Provincial Information Office - Oriental Mindoro

📣𝗧𝗔𝗡𝗗𝗔𝗔𝗡:

📌Ika-30 𝐧𝐠 𝐇𝐮𝐧𝐲𝐨 2026 ang 𝐃𝐄𝐀𝐃𝐋𝐈𝐍𝐄 ng 𝗧𝗔𝗫 𝗔𝗠𝗡𝗘𝗦𝗧𝗬 ng Pamahalaang Panlalawigan para sa pagbabayad ng Real Property Tax nang walang penalties, surcharges o interes.

Alamin ang mga patakaran sa paggamit ng mga sasakyan ng pamahalaan.

🚦 Ang tiwala ng publiko ay nabubuo sa pamamagitan ng responsableng paggamit ng mga yaman at pag-aari ng lalawigan.Ang Provincial Government of Oriental Mindoro ay nakatuon sa transparency at pananagutan sa paggamit ng mga sasakyan ng gobyerno.
Bilang bahagi ng "Gabay sa Tamang Paggamit ng Sasakyan ng Pamahalaan", ipinapaalala ng Provincial General Services Office sa lahat ng kawani at sa publiko ang mga mahigpit na alituntunin tungkol sa mga sasakyang may "Red Plate":

MGA GABAY SA PAGGAMIT NG SASAKYAN NG PAMAHALAAN
1. Para sa Opisyal na Gamit Lamang
Ang sasakyan ng pamahalaan ay dapat gamitin lamang para sa mga gawain at transaksyong may kaugnayan sa opisyal na tungkulin.
2. May Awtorisasyon Bago Gamitin
Kinakailangang may pahintulot mula sa kinauukulang opisyal bago gamitin ang sasakyan. Ipinaiiral ang “No Trip Ticket, No Travel” policy.
3. Tamang Driver Lamang ang Pahihintulutan
Tanging mga awtorisadong driver ang maaaring magmaneho ng sasakyan.
4. Iwasan ang Personal na Paggamit
Mahigpit na ipinagbabawal ang paggamit ng sasakyan para sa personal na lakad o pribadong interes.
5. Sundin ang Itinakdang Ruta at Oras
Ang paggamit ng sasakyan ay dapat naaayon sa itinakdang ruta at iskedyul. Ang paggamit nang lagpas sa working hours o tuwing Sabado at Linggo ang mangangailan ng sapat na awtorisasyon.
Opisyal na Layunin ng Paggamit ng Sasakyan ng Pamahalaan
Ang sasakyan ng pamahalaan ay ginagamit lamang para sa mga gawaing may kaugnayan sa tungkulin ng opisina at sa paghahatid ng serbisyong pampubliko. Kabilang dito ang:
1. Pagganap ng Opisyal na Tungkulin
Para sa pagpunta sa mga meeting, inspeksyon, fieldwork, at iba pang gawain na bahagi ng trabaho.
2. Paghahatid ng Serbisyo sa Mamamayan
Pagsuporta sa mga programa at proyekto ng pamahalaan tulad ng outreach, relief operations, at community services.
3. Transportasyon ng mga Opisyal at Empleyado
Para sa pagdalo sa mga opisyal na lakad gaya ng seminars, trainings, at conferences.
4. Pagdadala ng Kagamitan at Dokumento
Para sa ligtas at maayos na paglipat ng mga kagamitan, supplies, at mahahalagang papeles ng opisina.
5. Pagtugon sa Emergency
Para sa mabilis na aksyon sa panahon ng sakuna, kalamidad, o iba pang urgent na sitwasyon.

Ang mga sasakyan ng pamahalaan ay pag-aari ng mamamayan. Tiyakin nating ang mga ito ay ginagamit lamang para pagsilbihan ang komunidad.

WHO SHOT FIRST?

Malacañang releases additional details on the shooting incident at the Senate.

Meanwhile, the location of Sen. Bato Dela Rosa has yet to be confirmed.

TINGNAN: Pinakamataas na heat index ngayong ika-14 ng Mayo, umabot sa 42 degree Celcius na nasa kategoryang 𝗗𝗔𝗡𝗚𝗘𝗥.

Ang ganito katinding init ay lubhang mapanganib sa ating kalusugan kung kaya't siguruhing laging hydrated.

TINGNAN: Umabot na sa 𝗗𝗔𝗡𝗚𝗘𝗥 𝗟𝗘𝗩𝗘𝗟 (42 degree Celcius) ang heat index na naitala sa lalawigan ng Oriental Mindoro ngayong ika-14 ng Mayo as of 2:00 pm.

Siguruhing ligtas ang sarili at pamilya sa sobrang init ng panahon. Ugaliing uminom ng sapat na dami ng tubig upang manatiling hydrated.

Source: Pagasa Southern Luzon

𝗠𝗮𝗮𝘆𝗼𝘀 𝗮𝘁 𝗲𝗽𝗲𝗸𝘁𝗶𝗯𝗼𝗻𝗴 𝗽𝗮𝗺𝗮𝗺𝗮𝗵𝗮𝗹𝗮 𝗻𝗴 𝗺𝗴𝗮 𝗺𝗶𝗰𝗿𝗼 𝗰𝗼𝗼𝗽𝗲𝗿𝗮𝘁𝗶𝘃𝗲 𝘀𝗮 𝗹𝗮𝗹𝗮𝘄𝗶𝗴𝗮𝗻, 𝗜𝘀𝗶𝗻𝘂𝘀𝘂𝗹𝗼𝗻𝗴 𝗻𝗴 𝗣𝗖𝗗𝗢

14 Mayo 2026, Lungsod ng Calapan - Isinusulong ng Provincial Cooperative Development Office (PCDO) ang maayos at epektibong pamamahala ng mga micro cooperative sa lalawigan sa pamamagitan ng isinasagawang dalawang (2) araw na mandatory training sa Kapitolyo.

Ito ay bilang pagtalima ng Pamahalaang Panlalawigan sa Memorandum Circular No. 2015-09 ng Cooperative Development Authority (CDA) na layong higit pang palawakin ang kaalaman at kakayahan ng mga opisyal at myembro ng mga kooperatiba sa usaping pamamahala at paggamit ng shared capital sa pamamagitan ng pagsasanay.

Sa ikalawa at huling araw ng pagsasanay, nakatuon ang talakayan sa paksang Cooperative Governance and Management of Micro Cooperatives na pinangunahan ni PCDO Supervising Cooperative Development Specialist Cristian B. De Ade.

Alinsunod sa direktiba ni Gobernador Humerlito "Bonz" A. Dolor na higit pang palakasin ang mga kooperatiba sa lalawigan, pursigido ang PCDO sa pangunguna ni PCD Officer Orlando B. Tizon na umasiste sa mga ito.

Samantala, nakasaad sa Philippine Cooperative Code of 2008 na mahalaga ang pagsasagawa ng ganitong mga pagsasanay upang mabigyan ng sapat na edukasyon at kasanayan ang bawat kasapi at opisyal ng mga kooperatiba tungo sa pangmatagalang pag-unlad ng kani-kanilang samahan.