makabuluhang ugnayan at kolaborasyon na makatutulong sa pagpapaunlad ng samahan at pagpapatuloy ng kanilang mga kabuhayan. Sa pamamagitan ng pagsasanay, inaasahang mas magiging handa ang mga miyembro sa paghahanap ng mga oportunidad at suportang makapagpapalakas sa kanilang organisasyon.

𝑺𝑨𝑨𝑫, 𝒌𝒂𝒂𝒈𝒂𝒑𝒂𝒚 𝒔𝒂 𝒎𝒂𝒖𝒏𝒍𝒂𝒅 𝒏𝒂 𝒃𝒖𝒉𝒂𝒚.

𝐍𝐞𝐰𝐬 𝐑𝐞𝐥𝐞𝐚𝐬𝐞 | Team Building at Capacity Building Workshop, Isinagawa ng BFAR-SAAD para sa 12 Samahan sa Cagayancillo, Palawan

Upang higit pang mapatatag ang samahan at kakayahan ng mga benepisyaryo, nagsagawa ang Bureau of Fisheries and Aquatic Resources – Special Area for Agricultural Development (BFAR-SAAD) Program MIMAROPA ng dalawang araw na team building at capacity building workshop para sa labindalawang (12) samahan ng mangingisda SA Cagayancillo, Palawan noong Abril 25–26, 2026.

Ang aktibidad ay nakapaloob sa social preparation component ng programa na naglalayong patatagin ang mga asosasyon kasabay ng pagpapatupad ng mga proyektong pangkabuhayan. Bago nito, sumailalim na ang mga samahan sa iba’t ibang pagsasanay kabilang ang financial literacy, organizational and leadership development, at advocacy, linkaging, at networking.

Full story: Link to follow

𝑺𝑨𝑨𝑫, 𝒌𝒂𝒂𝒈𝒂𝒑𝒂𝒚 𝒔𝒂 𝒎𝒂𝒖𝒏𝒍𝒂𝒅 𝒏𝒂 𝒃𝒖𝒉𝒂𝒚.

𝐍𝐞𝐰𝐬 𝐑𝐞𝐥𝐞𝐚𝐬𝐞 | 12 Samahan sa Cagayancillo, Palawan, sinanay sa Marketing at Pagpapaunlad ng Negosyo

Upang palakasin ang kakayahan ng mga mangingisda sa Cagayancillo, Palawan sa pagnenegosyo, isinagawa ng Bureau of Fisheries and Aquatic Resources – Special Area for Agricultural Development (BFAR-SAAD) Program ang Marketing Assistance and Enterprise Development (MAED) training para sa labindalawang (12) samahan ng mangingisda sa Cagayancillo, Palawan noong Abril 19-24, 2026.

Layunin ng pagsasanay na matulungan ang mga samahan na hindi lamang umasa sa pangingisda, kundi makapagproseso at makapagbenta ng kanilang produkto upang magkaroon ng dagdag at tuloy-tuloy na kita.

Sa pakikipagtulungan sa Palawan Cooperative Development Office (PCDO), pinangunahan nina Gng. Florfe Anne B. Fernandez at Gng. Karen Grace G. Seville ang serye ng pagsasanay na tumalakay sa mga pangunahing kaalaman sa pagnenegosyo tulad ng Basic Business Recording, Bookkeeping, Understanding Financial Statements, Basic Pricing and Costing, Entrepreneurial Mind Setting and Values Formation, at Packaging and Labeling ng mga produkto.

Full story: http://mimaropa.bfar.da.gov.ph/2026/05/07/12-samahan-sa-cagayancillo-palawan-sinanay-sa-marketing-at-pagpapaunlad-ng-negosyo/

𝑺𝑨𝑨𝑫, 𝒌𝒂𝒂𝒈𝒂𝒑𝒂𝒚 𝒔𝒂 𝒎𝒂𝒖𝒏𝒍𝒂𝒅 𝒏𝒂 𝒃𝒖𝒉𝒂𝒚.

𝐍𝐞𝐰𝐬 𝐑𝐞𝐥𝐞𝐚𝐬𝐞 | BFAR-SAAD, Nagsagawa ng Monitoring at Evaluation sa Cagayancillo, Palawan; Seaweed Warehouse, Pormal na Ini-turnover sa Dalawang Asosasyon

Bilang bahagi ng patuloy na pagsusuri ang mga asosasyon at kabuhayang ipinagkaloob, nagsagawa ang Bureau of Fisheries and Aquatic Resources – Special Area for Agricultural Development (BFAR-SAAD) Program MIMAROPA ng Monitoring at Evaluation (M&E) sa mga mangingisdang asosasyon sa bayan ng Cagayancillo, Palawan noong Abril 13–17, 2026.

Pinangunahan ng National Program Management Support Office (NPMSO), katuwang ang Regional at Provincial Program Management Support Offices (RPMSO at PPMSO), ang isinagawang field validation na layuning matukoy ang kalagayan ng mga ipinagkaloob na interbensyon, gayundin ang antas ng pag-unlad ng organisasyon ng mga benepisyaryo matapos maisagawa ang mga isinagawang capability building activities.

Full story: https://mimaropa.bfar.da.gov.ph/2026/05/06/bfar-saad-nagsagawa-ng-monitoring-at-evaluation-sa-cagayancillo-palawan-seaweed-warehouse-pormal-na-ini-turnover-sa-dalawang-asosasyon/