RCD PRO 11

Gospel: John 11: 46-56
Reflection: The Plot against Jesus Christ
April 12, 2025

Gospel: John 8:12-20
Reflection: Walk in Light
April 7, 2025

Gospel: Luke 5:27-32
Reflection: The Call of Levi, The Tax Collector
March 8, 2025

PNP CHIEF, INUTOS ANG ADMINISTRATIVE RELIEF NG AKG HEAD DAHIL SA MGA ISYU SA RESCUE OPERATIONS

Iniutos ni Philippine National Police (PNP) Chief, General Rommel Francisco D. Marbil, ang administrative relief ni Anti-Kidnapping Group (AKG) head, Colonel Elmer Ragay, matapos lumabas ang mga negatibong ulat sa media at viral na talakayan sa social media na kumukuwestiyon sa legalidad ng isang rescue operation na kinasasangkutan ng isang 14-anyos na estudyante mula sa British School Manila.

Ayon kay Gen. Marbil, matagumpay na na-recover ang bata, ngunit mahalaga aniyang magkaroon ng masusing pagrepaso sa insidente upang tugunan ang mga pangamba ng publiko at tiyakin ang transparency sa operasyon ng PNP.

"Bilang mga lingkod-bayan, dapat tayong maging bukas sa pagsisiyasat at tiyakin na ang ating mga aksyon ay sumasalamin sa pinakamataas na pamantayan ng integridad,"pahayag ni Gen. Marbil. "Ang review na ito ay para malinawan ang mga pangyayari at mapatatag ang tiwala ng publiko sa PNP."

Habang isinasagawa ang internal na imbestigasyon, sinabi ni Gen. Marbil na buong puso itong makikipagtulungan sa Senate investigation na itinakda sa susunod na linggo.

"Iginagalang natin ang awtoridad ng Senado upang imbestigahan ang insidenteng ito, at handa tayong makipagtulungan sa kanilang mga pagdinig," aniya.

Tiniyak naman ng PNP Chief sa publiko na magiging masinsinan at patas ang gagawing imbestigasyon, kung saan pananagutin ang sinumang mapapatunayang may pagkukulang, habang pinangangalagaan ang integridad ng mga lehitimong operasyon ng pulisya.