SK Chair Justin Kyle Laguitao

📄✍️ 𝗥𝗘𝗦𝗢𝗟𝗨𝗦𝗬𝗢𝗡 𝗕𝗟𝗚. 𝟭𝟵 𝗦𝗘𝗥𝗬𝗘 𝗧𝗔𝗢𝗡𝗚 𝗞𝗔𝗦𝗔𝗟𝗨𝗞𝗨𝗬𝗔𝗡

𝗜𝘀𝗮𝗻𝗴 𝗿𝗲𝘀𝗼𝗹𝘂𝘀𝘆𝗼𝗻 𝗻𝗮 𝗻𝗮𝗴𝘁𝗮𝘁𝗮𝗴𝘂𝘆𝗼𝗱 𝗮𝘁 𝗻𝗮𝗴𝗽𝗮𝗽𝗮𝗹𝗮𝗸𝗮𝘀 𝗻𝗴 𝗮𝗸𝘁𝗶𝗯𝗼𝗻𝗴 𝗽𝗮𝗿𝘁𝗶𝘀𝗶𝗽𝗮𝘀𝘆𝗼𝗻 𝗻𝗴 𝗞𝗮𝗯𝗮𝘁𝗮𝗮𝗻 𝗯𝗶𝗹𝗮𝗻𝗴 𝗺𝗮𝗵𝗮𝗹𝗮𝗴𝗮𝗻𝗴 𝗸𝗮𝘁𝘂𝘄𝗮𝗻𝗴 𝗻𝗴 𝗕𝗮𝗿𝗮𝗻𝗴𝗮𝘆 𝘀𝗮 𝗗𝗶𝘀𝗮𝘀𝘁𝗲𝗿 𝗥𝗲𝘀𝗽𝗼𝗻𝘀𝗲 𝗮𝘁 𝗥𝗲𝗹𝗶𝗲𝗳 𝗢𝗽𝗲𝗿𝗮𝘁𝗶𝗼𝗻𝘀 𝗻𝗴 𝗕𝗮𝗿𝗮𝗻𝗴𝗮𝘆 𝟭𝟳𝟲-𝗔

Naghain tayo ng Resolusyon na ang layunin ay mabigyan ng sapat na pagsasanay, kaalaman, at oportunidad ang ating mga Kabataan upang maging handa at responsable sa panahon ng sakuna at iba’t ibang emergency situations. Naniniwala tayo na ang kabataan ay mahalagang katuwang sa pagpapanatili ng kaligtasan, kahandaan, at katatagan ng ating komunidad.

Kasama rin sa inisyatibang ito ang pagbuo ng isang organisado at sinanay na Youth Volunteer Response Team katuwang ang Barangay Health and Emergency Team para sa mas mabilis at mas epektibong pagtugon sa oras ng pangangailangan.

𝗜𝗦𝗔𝗡𝗚 𝗛𝗔𝗞𝗕𝗔𝗡𝗚 𝗣𝗔𝗥𝗔 𝗦𝗔 𝗠𝗔𝗦 𝗠𝗔𝗔𝗬𝗢𝗦 𝗡𝗔 𝗦𝗘𝗥𝗕𝗜𝗦𝗬𝗢 𝗣𝗨𝗕𝗟𝗜𝗞𝗢

Kahapon po ay nagkaroon ng Barangay Session ang Sangguniang Barangay 176-A kung saan nakalatag po ang ating inihain na Resolusyon Bilang Lima (5). Ito ay isang resolusyon na humihiling sa ating Punong Barangay Joel S. Bacolod na magkaroon ng opisyal na signage ang Barangay Hall para sa malinaw na pagkakakilanlan ng publiko. 🏛️✨

𝗟𝘂𝗯𝗼𝘀 𝗽𝗼 𝗻𝗮𝘁𝗶𝗻𝗴 𝗶𝗸𝗶𝗻𝗮𝘁𝘂𝘁𝘂𝘄𝗮 𝗻𝗮 𝗶𝘁𝗼 𝗮𝘆 𝗻𝗮𝗸𝗮𝗹𝗮𝗴𝗽𝗮𝘀 𝗻𝗮 𝘀𝗮 𝘁𝗮𝘁𝗹𝗼𝗻𝗴 𝗽𝗮𝗴𝗯𝗮𝘀𝗮 𝗮𝘁 𝗴𝗮𝗻𝗮𝗽 𝗻𝗮 𝗻𝗮𝗮𝗽𝗿𝘂𝗯𝗮𝗵𝗮𝗻 sa tulong ng aking mga kapwa ko sa Sanggunian at ni Kap. Joel Bacolod. Maraming salamat po sa inyong suporta para sa mga programang makakatulong sa ating komunidad. 💚

Kasama sa may Akda:
▪️Kagawad Freddie San Juan
▪️Kagawad Jesus Lominoque Jr.

Mga katuwang na sumusuporta:
▪️Kagawad Carmen Lacza Celino
▪️Kagawad Manly Bayaban

Sa pamamagitan ng simpleng hakbang na ito, mas magiging maayos, organisado, at mas madaling mahanap ng ating mga residente at bisita ang Barangay Hall at mga serbisyong handog nito.

Patuloy po tayong maglilingkod para sa mas maayos at progresibong Barangay 176-A! 🤝

Happy Mother’s Day! 🌸

Sa lahat ng ilaw ng tahanan, maraming salamat sa walang sawang pagmamahal, sakripisyo, at pag-aaruga. Kayo ang tunay na inspirasyon at lakas ng bawat pamilya. 💖

Mula sa tanggapan ni SK Chairman Justin Kyle Laguitao, isang taos-pusong pagbati ng Maligayang araw ng mga Ina sa lahat ng nanay, mommy, mama, inay, at tumatayong ina para sa kanilang pamilya. 🌷

📢 LIBRE NA ANG ENTRANCE EXAM SA UCC!

Upang mas maraming Kabataan ang makakapag-aral nang libre, ipinatupad ang Ordinance No. 1209, s. 2026 na nag-aalis ng entrance exam fee sa University of Caloocan City.

✅ Para sa lahat ng residente ng Caloocan
✅ At mga empleyado ng LGU at kanilang lehitimong anak
✅ May hanggang 2 libreng exam attempts

Salamat sa inisyatibo ng Pamahalaang Lungsod ng Caloocan sa mga ganitong ordinansa na nagbibigay tagumpay at pag-asa sa Kabataan 📝

𝐄𝐧𝐭𝐫𝐚𝐧𝐜𝐞 𝐞𝐱𝐚𝐦𝐢𝐧𝐚𝐭𝐢𝐨𝐧 𝐬𝐚 𝐔𝐧𝐢𝐯𝐞𝐫𝐬𝐢𝐭𝐲 𝐨𝐟 𝐂𝐚𝐥𝐨𝐨𝐜𝐚𝐧 𝐂𝐢𝐭𝐲, 𝐋𝐈𝐁𝐑𝐄 𝐍𝐀 𝐑𝐈𝐍!

Upang mas marami pang Batang Kankaloo ang mabigyan ng pagkakataon na makapag-aral at makapag-tapos nang libre sa University of Caloocan City, nilagdaan na po natin ang Ordinance No. 1209, s. 2026 na layong gawing libre na rin ang entrance examination fee.

Narito po ang mga kwalipikasyon:

- Basta 𝐫𝐞𝐬𝐢𝐝𝐞𝐧𝐭𝐞 ng Lungsod ng Caloocan, anuman ang grado o antas ng pamumuhay

- o kaya naman, 𝐩𝐞𝐫𝐦𝐚𝐧𝐞𝐧𝐭𝐞𝐧𝐠 𝐞𝐦𝐩𝐥𝐞𝐲𝐚𝐝𝐨 ng lokal na pamahalaan, at 𝐤𝐚𝐧𝐢𝐥𝐚𝐧𝐠 𝐦𝐠𝐚 𝐥𝐞𝐡𝐢𝐭𝐢𝐦𝐨𝐧𝐠 𝐚𝐧𝐚𝐤

Hanggang dalawang pagkakataon din po ang ipagkakaloob sa bawat estudyante para sa libreng entrance examination fee.

Nagpapasalamat po tayo sa Sangguniang Panlungsod sa pagbibigay-prayoridad sa nasabing ordinansa.

Sa paglalayong bigyan ng pagkakataon ang bawat kabataan, patuloy tayong hahanap ng paraan upang tiyakin na abot-kaya ang pangarap ng bawat Batang Kankaloo.

Magandang balita po para sa mga Batang 176-A!

Ngayong S.Y. 2026–2027, libre na ang enrollment para sa mga incoming Grade 11 & Grade 12 students! 🎓

Sa tulong ng St. Claire College at Kuya Isagani Losito, mas pinalapit natin ang edukasyon upang mas maraming Kabataan ang mabibigyan ng pagkakataon na magtagumpay.

📚 Your future starts here. Enroll now!

Para sa Batang 176-A, para sa komunidad. Makilahok, makinig, at makiisa sa ating SOKA 2026! 🫡

“𝗕𝗼𝘀𝗲𝘀 𝗻𝗴 𝗞𝗮𝗯𝗮𝘁𝗮𝗮𝗻, 𝗟𝗮𝗸𝗮𝘀 𝗻𝗴 𝗕𝗮𝘆𝗮𝗻: 𝗣𝗮𝗴𝗸𝗶𝗹𝗼𝘀 𝗧𝘂𝗻𝗴𝗼 𝘀𝗮 𝗠𝗮𝘀 𝗠𝗮𝘂𝗻𝗹𝗮𝗱 𝗻𝗮 𝗞𝗶𝗻𝗮𝗯𝘂𝗸𝗮𝘀𝗮𝗻”

Isang makabuluhang ulat para sa Batang 176-A. Sama-sama nating balikan ang mga nagawa at ihayag ang mga susunod na hakbang para sa mas aktibo at progresibong SK 176-A.

Kita-kits sa ika-6 ng Mayo sa ganap na 9:00 ng umaga na gaganapin sa Phase 1 Grema Court.

Iniimbitahan namin kayo na makilahok sa ating State of the Kabataan Address 2026! 👨‍⚖️📝

Magandang araw po sa inyong lahat!

Ipinababatid po ng Sangguniang Kabataan 176-A, sa pangunguna ng aking konseho at sa gabay ng ating Punong Barangay Kapitan Joel Bacolod, na magkakaroon po tayo ng pamamahagi ng GO BAG para sa mga Batang 176-A sa darating na Miyerkules, Mayo 6, na gaganapin sa Phase 1 Grema Court.

Bilang bahagi ng ating adbokasiya sa kaligtasan, hinihikayat namin ang bawat kabataan na maging handa sa anumang sakuna. Ang simpleng GO BAG ay maaaring maging susi sa ating proteksyon at kaligtasan.

Inaanyayahan po namin ang lahat na makiisa at maging bahagi ng isang handa at ligtas na komunidad. ⛑️🦺🫡

Maligayang araw para sa ating mga mang gagawa na inaalay ang pawis para sa pamilya at bayan.

Salamat po sa inyong sipag! ☝️🫂

🏐 𝗦𝗞 𝟭𝟳𝟲-𝗔 𝗦𝗣𝗢𝗥𝗧𝗦 𝗖𝗟𝗜𝗡𝗜𝗖: 𝗩𝗢𝗟𝗟𝗘𝗬𝗕𝗔𝗟𝗟 𝗧𝗥𝗔𝗜𝗡𝗜𝗡𝗚

Pagkatapos ng Basketball Training, agad natin sinundan ito ng isang araw ng galawan, tawanan, at teamwork dahil matagumpay nating naisagawa ang Volleyball Training noong Linggo, June 29, na nagbigay inspirasyon at saya sa bawat kalahok.

Kasama rito ang layunin ng buong konseho na mahubog ang galing ng Kabataan sa larong Volleyball.

Salamat sa lahat ng sumali at sumuporta! Pasasalamat din kay Coach Jojo Datoon sa pagpapahiram ng Sports Equipment na nagamit sa ensayo.

Tuloy-tuloy lang tayo sa pagsulong ng aktibong pamumuhay at pagpapaunlad ng talento ng kabataan! 💪✨