24/10/2026
IN CELEBRATION OF INDIGENOUS PEOPLES (IP) MONTH 2026
Atong niaging adlaw, Oktubre 22, 2026, isa ka matiwasay ug masadyaon nga pag serbisyo ug pagtagad natong gisaulog bahin sa Bulan sa Indigenous People (IP). Usa kini sa mga adlaw nga dili malimtang paghigugma ug pagsuporta sa atoa ni Hon. Ma. Alana Samantha Taliño Santos, kauban sa iyang mga kawani nga maoy usa sa mga hinungdan maong nahimong malampuson ang pagtagad sa maong panghitabo dinhi sa atong palanggang Barangay Liliongan.
Ang atoang pinalanggang barangay ang napili aron sa pagsaulog niining INDIGENOUS PEOPLE (IP) MONTH. Dako ang atong pasalamat sa atong Punong Barangay, nga gipanguluhan ni Hon. Emelie G. Fabor, ug kauban sa iyang mga konseho, sa pagdawat ug dakong kasing-kasing sa maong panghitabo.
Isip mga batan-on, aduna kitay responsibilidad nga pasidunggan ang ilang mga kontribusyon, maminaw sa ilang mga istorya, magkat-on gikan sa ilang mga tradisyon, ug mobarog uban kanila sa pagpanalipod sa ilang mga katungod ug kultura. Bisan pa man og kita mga batan-on pa, makahimo kita og dakong kausaban pinaagi sa pagpasiugda sa pagtahod, panaghiusa, ug pagsinabtanay diha sa atong komunidad.
Atong saulogon dili lamang ang ilang kultura, kondili lakip na usab ang ilang kalig-on, dignidad, ug bililhong papel sa paghulma sa atong kasaysayan ug kaugmaon. Magtinabangay kita sa pagpreserbar sa ilang kabilin, aron ang mga sunod nga henerasyon magpadayon sa pagpabili ug paggakos niini.
“Our culture is our identity, our heritage is our pride, and our unity is our strength.”
