MENRO General Nakar, Quezon

21/08/2026

🌱 Sama-Samang Hakbang Tungo sa Mas Malinis na General Nakar ♻️

Sa pagnanais ng ating Punong Bayan, Mayor Alfredo J. Pujeda, na higit pang mapagtibay ang pagpapaganda at pagpapanatili ng kalinisan sa ating bayan at maiwasan ang lumalalang problema sa polusyon dulot ng basura, isinagawa kahapon, Agosto 20, 2026, sa Municipal Building ng General Nakar ang Orientation on the Updating of the Municipal Solid Waste Management Plan.

Katuwang ng ating Punong Bayan ang Municipal Environment and Natural Resources Office (MENRO) sa pangunguna ni For. Jing F. Astejada, kasama ang mga kawani ng tanggapan, sa pagsusulong ng mas maayos, episyente, at pangmatagalang pamamahala ng ating basura.

Nagsilbing consultant sa pagbuo at pag-update ng plano ang Geoinfometrics Solutions Corp., katuwang ang lahat ng Barangay sa Bayan ng General Nakar. Sa pamamagitan ng pagtutulungan ng bawat barangay, tanggapan, at mamamayan, mas magiging maayos at epektibo ang pagpapatupad ng mga programa para sa solid waste management.

Ang isinagawang orientation ay isa pa lamang sa marami pang hakbang na isasagawa upang higit pang mapabuti ang ating sistema sa pamamahala ng basura. Kaya naman, hinihikayat namin ang pakikiisa, pakikipagtulungan, at aktibong pakikilahok ng bawat isa.

Sama-sama nating isulong ang isang mas malinis, maayos, ligtas, at mas maunlad na General Nakar. 🌿

Sa pagkakaisa at sama-samang pagkilos, tunay na aangat ang ating bayan!

28/06/2026

🌿 PABATID MULA SA MENRO GENERAL NAKAR, QUEZON🌿

Mahigpit na ipinatutupad ang Pambayang Ordinansa Blg. 2011-01 na naglalayong ipagbawal ang paggamit ng mga non-biodegradable na lalagyan at hikayatin ang paggamit ng mga reusable, biodegradable, at iba pang eco-friendly materials bilang bahagi ng pangangalaga sa ating kapaligiran.

Bilang suporta sa adhikaing ito, hinihikayat namin ang ating mga mamamayan at mga negosyante na gumamit ng mga plant-based at reusable na lalagyan. Kung nais ninyong malaman maaari ninyong bisitahin ang Econest sa kanilang page ( https://www.facebook.com/share/17MDgnb2F2/?mibextid=wwXIfr )para sa kanilang mga plant-based plastic at food containers.

Sa bawat pagpili ng mas makakalikasang lalagyan, tayo ay:
♻️ Nakababawas ng basura at polusyon dulot ng single-use plastic.
🌱 Nakapagpoprotekta sa ating mga ilog, dagat, at likas na yaman.
💚 Nag-aambag sa isang mas malinis, mas ligtas, at mas luntiang General Nakar.

Kung may kakilala rin kayong supplier o negosyantenh nag-aalok ng iba pang eco-friendly, reusable, o biodegradable na mga produkto, malugod namin kayong inaanyayahan na makipag-ugnayan o bumisita sa MENRO General Nakar Office upang sama-sama nating maisulong ang paggamit ng mga alternatibong makakalikasan.

Magsimula tayo sa simpleng pagbabago. Ang pagpili ng tamang lalagyan ngayon ay malaking ambag para sa mas luntiang kinabukasan.

25/06/2026

🌳 LUNTIANG BUKAS: PHILIPPINE ARBOR DAY CELEBRATION 🌳

Bilang pakikiisa sa pagdiriwang ng Philippine Arbor Day Celebration na may temang “Luntiang Bukas”, matagumpay na isinagawa ang tree growing activity sa Brgy. Pamplona, na dinaluhan ng iba’t ibang sektor ng pamahalaan at komunidad bilang pagpapakita ng sama-samang pagkilos para sa pangangalaga ng ating kalikasan.

Pinangunahan ang programa ng ating butihing Mayor Alfredo J. Pujeda, kasama ang mga miyembro ng Sangguniang Bayan sa pangunguna ni Vice Mayor Rodel Avellaneda. Nakiisa rin sina Konsehala Win Villareal at Konsehala Maica Avellaneda bilang suporta sa adbokasiyang pangkalikasan ng lokal na pamahalaan.

Nagbigay naman ng makabuluhang mensahe si OIC-CENRO Victor Ombajino, bilang kinatawan ng Department of Environment and Natural Resources (DENR), kung saan binigyang-diin niya ang kahalagahan ng pagtatanim ng puno bilang ambag sa pagpapanumbalik ng kalikasan, pangangalaga ng biodiversity, at pagharap sa mga hamong dulot ng pagbabago ng klima.

Bilang bahagi ng programa, nagsagawa rin si Forester Jing F. Astejada, Head ng Municipal Environment and Natural Resources Office (MENRO), ng orientation hinggil sa wastong pamamaraan ng pagtatanim ng Bitaog o mas kilala sa ating lugar bilang Dangkalan. Ipinaliwanag niya ang kahalagahan ng naturang species bilang isa sa mga matitibay at angkop na punong itinatanim sa mga baybaying lugar dahil sa kakayahan nitong makatulong sa pangangalaga ng coastal ecosystem, pagpigil sa pagguho ng lupa, at pagprotekta sa ating mga dalampasigan laban sa epekto ng malalakas na alon at iba pang kalamidad.

Ang nasabing programa ay pinangasiwaan ng aming Tanggapan ng Municipal Environment and Natural Resources Office (MENRO) kung saan si SEMS Mary Jean Aumentado ang nagsilbing tagapagpadaloy ng programa. Dinaluhan din ito ng mga pinuno at kinatawan ng iba’t ibang tanggapan ng pamahalaan, mga men in uniform, at mga opisyal ng Barangay Pamplona.

Sa pamamagitan ng sama-samang pagtatanim ng mga puno, muling pinatunayan ng bawat kalahok ang kanilang pangako sa pagtataguyod ng isang mas luntian, mas matatag, at mas napapanatiling kinabukasan para sa susunod na henerasyon.

“Magtanim ngayon para sa Luntiang Bukas.” 🌱💚

27/05/2026

⚠️ PAALALA SA LAHAT ⚠️

Mahigpit pong ipinagbabawal ang pagtatapon at pagtatambak ng basura sa pribado at pampublikong lugar.

Kung sino man ang nakakita o may impormasyon kung sino ang nagtapon ng mga basurang nasa larawan na matatagpuan
sa may Sityo Pinagtaywanan, hinihikayat po namin kayong magsumbong sa Tanggapan ng MENRO upang agad na mabigyan ng kaukulang aksyon.

Makiisa. Maging responsable. Panatilihing malinis ang ating kapaligiran.

09/05/2026

13/04/2026

Ang simpleng pag-iwas sa plastik ay malaking ambag sa kalinisan at kaligtasan ng ating kapaligiran.

Makilahok. Sumunod. At Maging Bahagi ng Solusyon. 🌱💚

05/04/2026

Matagumpay na naisagawa ang huling araw ng SUMVAC 2026 ngayong Linggo ng Pagkabuhay 🌊🌿

Sa patuloy na pagtutulungan ng pamahalaan at mamamayan, naging maayos at matagumpay ang pagpapatupad ng Oplan SUMVAC 2026 sa mga baybaying lugar ng General Nakar at Binuwang River.

Sa pangunguna ni Mayor Alfredo J. Pujeda, katuwang ang MENRO sa ilalim ni For. Jing F. Astejada, kasama sina SEMS Mary Jean Aumentado at mga kawani, naisakatuparan ang pagpapanatili ng kalinisan, kaayusan, at pagpapaalala sa mga pambayang ordinansa.

Salamat sa pakikiisa—para sa malinis at maayos na kapaligiran!

04/04/2026

Ikatlong Araw ng SUMVAC 2026 | Sabado de Gloria

Kasama ang iba’t ibang tanggapan na may kanya-kanyang nakaatas na gawain, ang Tanggapan ng MENRO sa pamumuno ni For. Jing F. Astejada ay kaalakbay sa pagpapanatili ng kalinisan at kaayusan sa ating mga baybayin at pampublikong lugar.

Patuloy ang mahigpit na pagpapatupad ng mga pambayang ordinansa at pagpapaalala sa mga turista at kapwa Nakarins upang mapanatiling malinis, ligtas, at maayos ang ating kapaligiran.

Sa sama-samang pagkilos at disiplina, mapapanatili nating buhay ang diwa ng isang makakalikasan at makabuluhang paggunita ng Semana Santa.

03/04/2026

Ikalawang Araw ng SUMVAC 2026 | Biyernes Santo

Sa pagpapatuloy ng ating Oplan SUMVAC 2026, mas pinaigting ang pagpapanatili ng kalinisan at kaayusan sa ating mga baybaying dagat sa General Nakar at sa Binuwang River ngayong Biyernes Santo. Layunin nitong masiguro na ang ating mga turista at kapwa Nakarins ay maayos na napapaalalahanan at naipapaalam ang mga umiiral na pambayang ordinansa upang mapanatili ang kalinisan ng ating kapaligiran.

Sa pamumuno ng ating minamahal na Mayor Alfredo J. Pujeda, katuwang ang Tanggapan ng MENRO na pinamumunuan ni For. Jing F. Astejada, ay inatasan sina SEMS Mary Jean Aumentado kasama ang mga kawani ng tanggapan upang manguna sa pagpapanatili ng kaayusan at aktibong pagpapaalala sa mamamayan—bilang paggalang na rin sa banal na paggunita ng Semana Santa.

Sama-sama nating pangalagaan ang ating kalikasan. Disiplina at malasakit ang susi sa malinis at maayos na bayan.