BFAR Mimaropa

𝐃𝐢𝐟𝐟𝐞𝐫𝐞𝐧𝐭 𝐠𝐞𝐧𝐞𝐫𝐚𝐭𝐢𝐨𝐧𝐬, 𝐬𝐚𝐦𝐞 𝐡𝐞𝐚𝐫𝐭 𝐟𝐨𝐫 𝐅𝐢𝐥𝐢𝐩𝐢𝐧𝐨 𝐟𝐢𝐬𝐡𝐞𝐫𝐟𝐨𝐥𝐤.

Mangingisdang Direktor Program = Filipino fisherfolk and the BFAR in a mutual cooperation towards a progressive, inclusive, and sustainable fisheries sector. 🐟✨

237 𝐌𝐚𝐧𝐠𝐢𝐧𝐠𝐢𝐬𝐝𝐚 𝐬𝐚 𝐂𝐚𝐥𝐢𝐧𝐭𝐚𝐚𝐧, 𝐌𝐚𝐤𝐢𝐤𝐢𝐧𝐚𝐛𝐚𝐧𝐠 𝐬𝐚 𝐏𝐀𝐅𝐅𝐏 𝐧𝐠 𝐏𝐚𝐦𝐚𝐡𝐚𝐥𝐚𝐚𝐧

CALINTAAN, Occidental Mindoro — Kasalukuyang isinasagawa ngayong Mayo 7 ang distribusyon ng tulong sa ilalim ng Presidential Assistance for Farmers and Fisherfolks Program (PAFFP) sa bayan ng Calintaan bilang bahagi ng mas malawak na ₱10-bilyong ayuda ng pamahalaan para sa sektor ng agrikultura at pangisdaan.

Sa ilalim ng programa, aabot sa 237 mangingisda mula sa bayan ang inaasahang makatatanggap ng tulong na layuning maibsan ang epekto ng iba’t ibang hamon na kinahaharap ng sektor ng pangisdaan at mapalakas ang kanilang kabuhayan.

Pinangunahan ang aktibidad nina Municipal Mayor Atty. Eric C. Labrador at Municipal Agriculturist Ronie B. Pasion, MAgr, katuwang ang mga kinatawan mula sa Provincial Fisheries Office na sina Niko S. Ausan at Jerome M. Mayorga sa pamumuno ni Provincial Fishery Officer Edgardo S. Payas.

Ipinakita ng naturang programa ang matibay na ugnayan at koordinasyon sa pagitan ng lokal at probinsyal na pamahalaan upang matiyak na makarating ang agarang suporta sa mga benepisyaryo. Layunin din nitong maglatag ng pangmatagalang hakbang tungo sa pagpapalakas ng kabuhayan at pagpapaunlad ng sektor ng agrikultura at pangisdaan sa lalawigan.

Photos from PFO-Occidental Mindoro

#

𝐏𝐀𝐌𝐀𝐌𝐀𝐇𝐀𝐆𝐈 𝐍𝐆 𝐓𝐔𝐋𝐎𝐍𝐆 𝐒𝐀 𝐏𝐄𝐓𝐑𝐎𝐋𝐘𝐎 𝐈𝐒𝐈𝐍𝐀𝐆𝐀𝐖𝐀 𝐒𝐀 𝐌𝐆𝐀 𝐁𝐀𝐘𝐀𝐍 𝐍𝐆 𝐋𝐎𝐎𝐂 𝐀𝐓 𝐋𝐔𝐁𝐀𝐍𝐆, 𝐎𝐂𝐂𝐈𝐃𝐄𝐍𝐓𝐀𝐋 𝐌𝐈𝐍𝐃𝐎𝐑𝐎

Bilang bahagi ng patuloy na suporta ng ahensya sa mga mangingisda sa pamamagitan ng Fuel Assistance to Fisherfolk Program, ipinamahagi ng BFAR MIMAROPA ang nasa dalawang daan at dalawampu’t anim (226) na cards sa mga sa lalawigan ng Occidental Mindoro kabilang na ang siyamnapu (90) sa bayan ng Looc at Lubang. Pinaiigting ng prosesong ito ang moderno at episyenteng pagbibigay-serbisyo sa pamamagitan ng Virtual Know Your Client (KYC) processing, kung saan isinagawa ang virtual na panayam sa mga benepisyaryo at pag-imprenta ng mga card sa tulong ng Business Solutions Partner na United Storefront Services Corporation.

Tinanggap ang mga naturang fuel card sa ngalan ng Pamahalaang Bayan ng Looc na sina Bb. Lyka Ellaine Dela Torre, Officer-in-Charge ng Pambayang Tanggapang Pang- Agrikultura ng Looc, Occidental Mindoro, at ni G. Mark Lancelot Mendoza, Fisheries Extension Officer ng Lubang, Occidental Mindoro. Isinagawa ang turnover kaalinsabay ng pamamahagi ng Presidential Assistance to Farmers and Fisherfolk Program noong Abril 29–30, 2026.

Ang bawat fuel card ay may halagang Php 3,000.00 at maaaring gamitin sa mga akreditadong istasyon ng gasolina. Ang Fuel Assistance to Fisherfolk Program ay isang patuloy na programa ng DA-BFAR na naglalayong tulungan ang mga mangingisda na maipagpatuloy ang kanilang pangingisda sa kabila ng tumataas na presyo ng krudo.

Photos by LGU Lubang, LGU Looc
Article by Mr. Emmanuel Perez, Planning Unit

𝐀𝐋𝐀𝐌𝐈𝐍 𝐀𝐓 𝐔𝐍𝐀𝐖𝐀𝐈𝐍!

Nais mo bang mag-alaga ng Australian Red claw Crayfish? 🦞

Simulan ang tamang kaalaman at alamin ang mga gabay ng Bureau of Fisheries and Aquatic Resources (BFAR) para sa responsable at maayos na pag-aalaga ng Australian Red claw Crayfish.

Narito ang mahahalagang impormasyon tungkol sa BFAR Administrative Circular No. 001, series of 2025.

Shared from BFAR Philippines :

𝐀𝐥𝐚𝐦𝐢𝐧 𝐚𝐧𝐠 𝐏𝐫𝐞𝐬𝐢𝐝𝐞𝐧𝐭𝐢𝐚𝐥 𝐀𝐬𝐬𝐢𝐬𝐭𝐚𝐧𝐜𝐞 𝐟𝐨𝐫 𝐅𝐚𝐫𝐦𝐞𝐫𝐬 𝐚𝐧𝐝 𝐅𝐢𝐬𝐡𝐞𝐫𝐟𝐨𝐥𝐤 𝐏𝐫𝐨𝐠𝐫𝐚𝐦 (𝐏𝐀𝐅𝐅𝐏)!

Narito ang mahahalagang impormasyon tungkol sa programang naglalaan ng agarang tulong pinansyal para sa ating mga magsasaka at mangingisda.

Sa ilalim ng PAFFP, maaaring makatanggap ng ₱2,325 na cash assistance ang mga benepisyaryo upang makatulong sa pang-araw-araw na pangangailangan at mapanatili ang kanilang kabuhayan. Layunin nitong maibsan ang epekto ng mga hamon tulad ng pagtaas ng presyo ng langis dulot ng tensyon sa Middle East at iba pang suliraning kinahaharap ng sektor ng agrikultura at pangisdaan.

Basahin ang buong infographic para sa kumpletong detalye.

𝐀𝐥𝐚𝐦𝐢𝐧 𝐚𝐧𝐠 𝐏𝐫𝐞𝐬𝐢𝐝𝐞𝐧𝐭𝐢𝐚𝐥 𝐀𝐬𝐬𝐢𝐬𝐭𝐚𝐧𝐜𝐞 𝐟𝐨𝐫 𝐅𝐚𝐫𝐦𝐞𝐫𝐬 𝐚𝐧𝐝 𝐅𝐢𝐬𝐡𝐞𝐫𝐟𝐨𝐥𝐤 𝐏𝐫𝐨𝐠𝐫𝐚𝐦 (𝐏𝐀𝐅𝐅𝐏)!

Narito ang mahahalagang impormasyon tungkol sa programang naglalaan ng agarang tulong pinansyal para sa ating mga magsasaka at mangingisda.

Sa ilalim ng PAFFP, maaaring makatanggap ng ₱2,325 na cash assistance ang mga benepisyaryo upang makatulong sa pang-araw-araw na pangangailangan at mapanatili ang kanilang kabuhayan. Layunin nitong maibsan ang epekto ng mga hamon tulad ng pagtaas ng presyo ng langis dulot ng tensyon sa Middle East at iba pang suliraning kinahaharap ng sektor ng agrikultura at pangisdaan.

Basahin ang buong infographic para sa kumpletong detalye.

𝐏𝐢𝐧𝐚𝐥𝐚𝐤𝐚𝐬 𝐧𝐚 𝐒𝐮𝐩𝐨𝐫𝐭𝐚 𝐬𝐚 𝐒𝐞𝐚𝐰𝐞𝐞𝐝 𝐈𝐧𝐝𝐮𝐬𝐭𝐫𝐲: 𝐊𝐨𝐨𝐫𝐝𝐢𝐧𝐚𝐬𝐲𝐨𝐧 𝐬𝐚 𝐋𝐆𝐔-𝐀𝐠𝐮𝐭𝐚𝐲𝐚 𝐚𝐭 𝐦𝐠𝐚 𝐁𝐞𝐧𝐞𝐩𝐢𝐬𝐲𝐚𝐫𝐲𝐨 𝐧𝐠 𝐒𝐞𝐚𝐰𝐞𝐞𝐝 𝐃𝐫𝐲𝐞𝐫, 𝐈𝐬𝐢𝐧𝐚𝐠𝐚𝐰𝐚

AGUTAYA, Palawan — Mas pinaigting ang pagsuporta sa industriya ng seaweed sa bayan ng Agutaya matapos magsagawa ng masinsinang koordinasyon ang Enhanced Seaweed Philippines Seaweed Development Program kasama ang Lokal na Pamahalaan ng Agutaya (LGU) at samahan ng mga benepisyaryo ng seaweed dryer mula Abril 20 hanggang 24, 2026.

Sa isinagawang serye ng pulong, tuwirang tinukoy ang mga kritikal na isyu at teknikal na pangangailangan sa paggamit at pamamahala ng seaweed dryer—isang mahalagang pasilidad na inaasahang magpapataas ng kalidad at halaga ng produksyon ng seaweed sa lugar. Kabilang sa mga napagtuunan ng pansin ang mga hamon sa operasyon, maintenance, at optimal na paggamit ng kagamitan upang mas mapakinabangan ito ng mga lokal na seaweed farmer.

Bukod dito, pinagtibay ang ugnayan at koordinasyon sa pagitan ng LGU at ng samahan ng mga benepisyaryo bilang susi sa pagpapatuloy at tagumpay ng proyekto. Binigyang-diin na ang aktibong partisipasyon ng lokal na pamahalaan at komunidad ay mahalaga upang matiyak ang pangmatagalang benepisyo ng programa.

Ayon sa mga kalahok, ang naturang hakbang ay hindi lamang nakatuon sa agarang solusyon sa mga umiiral na suliranin, kundi pati na rin sa pagbuo ng matibay na pundasyon para sa mas progresibong seaweed industry sa Agutaya.

Ang inisyatibong ito ay bahagi ng mas malawak na layunin ng programa na palakasin ang kabuhayan ng mga mangingisda at seaweed farmer sa pamamagitan ng modernong teknolohiya, epektibong pamamahala, at tuloy-tuloy na suporta mula sa pamahalaan.

Shared from BFAR FishCore Project - FMA 6:

𝗜𝗻𝗳𝗼𝗿𝗺𝗮𝘁𝗶𝗼𝗻 𝗢𝗳𝗳𝗶𝗰𝗲𝗿𝘀 𝗼𝗳 𝗙𝗠𝗔 𝟲 𝘁𝗿𝗮𝗶𝗻𝗲𝗱 𝘁𝗼 𝗳𝘂𝗿𝘁𝗵𝗲𝗿 𝗱𝗲𝘃𝗲𝗹𝗼𝗽 𝘁𝗵𝗲𝗶𝗿 𝘄𝗿𝗶𝘁𝗶𝗻𝗴 𝗮𝗻𝗱 𝗲𝗱𝗶𝘁𝗶𝗻𝗴 𝘀𝗸𝗶𝗹𝗹𝘀

The Regional Project Implementing Unit (RPIU) of the Fisheries and Coastal Resiliency Project (FishCoRe) under the Fisheries Management Area (FMA) 6, in its desire to enhance the communication and writing capabilities of the personnel involved in the processing of information related to the FishCoRe Project organized and conducted a training titled “FishCoRe Communications Workshop: Multimedia Communications and Digital Campaign Development for FMA 6” in Clark, Pampanga.

𝟏𝟕 𝐁𝐒𝐈𝐓 𝐈𝐧𝐭𝐞𝐫𝐧𝐬 𝐧𝐠 𝐌𝐢𝐧𝐒𝐔-𝐂𝐚𝐥𝐚𝐩𝐚𝐧, 𝐏𝐢𝐧𝐚𝐫𝐚𝐧𝐠𝐚𝐥𝐚𝐧 𝐧𝐠 𝐁𝐅𝐀𝐑 𝐬𝐚 𝐏𝐚𝐠𝐭𝐚𝐭𝐚𝐩𝐨𝐬 𝐧𝐠 𝟒𝟖𝟔-𝐎𝐫𝐚𝐬 𝐧𝐚 𝐎𝐉𝐓; 𝐈𝐓 𝐊𝐚𝐬𝐚𝐧𝐚𝐲𝐚𝐧 𝐈𝐭𝐢𝐧𝐮𝐭𝐮𝐥𝐚𝐤 𝐬𝐚 𝐌𝐨𝐝𝐞𝐫𝐧𝐢𝐬𝐚𝐬𝐲𝐨𝐧 𝐧𝐠 𝐏𝐚𝐧𝐠𝐢𝐬𝐝𝐚𝐚𝐧

CALAPAN CITY, Oriental Mindoro — Pormal na kinilala ng Bureau of Fisheries and Aquatic Resources (BFAR) ang 17 mag-aaral ng Bachelor of Science in Information Technology (BSIT) mula sa Mindoro State University sa isinagawang completion rites ng kanilang On-the-Job Training (OJT) ngayong Mayo 5 sa BFAR Conference Room.

Nagtapos ang mga intern matapos makumpleto ang 486 oras na pagsasanay kung saan sila ay naitalaga sa iba’t ibang yunit ng ahensya. Personal na pinangunahan ni Roberto R. Abrera, Officer-in-Charge Regional Director, ang pagkilala sa kanilang ambag at pakikipagpulong sa mga mag-aaral. Dumalo rin ang kanilang academic adviser na si Sarah Jane M. Festijo.

Sa kanyang mensahe, iginiit ni RD Abrera ang mahalagang papel ng information technology sa modernisasyon ng sektor ng pangingisda. Binigyang-diin niya na ang paggamit ng mga digital tools, research-based systems, at mobile applications ay susi sa mas episyenteng pamamahala ng datos, pagpapalawak ng turismo, at pagpapaunlad ng agrikultura at pangisdaan. Hinikayat din niya ang mga intern na gamitin ang kanilang kakayahan sa teknolohiya upang makabuo ng mga makabagong solusyon na makatutulong sa mga komunidad, lalo na sa sektor ng pangingisda.

Tampok din sa programa ang presentasyon ng mga naging output ng mga intern, kabilang ang mga system development initiative at dokumentasyon ng kanilang mga naging gawain sa loob ng BFAR.

Nagtapos ang aktibidad sa paggawad ng mga sertipiko at tokens of appreciation bilang pagkilala sa dedikasyon ng mga mag-aaral at sa patnubay ng mga kawani ng BFAR sa kanilang pagsasanay.

Photos by Ms. Ellie Rose T. Almeda and Mr. Mico Suarez