BADAC Advocacy Committee

AYAW PAGSIGEG SUYOP
Original Composition of Tony Conahap

I.
Labihan namong lipaya pagkakita kanimo.
‎Naghunahuna dayon kami sa kaugmaon nimo.
‎Matag langaw ug lamok nga motugdon kanimo.
‎Dagpason dayon namo.

II.‎
‎Gipadako ka namo sa tumang pagmahal.
‎Among gilauman nga mahimo kang responsable nga tawo sa katilingban.
‎Wala kami magkulang sa pag-giya kanimo.
‎Apan nganong barkada man hinoon ang gipaminaw nimo?
‎
‎CHORUS:
‎
‎Batan-on ka pa.
‎May panahon pa.
‎Pagbag-o ug paningkamot.
‎Ayaw pagsigeg suyop.

TABANG LORD!
‎Original Composition of Tony Conahap
‎
‎I.
Buotan baya ko.
‎Gusto sab ko mo-asinso.
‎Peru unsaon man ni nako Lord.
‎Nahikot man akong kinabuhi sa mga drug Lord.
‎
‎II.
‎Suway-suway ra baya unta tong ako.
‎Kon unsay tama anang suyop-suyop sa asu.
‎Apan naunsa ba, magpangita naman ko.
‎Naglisud nakog buhi niining maong bisyo.
‎
‎CHORUS:
‎
‎Tabang Lord, tabangi ko.
‎Unsaon nga makabiya ko niining akong bisyo.
‎Tabang Lord, tabangi ko.
‎Gusto ko nga magbag-o.