MAFAR -Maguindanao

08/10/2026

𝗗𝗮𝗴𝗱𝗮𝗴-𝗞𝗮𝗮𝗹𝗮𝗺𝗮𝗻, 𝗗𝗮𝗴𝗱𝗮𝗴-𝗞𝗮𝗯𝘂𝗵𝗮𝘆𝗮𝗻: 𝟯𝟬 𝗔𝗥𝗕𝘀 𝗛𝗶𝗻𝗮𝘀𝗮 𝘀𝗮 𝗕𝗮𝗻𝗴𝘂𝘀 𝗗𝗲𝗯𝗼𝗻𝗶𝗻𝗴 𝗮𝗻𝗱 𝗣𝗿𝗼𝗰𝗲𝘀𝘀𝗶𝗻𝗴

SULTAN MASTURA, Maguindanao Del Norte — Tatlumpung (30) Agrarian Reform Beneficiaries (ARBs) sumailalim sa dalawang araw na Training on Bangus Deboning and Processing na isinagawa ng Ministry of Agriculture, Fisheries, and Agrarian Reform (MAFAR)-Maguindanao noong Oktubre 5–6, 2026, sa Sultan Mastura, Maguindanao del Norte.

Layunin ng pagsasanay na mapaunlad ang kaalaman at praktikal na kasanayan ng mga kalahok sa pagproseso ng bangus at maipakilala ang value-adding bilang oportunidad upang mapataas ang halaga ng mga produktong pangisdaan at makabuo ng mga produktong maaaring ibenta sa mas malawak na merkado.

Sa unang araw, tinalakay ang mga pangunahing kaalaman sa wastong paghawak, paghahanda, at pagproseso ng bangus, kabilang ang mga pamamaraan upang mapanatili ang kalidad, kalinisan, at kaligtasan ng produkto. Binigyang-diin din ang kahalagahan ng value-adding sa pagbuo ng mga produktong may dagdag na halaga at potensyal na mapagkakitaan.

Samantala, sa ikalawang araw, isinagawa ang hands-on demonstration kung saan aktuwal na isinagawa ng mga kalahok ang mga proseso ng pagde-debone ng bangus, pagma-marinate, pagpa-package, at wastong paglalagay ng label sa mga naprosesong produkto. Sa pamamagitan ng aktuwal na pagsasanay, nagkaroon sila ng pagkakataong maisabuhay at mapahusay ang mga kasanayang tinalakay sa mga naunang sesyon.

Pinangunahan nina Aquaculturist I Harigia A. Candado, RFP, at Program Assistant Melinda Balaod, RFP, ang mga talakayan, demonstration, at hands-on sessions, na gumabay sa mga kalahok sa bawat hakbang ng wastong pagproseso at paghahanda ng mga produktong bangus.

Isinagawa ang aktibidad sa pangunguna nina Chief Agrarian Reform Program Officer at kasalukuyang Assistant Provincial Director for Maguindanao del Norte Nur-Amin Caludtiag at Supervising Agrarian Reform Program Officer Bai Shaharazad Lidasan, sa pakikipagtulungan ng MAFAR Municipal Office (MMO) ng Sultan Mastura, sa pangunguna ni MMO Adam Evaristo, kasama ang iba pang kawani ng MAFAR-Maguindanao.

Sa kanyang mensahe, binigyang-diin ni Assistant Provincial Director Caludtiag ang kahalagahan ng paggamit sa mga natutuhan mula sa pagsasanay. Hinikayat niya ang mga kalahok na maisabuhay ang kanilang mga bagong kasanayan at gamitin ang mga ito bilang dagdag na oportunidad para sa kanilang kabuhayan at mga organisasyon.

Para sa mga kalahok, ang pagsasanay ay nagbigay ng karagdagang kaalaman at praktikal na kasanayan na maaari nilang gamitin sa kanilang kasalukuyan o hinaharap na livelihood at enterprise activities, partikular sa pagbuo ng mga produktong bangus na may dagdag na halaga at potensyal na mapagkakitaan.

Sa pamamagitan ng inisyatibang ito, patuloy na isinusulong ng MAFAR-Maguindanao ang mga programang nakatuon sa pagpapalakas ng kakayahan ng mga ARBs na nakatuon ang kabuhayan sa pangingisda.

07/10/2026

07/10/2026

𝗟𝗢𝗢𝗞 || Sa kanyang mensahe sa isinagawang Graduation Ceremony ng Farmer Field School on Corn Production noong October 01, 2026, sa Sultan sa Barongis, Maguindanao del Sur, ibinahagi ni farmer-participant Raden Guialani ang kanyang pasasalamat sa pagkakataong matuto ng mga praktikal na pamamaraan sa pagtatanim na maaari nilang magamit upang mapabuti at mapataas ang kanilang ani.

I-click ang link para sa buong detalye ng aktibidad:
https://tinyurl.com/t5bcbhrx

06/10/2026

𝗟𝗢𝗢𝗞 || Sa kanyang mensahe sa isinagawang Graduation Ceremony ng Farmer Field School on Corn Production noong October 01, 2026, sa Sultan Sa Barongis, Maguindanao del Sur, binigyang diin ni Provincial Director Ronjamin M, Maulana, Ph.D, ang kahalagahan ng pagsunod sa mga makabagong teknolohiya at inirerekomendang pamamaraan sa pagsasaka upang makatulong sa pagpapataas ng ani.

I-click ang link para sa buong detalye ng aktibidad:
https://tinyurl.com/t5bcbhrx

06/10/2026

𝗜𝗡 𝗣𝗛𝗢𝗧𝗢𝗦 | 𝗪𝗙𝗣-𝗠𝗔𝗙𝗔𝗥 𝗧𝗿𝗮𝗶𝗻𝗶𝗻𝗴 𝗮𝗻𝗱 𝗣𝗹𝗮𝗻𝗻𝗶𝗻𝗴 𝗪𝗼𝗿𝗸𝘀𝗵𝗼𝗽 𝗳𝗼𝗿 𝗖𝗼𝗺𝗺𝘂𝗻𝗶𝘁𝘆 𝗩𝗮𝗹𝗶𝗱𝗮𝘁𝗶𝗼𝗻 𝗙𝗚𝗗 𝗙𝗮𝗰𝗶𝗹𝗶𝘁𝗮𝘁𝗼𝗿𝘀 𝗮𝗻𝗱 𝗡𝗼𝘁𝗲-𝗧𝗮𝗸𝗲𝗿𝘀

Sa pangunguna ng World Food Programme (WFP), sa pakikipagtulungan ng Ministry of Agriculture, Fisheries, and Agrarian Reform (MAFAR)–Maguindanao, matagumpay na isinagawa ang Training and Planning Workshop for Community Validation FGD Facilitators and Note-Takers noong October 5, 2026, sa MAFAR-Maguindanao Conference Room.

Layunin ng aktibidad na ihanda at mabigyan ang mga MAFAR field staff ng sapat na kaalaman at gabay sa kanilang mga tungkulin bilang katuwang ng WFP sa pagsasagawa ng Community Validation Focus Group Discussions (FGDs) sa mga piling target respondent na magsasaka at mangingisda.

Bahagi ito ng pagsisikap na mas mapalapit sa kanila ang mga impormasyong may kaugnayan sa climate advisories, partikular ang mga impormasyong makatutulong sa kanilang mga gawaing pang-agrikultura at pangisdaan.

Naging kalahok sa workshop ang mga MAFAR field staff mula sa sampung bayan kabilang ang Upi, South Upi, Datu Blah Sinsuat, Matanog, Sultan sa Barongis, Datu Abdullah Sangki, Sultan Mastura, Datu Piang, Datu Saudi Ampatuan, at Mamasapano, na magsisilbing facilitators at note-takers sa isasagawang Community Validation FGDs sa kani-kanilang mga lugar.

Pinangunahan ng WFP facilitators na sina Al-King Dilangalen, Programme Associate; Mr. Abbey A. Paradan, Associate for Climate and Resilience; at Ms. Jehan Alioden ang mga talakayan at aktibidad sa workshop. Samantala, aktibong nakiisa at nakibahagi ang MAFAR-Maguindanao, sa pangunguna ni Supervising Agriculturist at Food Secure Focal Samraida Undong, bilang bahagi ng pakikipagtulungan ng tanggapan sa WFP.

Kabilang sa mga tinalakay sa workshop ang mga kinakailangang hakbang, proseso, at responsibilidad ng mga facilitator at note-taker upang matiyak ang maayos na pagsasagawa ng Community Validation FGD, gayundin ang tamang pangangalap at pagtatala ng mga pananaw, karanasan, at mungkahi mula sa mga respondent ng komunidad.

Sa pamamagitan ng Community Validation FGD, layunin ding matukoy kung gaano nauunawaan ng mga komunidad ang nilalaman ng climate advisories at kung paano higit na mapapahusay ang paraan ng paghahatid ng mga ito upang maging mas malinaw, kapaki-pakinabang, at angkop sa aktuwal na pangangailangan ng mga magsasaka at mangingisda.

Sa pagpapatibay ng ugnayan ng WFP at MAFAR, inaasahang magiging mas epektibo ang paghahatid ng impormasyong hinggil sa klima na maaaring magsilbing gabay ng mga farmer at fisherfolk sa pagpaplano, pagdedesisyon, at pagharap sa mga hamon at epekto ng climate change.

05/10/2026

🟢 𝙈𝘼𝙁𝘼𝙍 𝘽𝘼𝙍𝙈𝙈 𝙐𝙋𝘿𝘼𝙏𝙀𝙎

🎙️ 𝘼𝙣𝙘𝙝𝙤𝙧: 𝙉𝘼𝙄𝙀𝙈𝘼𝙃 𝙋𝙄𝘿𝙊
📻 𝙊𝙉 𝘼𝙄𝙍: 𝘿𝙓𝙔𝙃 95.1 𝙈𝙃𝙯
📱 𝙇𝙄𝙑𝙀: 𝙁𝙖𝙘𝙚𝙗𝙤𝙤𝙠 𝙋𝙖𝙜𝙚 — 𝙈𝘼𝙁𝘼𝙍 𝘽𝘼𝙍𝙈𝙈 𝘽𝙖𝙣𝙜𝙨𝙖𝙢𝙤𝙧𝙤 𝙍𝙖𝙙𝙮𝙤 𝙈𝙞𝙣𝙙𝙖𝙣𝙖𝙤
📅 𝙊𝙘𝙩𝙤𝙗𝙝𝙚𝙧 5, 2026

📰 𝘼𝙡𝙖𝙢𝙞𝙣 𝙖𝙣𝙜 𝙢𝙜𝙖 𝙥𝙖𝙣𝙜𝙪𝙣𝙖𝙝𝙞𝙣𝙜 𝙗𝙖𝙡𝙞𝙩𝙖 𝙖𝙩 𝙢𝙖𝙝𝙖𝙝𝙖𝙡𝙖𝙜𝙖𝙣𝙜 𝙠𝙖𝙜𝙖𝙣𝙖𝙥𝙖𝙣 𝙨𝙖 𝘽𝙖𝙣𝙜𝙨𝙖𝙢𝙤𝙧𝙤.

📡 𝙈𝙖𝙠𝙞𝙣𝙞𝙜. 𝙈𝙖𝙣𝙖𝙩𝙞𝙡𝙞𝙣𝙜 𝙪𝙥𝙙𝙖𝙩𝙚𝙙. 𝙈𝙖𝙠𝙞𝙗𝙖𝙡𝙞𝙩𝙖!

#𝘽𝘼𝙍𝙈𝙈𝘽𝙖𝙡𝙞𝙩𝙖𝙖𝙣 #𝘽𝙖𝙣𝙜𝙨𝙖𝙢𝙤𝙧𝙤𝙍𝙖𝙙𝙮𝙤𝙈𝙞𝙣𝙙𝙖𝙣𝙖𝙤 #𝘿𝙓𝙔𝙃951 #𝘽𝙖𝙣𝙜𝙨𝙖𝙢𝙤𝙧𝙤 #𝙉𝙚𝙬𝙨𝙐𝙥𝙙𝙖𝙩𝙚

03/10/2026

𝗜𝗡 𝗣𝗛𝗢𝗧𝗢𝗦 📷| 𝗠𝗲𝗲𝘁𝗶𝗻𝗴 𝘄𝗶𝘁𝗵 𝗠𝗔𝗙𝗔𝗥 𝗥𝗲𝗴𝗶𝗼𝗻𝗮𝗹 𝗢𝗳𝗳𝗶𝗰𝗲 - 𝗔𝗴𝗿𝗮𝗿𝗶𝗮𝗻 𝗥𝗲𝗳𝗼𝗿𝗺 𝗦𝗲𝗿𝘃𝗶𝗰𝗲𝘀

Nakipagpulong ang MAFAR-Maguindanao Agrarian Reform Division, sa pangunguna ni Chief Agrarian Reform Program Officer Nur-amin Caludtiag, kasama ang MAFAR Regional Office-Agrarian Reform Services, sa pangunguna ni Director II for Land Tenure Services Arphia T. Ebus, JD, noong October 1, 2026, bilang bahagi ng paghahanda para sa pagpapatupad ng land survey para sa mga Agrarian Reform Beneficiaries (ARBs) sa lalawigan.

Layunin ng pulong na maayos na maihanda at mapabilis ang pagsasagawa ng land survey sa iba’t ibang bayan. Kabilang sa mga tinalakay ang mga pagbabago sa iskedyul ng aktibidad sa bawat bayan upang mas maging organisado ang pagpapatupad at mapabilis ang pagkumpleto ng land survey.

Bilang konkretong hakbang, ipinaalam sa bawat MAFAR Municipal Office na kabilang sa land survey ang mga nabagong iskedyul upang higit nilang mapaghandaan ang kinakailangang koordinasyon at iba pang paghahanda para sa aktibidad.

Binigyang-diin naman ni Director Ebus ang kahalagahan ng maayos, mahusay, at de-kalidad na serbisyo sa pagpapatupad ng mga programa ng agrarian reform. Aniya, hindi lamang ang pagkamit ng mga accomplishment ang mahalaga, kundi ang pagsasagawa ng bawat gawain nang maayos at naaayon sa layunin ng programa.

“Hindi lamang accomplishment ang gusto nating makamit. Gusto natin na maayos ang ating mga trabaho. Wala tayong ibang hangad kundi ang maayos na pagpapatupad ng Agrarian Reform.”

Sa pamamagitan ng koordinasyon, inaasahang mas mapapabilis ang land survey at iba pang proseso na may kaugnayan sa pagkakaloob ng serbisyo para sa mga Agrarian Reform Beneficiaries (ARBs).

03/10/2026

𝟮𝟱 𝗠𝗮𝗴𝘀𝗮𝘀𝗮𝗸𝗮, 𝗡𝗮𝗴𝘁𝗮𝗽𝗼𝘀 𝗻𝗴 𝗙𝗙𝗦 𝗼𝗻 𝗖𝗼𝗿𝗻 𝗣𝗿𝗼𝗱𝘂𝗰𝘁𝗶𝗼𝗻, 𝗕𝗮𝗼𝗻 𝗮𝗻𝗴 𝗞𝗮𝗮𝗹𝗮𝗺𝗮𝗻 𝗧𝘂𝗻𝗴𝗼 𝘀𝗮 𝗠𝗮𝘀 𝗠𝗮𝘁𝗮𝗮𝘀 𝗻𝗮 𝗔𝗻𝗶

SULTAN SA BARONGIS, Maguindanao del Sur – Matagumpay na nagtapos ang dalawampu't limang (25) farmer-participants mula sa Brgy. Barurao, Sultan Sa Barongis sa isinagwang Farmers Field School (FFS) on Corn Production ng Ministry of Agriculture, Fisheries, and Agrarian Reform (MAFAR) – Maguindanao.

Isinagawa ang programa sa loob ng apat na buwan, na kinapapalooban ng mga lecture, field activities, at hands-on demonstrations. Sa pamamagitan nito, napalalim ang kaalaman ng mga kalahok sa wastong pamamaraan ng pagtatanim, pamamahala ng lupa, at iba pang teknikal na pamamaraan upang mapabuti ang produksyon at mapataas ang ani ng mais.

Isa sa mga pangunahing bahagi ng FFS ang isinagawang Post Trial Demonstration (PTD) na nagbigay sa mga farmer-participants ng pagkakataong aktuwal na makita kung paano nakaaapekto ang iba't ibang planting distance at plant population sa paglago at produktibidad gamit ang hybrid corn seeds.

Batay sa resulta ng PTD na isinagawa gamit ang apat na treatment, Treatment 2 ang nakapagtala ng pinakamataas na ani na 5.76 metric tons kada ektarya (MT/ha), na gumamit ng planting distance na 70 x 25 sentimetro, na katumbas ng tinatayang 57,143 halaman kada ektarya.

Sa kanyang mensahe bilang nangasiwa sa programa, ipinagmalaki ni Senior Agriculturist Engr. Muhaimin Ali ang naging resulta ng PTD, na aniya ay nagsilbing aktuwal na learning experience para sa mga magsasaka.

Sa pamamagitan ng demonstration, hindi lamang teoretikal na kaalaman ang natutuhan ng mga kalahok, kundi nakita rin nila mismo kung paano maaaring makaapekto ang tamang pagitan ng mga tanim at ang angkop na plant population sa magiging ani ng mais.

sa ginanap na graduation ceremony noong Oktubre 1, kinilala ang dedikasyon, sipag, at aktibong partisipasyon ng mga magsasakang matagumpay na nakatapos sa programa.

Sa kanyang mensahe, nagpasalamat si Provincial Director Ronjamin M. Maulana sa mga kalahok sa kanilang aktibong pakikilahok at mainit na pagtanggap sa programa. Binigyang-diin niya ang kahalagahan ng pagsunod sa mga makabagong teknolohiya at inirerekomendang pamamaraan sa pagsasaka upang makatulong sa pagpapataas ng ani.

“Mas mainam na sundin natin ang mga teknolohiyang itinuturo dahil napatunayan nating malaki ang maitutulong ng mga ito sa ating produksyon. Sa kabila ng pagharap ng ating taniman sa epekto ng El Niño habang isinasagawa ang programa, maganda pa rin ang naging resulta. Bagama’t may naging epekto ito sa produksyon, nakita natin na naging minimal lamang dahil sa tamang teknolohiya at pamamaraan na ating isinagawa,” ani Director Maulana.

Hindi lamang kaalaman sa produksyon ng mais ang baon ng mga magsasaka sa pagtatapos ng FFS, kundi mga aktuwal na resulta na maaaring magsilbing gabay sa pagpili ng angkop na pagitan ng taniman para sa mas mataas na ani.

Para kay Raden Guialani, isa sa mga farmer-participants, malaking oportunidad ang FFS upang madagdagan ang kanilang kaalaman at matutuhan ang mga praktikal na pamamaraan na maaari nilang gamitin sa kanilang sariling mga taniman.

“Lubos kaming nagpapasalamat dahil nasali at napili kami na mabigyan ng mga ganitong kaalaman. Marami kaming natutunan, mula sa mga distansya ng pagtatanim hanggang sa mga tamang gawain na makakatulong upang mapataas ang aming ani,” ani Guialani.

Ang matagumpay na pagpapatupad ng FFS ay naisakatuparan sa pamamagitan ng pakikipagtulungan ng MAFAR–Maguindanao, Local Government Unit (LGU) ng Sultan sa Barongis sa ilalim ng pamumuno ni Municipal Mayor Allandatu M. Angas Sr., at ng MAFAR Municipal Office ng Sultan sa Barongis sa pamumuno ni Mohamad Angeles.

Nakiisa rin sa graduation ceremony ang mga kawani ng MAFAR Municipal Offices ng Maguindanao del Sur, bilang suporta sa matagumpay na implementasyon ng programa.

Sa pagtatapos ng FFS, inaasahang magsisilbing gabay ng mga magsasaka ang mga kaalaman at kasanayang kanilang natutuhan, na maaari nilang ilapat sa kani-kanilang mga taniman upang mapabuti ang kanilang pamamaraan sa produksyon at makamit ang mas mataas at mas produktibong ani.

29/09/2026

𝐌𝐀𝐅𝐀𝐑-𝐌𝐚𝐠𝐮𝐢𝐧𝐝𝐚𝐧𝐚𝐨 𝐏𝐢𝐧𝐚𝐥𝐚𝐥𝐚𝐤𝐚𝐬 𝐚𝐧𝐠 𝐊𝐚𝐚𝐥𝐚𝐦𝐚𝐧 𝐬𝐚 𝐈𝐬𝐥𝐚𝐦𝐢𝐜 𝐌𝐢𝐜𝐫𝐨𝐟𝐢𝐧𝐚𝐧𝐜𝐞 𝐧𝐠 𝐦𝐠𝐚 𝐀𝐠𝐫𝐚𝐫𝐢𝐚𝐧 𝐑𝐞𝐟𝐨𝐫𝐦 𝐁𝐞𝐧𝐞𝐟𝐢𝐜𝐢𝐚𝐫𝐢𝐞𝐬

Mahalaga ang pag-unawa sa Islamic microfinance upang maging pamilyar ang mga Agrarian Reform Beneficiaries (ARBs) sa mga serbisyong pinansyal na nakabatay sa Shariah Law.

Bilang bahagi ng pagpapalakas ng kapasidad na ito isinagawa ng Ministry of Agriculture, Fisheries and Agrarian Reform (MAFAR)-Maguindanao ang Capacity Development Training on Islamic Microfinance for Selected Members of Identified Agrarian Reform Beneficiaries Organizations noong Setyembre 24–25, 2026 sa Pagana Kutawato Native Restaurant, Cotabato City.

Layunin ng dalawang araw na pagsasanay na mapalawak ang kaalaman at kasanayan ng mga kalahok sa mga prinsipyo at pamamaraan ng Islamic microfinance na naaayon sa Shariah Law, kabilang ang mga pangunahing konsepto, uri ng Islamic financing, at mga pamamaraan ng responsableng pamamahala sa pananalapi, upang higit nilang maunawaan ang mga serbisyong pinansyal na angkop sa kanilang mga prinsipyo at pangangailangan.

Pinangunahan ang talakayan ni Hadiguia Nawal Kadil-Lumambas, kabilang ang mga pangunahing konsepto ng Islamic microfinance, kung saan aktibong nakibahagi ang 60 ARBs na mga miyembro ng dalawang kooperatiba mula sa Maguindanao del norte at Maguindanao del sur

Isinagawa ang aktibidad sa ilalim ng pamumuno ni Provincial Director Dr. Ronjamin M. Maulana at Chief Agrarian Reform Program Officer at kasalukuyang Assistant Provincial Director for Maguindanao del Norte Nur Amin Calutiag, sa pangunguna ni Supervising Agrarian Reform Program Officer Bai Shaharazad Lidasan, kasama ang iba pang kawani ng MAFAR-Maguindanao, sa pakikipagtulungan ng MAFAR Municipal Offices ng Barira, Maguindanao del Norte, at Mamasapano, Maguindanao del Sur.

Sa pamamagitan ng isinagawang pagsasanay, nabigyan ang mga kalahok ng pagkakataong matutuhan ang mga konseptong maaari nilang magamit sa paggawa ng mga desisyong may kaugnayan sa pananalapi at kabuhayan, pati na sa kanilang pakikilahok sa pagpapaunlad ng kani-kanilang organisasyon.

Patuloy na isinusulong ng MAFAR-Maguindanao ang mga capacity development program na tumutugon sa pangangailangan ng mga ARBs, bilang bahagi ng pagsisikap na mapalakas ang kanilang kakayahan at masuportahan ang pagtatatag ng mas matatag at sustenableng kabuhayan.