25/08/2026
๐ฃ๐ฃ๐๐๐ฃ๐๐ฆ๐๐ ๐ช๐๐ ๐๐ ๐ฃ๐จ๐๐๐๐๐ข ๐๐๐ก ๐๐ข๐๐ก๐ง ๐ฉ๐๐ก๐ง๐จ๐ฅ๐ ๐๐๐ฅ๐๐๐ ๐๐ก๐ง ๐๐๐ก ๐๐๐ง๐๐๐๐ข๐๐๐ก ๐ช๐๐ง๐๐ฅ ๐๐๐ฆ๐ง๐ฅ๐๐๐ง ๐ก๐๐๐ก ๐ง๐จ๐๐๐ ๐ฃ๐๐๐๐ฃ๐๐ก๐๐ฆ ๐๐ฅ๐ข๐จ๐ฃ, ๐๐ก๐.๐ฃ
Basi klaruhon an mga kabaraka mahitungod han pag-access han publiko ha ๐๐ผ๐ถ๐ป๐ ๐ฉ๐ฒ๐ป๐๐๐ฟ๐ฒ ๐๐ด๐ฟ๐ฒ๐ฒ๐บ๐ฒ๐ป๐ (๐๐ฉ๐) butnga han ๐๐ฎ๐๐ฏ๐ฎ๐น๐ผ๐ด๐ฎ๐ป ๐ช๐ฎ๐๐ฒ๐ฟ ๐๐ถ๐๐๐ฟ๐ถ๐ฐ๐ (๐๐ช๐) ngan han ๐ง๐๐ฏ๐ถ๐ด ๐ฃ๐ถ๐น๐ถ๐ฝ๐ถ๐ป๐ฎ๐ ๐๐ฟ๐ผ๐๐ฝ, ๐๐ป๐ฐ. (๐ง๐ฃ๐๐), an Board of Directors nagpapahayag nga an JVA ngan an mga dokumento nga may kalabotan ha proseso han joint venture gidaan na nga maaakses han publiko pinaagi han mga online platform ngan transparency portal nga igintalaan han gobyerno. An Kasabotan iginpresentar ngan ginhisgotan liwat ha mga katirirok han mga komite.
Ini nga pagpasamwak han bug-os nga JVA ha opisyal nga page han Catbalogan Water District diri an syahan nga pagpagawas hini ngada ha publiko. Usa ini nga dugang nga paagi basi mas madali ini maakses ngan mas masayon mabasa han mga konsumidor, stakeholder, ngan han ngatanan nga katawhan an kompleto nga Kasabotan.
Para ha transparensya, ngan sakto nga paghisgot nga nakabase ha tama nga impormasyon, aadi an bug-os nga JVA basi direkta nga mapanginano han publiko an aktuwal nga mga probisyon hini. Upod dinhi an tagsa-tagsa nga mga katungod ngan obligasyon han mga ahensya han gobierno ngan pribado nga opicina, an sakop ngan mga hugna han proyekto, an mga detalye ha pagpamuhunan ngan implementasyon, an mga komitment ha performance, ngan an mga mekanismo ha pagmonitor.
An JVA usa nga maiha nga 25-ka-tuig nga kasabotan para han by phase nga pagdebelop han imprastraktura han tubig ngan pagpauswag han serbisyo han tubig ha Catbalogan. An gin istoryahan nga ๐ถ๐ป๐๐ฒ๐๐๐บ๐ฒ๐ป๐ ๐ป๐ด๐ฎ โฑ๐ญ,๐ณ๐ด๐ฏ,๐ฏ๐ฏ๐ต,๐ฎ๐ฌ๐ฏ.๐ฐ๐ฑ ๐ฏ๐ถ๐น๐๐ผ๐ป ๐ป๐ด๐ฎ ๐ธ๐ฎ๐ป๐๐ถ๐ฑ๐ฎ๐ฑ ๐ต๐ฎ๐ป ๐ฝ๐ฟ๐ผ๐๐ฒ๐ธ๐๐ผ asya an ginbabanabana nga balor han mga imprastraktura, pasilidad, ngan iba pa nga mga bahin han proyekto nga ipapatuman sumala han mga hugna, kondisyon, iskedyul, ngan obligasyon nga nakasurat ha Kasabotan. Diri ini nangangahulugan hin dayon nga paghatag hin โฑ1,783,339,203.45 bilyon nga cash ngadto ha CWD.
Kinikilala han Board an mga kabaraka han mga konsumidor mahitungod han kawaray suplay han tubig, mahinay nga pressure, ngan han pagpatuman han mga komitment ilarom han JVA. Ini nga mga kabaraka angay batunon pinaagi han ungod nga ginsaysay ha JVA, husto nga teknikal ngan kontraktuwal nga ebalwasyon, responsable nga institutional action, ngan transparency.
An pag-aprobar han JVA diri nangangahulogan nga natatapos o naibanan an responsibilidad han Board. Sulod han mga limitasyon han iya legal ngan kontraktuwal nga awtoridad, nagpapadayon an katungdanan han Board ha pagbantay han implementasyon, pagmonitor han mga obligasyon han mga nahitutungdan nga mga opicina, pag-ebalwar han performance sumala han mga pamantayan ngan komitment nga nakasurat ha Kasabotan, ngan paghimo han angay nga aksyon kon ginkikinahanglan sumala han mga probisyon han JVA, ngan applicable nga mga balaud ngan regulasyon.
Gin-aaghat han Board an publiko nga basahon an kompleto nga Kasabotan. An mga pakiana ngan paghisgot mahitungod han JVA kinahanglan ibasar ha aktuwal nga konteksto hini ngan diri ha pinili la nga mga bahin, diri kompleto nga impormasyon, mga pagbanabana, o mga interpretasyon nga bangin diri nagpapakita han bug-os nga konteksto han mga probisyon han Kasabotan.
An pagpasamwak han JVA in diri nangangahulogan hin pag-amin o pagdeterminar nga may-ada pagtalapas, default, diri pagsunod, o kapakyasan an bisan hain nga opicina. An bisan ano nga sugad nga pagdeterminar kinahanglan ibasar ha Kasabotan, an sakto nga nakasurat ha JVA, angay nga teknikal ngan pinansyal nga mga ebalwasyon, ngan ha aplikable nga mga proseso kontraktuwal, regulatory, ngan legal.
Pinaagi han mas ginpadali nga access han bug-os nga Kasabotan, ginpapamatud-an han Board an iya komitment ha transparensya, responsable nga pagdumara, ngan accountability ngadto ha katawhan han Catbalogan. Ini nga pagpasamwak waray tumong nga tapuson an paghisgot han publiko, kundi basi masiguro nga an paghisgot nakabase ha usa nga pareho ngan awtoritatibo nga referenceโan Joint Venture Agreement mismo.
An kompleto nga JVA nakalakip hini nga post para ha impormasyon ngan reference han publiko.
https://drive.google.com/file/d/1XF4unshqapPQyoEZHDa-O_vM95VKw0h6/view?usp=sharing
https://ppp.gov.ph/wp-content/uploads/2025/10/Catbalogan-WD-JV.pdf
๐๐๐ง๐๐๐๐ข๐๐๐ก ๐ช๐๐ง๐๐ฅ ๐๐๐ฆ๐ง๐ฅ๐๐๐ง
๐๐ข๐๐ฅ๐ ๐ข๐ ๐๐๐ฅ๐๐๐ง๐ข๐ฅ๐ฆ
