https://www.facebook.com/106024074539624/

MAO-Calinog, Calinog (2026)

30/09/2026

𝐌𝐀𝐎 𝐔𝐏𝐃𝐀𝐓𝐄 | Animal Health Services para sa mga Carabao sa Calinog

Ginpangunahan sang Municipal Agriculture Office (MAO) sang Calinog, sa pagbinuligay sang Philippine Carabao Center (PCC), ang duha ka adlaw nga Animal Health Services sini nga Setyembre 29–30, 2026 sa Brgy. Caratagan kag Badu, Calinog.

May kabug-usan nga 64 ka ulo sang carabao ang nakabenepisyo—47 sa Brgy. Caratagan kag 17 sa Badu. Lakip sa mga serbisyo ang deworming, vitamin supplementation, pregnancy detection, kag artificial insemination (AI).

Ginpangunahan ni Dr. Mertyl Alcazar, Head sang PCC, upod ang mga technician nga sanday Larry Crucero Maderse, Obet Pagurayan, kag Brian Mecenas, kaupod man ang Municipal Livestock Coordinator nga si Jordan Carillo.

Pinaagi sa sini nga pagbinuligay, padayon nga ginapalig-on sang MAO Calinog sa pagpanguna sang aton OIC Municipal Agriculturist nga si Rosalio Gonzales ang animal health kag livestock production para sa mas baskog kag mas produktibo nga mga kasapatan kag livestock raisers sang banwa.

29/08/2026

𝐌𝐀𝐎 𝐔𝐏𝐃𝐀𝐓𝐄 | Farm Visit sang Calinog Coffee Farmers Association sa Di**le, Iloilo

Ginpangunahan sang Calinog Coffee Farmers Association ang isa ka madinalag-on nga Farm Visit sa bantog nga Labares Coffee Plantation sa Brgy. Lingcud, Di**le, Iloilo, bilang kabahin sang ila pagpalapad sang kaalam kag eksperyensya sa coffee farming.

Paagi sa sini nga farm visit, nakabulig ini sa mga mangunguma nga mas mahangpan ang nagkalain-lain nga pamaagi sa pagtanum kag pag-atipan sang kape, lakip na ang mga praktikal nga diskarte sa pagdumala sang coffee plantation nga ginpaambit sang mga tag-iya sang Labares Coffee Plantation. Ang ila eksperyensya kag passion sa coffee farming naghatag sang bag-o nga inspirasyon sa aton mga mangunguma.

Daku gid ang pagpasalamat kay Mr. Bert Labares kag Mrs. Aileen Labares Weese sa ila mainit nga pagbaton kag sa walay sapayan nga pagpaambit sang ila subok na nga kaalam kag eksperyensya sa coffee farming.

Ang aktibidad gin-updan sang 30 ka dedikado nga farmers halin sa nagkalain-lain nga barangay sang Calinog nga may tinutuyo nga magtanum kag magpalapad pa sang industriya sang kape sa aton banwa.

Ginpangunahan kag gin-organisa sang Association President John Ryan Carbolico, kaupod ang suporta nanday Marc Arnold Arquillero kag Linie Lauderes halin sa Municipal Agriculture Office sang Calinog.

Daku man nga pasalamat kanday Kap. Jessica Celeste sang Brgy. Marandig, Aniano Jocson, Jose Leo Jocson, kag Charlie Jose Tamonan sa ila pagpaambit sang mga salakyan kag pagbulig agud makapakigbahin ang aton mga miyembro sa sini nga learning activity.

Pinaagi sa amo sini nga mga pagbisita kag pagpaambitay sang kaalam kag eksperyensya, padayon nga ginapalig-on ang kapasidad sang aton mga lokal nga mangunguma para sa mas produktibo kag mas madinalag-on nga coffee farming sa Calinog.

**leIloilo

28/08/2026

𝐌𝐀𝐎 𝐔𝐏𝐃𝐀𝐓𝐄 | Agro-Ecosystem Analysis (AESA) sa Brgy. Badlan Grande

Ginpangunahan sang Municipal Agriculture Office (MAO) sang Calinog ang pagpatigayon sang Agro-Ecosystem Analysis (AESA) sa Brgy. Badlan Pequeño, Calinog, Iloilo, bilang kabahin sang Tikno Klinik nga aktibidad.

Paagi sa AESA, nakabulig ini sa mga mangunguma nga mas maobserbahan kag mahangpan ang kahimtangan sang ila palayan, lakip na ang pagtubo sang humay, presensya sang mga peste kag mapuslanon nga mga insekto, kondisyon sang uma, kag iban pa nga mga bagay nga makaapekto sa produksyon.

Ang aktibidad ginbuligan sang mga Local Farmer Technicians (LFTs) kag Masagana Rice Coordinator, agud mapabakod ang pagpartisipar sang mga mangunguma kag ang paggamit sang field-based nga obserbasyon sa paghimo sang husto nga desisyon para sa mas produktibo kag mas malahalon nga pagpananom sang humay.

28/08/2026

𝐌𝐀𝐎 𝐔𝐏𝐃𝐀𝐓𝐄 | 𝟐𝟕𝟏 𝐁𝐚𝐠𝐬 𝐨𝐟 𝐇𝐲𝐛𝐫𝐢𝐝 𝐑𝐢𝐜𝐞 𝐒𝐞𝐞𝐝𝐬 𝐑𝐞𝐜𝐞𝐢𝐯𝐞𝐝

Ginbaton sang Municipal Agriculture Office (MAO) sang Calinog ang 271 ka bags sang Hybrid Rice Seeds – Jackpot Variety sa idalom sang MASAGANA Rice Program para sa Dry Season nga allocation.

Ang ini nga mga binhi igahatag sa mga kwalipikado nga rice farmers sang aton banwa agud makabulig sa pagpauswag sang produksyon sang humay, pagdugang sang ani, kag pagpalig-on sang pangabuhi sang aton mga mangunguma.

Ang paghatag kag distribusyon sang hybrid rice seeds kabahin sang padayon nga suporta sang programa sa aton mga mangunguma agud mapataas ang productivity kag mapalig-on ang food security sa aton komunidad.

Nagapasalamat ang MAO Calinog sa Department of Agriculture kag sa tanan nga partner agencies nga nagahatag sang suporta para sa kauswagan sang aton rice farmers.

19/08/2026

𝐌𝐀𝐎 𝐔𝐏𝐃𝐀𝐓𝐄 | Farmer-Level Farm Business School Culminating Activity

Ginpatigayon sang Municipal Agriculture Office (MAO) sang Calinog ang Farmer-Level Farm Business School sa Brgy. Datagan, Calinog, Iloilo, nga nag-umpisa sang Agosto 18 kag magapadayon tubtob Nobyembre 17, 2026.

Ang aktibidad nagtuyo sa pagpauswag sang kahibalo, abilidad, kag pamatasan sang aton mga mangunguma parte sa entrepreneurship, farm business management, kag pagdumala sang ila mangunguma bilang isa ka sustainable kag profitable nga farm enterprise.

Kabahin sa programa ang nagkalain-lain nga learning sessions kag praktikal nga diskusyon nga nagbulig sa mga farmers nga mas maintindihan ang farm planning, production, marketing, financial management, kag pagdesisyon sa farm business.

Ginpatigayon ini paagi sa pagbinuligay sang Municipal Agriculture Office of Calinog kag Agricultural Training Institute–Regional Training Center VI, upod ang aton mga trained Agricultural Extension Workers kag facilitators.

Nagapasalamat ang MAO Calinog sa tanan nga farmers, barangay officials, facilitators, coordinators, kag partner agencies nga nagbulig agud mangin madinalag-on ang ini nga Farmer-Level Farm Business School.

09/08/2026

𝐌𝐀𝐎 𝐔𝐏𝐃𝐀𝐓𝐄 | Masagana 200 Hybrid Rice Orientation and Finalization of Beneficiaries

Ginpatigayon ang Masagana 200 Orientation kag Finalization of Beneficiaries para sa Dry Season 2026, nga nagtuyo sa paghatag sang importanteng impormasyon sa mga rice farmers kag pag-finalize sang mga kwalipikado nga beneficiaries sang programa. Agosto 7, 2026, sa Barangay Banban Pequeño Gymnasium, Calinog, Iloilo.

Kabahin sa gintalakay ang mga programa, guidelines, kag requirements para sa Masagana 200 Hybrid Rice, agud masiguro ang husto nga pagpatuman kag paghatag sang intervention sa mga benepisyaryo nga gin pangunahan ni Ms. Hazelle Pillora, Municipal Rice Coordinator.

Nag-upod sa aktibidad sanday Mr. Rosalio L. Gonzales, OIC Municipal Agriculturist; Ms. Hazelle Pillora, Rice Coordinator; Mr. Bryan Semeniego kag Ms. Cara Loder sang National Irrigation Administration (NIA); kag Mr. John Vy Balasoto sang Leads Agri Corporation.

Ginapasalamatan man ang aton Cluster Coordinators, Barangay Officials, Masagana Coordinators, Janet Latoza, Jonna V Madera, Legelin Tenorio, kag sa kabilogan nga MAO.

09/08/2026

𝐌𝐀𝐎 𝐔𝐏𝐃𝐀𝐓𝐄 | 4-H Club kag RIC Nagpatigayon sang Floral Arrangement Workshop

Ginpatigayon subong, Agosto 9, 2026, sa Brgy. San Nicolas, Calinog, Iloilo ang 4-H Club kag Rural Improvement Club sang Floral Arrangement Workshop, nga nagtuyo sa pagpauswag sang creativity kag practical skills sang mga participants sa paghimo sang floral arrangements.

Ginpangunahan ini ni Ms. Janet Latoza, 4-H Club Coordinator, kag Ms. April Rose Castromayor, RIC Coordinator, upod ang mga participants sang 4-H Club kag RIC.

Nagpaambit man sang iya insight kag eksperyensya si Engr. Baltazar J. Gumana, MAFC Chairman, parte sa floral arrangement kag sa posibilidad sini bilang livelihood opportunity.

Ang aktibidad ginsapportahan sang OIC Municipal Agriculturist Rosalio L. Gonzales, bilang kabahin sang padayon nga pagpalig-on sang skills kag livelihood opportunities sang mga kabataan kag rural organizations sa Calinog.

Padayon ang Municipal Agriculture Office sa pagpatigayon sang mga programa nga nagahatag sang dugang nga kahibalo kag oportunidad sa aton mga komunidad.

13/07/2026

𝐌𝐀𝐎 𝐀𝐍𝐍𝐎𝐔𝐍𝐂𝐄𝐌𝐄𝐍𝐓 | Good Agricultural Practices (GAP) on Banana Production and Management

Ginapahibalo sang Municipal Agriculture Office sang Calinog ang tanan nga interesado nga magtambong sa Good Agricultural Practices (GAP) on Banana Production and Management Training nga pagapatigayunon sa Hulyo 14–15, 2025 sa Younis Orchard, Brgy. Tabucan, Calinog, Iloilo.

Ang ini nga duha ka adlaw nga training magahatag sang teknikal nga kahibalo kag maayo nga mga pamaagi sa produksyon kag pagdumala sang saging agud mapauswag ang kalidad sang ani kag mapataas ang kita sang mga mangunguma.

Ang mga resource persons amo sanday Rene V. Baldevia, Senior Agriculturist, kag Reno P. Palec, Senior Agriculturist/High Value Crops Coordinator.

Ginapangabay ang tanan nga mga participants nga mag-abot sa husto nga oras kag mangin aktibo sa pagtuon.

Padayon nga nagasuporta ang Municipal Agriculture Office sa mga programa nga nagapalig-on sa kahibalo kag kapasidad sang aton mga mangunguma para sa mas mabakod nga agrikultura sa banwa sang Calinog.

03/07/2026

𝐌𝐀𝐎 𝐔𝐏𝐃𝐀𝐓𝐄 | COCOCRAFT Batch 5, Naghatag sang Kaalam sa VCO kag Coconut-Based Soap Making sa mga Coconut Farmers

Ginpatigayon sang Hulyo 1–3, 2026 ang COCOCRAFT: Skills Training on VCO Production and Coconut-Based Soap Making – Batch 5 sa JocsonVille Resort, Brgy. Lampaya, Calinog, Iloilo, nga gin-organisar agud mapalapnag ang kahibalo sang mga coconut farmers sa value-adding kag pagproseso sang mga produkto halin sa niyog.

May 34 ka coconut farmers halin sa lima ka banwa ang nagpartisipar sa tatlo ka adlaw nga training, lakip ang 20 ka participants halin sa Calinog, 10 halin sa Lambunao, duha halin sa Maasin, kag tig-isa halin sa Leganes kag San Rafael.

Sa unang adlaw, ginpaathag ni Ms. Catheryn M. Villorente, Information Officer II sang ATI Region VI, ang kahimtangan kag mga oportunidad sa industriya sang niyog. Ginsundan ini ni Ms. Marybeth M. Melencion, nga nagtudlo sang husto nga proseso sa paghimo sang Virgin Coconut Oil (VCO).

Sa ikaduha nga adlaw, nagpatigayon sang hands-on training sa Coconut-Based Soap Making kag production cost analysis si Ms. Melencion. Naghatag man sang lecture si Mr. Dennis O. Asurquin, DM sang CAPSU–Burias Campus parte sa packaging, product presentation, kag husto nga pagpresyo sang produkto.

Sa katapusan nga adlaw, gintalakay sanday Janine Salanio Torres kag Jeryl Calar Glory, Junior Business Counsellors sang DTI-Iloilo, ang marketing, branding, kag online marketing strategies agud mabuligan ang mga participants nga mapauswag ang ila negosyo kag mapalapnag ang merkado sang ila mga produkto.

Ang ini nga training nangin posible pinaagi sa pondo sang Coconut Farmers and Industry Development Plan (CFIDP) sa idalom sang Philippine Coconut Authority (PCA) Regional Office, bilang kabahin sang padayon nga pagpalig-on sa kapasidad kag pangabuhi sang mga coconut farmers.

Nagapaabot ang Municipal Agriculture Office sang sinsero nga pagpasalamat sa PCA, CFIDP, sa tanan nga resource speakers, kag sa mga participants nga nagpakita sang dedikasyon sa pagtuon. Ginapasalamatan man si Sir Aniano Jocson kag ang bug-os nga pamilya sang JocsonVille Resort sa mainit nga pagbaton kag maayong akomodasyon nga ila ginhatag sa bug-os nga duration sang training.

Padayon nga ginapalig-on sang Municipal Agriculture Office ang mga programa nga nagahatag sang dugang nga kahibalo, teknolohiya, kag oportunidad sa aton mga mangunguma agud mapauswag ang agrikultura kag pangabuhi sa banwa sang Calinog.

19/06/2026

𝐌𝐀𝐎 𝐔𝐏𝐃𝐀𝐓𝐄 | Bag-ong Rotavator, Ginbendisyunan sa Calinog bilang Kabahin sang Pagpasanyog sang Mekanisasyon sa Panguma

Ginpatigayon sang Hunyo 18, 2026 ang bendisyon sang bag-ong rotavator nga ginhatag pinaagi sa suporta sang gobyerno agud mapakusog pa ang mekanisasyon kag produktibidad sa sektor sang agrikultura sa banwa sang Calinog.

Suno sa mga opisyal, ang amo nga kagamitan magabulig sa mga mangunguma sa mas mabaskog kag episyente nga pag-andam sang duta, pagpakunhod sang gasto sa pagtrabaho, kag pagpaayo sang produksyon sang mga pananom. Ginapaabot nga ini nga proyekto magahatag sang dugang nga oportunidad kag paglaum para sa mas mabungahon kag mauswagon nga pagpanguma sa komunidad.

Nagpasalamat man ang Municipal Agriculturist Gelmina Cartel sa padayon nga suporta sang Department of Agriculture, ilabi na sa mga programa nga nagatuon sa pagpalig-on sang seguridad sa pagkaon kag paghatag sang moderno nga teknolohiya sa mga mangunguma.

Sa pihak sini, ginpasalamatan man si Mayor Francisco Calvo bangud sa iya padayon nga paghatag sang suporta sa sektor sang agrikultura. Madumduman nga nakabakal man ang banwa sang duha ka yunit sang traktora nga dako ang mabulig sa pagpaathag sang trabaho sang mga mangunguma kag sa pagpasanyog sang agrikultura sa Calinog.

Padayon nga nagaserbe ang lokal nga panguluhan kag ang mga kaakibat nga ahensya sa paghatag sang mga programa nga nagapanguna sa kaayuhan sang mga mangunguma kag sa padayon nga pag-uswag sang banwa.

Photo courtesy of Rosalio Gonzales and Municipality of Calinog Tourism page.

MAO-Calinog

30/09/2026

29/08/2026

28/08/2026

28/08/2026

19/08/2026

09/08/2026

09/08/2026

13/07/2026

03/07/2026

19/06/2026

Address

Website

Alerts

Shortcuts

Share

Category

Listing takedown request