Brgy. Maroroy Health Center

14/09/2026

03/09/2026

𝐃𝐄𝐍𝐆𝐔𝐄: 𝐇𝐔𝐖𝐀𝐆 𝐌𝐀𝐆𝐏𝐀𝐊𝐀𝐌𝐏𝐀𝐍𝐓𝐄, 𝐌𝐀𝐆-𝟓𝐒 𝐊𝐎𝐍𝐓𝐑𝐀 𝐃𝐄𝐍𝐆𝐔𝐄!

Ang dengue ay isang viral disease na naipapasa sa kagat ng infected na 𝘈𝘦𝘥𝘦𝘴 𝘮𝘰𝘴𝘲𝘶𝘪𝘵𝘰𝘦𝘴, kabilang ang 𝘈𝘦𝘥𝘦𝘴 𝘢𝘦𝘨𝘺𝘱𝘵𝘪 at 𝘈𝘦𝘥𝘦𝘴 𝘢𝘭𝘣𝘰𝘱𝘪𝘤𝘵𝘶𝘴. Ang mga lamok na ito ay maaaring dumami sa mga lalagyang may naipong tubig sa loob at paligid ng ating mga tahanan.

Kaya naman, mahalagang sama-sama nating isabuhay ang 5S Kontra Dengue na isinusulong ng Department of Health (DOH):

𝟏. 𝐒𝐄𝐀𝐑𝐂𝐇 𝐀𝐍𝐃 𝐃𝐄𝐒𝐓𝐑𝐎𝐘
Suyurin at sirain ang mga posibleng pamugaran ng lamok. Alisin o itapon ang mga bagay na maaaring pag-ipunan ng tubig gaya ng lumang gulong, bote, lata, paso, timba at iba pang lalagyan. Takpan ang mga drum at imbakan ng tubig at panatilihing malinis ang mga kanal at paligid ng bahay.

𝟐. 𝐒𝐄𝐂𝐔𝐑𝐄 𝐒𝐄𝐋𝐅-𝐏𝐑𝐎𝐓𝐄𝐂𝐓𝐈𝐎𝐍
Protektahan ang sarili laban sa kagat ng lamok. Magsuot ng mahahabang manggas, pantalon at medyas, gumamit ng mosquito repellent, at gumamit ng kulambo o iba pang physical barriers laban sa lamok.

𝟑. 𝐒𝐄𝐄𝐊 𝐄𝐀𝐑𝐋𝐘 𝐂𝐎𝐍𝐒𝐔𝐋𝐓𝐀𝐓𝐈𝐎𝐍
Huwag balewalain ang mga sintomas tulad ng biglaang mataas na lagnat, matinding sakit ng ulo, pananakit ng kalamnan at kasu-kasuan, pananakit sa likod ng mga mata, panghihina, pagduduwal o pagsusuka, at pantal. Magpakonsulta agad sa pinakamalapit na health center, RHU, o health facility kapag may sintomas, lalo na kung nagpapatuloy o lumalala ang kondisyon.

𝟒. 𝐒𝐔𝐏𝐏𝐎𝐑𝐓 𝐅𝐎𝐆𝐆𝐈𝐍𝐆 𝐀𝐍𝐃 𝐒𝐏𝐑𝐀𝐘𝐈𝐍𝐆
Suportahan ang fogging o spraying kapag ito ay isinasagawa sa mga hotspot o lugar na may outbreak o banta ng outbreak, bilang bahagi ng vector-control response. Tandaan na hindi nito pinapalitan ang regular na paglilinis at pagsira sa mga pinamumugaran ng lamok.

𝟓. 𝐒𝐔𝐒𝐓𝐀𝐈𝐍 𝐇𝐘𝐃𝐑𝐀𝐓𝐈𝐎𝐍
Panatilihing sapat ang pag-inom ng angkop na likido, lalo na kapag nilalagnat o may dengue, upang makatulong na maiwasan ang dehydration. Gayunpaman, ang hydration ay bahagi lamang ng supportive care at hindi kapalit ng pagpapakonsulta at tamang medical management. Ayon sa DOH dengue home-care guidance, maaaring kabilang sa angkop na fluids ang tubig, gatas, fruit juice, ORS o electrolyte solutions at iba pang angkop na likido.

𝐌𝐀𝐆𝐈𝐍𝐆 𝐌𝐀𝐏𝐀𝐆𝐌𝐀𝐓𝐘𝐀𝐆 𝐒𝐀 𝐖𝐀𝐑𝐍𝐈𝐍𝐆 𝐒𝐈𝐆𝐍𝐒

Maaaring lumala ang dengue, lalo na kapag nagsisimula nang bumaba ang lagnat. Magtungo agad sa ospital kung makaranas ng:

• Matinding pananakit ng tiyan
• Paulit-ulit o madalas na pagsusuka
• Pagdurugo ng ilong o gilagid
• Pagsusuka ng dugo o parang kulay-kape
• Maitim o kulay-itim na dumi
• Matinding panghihina, antok o pagkalito
• Pamumutla, panlalamig o pamumuo ng pawis sa kamay at paa
• Hirap sa paghinga
• Iba pang biglaang paglala ng kondisyon

𝐌𝐀𝐇𝐀𝐋𝐀𝐆𝐀𝐍𝐆 𝐏𝐀𝐀𝐋𝐀𝐋𝐀: Iwasan ang pag-inom ng aspirin at iba pang NSAIDs gaya ng mefenamic acid para sa dengue maliban kung ipinayo ng doktor. Para sa lagnat, ang DOH dengue home-care guidance ay nagrerekomenda ng paracetamol sa tamang dosis. Huwag basta-basta uminom ng gamot nang walang payo ng health professional.

𝐆𝐀𝐖𝐈𝐍 𝐀𝐍𝐆 “𝟒 𝐎’𝐂𝐋𝐎𝐂𝐊 𝐇𝐀𝐁𝐈𝐓”

Araw-araw, lalo na pagsapit ng alas-kuwatro ng hapon, maglaan ng oras upang magsagawa ng “Taob, Taktak, Tuyo at Takip”:

𝐓𝐚𝐨𝐛 – Itagilid o baligtarin ang mga lalagyang maaaring pag-ipunan ng tubig.
𝐓𝐚𝐤𝐭𝐚𝐤 – Alisin ang naipong tubig sa mga lalagyan at iba pang bagay.
𝐓𝐮𝐲𝐨 – Patuyuin ang mga lugar at bagay na maaaring pamugaran ng lamok.
𝐓𝐚𝐤𝐢𝐩 – Takpan nang maayos ang mga lalagyan at imbakan ng tubig.

Ang 4 O’Clock Habit ay bahagi ng patuloy na kampanya ng DOH upang regular na hanapin at alisin ang mga breeding sites ng lamok.

𝐓𝐀𝐍𝐃𝐀𝐀𝐍

Walang pinipiling edad ang dengue. Ang pagpigil sa pagdami ng lamok ay hindi lamang responsibilidad ng health workers o ng lokal na pamahalaan—responsibilidad nating lahat.

Huwag hintaying magkaroon ng outbreak bago kumilos.

Suyurin ang paligid. Sirain ang pamugaran ng lamok. Protektahan ang sarili. Magpakonsulta agad. Panatilihing hydrated.

MAG-5S KONTRA DENGUE!
Search and Destroy. Secure Self-Protection. Seek Early Consultation. Support Fogging and Spraying. Sustain Hydration.

Sama-sama nating sugpuin ang dengue sa ating tahanan at komunidad lalo na sa Barangay Maroroy.

08/08/2026

𝗠𝗘𝗔𝗦𝗟𝗘𝗦-𝗥𝗨𝗕𝗘𝗟𝗟𝗔 𝗦𝗨𝗣𝗣𝗟𝗘𝗠𝗘𝗡𝗧𝗔𝗟 𝗜𝗠𝗠𝗨𝗡𝗜𝗭𝗔𝗧𝗜𝗢𝗡 𝗔𝗖𝗧𝗜𝗩𝗜𝗧𝗬 (𝗠𝗥-𝗦𝗜𝗔)

"𝐋𝐈𝐆𝐓𝐀𝐒-𝐓𝐈𝐆𝐃𝐀𝐒"

Ang pagbabakuna ay isa sa pinakamabisang paraan upang maprotektahan ang mga bata laban sa malubhang komplikasyon, pagkakaospital, at posibleng pagkamatay dulot ng Tigdas (Measles) at Rubella (Tigdas-hangin).

𝐒𝐈𝐍𝐎 𝐀𝐍𝐆 𝐌𝐀𝐀𝐀𝐑𝐈𝐍 𝐁𝐀𝐊𝐔𝐍𝐀𝐇𝐀𝐍?

Lahat ng batang 𝟔 𝐡𝐚𝐧𝐠𝐠𝐚𝐧𝐠 𝟓𝟗 𝐛𝐮𝐰𝐚𝐧 𝐨 𝐰𝐚𝐥𝐚 𝐩𝐚𝐧𝐠 𝟓 𝐭𝐚𝐨𝐧𝐠 𝐠𝐮𝐥𝐚𝐧𝐠 ay hinihikayat na tumanggap ng MR vaccine sa ating mga itinakdang vaccination sites, anuman ang kanilang kasalukuyang vaccination status.

Ang bakunang MR ay:
• 𝐋𝐢𝐛𝐫𝐞 𝐩𝐚𝐫𝐚 𝐬𝐚 𝐥𝐚𝐡𝐚𝐭 𝐧𝐠 𝐤𝐰𝐚𝐥𝐢𝐩𝐢𝐤𝐚𝐝𝐨𝐧𝐠 𝐛𝐚𝐭𝐚
• 𝐋𝐢𝐠𝐭𝐚𝐬 𝐚𝐭 𝐝𝐮𝐦𝐚𝐚𝐧 𝐬𝐚 𝐤𝐢𝐧𝐚𝐤𝐚𝐢𝐥𝐚𝐧𝐠𝐚𝐧𝐠 𝐩𝐚𝐠𝐬𝐮𝐬𝐮𝐫𝐢
• 𝐄𝐩𝐞𝐤𝐭𝐢𝐛𝐨 𝐬𝐚 𝐩𝐚𝐠𝐛𝐢𝐛𝐢𝐠𝐚𝐲 𝐧𝐠 𝐩𝐫𝐨𝐭𝐞𝐤𝐬𝐲𝐨𝐧𝐠 𝐥𝐚𝐛𝐚𝐧 𝐬𝐚 𝐓𝐢𝐠𝐝𝐚𝐬 𝐚𝐭 𝐑𝐮𝐛𝐞𝐥𝐥𝐚

Sa pagbabakuna, nababawasan ang panganib ng ating mga anak na magkaroon ng malubhang sakit at komplikasyon na maaaring humantong sa pagkakaospital o pagkamatay.

𝐀𝐍𝐎 𝐀𝐍𝐆 𝐌𝐑-𝐒𝐈𝐀?

Ang Measles-Rubella Supplemental Immunization Activity (MR-SIA) ay isang malawakang programa ng Department of Health na naglalayong magbigay ng karagdagang proteksyon laban sa Tigdas at Rubella sa lahat ng batang 6–59 buwan at makatulong na maiwasan ang pagkalat at pag-outbreak ng mga sakit na ito sa komunidad.

𝐌𝐀𝐘 𝐋𝐈𝐁𝐑𝐄𝐍𝐆 𝐕𝐈𝐓𝐀𝐌𝐈𝐍 𝐀 𝐍𝐀 𝐑𝐈𝐍!

Kasabay ng MR-SIA, ang mga kwalipikadong bata ay maaari ring makatanggap ng libreng Vitamin A supplementation, na mahalaga para sa:
• 𝐏𝐚𝐠𝐩𝐚𝐩𝐚𝐥𝐚𝐤𝐚𝐬 𝐧𝐠 𝐫𝐞𝐬𝐢𝐬𝐭𝐞𝐧𝐬𝐲𝐚
• 𝐏𝐚𝐠𝐩𝐚𝐩𝐚𝐧𝐚𝐭𝐢𝐥𝐢 𝐧𝐠 𝐦𝐚𝐥𝐮𝐬𝐨𝐠 𝐧𝐚 𝐩𝐚𝐧𝐢𝐧𝐠𝐢𝐧
• 𝐏𝐚𝐠𝐛𝐚𝐰𝐚𝐬 𝐧𝐠 𝐩𝐚𝐧𝐠𝐚𝐧𝐢𝐛 𝐧𝐠 𝐦𝐚𝐥𝐮𝐛𝐡𝐚𝐧𝐠 𝐢𝐦𝐩𝐞𝐤𝐬𝐲𝐨𝐧

𝐌𝐀𝐇𝐀𝐋𝐀𝐆𝐀𝐍𝐆 𝐏𝐀𝐀𝐋𝐀𝐋𝐀

𝘈𝘯𝘨 𝘔𝘙 𝘷𝘢𝘤𝘤𝘪𝘯𝘦 𝘯𝘢 𝘪𝘣𝘪𝘯𝘪𝘣𝘪𝘨𝘢𝘺 𝘴𝘢 𝘔𝘙-𝘚𝘐𝘈 𝘢𝘺 𝘬𝘢𝘳𝘢𝘨𝘥𝘢𝘨𝘢𝘯𝘨 𝘱𝘳𝘰𝘵𝘦𝘬𝘴𝘺𝘰𝘯 𝘢𝘵 𝘩𝘪𝘯𝘥𝘪 𝘬𝘢𝘱𝘢𝘭𝘪𝘵 𝘯𝘨 𝘮𝘨𝘢 𝘳𝘦𝘨𝘶𝘭𝘢𝘳 𝘯𝘢 𝘣𝘢𝘬𝘶𝘯𝘢 𝘯𝘨 𝘪𝘯𝘺𝘰𝘯𝘨 𝘢𝘯𝘢𝘬 𝘴𝘢 𝘪𝘭𝘢𝘭𝘪𝘮 𝘯𝘨 𝘕𝘢𝘵𝘪𝘰𝘯𝘢𝘭 𝘐𝘮𝘮𝘶𝘯𝘪𝘻𝘢𝘵𝘪𝘰𝘯 𝘗𝘳𝘰𝘨𝘳𝘢𝘮 (𝘕𝘐𝘗) 𝘰 𝘙𝘰𝘶𝘵𝘪𝘯𝘦 𝘐𝘮𝘮𝘶𝘯𝘪𝘻𝘢𝘵𝘪𝘰𝘯.

Kaya kahit kumpleto na ang bakuna ng inyong anak, mahalaga pa rin siyang mabakunahan sa MR-SIA upang dagdagan ang kanyang proteksyon laban sa Tigdas at Rubella.

Para sa karagdagang impormasyon, maaaring makipag-ugnayan sa inyong Barangay Health Workers (BHWs) ng bawat purok o pumunta sa Maroroy Healkth Center at kumonsulta sa ating Nurse.

Sama-sama nating protektahan ang ating mga anak. Magpabakuna. Magpavitamin A. Makiisa sa LIGTAS-TIGDAS MR-SIA!

05/08/2026

05/08/2026

💉 MAKILAHOK SA BAKUNAHAN NG DOH BICOL CHD💉

Iniimbitahan ang lahat na makilahok sa pagbubukas ng Measles-Rubella Supplemental Immunization Activity (MR SIA) para sa buong rehiyon ng Bicol na gagawin sa mga sumusunod na detalye:

📅 Petsa: Agosto 6, 2026 (Huwebes)
🕗 Oras: 8:00 AM – 12:00 NN
📍 Lugar: Healthy Lifestyle Complex, DOH Bicol CHD Compound

📋 Huwag kalimutang magdala ng ID o pagkakakilanlan para sa mga lalahok

👧👦 Dalhin ang inyong anak, pamangkin, o apo na may edad 6–59 buwang gulang o wala pang limang taong gulang upang makatanggap ng LIBRENG dagdag bakuna laban sa tigdas at rubella.

📝 I-scan ang QR code na nasa larawan o i-click ang link sa baba para makapagREGISTER:
https://tinyurl.com/MRSIARegionalLaunching

Sama-sama nating pangalagaan ang kalusugan ng ating mga anak at ng ating komunidad laban sa tigdas at rubella.

Sa DOH, Bawat Bata ay Mahalaga!

LIGTAS TIGDAS, BICOL!

05/08/2026

03/08/2026

📌 𝐉𝐮𝐥𝐲 𝟑𝟎-𝟑𝟏, 𝟐𝟎𝟐𝟔 | 𝐓𝐡𝐮𝐫𝐬𝐝𝐚𝐲 𝐚𝐧𝐝 𝐅𝐫𝐢𝐝𝐚𝐲
𝐒𝐜𝐡𝐨𝐨𝐥-𝐁𝐚𝐬𝐞𝐝 𝐃𝐞𝐰𝐨𝐫𝐦𝐢𝐧𝐠 𝐀𝐜𝐭𝐢𝐯𝐢𝐭𝐲
𝐌𝐚𝐫𝐨𝐫𝐨𝐲 𝐄𝐥𝐞𝐦𝐞𝐧𝐭𝐚𝐫𝐲 𝐒𝐜𝐡𝐨𝐨𝐥

Matagumpay nating naisagawa ang School-Based Deworming Activity sa tulong at pakikipag-ugnayan ng ating School Head na si 𝐒𝐢𝐫 𝐉𝐨𝐧𝐚𝐭𝐡𝐚𝐧 𝐋𝐚𝐧𝐠𝐜𝐚𝐮𝐨𝐧, at ng Nutritionist Coordinator na si 𝐌𝐚’𝐚𝐦 𝐌𝐢𝐜𝐡𝐞𝐥𝐥𝐞 𝐃𝐞𝐬𝐜𝐚𝐥𝐳𝐨.

Ang deworming ay mahalaga upang mapanatiling malusog, masigla, at ligtas sa bulate ang ating mga kabataan. Ito ay nakakatulong para maiwasan ang pagkakaroon ng malnutrisyon, anemia, at mababang school performance na dulot ng bulate sa tiyan.

Lubos po ang aming pasasalamat sa mga g**o, BHWs, BRHO, at BNS na naging kaagapay upang maging matagumpay ang aktibidad na ito. Ang inyong malasakit at pagtutulungan ang tunay na susi para sa kalusugan at kinabukasan ng ating mga mag-aaral.

03/08/2026

📌 𝐉𝐮𝐥𝐲 𝟑𝟏, 𝟐𝟎𝟐𝟔 | 𝐅𝐫𝐢𝐝𝐚𝐲
𝐏𝐮𝐫𝐨𝐊𝐚𝐥𝐮𝐬𝐮𝐠𝐚𝐧: 𝐍𝐮𝐭𝐫𝐢𝐭𝐢𝐨𝐧 𝐌𝐨𝐧𝐭𝐡 𝐂𝐞𝐥𝐞𝐛𝐫𝐚𝐭𝐢𝐨𝐧
𝐂𝐡𝐢𝐥𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 𝐂𝐞𝐧𝐭𝐞𝐫, 𝐌𝐚𝐫𝐨𝐫𝐨𝐲, 𝐃𝐚𝐫𝐚𝐠𝐚, 𝐀𝐥𝐛𝐚𝐲
𝐌𝐚𝐫𝐨𝐫𝐨𝐲, 𝐃𝐚𝐫𝐚𝐠𝐚, 𝐀𝐥𝐛𝐚𝐲

Isang matagumpay at makabuluhang pagdiriwang ng Nutrition Month ang isinagawa sa ilalim ng programang PuroKalusugan, kasama ang mga batang mag-aaral ng Child Development Center.

Si 𝐋𝐞𝐯𝐢 𝐌𝐚𝐫𝐭𝐢𝐧 𝐌𝐢𝐥𝐥𝐚𝐫𝐞, 𝐑𝐍, NDP Nurse mula sa HRH Daraga at nakatalagang nurse ng Barangay Maroroy, ay nagbigay ng talakayan tungkol sa Pinggang Pinoy at ang kahalagahan ng pagkakaroon ng wasto at balanseng pagkain upang mapanatili ang mabuting kalusugan at tamang paglaki ng mga bata.

Masaya at aktibong nakilahok ang mga munting kalahok sa iba't ibang gawain. Bilang bahagi ng pagdiriwang, sila ay nabigyan ng masustansyang meryenda, munting tokens, at mga papremyo bilang pagkilala sa kanilang pakikilahok.

Kasabay rin ng programa, nagsagawa si Nurse Levi ng orientation tungkol sa nalalapit na 𝐌𝐞𝐚𝐬𝐥𝐞𝐬-𝐑𝐮𝐛𝐞𝐥𝐥𝐚 𝐒𝐮𝐩𝐩𝐥𝐞𝐦𝐞𝐧𝐭𝐚𝐥 𝐈𝐦𝐦𝐮𝐧𝐢𝐳𝐚𝐭𝐢𝐨𝐧 𝐀𝐜𝐭𝐢𝐯𝐢𝐭𝐲 (𝐌𝐑-𝐒𝐈𝐀) na isasagawa mula 𝐀𝐠𝐨𝐬𝐭𝐨 𝟏𝟎 𝐡𝐚𝐧𝐠𝐠𝐚𝐧𝐠 𝟐𝟖. Ipinaliwanag niya ang layunin ng kampanya, ang kahalagahan ng pagbabakuna laban sa tigdas at rubella, at ang mga itinakdang temporary vaccination posts upang maging handa at maipaalam sa mga magulang ang iskedyul at lugar ng pagbabakuna.

Sa kabuuan, naging matagumpay ang programa at naisakatuparan ang mga layunin nito sa pamamagitan ng pagbibigay ng wastong kaalaman tungkol sa nutrisyon at pagbabakuna. Nawa'y magsilbi itong inspirasyon upang patuloy na isabuhay ng ating komunidad ang tamang nutrisyon at suportahan ang mga programang pangkalusugan para sa mas ligtas at mas malusog na kinabukasan ng ating mga anak.

03/08/2026

📌 𝐉𝐮𝐥𝐲 𝟑𝟎, 𝟐𝟎𝟐𝟔 | 𝐓𝐡𝐮𝐫𝐬𝐝𝐚𝐲
𝐏𝐮𝐫𝐨𝐊𝐚𝐥𝐮𝐬𝐮𝐠𝐚𝐧: 𝐌𝐨𝐭𝐡𝐞𝐫'𝐬 𝐂𝐥𝐚𝐬𝐬 "𝐈𝐝𝐨𝐥 𝐊𝐨 𝐒𝐢 𝐍𝐚𝐧𝐚𝐲"
𝐌𝐞𝐧𝐝𝐨𝐳𝐚'𝐬 𝐓𝐫𝐚𝐧𝐬𝐢𝐞𝐧𝐭 𝐇𝐨𝐮𝐬𝐞 𝐅𝐮𝐧𝐜𝐭𝐢𝐨𝐧 𝐇𝐚𝐥𝐥, 𝐌𝐚𝐫𝐨𝐫𝐨𝐲, 𝐃𝐚𝐫𝐚𝐠𝐚, 𝐀𝐥𝐛𝐚𝐲
𝐌𝐚𝐫𝐨𝐫𝐨𝐲, 𝐃𝐚𝐫𝐚𝐠𝐚, 𝐀𝐥𝐛𝐚𝐲

Isang taos-pusong pasasalamat sa lahat ng mga nanay na nakiisa at naging aktibong kalahok sa ating PuroKalusugan: Mother's Class "Idol Ko Si Nanay." Naging matagumpay ang programa dahil sa inyong pakikilahok, pakikinig, at pagbabahagi ng inyong mga katanungan at karanasan.

Sa isinagawang Mother's Class, naibahagi ng ating mga resource speakers ang mahahalagang kaalaman tungkol sa kalusugan:

Dr. Rosalinda A. Millete – RHU Dentist, MHO Daraga
• Basic Oral Health Care

April C. Capardo, RN – NDP Nurse, HRH Daraga
• First 1000 Days, Pregnancy, at Breastfeeding

Mark Allyn A. Borral, RN – NDP Nurse, HRH Daraga
• Kahalagahan ng Immunization

Rashid Niko T. Acabado, RN – NDP Nurse, HRH Daraga
• Family Planning

Lubos naming ikinatuwa ang pagiging aktibo ng ating mga kalahok. Marami ang sumagot at nagtanong, at ang lahat ay nakinig nang mabuti sa bawat talakayan. Tunay na naging makabuluhan at matagumpay ang ating programa.

Lubos na Pasasalamat sa ating Punong Barangay at Sangguniang Barangay ng Maroroy sa kanilang walang sawang suporta upang maisakatuparan ang gawaing ito:

• Hon. Robinson R. Lubiano Jr. – Punong Barangay
• Hon. Rolando S. Macasinag – Committee Chairman on Health
• Hon. Roberto C. Magno Jr. – Committee Vice-Chairman on Health and Committee on Environment and Sanitation
• Hon. Rogel L. Lorino – Committee Chairman on Appropriation
• Hon. Loida P. Lolo – Committee Chairman on Education
• Hon. Margie M. Mañago – Committee Chairman on VAWC
• Raymark Concepcion – Barangay Secretary
• Regie (Teresa) L. Alianza – Barangay Treasurer

Maraming salamat din sa ating mga sponsors na nagbigay ng kanilang suporta at nagpaabot ng tulong upang higit pang maging matagumpay ang programa:

• Bem Mendoza Batiller
• Juls Baroso Lucila
• Lily Nicoleta
• Rasky Manlangit
• Del Borabo Bolonia
• Nelstar
• Lala's Catering
• Ms. Jaina Jao

Espesyal ding pasasalamat kay Agnes Mendoza sa pagpapagamit ng venue para sa programa.

Bukod sa mga health lectures, nagsagawa rin ng Community Pantry kung saan namahagi ng mga gulay at munting tokens sa mga kalahok.

Muli, maraming salamat sa bawat isa na naging bahagi ng programang ito. Nawa'y ang mga natutunang kaalaman ay magsilbing gabay sa pagpapanatili ng mabuting kalusugan ng bawat ina, anak, at buong pamilya.

Maraming Salamat po, Barangay Maroroy!

28/07/2026

📢 𝐏𝐮𝐫𝐨𝐊𝐚𝐥𝐮𝐬𝐮𝐠𝐚𝐧: 𝐌𝐨𝐭𝐡𝐞𝐫'𝐬 𝐂𝐥𝐚𝐬𝐬 – "𝐈𝐝𝐨𝐥 𝐊𝐨 𝐒𝐢 𝐍𝐚𝐧𝐚𝐲"

Magandang araw po, Barangay Maroroy!

Inaanyayahan namin ang mga buntis, nagpapasusong ina, at mga nanay na may batang kulang sa nutrisyon na napili mula sa bawat purok ng Barangay Maroroy na makiisa sa ating Mother's Class Activity: "Idol Ko Si Nanay," bilang bahagi ng PuroKalusugan Program.

🗓️ Hulyo 30, 2026 (Huwebes)
🕐 1:00 PM – 4:30 PM
📍 Mendoza's Transient House Function Hall
Maroroy, Daraga, Albay

Tatalakayin po natin ang mahahalagang usapin tungkol sa 𝐈𝐦𝐦𝐮𝐧𝐢𝐳𝐚𝐭𝐢𝐨𝐧, 𝐅𝐢𝐫𝐬𝐭 𝟏𝟎𝟎𝟎 𝐃𝐚𝐲𝐬, 𝐁𝐫𝐞𝐚𝐬𝐭𝐟𝐞𝐞𝐝𝐢𝐧𝐠, 𝐅𝐚𝐦𝐢𝐥𝐲 𝐏𝐥𝐚𝐧𝐧𝐢𝐧𝐠, at iba pang serbisyong pangkalusugan.

Layunin ng programang ito na mapalawak ang kaalaman ng bawat ina at mabigyan sila ng tamang gabay at suporta upang makapagtaguyod ng mas malusog na anak, mas malusog na pamilya, at mas malusog na komunidad.

Kita-kits po tayo sa Huwebes, mga Mommy!