MIO Catarman, Northern Samar

June 2, 2026

⚠️𝗣𝗔𝗛𝗜𝗕𝗔𝗥𝗢❗🚨

𝗔𝗹𝗮𝘀-𝟵 𝘆𝗮𝗻𝗮 𝗻𝗴𝗮 𝗮𝗴𝗮 𝗺𝗮𝗯𝗮𝗯𝗮𝘁𝗶𝗮𝗻 𝘁𝗮 𝗮𝗻 𝘁𝘂𝗻𝗼𝗴 𝘀𝗮𝗻 𝗔𝗟𝗔𝗥𝗠𝗔 𝘀𝗮 𝗯𝘂𝗻𝗴𝘁𝗼. 𝗞𝗮𝗹𝗺𝗮 𝗹𝗮 𝗽𝗼, 𝗮𝘆𝗮𝘄 𝗽𝗼 𝗸𝗶𝘁 𝗸𝗮𝗯𝗮𝗿𝗮𝗸𝗮.

𝗧𝗲𝘀𝘁𝗶𝗻𝗴 𝗽𝗼 𝗶𝗻𝗶, 𝗸𝗮𝘆 𝗺𝗮𝗴𝗮𝗺𝗶𝘁 𝗸𝗶𝘁 𝘀𝗮𝗻 𝗮𝗹𝗮𝗿𝗺𝗮 𝘀𝗮 𝗝𝘂𝗻𝗲 𝟭𝟴 𝗽𝗮𝗿𝗮 𝘀𝗮 𝗮𝘁𝗼𝗻 𝗽𝗮𝗴-𝗵𝗼𝘀𝘁 𝘀𝗮 𝗡𝗮𝘁𝗶𝗼𝗻𝘄𝗶𝗱𝗲 𝗦𝗶𝗺𝘂𝗹𝘁𝗮𝗻𝗲𝗼𝘂𝘀 𝗘𝗮𝗿𝘁𝗵𝗾𝘂𝗮𝗸𝗲 𝗗𝗿𝗶𝗹𝗹 (𝗡𝗦𝗘𝗗) 𝟮𝟬𝟮𝟲.

𝗚𝗮𝗴𝗮𝗺𝗶𝘁𝗼𝗻 𝗹𝗶𝘄𝗮𝘁 𝗽𝗼 𝗶𝗻𝗶 𝘀𝗮 𝗶𝗺𝗽𝗹𝗲𝗺𝗲𝗻𝘁𝗮𝘀𝘆𝗼𝗻 𝘀𝗮𝗻 𝗰𝘂𝗿𝗳𝗲𝘄 𝗱𝗶𝗻𝗵𝗶 𝘀𝗮 𝗮𝘁𝗼𝗻 𝗯𝘂𝗻𝗴𝘁𝗼. 𝗦𝗮𝗹𝗮𝗺𝗮𝘁 𝘀𝗮 𝗸𝗼𝗼𝗽𝗲𝗿𝗮𝘀𝘆𝗼𝗻! 🫰😊

June 2, 2026

𝗬𝗮𝗻𝗮 𝗻𝗴𝗮 𝗮𝗴𝗮 𝘀𝗮 𝗟𝗚𝗨 𝗖𝗔𝗧𝗔𝗥𝗠𝗔𝗡 𝗢𝗡 𝗔𝗜𝗥!🎙️

Samtang natikahirani an Barangay & Sanggunaing Kabataan Elections (BSKE) 2026, aton paghisgutan an ungod nga papel san Sangguniang Kabataan sa komunidad.

Diri la ini mahiunong sa pagdalagan o pagbotos, kundi mahiunong liwat sa liderato, partisipasyon, ngan serbisyo para sa igkasi- kabataan.

Makakaupod ta yana si Sir Maynard Erl John T. Alvarez, an aton Municipal Youth Development Officer, samtang aton pag-iiristoryahan an importansya san SK sa pagpauswag san mga barangay ngan an papel san kabataan sa paghurma san mas maupay nga kabubuwason.

LIVE kit sa Facebook yana nga 9:30-10:30AM sa Radyo Pilipinas Catarman, Northern Samar. Puyde kam mag-comment san iyo pangutana, suhestyon, o opinyon. Kitakits!😉

June 1, 2026

𝗠𝗴𝗮 𝗣𝗿𝗼𝘆𝗲𝗸𝘁𝗼 𝗻𝗴𝗮𝗻 𝗣𝗹𝗮𝗻𝗼 𝘀𝗮𝗻 𝗠𝘂𝗻𝗶𝘀𝗶𝗽𝘆𝗼 𝗚𝗶𝗻𝘁𝘂𝗸𝗶𝗯 𝘀𝗮 𝗠𝘂𝗻𝗶𝗰𝗶𝗽𝗮𝗹 𝗗𝗲𝘃𝗲𝗹𝗼𝗽𝗺𝗲𝗻𝘁 𝗖𝗼𝘂𝗻𝗰𝗶𝗹 𝗠𝗲𝗲𝘁𝗶𝗻𝗴

Pinangunahan ni Mayor Dianne E. Rosales an Municipal Development Council (MDC) meeting yana nga adlaw kun diin gintukib an mga importante nga development agenda ngan planning documents nga igpapatuman san gubyerno munisipal.

Kaupod sa meeting sira Vice Mayor Jun Rosales; Sangguniang Bayan Members Nerissa Daclag, Jennifer Salutan, Maricor Mendador, Fernando Carpio, JR Patilan, ngan Julian Custorio; MLGOO Norberto Doroga Jr., municipal department heads, sugadman an mga barangay officials ngan sectoral representatives tikang sa civil society organizations (CSOs).

An MPDC sa pamumuno ni Engr. Maricar Lim an nangasiwa sa meeting bilang MDC secretariat.

Dida sa meeting ginpresentar, ginhisgutan, ug gin-aprubahan an mga masunod:
1. Supplemental Annual Investment Program (AIP) No. 1 for 2026
2. Comprehensive Development Plan (CDP) 2027–2032
3. Annual Investment Program (AIP) 2027
4. (First) Farm to Market Road Network Plan (FMRNP) 2026–2030
5. Municipal Poverty Reduction Action Plan (MPRAP) 2026–2028
6. Annual Cultural Development Plan 2027, ngan an
7. Local Public Transport Route Plan (LPTRP) 2023–2029, upod an iba pa nga mga programa ug proyekto san munisipyo.

An MDC an mekanismo san LGU para sa pagpaplano ngan pagdugtong san mga programa ngan proyekto agud masiguro an diretso nga pag-uswag san Catarman.

Nagpupulong an konseho para an mga proponido nga programa, proyekto, ngan aktibidad (PPAs) – bisan adton diri pa mapopondohan san munisipyo - in igsusulod sa Annual Investment Program (AIP) para makonsidera ngan mahanapan sin pondo sa nasyonal nga ahensya ug iba pa nga kabulig nga institusyon. #

𝐵𝑖𝑠𝑎𝑛 𝑎𝑛 ℎ𝑎𝑛𝑔𝑖𝑛 𝑚𝑎𝑝𝑎𝑠𝑜 🥵
HEAT INDEX in Catarman: 44°C
As of 5PM June 1, 2026

June 1, 2026

𝗠𝗮𝘆𝗼𝗿 𝗗𝗶𝗮𝗻𝗻𝗲 𝗪𝗲𝗹𝗰𝗼𝗺𝗲𝘀 𝗡𝗲𝘄 𝗕𝗙𝗣 𝗣𝗿𝗼𝘃𝗶𝗻𝗰𝗶𝗮𝗹 𝗖𝗮𝗿𝗲𝘁𝗮𝗸𝗲𝗿

Mapaso an pagkarawat ni Mayor Dianne E. Rosales sa courtesy visit ni BFP Northern Samar Provincial Office Caretaker FSINSP Darwin D. Orsolino yana nga aga sa munisipyo, kaupod si Municipal Fire Marshal FINSP Adrian P. Dacut.

Gin-istoryahan san mga lider an pagpakusog sa koordinasyon ngan pagbubligay san LGU ngan BFP, lakip na an pag-organisar ngan pagparig-on san Community Fire Auxiliary Groups (CFAG) sa mga barangay para sa mas malaksi nga pagresponde kun may insidente sin sunog.

Iginpahayag ni Mayor Dianne an bug-os nga suporta san LGU para sa BFP Catarman. May nakaalokar na nga lote sa New Government Center sa Barangay Macagtas nga magagamit san BFP para sa ira opisina o iba pa nga katuyuan san ahensya.

Mahinumduman nga dati nagserbe si FSINP Orsolino bilang Fire Marshal sa Catarman tikang san tuig 2020 tubtob 2023. #

June 1, 2026

||𝗠𝗼𝗻𝗱𝗮𝘆 𝗰𝗼𝗺𝗺𝗲𝗻𝗱𝗮𝘁𝗶𝗼𝗻𝘀 𝗮𝗻𝗱 𝗮𝗻𝗻𝗼𝘂𝗻𝗰𝗲𝗺𝗲𝗻𝘁𝘀

Nagtikang an aton una nga adlaw san Hunyo sa mga good news ngan importante nga mga anunsyo.

Kahuman san flag raising ceremony yana nga Lunes gintagan sin espesyal nga pagkilala an 3 nga Barangay Tanod san Barangay Bangkerohan tungod san maabtik nga pagbantay ngan pagresponde sa ira nasasakupan nga nakapugong sa sayo nga insidente sin pangawat sa sayo nga establisimyento sa barangay ngan nadakop an mga suspect.

Kinarawat sin Certificate of Commendation tikang kan Mayor Dianne E. Rosales sira:
Mr. Joey Villaceran
Mr. Jaimeto T. Morillo Jr., ngan
Mr. Emilio V Cariño Jr.
Gintagan liwat sin pagkilala an Bgy. Bangkerohan nga ginkarawat ni Punong Barangay Ferdinand Esparto. Ini nga pagkilala in tumikang sa rekomendasyon ni Catarman Chief of Police PLTCOL Alden E. Dugan.

Nagpahayag liwat sin pasasalamat si Mayor Dianne sa MDRRMO, Office of Civil Defense (OCD) sugadman sa gubyerno probinsyal, para sa manilampuson nga pagkondukto san ICS-EOC Executive Training Course para sa municipal department heads, nga gin-apihan san iba nga ahensya san gubyerno nga pribado nga sektor.

"𝘏𝘪𝘯𝘢𝘰𝘵 𝘯𝘨𝘢 𝘢𝘯 𝘢𝘵𝘰𝘯 𝘯𝘢𝘩𝘪𝘣𝘢𝘳𝘶𝘢𝘯 𝘴𝘪𝘵𝘰𝘯 𝘯𝘨𝘢 𝘵𝘳𝘢𝘪𝘯𝘪𝘯𝘨 𝘮𝘢𝘩𝘪-𝘢𝘱𝘱𝘭𝘺 𝘯𝘢𝘵𝘰𝘯 𝘴𝘢 𝘢𝘵𝘰𝘯 𝘵𝘢𝘨𝘴𝘢-𝘵𝘢𝘨𝘴𝘢 𝘯𝘨𝘢 𝘥𝘦𝘱𝘢𝘳𝘵𝘢𝘮𝘦𝘯𝘵𝘰.", pahayag san Mayor.

Igindasig gihapon an Excellence in Local Governance Award san LGU Catarman ngan Excellence Award para kan Municipal Accountant Arniza Osido tikang sa Philippine Association of Local Government Accountants (PhALGA).

Pormal naman nga igin-anunsyo ni MDRRMO head Emerald E. Guevara an sayo nga importante nga aktibidad sa munisipyo yana nga bulan san Hunyo — an tidaraon nga pag-host san LGU Catarman sa Nationwide Simultaneous Earthquake Drill (NSED) sa June 18. Ngatanan nga departamento san munisipyo kaupod an Sangguniang Bayan, security sectors (PNP, BFP, BJMP, AFP), private sectors ngan mga eskwelahan in may importante nga partisipasyon sini nga pagpraktis sa angay nga buhaton sa oras san linog.

Samtang buwas, Hunyo 2, sa alas-9 san aga magbubuhat an MDRRMO sin pagpatunog san Early Warning Device sa Bgy. Casoy, Bgy. Ipil-ipil, ngan Bgy. Talisay. Mababatian ini nga pagtunog san alarma tikang sa alas-9:00 san aga buwas komo pagtesting para sa regular nga paggamit sa pagpatuman san curfew sa aton bungto.

Nag-atendir sa flagraising kanina si Vice Mayor Jun Rosales kaupod sira Sangguniang Bayan Members Nerissa Daclag, Beatriz Amande (Liga President), Ramon Tiberio, ngan Julian Custorio. #

Heat Index: 42°C
Drink water; Stay indoors. 💧🪭

Hirot kam Boronganons. ☀️

BORONGAN, EASTERN SAMAR HITS EXTREME DANGER-LEVEL HEAT INDEX 🥵

The highest computed heat index on Saturday reached an “extreme danger” level of 52 degrees Celsius in Borongan, Eastern Samar, according to PAGASA.

Meanwhile, parts of Metro Manila recorded heat index levels reaching 44 degrees Celsius.

The state weather bureau advised the public to stay hydrated and avoid prolonged exposure under danger-level heat index conditions, which may cause heat stroke.