11th Sangguniang Bayan ng Culion

16/10/2026

PAGPUPULONG NG COMMITTEE ON ENERGY
Oktubre 15, 2026 | Camilo A. Pepito Session Hall, New Legislative Building, Culion, Palawan

Isinagawa ng Committee on Energy ng Sangguniang Bayan ng Culion, sa pangunguna ni Committee Chairman Ronald H. Alcantara, ang isang pagpupulong upang talakayin ang mga suliranin sa suplay ng kuryente at kaugnay na clearing operations.

Kabilang sa mga pangunahing usaping tinalakay ang mga sumusunod:

1. Madalas na Pagkawala ng Suplay ng Kuryente (Brownout)
Tinalakay ang mga posibleng dahilan ng madalas na pagkawala ng kuryente sa bayan at ang mga hakbang na maaaring gawin upang mabawasan ang pagkaantala ng serbisyo at matiyak ang mas maayos at maaasahang suplay ng kuryente para sa mga mamamayan.

2. Mga Pinagputulan ng Puno na Naiiwan sa mga Kalsada
Binigyang-pansin ang mga sanga, puno, at iba pang pinagputulan na naiiwan sa mga kalsada matapos ang clearing operations. Binigyang-diin ang pangangailangang agad na makolekta at maalis ang mga ito upang hindi makaabala sa daloy ng trapiko at makaiwas sa mga aksidenteng maaaring idulot nito.

3. Mabagal na Pagsasagawa ng Clearing Operations
Tinalakay rin ang pangangailangang mapabilis at mapahusay ang mga clearing operation, lalo na ang pag-aalis ng mga puno at sanga na maaaring makaapekto sa mga linya ng kuryente at kaligtasan ng publiko. Binigyang-halaga ang maayos na koordinasyon ng mga kinauukulang tanggapan upang maging mas maagap at epektibo ang pagsasagawa ng mga gawaing ito.

Dumalo sa pagpupulong si Municipal Vice Mayor Ma. Virginia N. De Vera, at ang mga kinatawan ng National Power Corporation (NAPOCOR) at Busuanga Island Electric Cooperative, Inc. (BISELCO). Naging pagkakataon ang pagpupulong upang mapag-usapan ang mga suliranin, makapagbigay ng mga paglilinaw, at matukoy ang mga posibleng hakbang tungo sa mas maayos na serbisyo sa kuryente at mas ligtas na mga kalsada.

Sa pamamagitan ng patuloy na pakikipag-ugnayan sa NAPOCOR, BISELCO, at iba pang kinauukulang tanggapan, layunin ng Committee on Energy na maisulong ang mga praktikal at pangmatagalang solusyon sa mga suliraning nakaaapekto sa pang-araw-araw na pamumuhay ng mga mamamayan ng Culion.

Information & Photos by Ms. Mayette Orolaza

14/10/2026

IKA-65 REGULAR NA SESYON NG IKA-11 SANGGUNIANG BAYAN NG CULION

Tinalakay at pinagtibay ng Ika-11 Sangguniang Bayan ng Culion ang ilang mahahalagang ordinansa at resolusyon sa ginanap na ika-65 Regular na Sesyon noong Oktubre 12, 2026.

Isa sa mga pangunahing naipasa ang Ordinance No. 2026-289, na naglalayong palakasin ang pangangalaga at proteksyon sa mga bata sa bayan ng Culion. Kabilang sa mga probisyon nito ang obligadong pag-uulat ng mga kaso ng pang-aabuso sa mga bata, pagpapatupad ng mga hakbang para sa kanilang proteksyon sa lahat ng 14 na barangay, at pagbibigay ng kaukulang tulong at rehabilitasyon sa mga batang naging biktima ng pang-aabuso.

Bukod dito, pinagtibay rin ang mga sumusunod na resolusyon:

Resolution No. 2026-2556 – Pagsuporta sa pagbuo ng ordinansang magtatakda ng mga patakaran sa ligtas na pagbibiyahe, pagkakarga, pagbababa, at paghawak ng mga produktong petrolyo at iba pang materyales na madaling magliyab. Layunin nitong mapangalagaan ang kaligtasan ng publiko at maiwasan ang mga aksidente at sunog na maaaring dulot ng hindi maingat na pagdadala at paghawak sa mga naturang produkto.

Resolution No. 2026-2558 – Pagpapahayag ng taos-pusong pasasalamat sa Czech Republic at Culion Foundation, Inc. sa kanilang pagkakaloob ng mga kagamitan para sa maagang pagbibigay-babala at komunikasyon sa panahon ng sakuna at iba pang emergency, partikular sa mga barangay sa labas ng Poblacion.

Resolution No. 2026-2559 – Pagsuporta sa pagbuo ng Municipal Early Warning and Emergency Communication Protocol upang magkaroon ng mas malinaw at maayos na sistema ng pagbibigay-babala at pagpapalitan ng impormasyon sa panahon ng sakuna. Layunin nitong mapabilis ang paghahatid ng mahahalagang impormasyon, mapahusay ang koordinasyon ng mga kinauukulan, at matiyak ang maagap na pagtugon sa mga pangangailangan ng mga mamamayan.

Resolution No. 2026-2560 – Pagbibigay ng pahintulot kay Punong Bayan Hon. Cesar M. De Vera, Jr. na lumagda sa Memorandum of Agreement at Specific Implementation Agreement kasama ang Department of Social Welfare and Development (DSWD) – Field Office MIMAROPA para sa pagpapatupad ng Sustainable Livelihood Program sa Culion. Layunin ng programang ito na magbigay ng mga oportunidad sa pagkakakitaan at makatulong sa pagpapabuti ng kabuhayan ng mga benepisyaryong mamamayan.

Sa pagpasa ng mga ordinansa at resolusyong ito, patuloy na isinusulong ng Sangguniang Bayan ang mga hakbang para sa proteksyon ng mga bata, kaligtasan ng mamamayan, kahandaan sa sakuna, at pagpapabuti ng kabuhayan tungo sa isang mas ligtas, handa, at maunlad na bayan ng Culion.

𝐻𝑎𝑛𝑔𝑎𝑑 𝑎𝑛𝑔 𝑖𝑠𝑎𝑛𝑔 𝐿𝑒ℎ𝑖𝑠𝑙𝑎𝑡𝑖𝑏𝑜𝑛𝑔 𝑀𝑎𝑘𝑎𝑡𝑎𝑜 𝑎𝑡 𝑀𝑎ℎ𝑢𝑠𝑎𝑦 𝑝𝑎𝑟𝑎 𝑠𝑎 𝑝𝑎𝑡𝑢𝑙𝑜𝑦 𝑛𝑎 𝑝𝑎𝑔-𝑎𝑏𝑎𝑛𝑡𝑒 𝑛𝑔 𝑎𝑡𝑖𝑛𝑔 𝐵𝑎𝑦𝑎𝑛!

04/10/2026

SALUDO sa ating mga G**o!

Taos-pusong pasasalamat sa lahat ng ating mga g**o na walang sawang nagtuturo, gumagabay, at nagbibigay-inspirasyon sa ating mga mag-aaral.

Ang inyong tiyaga, malasakit, at dedikasyon ay malaking bahagi ng paghubog sa kinabukasan ng ating mga anak at ng ating komunidad.

Mula sa Sangguniang Bayan ng Culion, maraming salamat sa inyong mahalagang serbisyo at sa patuloy ninyong paghubog sa kabataan.

Mabuhay ang ating mga g**o!


**o
**oNgKinabukasan


Photo courtesy:
DepEd Tayo- Culion Elementary School
Culion District

03/10/2026

63rd REGULAR SESSION NG IKA-11 SANGGUNIANG BAYAN NG CULION

Matapos ang isinagawang pagdinig ng Committee Meeting on Appropriation para sa Draft Ordinance No. 037-11, ipinasa ng Sangguniang Bayan ng Culion ang nasabing panukala sa 63rd Regular Session noong Setyembre 28, 2026, sa pangunguna ni Municipal Vice Mayor Ma. Virginia N. De Vera.

MUNICIPAL ORDINANCE NO. 2026-285
“Ordinance Temporarily Waiving the Registration Fees for Qualified Municipal Fishing Boats and Motorized Banca under Section 5I.01, Article I, Chapter V of the Revised Revenue Code of the Municipality of Culion, Palawan (2019), until December 31, 2026.”

Layunin ng ordinansa na maibsan ang gastusing ng mga kwalipikadong mangingisda, sa gitna ng energy crisis na ating kinakaharap at mahikayat silang maisaayos ang pagpaparehistro ng kanilang municipal fishing boats at motorized banca. Kinikilala ng Sangguniang Bayan ang pangangailangang mapagaan ang kanilang financial burden habang patuloy na sinusuportahan ang maayos na sistema ng boat registration.

Sa pamamagitan ng pansamantalang waiver sa registration fees, mas mapapadali ang proseso ng pagpaparehistro habang pinananatili ang maayos na sistema ng boat registration. Makakatulong din ito upang magkaroon ng mas maayos na access ang mga rehistradong bangka at kanilang mga may-ari sa insurance at mga programa at tulong mula sa pamahalaan.

Para sa mga kwalipikadong may-ari ng municipal fishing boats at motorized banca, hinihikayat na samantalahin ang pansamantalang waiver sa registration fees at ayusin ang kinakailangang pagpaparehistro bago ang itinakdang deadline.

Sa pamamagitan ng maayos na batas at pagpapatupad nito, patuloy na itinataguyod ng Sangguniang Bayan ang responsableng pangangalaga at wastong pamamahala sa yamang-dagat para sa kapakanan ng ating komunidad.

02/10/2026

29/09/2026

PABATID PARA SA PUBLIKO

Ipinababatid sa publiko na isinagawa ng Sangguniang Bayan ng Culion ang pagdinig hinggil sa panukalang ordinansa na inihain ng Punong Bayan, Hon. Cesar M. De Vera Jr., na naglalayong pansamantalang ipawalang-bisa ang registration fees para sa mga kwalipikadong municipal fishing boat at motorized banca, alinsunod sa Section 5-1.01, Article 1, Chapter V ng Revised Revenue Code of the Municipality of Culion, Palawan (2019).

Isinagawa ang pagdinig noong Setyembre 24, 2026 (Huwebes), alas-9:00 ng umaga, sa Sangguniang Bayan Session Hall.

Pinangunahan ito ni Hon. Ronald H. Alcantara, kasama sina Hon. Ystan Joseph Aristotle G. Lagrosa, Hon. Fel Ford G. Solas, Hon. Leonilo R. Sarmiento, at Hon. Rodel D. Nacachi, kasama rin ang mga kinatawan mula sa Municipal Treasurer’s Office at Municipal Agriculture Office na sina Mr. Mark Anthony L. Sardan at Ms. Marah Angelique Villanueva.

Layunin ng panukalang ordinansa na mahikayat at mapadali ang pagpaparehistro ng mga fishing boat at motorized banca sa Bayan ng Culion, gayundin ang pagsuporta sa maayos na pangangasiwa at pangangalaga ng ating likas na yamang-dagat.

Kabilang sa mga pangunahing tinalakay sa pagdinig ang mga sumusunod:

1. Pagpaparehistro ng lahat ng fishing boat at motorized banca at ang kaukulang pagpapatupad ng mga penalty para sa hindi pagpaparehistro;
2. Pagsuporta sa pangangalaga ng karagatan at likas na yamang-dagat, sa pamamagitan ng maayos na pagpaparehistro at pangangasiwa sa mga sasakyang pangisdaan; at
3. Pansamantalang pag-waive ng registration fees para sa mga kwalipikadong municipal fishing boat at motorized banca hanggang Disyembre 31, 2026.

Ang panukalang ordinansa ay bahagi ng mga hakbang ng Sangguniang Bayan upang mapabuti ang sistema ng pagpaparehistro at mapalakas ang pangangalaga sa yamang-dagat ng Culion.

Information & Photo Credits: Ms. Loida Dela Cruz

23/09/2026

September 21, 2026 | 62nd REGULAR SESSION NG IKA-11 SANGGUNIANG BAYAN NG CULION

Isinagawa ang ika-62nd Regular Session ng Sangguniang Bayan ng Culion sa pangunguna ni Vice Mayor Ma. Virginia N. De Vera, Presiding Officer, kung saan anim (6) na resolusyon ang naaprubahan at naipasa.

Kabilang sa mga resolusyong tinalakay at pinagtibay ang mga sumusunod:

Resolution No. 2026-2547 - Pagpapatupad ng Zero Open Defecation Program upang mapabuti ang kalinisan at kalusugan ng komunidad, alinsunod sa rekomendasyon ng MDC Resolution No. 02, Series of 2026.

Resolution No. 2026-2548 - Pagreprograma ng pondo ng LCPC bilang counterpart contribution ng Culion sa Bahay Pag-asa Youth Center ng Pamahalaang Panlalawigan ng Palawan para sa kapakanan at proteksyon ng mga bata.

Resolution No. 2026-2549 - Pagbibigay ng pahintulot sa Punong Bayan na lumagda sa Multi-Agency Memorandum of Agreement para sa pagpapatupad ng Hapag Production and Utilization Program, na naglalayong tugunan ang pangangailangan sa nutrisyon ng mga bata.

Resolution No. 2026-2550 - Pag-amyenda sa Resolution No. 2025-2393 upang maisama ang mga kinakailangang commitment at suporta ng Pamahalaang Bayan ng Culion para sa deployment ng isang Doctor to the Barrio (DTTB) sa bayan.

Resolution No. 2026-2551 - Paghiling ng tulong sa Pamahalaang Panlalawigan para sa pagkilala sa Palawan pangolin (Manis culionensis) bilang opisyal na flagship species ng Culion.

Resolution No. 2026-2552 - Paghiling sa Palawan Police Provincial Office ng pagtatalaga ng Tourist Police personnel at/o unit upang mapalakas ang kaligtasan at seguridad ng mga turista at bisita sa Culion.

Patuloy na isinusulong ng Sangguniang Bayan ng Culion ang mga hakbang at polisiya na tumutugon sa pangangailangan ng komunidad—mula sa kalusugan, nutrisyon, proteksyon ng mga bata, kapaligiran, serbisyong pangkalusugan, biodiversity, at seguridad ng mga turista at bisita.

Sa pamamagitan ng mga hakbang na ito at pakikipag-ugnayan sa mga katuwang na ahensya, patuloy na pinapalakas ng Sangguniang Bayan ng Culion ang mga serbisyong makatutulong sa kapakanan ng komunidad at sa patuloy na pag-unlad ng ating bayan.

𝐻𝑎𝑛𝑔𝑎𝑑 𝑎𝑛𝑔 𝑖𝑠𝑎𝑛𝑔 𝐿𝑒ℎ𝑖𝑠𝑙𝑎𝑡𝑖𝑏𝑜𝑛𝑔 𝑀𝑎𝑘𝑎𝑡𝑎𝑜 𝑎𝑡 𝑀𝑎ℎ𝑢𝑠𝑎𝑦 𝑝𝑎𝑟𝑎 𝑠𝑎 𝑝𝑎𝑡𝑢𝑙𝑜𝑦 𝑛𝑎 𝑝𝑎𝑔-𝑎𝑏𝑎𝑛𝑡𝑒 𝑛𝑔 𝑎𝑡𝑖𝑛𝑔 𝐵𝑎𝑦𝑎𝑛!

23/09/2026

𝐈𝐍 𝐏𝐇𝐎𝐓𝐎𝐒:

September 22, 2026 | Courtesy Call ng Bagong Culion Public Schools District Supervisor

Nagbigay ng courtesy call kay Vice Mayor Ma. Virginia N. De Vera si Ms. Evelyn B. Nadado, ang bagong talagang Public Schools District Supervisor (PSDS) ng Culion.

Kasama ni Ms. Nadado sina Mr. Albert A. Abeleda, ang kasalukuyang Culion-PSDS, at Mr. Joey U. Abreu, CES Principal.

Ang courtesy call ay bahagi ng pormal na pagpapakilala ni Ms. Nadado sa kanyang bagong tungkulin at nagsilbing pagkakataon upang mapagtibay ang ugnayan at patuloy na koordinasyon sa pagitan ng Pamahalaang Bayan ng Culion at Department of Education – Culion District.

Inaasahan ang patuloy na pagtutulungan sa pagsusulong ng mga programa at inisyatiba para sa edukasyon at kapakanan ng mga mag-aaral ng Culion. Hangad ng Pamahalaang Bayan ng Culion ang tagumpay ni Ms. Evelyn B. Nadado sa kanyang bagong tungkulin bilang Culion-PSDS, at patuloy na tagumpay naman kay Mr. Albert A. Abeleda sa kanyang mga susunod na tungkulin.

19/09/2026

Maligayang Kaarawan, SB Chaps!

Ang buong Sangguniang Bayan ng Culion ay taos-pusong bumabati sa inyo ng isang maligaya at makabuluhang kaarawan.

Nawa’y patuloy kayong pagkalooban ng mabuting kalusugan, karunungan, lakas, at pagpapala upang higit pa ninyong maipagpatuloy ang inyong tapat na paglilingkod sa ating mga kababayan.

Mula sa Sangguniang Bayan ng Culion.