15/09/2026
Sa ngalan ng aming opisina Municipal Disaster Risk Reduction and Management, lubos po naming ipinapaabot ang aming pakikiramay at malasakit sa mga pamilya at mahal sa buhay ng mga pasahero at crew ng MV June Aster na nasangkot sa insidente.
Nauunawaan po namin ang matinding pangamba, pag-aalala, at sakit na pinagdaraanan ng bawat pamilya sa panahong ito. Patuloy po nating ginagawa ang lahat ng makakaya upang makatulong sa paghahanap ng impormasyon at pagbibigay ng kaukulang suporta sa mga apektadong pamilya.
Sa atas ng ating Municipal Mayor, Hon. Edna Gacot-Lim, ay agad na nagpadala ng kinatawan ang Pamahalaang Bayan ng El Nido, sa katauhan nina Mr. Raymond Osorio (MDRRMO EL NIDO), Eymard Fulgencio (MSWDO EL NIDO Representative), Jan Gibb Relata (MGAD) , upang makipag-ugnayan at makipagtulungan sa Lokal na Pamahalaan ng Coron, Atienza Shipping Line Corporation, MDRRMO Coron, MSWDO Coron at PNP SOCO at iba pang concerned agencies na tumutulong sa kasalukuyang sitwasyon.
Para po sa mga kamag-anak at pamilya na naghahanap ng impormasyon tungkol sa kanilang mga mahal sa buhay, hinihiling po namin na makipag-ugnayan sa opisyal na page ng Municipal Government of El Nido upang maibigay at maiparating ang inyong concerns at mga kinakailangang impormasyon.
Patuloy po ang koordinasyon ng ating Pamahalaang Bayan sa mga concerned agencies upang makatulong sa pagkuha ng beripikado at napapanahong impormasyon.
Maraming salamat po.
