Municipality of Asturias Traffic Enforcers

Karon buntag, adlaw nga Lunes, ubay-ubay sa atong mga motorista ang nakadawat ug citation ticket tungod sa kapakyasan sa pagsul-ob ug helmet samtang nagmaneho.

Padayon ang atong kampanya sa pagsul-ob ug helmet dili lamang aron motuman sa balaod, kondili alang usab sa kaluwasan sa matag usa. Ang helmet usa sa pinakasayon apan labing epektibong proteksyon batok sa grabeng kadaot kung adunay disgrasya.

Busa, sa tanang naggamit ug motorsiklo, ayaw kalimti ang pagsul-ob ug husto nga helmet sa matag biyahe. Mas maayo ang andam ug luwas kaysa magmahay sa ulahi.

Amping kanunay sa pagbiyahe ug magtinabangay kita sa pagmintinar sa kaluwasan sa atong kadalanan. 🛵⛑️🚦

Start your Sunday with a grateful heart and a positive mindset.

"Maayong Sabado! Biyahi nga luwas, pahiyom kanunay, ug amping sa dalan." 🚦🛵

"Sabado na! Paningkamot gihapon, apan ayaw kalimti ang pagpahulay ug pag-amping sa kaugalingon." 😊

Traffic Enforcer On Duty | Adlaw nga Sabado 🚦

Padayon ang atong Traffic Enforcer sa pag-monitor ug pag-aniobra sa kadalanan aron masiguro ang hapsay ug luwas nga pag-agi sa mga sakyanan samtang naghulat kita sa iskedyul sa atong checkpoint operation.

Maayong buntag sa tanan! Amping kanunay sa inyong pagbiyahe.

Hinumdumi ang pagsunod sa mga balaod sa trapiko ug pagsul-ob sa helmet alang sa inyong kaluwasan.
Luwas nga biyahe, Asturias! 🛵🚗🚦

Ka ganihang hapon, nagpa higayon ug checkpoint operation ang atong PNP kauban ang atong mga Traffic Enforcers aron mapadayon ang kaluwasan ug kahapsay sa atong kadalanan.

Kini kabahin sa pagpatuman sa balaod ug pagmonitor sa mga sakyanan aron malikayan ang mga insidente ug mapanalipdan ang kinabuhi sa matag biyahero.

Ginahangyo usab nato ang tanang motorista nga magmatngon kanunay sa pagbiyahe, magsul-ob ug helmet, magdala sa hustong dokumento, ug mosunod sa mga lagda sa dalan.

Ang kaluwasan sa tanan atong responsibilidad.

🚔🏍️ Amping kanunay sa inyong pagbiyahe!

Hangtod pila pa ka motor ang maguba? Hangtod pila pa ka kinabuhi ang mawala aron kita makaamgo sa sakto ug makahatag ug kaayohan sa atong kaugalingon?

Busa, dili pa ulahi ang tanan. Magtinabangay kita sa paglikay ug pagpugong sa mga kadaot ug disgrasya nga dili nato matag-an kung kanus-a mahitabo.

Pagsul-ob ug helmet kanunay. Dili lamang kini pagtuman sa balaod, apan usa usab ka paagi sa pagpanalipod sa imong kaugalingon batok sa grabeng kadaot o pagkawala sa kinabuhi kung adunay aksidente.

Ang helmet dili garantiya nga walay disgrasya, apan makatabang kini sa pagluwas sa kinabuhi.

Amping kanunay sa pagbiyahe. Ang kaluwasan magsugod sa disiplina. 🪖🏍️🚦

PADAYON ANG ATONG KAMPANYA BATOK SA MGA KALAPASAN SA KADALANAN

Padayon ang atong pagpanakop ug pagmonitor sa mga violators sa atong lungsod aron mapadayon ang kaluwasan sa tanang motorista ug pedestrians.

Tungod sa nagkadaghang panghitabo sa disgrasya, ilabi na ang pagdumala ug motorsiklo sa mga menor de edad, dako ang among hangyo sa tanang ginikanan nga makigtinabangay sa atong kampanya alang sa kaluwasan sa kadalanan.

Palihog ayaw tugoti ang inyong mga anak nga magdala ug motorsiklo kung wala pa sila sa hustong edad ug wala pay balidong lisensya. Siguroha usab nga pirmi silang magsul-ob ug helmet sa matag biyahe.

Ang pagpanalipod sa atong mga anak nagsugod sa panimalay. Ang pagsunod sa balaod dili lamang aron malikayan ang multa, kundili aron malikayan usab ang pagkawala sa kinabuhi tungod sa disgrasya.

"Helmet is not just for compliance, it is for protection. Kaluwasan sa tanan, responsibilidad sa matag usa."

🚦 Amping kanunay sa pagbiyahe ug tuman sa mga lagda sa kadalanan. 🚦

Amping kanunay....