SPAL - Davao

📢 PAHIBALO: BAG-ONG PAMAAGI UG SCHEDULE SA PAGBALIGYA UG BENTENG BIGAS (P20)

​Aron mas hapsay ang pag-apod-apod ug mapanalipdan ang panglawas sa tanan batok sa kainit o ulan, ipatuman nato ang strikto nga schedule matag batch alang sa paghatag sa Beneficiary Slip ug Claim Stub.

🔴"IMPORTANTE NGA PAHINUMDOM PARA SA PANLIPAYAN UG PANALIPOD:"

Gipahibalo ug gi-awhag ang tanan, ilabi na ang mga buntis, mga inahan nga nagdala og gagmay nga bata, ug ang atong mga Senior Citizen, nga DILI gayod maglinya kung dili pa oras sa inyong schedule. Gihimo kini nga lakang isip proteksyon batok sa grabeng kainit sa adlaw o kalit nga pag-ulan, ug aron malikayan ang dautang epekto sa lawas tungod sa taas nga pagtindog ug paghulat sa linya.

Hugot nga gipahibalo nga DILI magdala og mga bata sa area alang sa ilang kaluwasan ug proteksyon batok sa kainit, ulan, o kahuot sa tawo.

Ang matag mopalit sa bugas kinahanglan nga adunay pisikal nga kakayahan sa pagpas-an o pagdala sa ilang gipalit nga 10 kilo nga bugas gikan sa distribution area.

Dili kinahanglan mag-unahay tungod kay daghan ang atong suplay sa bugas ug saktong gi-bahin ang schedule para sa tanan.

📍Lugar: BPI-Davao NCRDPSC, Brgy. Bago Oshiro, Davao City
🗓 Oras ug Petsa: 8:00 AM to 5:00 PM, Lunes, May 18, 2026

Gawas sa barato nga bugas, bisitaha usab ang atong mga lokal nga vendors sa sulod nga mamaligya og presko nga mga gulay, prutas ug uban pa sa barato nga presyo.

Daghang salamat sa inyong kooperasyon alang sa kaluwasan sa tanan. 👨‍🌾👩‍🌾🚜🌾