Caloocan Cultural Affairs and Tourism Office

𝙍𝙪𝙣𝙬𝙖𝙮 𝘾𝙖𝙡𝙤𝙤𝙘𝙖𝙣 2026: 𝘾𝙖𝙡𝙡 𝙛𝙤𝙧 𝘿𝙚𝙨𝙞𝙜𝙣𝙚𝙧𝙨

Theme: 𝐁𝐀𝐍𝐘𝐔𝐇𝐀𝐘: 𝓜𝓮𝓽𝓪𝓶𝓸𝓻𝓹𝓱𝓸𝓼𝓲𝓼 𝓸𝓯 𝓒𝓸𝓵𝓸𝓻𝓼

In celebration of the Linggo ng Kasuotang Pilipino, the 4th Runway Caloocan returns to feature fashion masterpieces proudly and originally Batang Kankaloo Made.

Are you the next big thing in local fashion? This is the perfect moment for your creations to grace the runway and your springboard to the national fashion scene.

𝓒𝓐𝓛𝓛 𝓕𝓞𝓡 𝓓𝓔𝓢𝓘𝓖𝓝𝓔𝓡𝓢

Calling all young and professional designers and couturiers of Caloocan City to join the 4th Runway Caloocan cultural fashion show.

𝓠𝓤𝓐𝓛𝓘𝓕𝓘𝓒𝓐𝓣𝓘𝓞𝓝𝓢

1. Must be a Caloocan resident or own a business in Caloocan.
2. Must provide collection guided by the theme.
3. The designers are responsible for casting their own models.

𝓟𝓡𝓘𝓩𝓔𝓢

Designer of the Year: P100,000.00
Male Model of the Year: P20,000.00
Female Model of the Year: P20,000.00

𝑪𝒐𝒏𝒔𝒐𝒍𝒂𝒕𝒊𝒐𝒏 𝑷𝒓𝒊𝒛𝒆

Designers: P30,000.00 each
Models: P5,000.00 each

For inquiries, please reach out to:

Caloocan Cultural Affairs and Tourism Office page
Mobile: 09275678449
Email: [email protected]
Landline: 2888811 loc 2286/ 3365593
Office Address: 3rd Floor, Caloocan City Hall South

Join the Runway Caloocan 2026. Message us now!

Ang Sangandaan ay isang makasaysayang lugar sa Caloocan?

Ang salitang “Sangandaan” ay hango sa salitang “sanga-sangang daan” o tinatawag noon na “kurus na daan” dahil dito nagtatagpo ang maraming kalyeng nagdurugtong sa mahahalagang pamayanan mula hilaga, timog, kanluran at silangan. Isa rin ito sa mga prominenteng lugar sa Caloocan. Katabi lamang nito ang Poblacion sa Caloocan na kung saan ipinanganak ang bayan. Kalapit lang din ang Tinajeros, Polo (ngayo’y Valenzuela), at Tambobong (ngayo’y Malabon) na isa sa mga umusbong na sentro ng pamayanan sa lugar na ito. Ito rin ang nagsisilbing labasan kung patungo ng Balintawak. Kung gayon, bukod sa rotonda ng Monumento ni Bonifacio, ang lugar na ito ay gateway papalabas at papasok.

Noong panahon ng rebolusyon, ayon sa mga nakasaksi, dito dumaraan ang mga katipunero kung manggagaling ng Tambobong patungong Balintawak. Kung gayon ay dito rin naganap ang isang sagupaan ng mga katipunero at guwardiya sibil. Ang lugar ng sementeryo ng Sangandaan ay dati rin nilang pinaglabanan. Salik sa pangyayaring ito ang katangian ng lugar na may matataas na talahib. Kaya sa lugar din na ito pumupuga ang mga kriminal noon.

Noong panahon ng Ikalawang Digmaang Pandaigdig, ito raw ang lugar sa Caloocan na isa sa pinamumugaran ng mga Hapon dahil pagiging estratehiko ng lugar, gaya ng kaso sa Grace Park at Balintawak. Kaya sa pagbabalik ng mga Amerikano sa huling bahagi ng digmaan, ang mga lugar na ito ang kanilang malubhang binomba.

Sa Sangandaan nanirahan ang ilan sa mga tanyag at prominenteng personalidad sa Caloocan. Gaya na lamang ni Cecilio Apostol, ang isang sikat na manunulat at makabayan. Si Fausto Galauran na isang doktor at manunulat.

Sa kasalukuyan, nananatili ang Sangandaan bilang isa sa mga sentro ng paninirahan at komersyo sa Caloocan.

Sanggunian

Cartographic Collections of NLP. Historical Data Papers. National Library of the Philippines Digital Collections

“History and Culture Life of Sangandaan.” Historical Data Papers. National Library of the Philippines Digital Collections

Pacala, Wogie. “Political and Religious Developments in Caloocan, 1762-2003.” Sa AGOS: Currents of Faith in the Diocese, pinamatnugutan ni Kerby Alvarez. Caloocan City: The Roman Catholic Bishop of Kalookan, Inc., 2024.

LOOK | 𝓜𝓲𝓼𝓼 𝓒𝓪𝓵𝓸𝓸𝓬𝓪𝓷 2026 𝓛𝓾𝓲𝓼𝓪 𝓛𝓸𝓻𝓲𝓷 𝓑𝓮𝓷𝓪𝓿𝓲𝓭𝓮𝓼 𝓲𝓼 𝓽𝓱𝓮 𝓡𝓮𝔂𝓷𝓪 𝓔𝓵𝓮𝓷𝓪 𝓸𝓯 𝓣𝓱𝓮 𝓢𝓱𝓻𝓲𝓷𝓮 𝓖𝓻𝓪𝓷𝓭 𝓢𝓪𝓷𝓽𝓪𝓬𝓻𝓾𝔃𝓪𝓷 👑

𝐓𝐡𝐞 𝐜𝐫𝐨𝐰𝐧𝐞𝐝 𝐌𝐈𝐒𝐒 𝐂𝐀𝐋𝐎𝐎𝐂𝐀𝐍 2026 𝐢𝐬 𝐨𝐮𝐫 𝐑𝐞𝐲𝐧𝐚 𝐄𝐥𝐞𝐧𝐚 𝐩𝐚𝐫𝐚 𝐬𝐚 𝐓𝐡𝐞 𝐒𝐡𝐫𝐢𝐧𝐞 𝐆𝐫𝐚𝐧𝐝 𝐒𝐚𝐧𝐭𝐚𝐜𝐫𝐮𝐳𝐚𝐧 2026! 👑🌸✝️

✨ Ms. Luisa Lorin Montano Benavides ✨

Samahan po natin siyang ipagdiwang ang pananampalataya, kagandahan, biyaya, at tradisyon ngayong May 30, 2026. 💜

Pinagtalunan noon ang baybay na “Caloocan” at “Kalookan”?
Noong Hulyo 28, 1970, may ipinasang resolusyon na inaprubahan ni dating Vice Mayor Alejandro Fider upang gawing opisyal na gamit ang baybay na “Kalookan” sa lahat ng porma ng pakikipag-ugnayan ng pamahalaan, English man o Tagalog. Layunin nito na mapatibay ang pagkakakilanlan ng lungsod sa kabila ng hindi magkakatugmang pagbaybay sa pangalan nito dahil may gumagamit ng dalawang “C” at mayroon ding gumagamit ng dalawang “K.”

Maaaring iugnay ang pagsulong na ito sa impluwensiya ng paglakas ng nasyonalismo sa Pilipinas sa panahon ng post war, partikular noong huling bahagi ng 1940s hanggang 1970s. Sa panahong ito, lumaganap ang mga nagsusulong ng pagka-Pilipino sa iba’t ibang aspekto. Nabuhay ang sining, literatura at wikang Filipino. Gayundin ang muling pag-usbong ng pagsusulat ng kasaysayan na mas tuon sa pagkabansa at pagkakakilanlan. Sa kaso ng Caloocan, nagkaroon din ng pag-usbong ng nasyonalismo sa pamamagitan ng pagsulat ng kasaysayan noong isinulat ni Leopoldo Serrano noong 1956 ang “A Brief History of Caloocan,” na isang mahalagang yugto sa historiograpiya ng Caloocan. Maituturing ang akda na isang modernong pagsulat ng kasaysayang lokal ng Caloocan. Dagdag pa riyan ang mga akdang kasaysayan ni Fausto Galauran. At ang isang iskolar na pinahalagahan ang kasaysayan at pamanang kultural ng Caloocan na si Agapito Joaquin, na nagbansag sa panahon ng 1952 hanggang 1972 bilang “The Two Golden Decades.”

Sa panunumbalik ng City Council (na kalaunan ay naging Sangguniang Panlungsod) noong 1988, muling isinulong ang resolusyong ipinasa noong 1970. Subalit, kung susuriin ang nasabing resolusyon, ipinapatupad lamang ito sa loob ng institusyon ng Pamahalaang Panlungsod. Samakatuwid, hindi nito saklaw ang buong Caloocan. Sa mga sumunod na taon, hindi na tinanggap ang “Kalookan” sapagkat taliwas ito sa nakasaad sa City Charter noong 1961 at Revised City Charter noong 1969, na parehong nakasaad ang baybay na “Caloocan City”.

Gayunpaman, nananatili ang usapin kung dapat bang Caloocan o Kalookan ang baybay sa pangalan ng lungsod. Maaaring namang gamitin ang dalawa sapagkat pareho lamang itong salitang Filipino, subalit mas nakaayon sa legal ang titik na “C.” Makaiba lamang ang baybay nito dahil ang salita ay hinulma sa ortograpiyang Espanyol na mula sa salitang Tagalog. Mula pa noong pormal na itinatag ang lungsod bilang isang pueblo noong 1815, orihinal ng “Caloocan” ang baybay sa pangalan ng lungsod. Pareho lamang sa paggamit ng “C” ang English at Espanyol kung ito ay pantig na may patinig na A, O at U. Nagmistula itong English dahil sa pagiging dominante ng English ang edukasyon sa Pilipinas.

Ang Abecedario, na alpabetong Espanyol na pinagmulan ng naturang baybay, ang opisyal na sistemang ginamit sa mga dokumento sa Pilipinas sa kabuuan ng pananakop ng Espanya. Kaya ito ang batayan ng pagbaybay at panulat ng wikang Tagalog o Filipino; kaiba mula sa orihinal na anyo. Muling binuhay ang katutubong konsepto nang simulang pag-aralan at maglatag ng panibagong ortograpiyang Tagalog na batay sa pinagsamang Baybayin at Alpabeto ang mga ilustrado at pinalawig ito ng Katipunan noong huling bahagi ng ika-19 na dantaon.

Kinilala at isinulong ni Jose Rizal ang ideya ni Trinidad Pardo de Tavera na maidagdag ang titik na “K” na wala sa Abecedario bilang pamalit sa “C” at “Qu,” at sinubukan niya itong ilapat sa ilan sa kaniyang mga akda. Sa impluwensiya ni Jose Rizal, sa panahong ito, si Andres Bonifacio at ang Katipunan ang higit na nagpasikat sa paggamit ng titik na “K,” na makikita mismo sa pangalang “Katipunan.” Mababakas din ang mas madalas na paggamit nito sa kanilang pahayagan na Kalayaan. Kalaunan ay opisyal nang ginamit ito sa paglabas ng unang bersyon ng Abakada mula sa “Ang Balarila ng Wikang Pambansa” ni Lope K. Santos noong 1939.

Sangunian

Buel, James. Hero Tales of the American Soldier and Sailor as Told by the Heroes Themselves and Their Comrades; the Unwritten History of American Chivalry. Hero Publishing Co., 1899.

Resolution no. 106 also known as “Resolution Requesting All Department Heads of the City Government to Spell Caloocan City as “Kalookan City” in All Communications Whether in English or Tagalog.” Office of the Secretary, 1970.

Pacala, Wogie. “From One Rises Many: Ever-Changing Landscape of Caloocan, 1762-2003.” Sa AGOS: Currents of Faith in the Diocese, pinamatnugutan ni Kerby Alvarez. Caloocan City: The Roman Catholic Bishop of Kalookan, Inc., 2024.

Samonte, Severino. “Which Is Which, Caloocan or Kalookan?” Philippine News Agency. https://www.pna.gov.ph/opinion/pieces/166-which-is-which-caloocan-or-kalookan.