27/10/2026
๐จ OPLAN LIMPYO LACION: USA KA TINDERO, GIDAKOP SA BUY-BUST OPERATION SA BRGY. TAYUD!
CONSOLACION, CEBU โ Malampusong nadakop sa kapulisan sa Consolacion Municipal Police Station (Consolacion MPS) ubos sa pagdumala ni PLTCOL JOHN KAREEN O ESCOBER, ACOP, , pinaagi sa Mobile Drug Enforcement Unit (MDEU), ang usa ka tindero atol sa buy-bust operation sa Sitio Libo, Barangay Tayud, Consolacion, Cebu, niadtong Oktubre 26, 2026, mga alas 11:50 sa gabii.
Ang operasyon gihimo human sa sumbong kabahin sa giingong ilegal nga pagbaligya sa gidudahang ilegal nga droga. Atol sa operasyon, nakumpiskar ang siyam (9) ka heat-sealed plastic sachets nga adunay substansiya nga gituohang shabu, usa (1) ka plastic sachet nga gigamit isip sudlanan, ug usa (1) ka โฑ500 nga marked money.
Ang nadakpang persona anaa karon sa kustodiya sa Consolacion MPS samtang giandam ang gikinahanglang mga dokumento alang sa pagpasaka sa angay nga mga kaso tungod sa giingong paglapas sa Sections 5 ug 11, Article II sa Republic Act No. 9165, o Comprehensive Dangerous Drugs Act of 2002.
Kini nga operasyon kabahin sa padayong kampanya sa kapulisan ubos sa OPLAN LIMPYO LACION, nga nagtumong sa pagpakunhod sa ilegal nga droga ug pagpalig-on sa kalinaw ug kahapsay sa lungsod sa Consolacion.
Ang Consolacion MPS magpadayon sa hugot nga pagpatuman sa balaod ug pagpalig-on sa panaghiusa tali sa kapulisan ug komunidad aron mapanalipdan ang katawhan batok sa hulga sa ilegal nga droga.
๐ข Magkahiusa kita alang sa usa ka limpyo, luwas, ug malinawong Consolacion!
๐ Consolacion MPS Hotline: 0998-598-6391
๐จ Emergency Hotline: 911