El NIDO FORUM - bantay ng bayan

18/08/2026

PANAGAWAN SA PUBLIKO: HUMIHINGI NG CCTV FOOTAGE O IMPORMASYON

Manawagan po kami sa lahat ng residente at negosyante na may mga CCTV na nakatutok sa kalsada. May dalawang (2) lalaking nakamotorsiklo na nambiktima at nagnakaw sa dalawang maliliit na tindahan kahapon, Agosto 17.

Detatye ng Insidente:
* Modus: Magpapanggap na bibili, tsaka biglang tatakbo tangay ang mga bote ng gasolina nang hindi nagbabayad.

* Unang Insidente: New Ibajay — bandang 5:45 PM. Sinaktan at sinipa pa ng mga suspek ang babaeng tindera/may-ari.

* Ikalawang Insidente: Manlag — bandang 9:45 PM.

* Pinagmulan ng Suspek: May impormasyon na posibleng mula sa Taytay ang mga suspek na pumunta sa El Nido para mambiktima.

Posibleng RUTA ng mga Suspek (New Ibajay papuntang Manlag sa pagitan ng 5:45 PM - 9:45 PM):
1. Unang ruta: New Ibajay - Calampinay - Villa Libertad - Bayan - Corong-corong - Manlag

2. Ikalawang ruta (Paiwas/Paiikot): New Ibajay - San Fernando - Pasadeña - Villa Libertad - Bayan - Corong-corong - Manlag

Kung kayo po ay may CCTV sa kahabaan ng mga nasabing kalsada o kung may nakakilala/nakakita sa mga taong ito batay sa kuha sa larawan, pakiusap po na makipag-ugnayan agad sa amin.

REWARD:Magbibigay po ng kaukulang GANTIMPALA / REWARD sa sinumang makakapagbigay ng malinaw na CCTV footage o impormasyong makakatulong sa pagkahuli sa mga suspek.

Maaari ninyo kaming i-PM diretso sa page na ito.

Paki-share po para mag-ingat din ang ating mga kababayan. Maraming salamat po!

17/08/2026

Subukang gawin natin ‘to sa Pilipinas, ano? 😅

Baka kapag ginawa natin 'to, abutin tayo ng ilang linggo sa haba ng pila ng mga pulitikong kailangang ilubog—lalo na 'yung mga sarili lang ang iniisip at nakakalimutan na ang ordinaryong mamamayan.

Nakakapagod din kasi na lagi na lang tayong nagtitiis sa mga maling desisyon nila. Kung totoong malasakit at serbisyo lang sana ang inuuna, hindi na natin kailangang mangarap ng ganitong ganti.

Ano sa tingin niyo? 👇💭

Eto yung original na post: https://www.facebook.com/share/p/1HbRjYFPiX/?mibextid=wwXIfr

15/08/2026

⚠️ MAHIGIT ISANG LINGGO NA: KAILAN BA TALAGA MAAAYOS ANG TULAY NG DEWIL? ⚠️

Isang linggo na ang nakalipas mula nang magpaliwanag ang isang opisyales, at nakita din natin ang interview sa kapitan ng barangay na hindi man lang maalala kung kailan dapat sinimulan ang permanenteng tulay.

Habang patuloy ang paghihintay at pagpapaliwanag, araw-araw namang lumalala ang panganib sa mismong daanan!

Nananawagan kami sa LGU El Nido at Barangay New Ibajay:

1. AKSYONAN AGAD ANG TEMPORARY REPAIR: Nasaan na ang sinasabing Permit mula sa DENR para sa mga gagamiting kahoy? Kailan ba talaga sisimulan ang pag-aayos?

2. BANTAYAN ANG DAANAN: May itinalaga na ba kayong tao para harangin at bawalang tumawid ang malalaking sasakyan habang delikado ang tulay?

3. MAGBIGAY NG MALINAW NA PETSA: Huwag po nating iasa sa paghihintay lang. Ang kailangan ng mamamayan ay malinaw na petsa kung kailan magiging ligtas ang daanan.

Hihintayin pa ba natin na may bumagsak na sasakyan o may mawalan ng buhay bago aksyonan ito?

Kumuha na kayo ng aksyon ngayon!
Paki-share para makarating sa ating mga opisyal!

11/08/2026

Sana All May Katulad Niya! 👏🧹 Nasaan na kaya ang gobyerno? 🚨🧹

Kudos sa kababayan natin sa Taytay na si KA ONEY! Nakaka-inspire makakita ng isang "cleaning influencer" na kusa at nagtitiyaga para sa kalinisan at seguridad ng kalsada. Saludo sa dedikasyon! 🫡✨

Pero mga kababayan, hanggang kailan tayo aasa sa mga simpleng mamamayan, mga vlogger, at private sector para lang panatilihing malinis at ligtas ang bayan natin? NASAAN ANG MGA OPISYAL NATIN? 🤷‍♂️❓

Kadalasan na lang mga negosyo ang nag-oorganize ng clean-up drives at nag-aabono. Tungkulin ng gobyerno 'yan! Tanggalin niyo ang politika sa serbisyo publiko!

Tingnan niyo ang estado ng mga kalsada natin sa buong El Nido:
* 🌿 Mabubundok na mga damo at halaman na sumasakop na sa kalsada at nakakaharang sa daanan
* 🗑️ Nakatambak na mga basura sa tabing-daan na tila ba walang maayos na waste management system
* 🚗 Mga nakatenggang sasakyan at nakatambak na sirang appliances na ginagawang dumpsite ang gilid ng kalsada

Kahit sa lebel ng barangay, walang nagmamalasakit, walang malinaw na pangmatagalang solusyon. May budget naman sana, pero ang kalsada natin napabayaan at delikado para sa mga residente at turista.

Kaya dapat lang na matuloy at HINDI na maipagpaliban ang Barangay Elections ngayong Nobyembre! Panahon na para magkaroon tayo ng mga lider na totoong nagtatrabaho at hindi pulitika lang ang inaatupag habang natatabunan ng damo at basura ang El Nido. 🗳️🔥

Bakit kailangang maghintay ng aksidente bago kumilos ang gobyerno? Oras na para sa totoong aksyon mula sa LGU at sa bawat barangay!
Ano sa tingin niyo? 👁️👇

05/08/2026

📢 UPDATE SA NEW IBAJAY BRIDGE: PALIWANAG AT TUGON NG LGU

Isang malaking pasasalamat po kay SB Toto Vidal!

Siya lamang po ang nag-iisang opisyal ng ating bayan na naglaan ng oras para direktang sumagot, magpaliwanag, at magbigay ng malinaw na impormasyon sa ating komunidad tungkol sa totoong sitwasyon ng tulay sa New Ibajay. Saludo po kami sa inyong pagiging bukas at mabilis na pagtugon! 👏

💡 ANO ANG NANGYARI SA TULAY? (SIMPLENG PAGPAPALIWANAG)
Para po sa kaalaman ng lahat, narito ang mga pangunahing puntos mula sa paliwanag ni SB Vidal ukol sa proyekto:

1. May Kontrata na ₱19.9M: May pondong ₱19,951,080.06 mula sa National Government para sa proyekto sa ilalim ng Saint Gerrard Construction (Discaya projects).

2. Naka-freeze ang Pondo: Kasama po ang proyekto sa kasalukuyang imbestigasyon ukol sa Discaya-funded projects, kaya naka-freeze ang pera habang hinihintay ang pinal na resulta mula sa Commission on Audit (COA).

3. Bawal ang Double Funding: Dahil may pondo na mula sa National Government, hindi pwedeng maglabas ng bagong pondo ang LGU El Nido para sa parehong proyekto dahil bawal ito sa batas.

4. Pansamantalang Hakbang: Nag-request na ang LGU sa DENR para makagamit ng mga confiscated timber (mga nakumpiskang kahoy) para sa pansamantalang kumpuni ng tulay habang naghihintay.

5. Opisyal na Resolusyon: Naghahanda na ang LGU ng Resolution para pormal na humingi ng update sa status ng proyekto at imbestigasyon.

🎉 GOOD NEWS / UPDATE:
Nakarating din po sa ating kaalaman na nakatatakdang i-re-bid ang proyekto ngayong buwan ng Agosto! Isa itong magandang balita dahil ibig sabihin ay may pag-asa nang matuloy ang pagpapatayo ng permanenteng tulay sa lalong madaling panahon.

💬 ANG TUGON NG ATING PAGE AT KOMUNIDAD SA LGU
Nagpapasalamat po tayo sa magagandang balitang ito, ngunit ipinaabot pa rin natin sa LGU ang ating munting pakiusap habang inaayos ang re-bidding:

* Siguraduhin ang Kalidad ng Temporary Repair: Habang inaayos ang proseso ng bidding, pakiusap po na magagandang klase ng kahoy at matibay na pagkakagawa ang ilagay sa pansamantalang kumpuni para hindi agad mabulok o masira ngayong tag-ulan.

* LGU ang Mismong Manguna: Hinihiling po natin na ang LGU na mismo ang mamuno sa pagkumpuni at sa pag-monitor ng re-bidding process ngayong Agosto para walang maging penundal o delay.

🤝 ANO ANG PWEDENG GAWIN NG BAWAT ISA?

🔹 Para sa ating mga Mamamayan at Biyahero:
Extra ingat po sa pagtawid, lalo na ang ating mga nagmamaneho ng motor at topdown ngayong madulas at maulan ang panahon.

🔹 Para sa mga Ahensya ng Gobyerno (DENR, DPWH, COA):
Nananawagan po kami na pabilisin ang pag-apruba sa paggamit ng kahoy at tuluyang maisakatuparan nang maayos at mabilis ang re-bidding ngayong Agosto.

Maraming salamat po uli, SB Toto Vidal, sa inyong paglilingkod! ❤️

04/08/2026

📢 MANATILING GISING: ANO NA ANG NANGYARI SA TULAY NG DEWIL? 📢

May mga natanggap na ulat at larawan tungkol kahoy na tulay ng New Ibajay. Ang lagay ng tulay na ito ay delikado para sa mga bumabiyahe at halatang napabayaan na.

Ayon sa billboard ng proyekto sa lugar:
* Pondo: ₱19,951,080.06
* Contractor: St. Gerrard ng mga Discaya — ang contractor na nakakabit din sa mga kontrobersya at iskandalo sa mga flood control project.

🚨 MGA DAPAT SAGUTIN NG ATING MGA OPISYALES:

* Saan napunta ang halos ₱20 Million?
Bakit inabandona ang paggawa sa bagong konkretong tulay? Ang mga bakal at graba ay nakatambak lang sa tabi ng daan — kinakalawang, tinutubuan ng damo, at nakakaharang pa sa mga sasakyan.

* Bakit walang aksyon ang Barangay at LGU?
Bakit walang follow-up ang barangay at lokal na pamahalaan para ituloy ang proyekto?

* Walang budget kahit para sa maintenance?
Ang paulit-ulit na pagkasira ng tulay ay nagpapakita ba na wala man lang pondo para sa mga matitibay na tabla ang LGU o barangay?

* Bakit tahimik ang mga inihalal na opisyal?
Araw-araw na dumadaan dito ang mga mamamayan, pero bakit walang nagsasalita sa mga pinuno ng bayan at lalawigan?

👁️ KAILANGAN ANG PAGMAMATYAG NG BAWAT ISA!

Pera ng bayan ang ginamit sa proyektong ito. Huwag nating hintaying may maaksidente bago kumilos ang mga kinauukulan.

I-share ang post na ito para makarating sa mga namumuno. Kailangan natin ng malinaw na sagot at mabilis na aksyon!

03/08/2026

⚠️ PANAWAGAN SA ATING MGA LOKAL NA OPISYAL: AKSYON AGAD BAGO PA MAY MAPAHAMAK! ⚠️

Nananawagan po kami sa ating Barangay Officials, LGU El Nido, at Provincial Government ng Palawan. Tingnan niyo naman po ang estado ng tulay na gawa sa kahoy na ito. Antagal nang kulang sa pagkumpuni at alaga! Ngayong tag-ulan, mas lalo pang naging DISGRASYA AT PERWISYO ang abot nito sa ating mga kababayan at biyahero. Madulas ang mga basang tabla, may mga sira at butas na, at anumang oras ay pwedeng bumigay!

🎭 Kailan lang ay dumalo ang ating mga LGU officials sa Bakawan Festival...
Hindi ba kayo natakot noong tumawid kayo sa tulay na ito? O hindi man lang ba pumasok sa isip niyo ang panganib na sinusugal ng mga ordinaryong mamamayan araw-araw para lang makadaan?

📌 Kailangang manguna ang Barangay!
Kayo po ang pinakamalapit na pamahalaan sa mamamayan—dapat po kayo ang unang umaksyon, magparating sa nakatataas, at manguna sa paghahanap ng solusyon bago pa may aksidenteng mangyari.

📌 Ano ang alternatibo?
Tawirin ang ilog? Napakadelikado at halos imposible po para sa mga nagmotor at sa ating mga lokal na topdown—lalo na kapag tumataas at lumalakas ang agos ng tubig ngayong maulan!

📌 Ike-klaro din natin:
Bakit nga ba inabandona ng orihinal na contractor ang nakaplanong pagpapatayo ng permanenteng tulay dito? Nasaan na ang pondo o ang proyektong dapat ay matagal nang natapos?

💬 Hihintayin pa ba natin na may mabalitaan tayong naaksidente, nahulog na motor, o nawalan ng buhay bago natin ito gawan ng totoong aksyon?

Hindi na po sapat ang panandaliang tapal-tapon o patse-patse lang. Kailangan na po natin ng permanente, matibay, at ligtas na tulay para sa seguridad ng bawat mamamayan ng El Nido.
Paki-share po para makarating at marinig ng ating mga namumuno!

Photo from Dio Sao-a Gimao

07/10/2025

Napapanahon na topic. Nabalitaan niyo ba yung biyahe ng Cherry Bus galing Puerto pa-Sibaltan?

Magkakaroon daw ng stopover sa bayan papunta/galing Sibaltan. Ano sa tingin niyo mga kababayan?

NAHIHIRAPAN KA BA MAKASAKAY NG PUV?

Binigyan ng limang araw ng DOTr ang LTFRB upang magpaliwanag sa umano'y kakulangan ng public transport vehicles sa mga pangunahing kalsada.

Tingnan ang comments section para sa link ng buong detalye.