General Santos City Health Office

🌿💚 𝙋𝙐𝙍𝙊𝙆𝘼𝙇𝙐𝙎𝙐𝙂𝘼𝙉 𝙎𝘼 𝙋𝙐𝙍𝙊𝙆 5, 𝘽𝘼𝙍𝘼𝙉𝙂𝘼𝙔 𝙐𝙋𝙋𝙀𝙍 𝙇𝘼𝘽𝘼𝙔 💚🌿

Noong Mayo 26, 2026, matagumpay na isinagawa ng Barangay Health Station (BHS) ng Upper Labay ang programang PuroKalusugan sa Purok 5 Sansapan, Barangay Upper Labay, General Santos City. Ang PuroKalusugan ay isang programang pangkalusugan ng Department of Health (DOH) na layuning mailapit ang mga pangunahing serbisyong medikal at pangkalusugan sa mga komunidad, lalo na sa antas ng mga purok at barangay, upang masigurong mas maraming mamamayan ang mabibigyan ng sapat at maagap na serbisyong pangkalusugan.

Sa naturang aktibidad, iba’t ibang serbisyong pangkalusugan ang naihatid sa mga residente kabilang ang oral check-up at fluoride varnish para sa oral health, HGT/RBS at blood pressure monitoring para sa regular na pagsusuri ng kalusugan, at pamamahagi ng IEC materials upang higit na mapalawak ang kaalaman ng komunidad ukol sa wastong pangangalaga sa kalusugan.

Nagkaroon din ng pamamahagi ng maintenance medicines para sa mga may hypertension at diabetes, Vitamin A supplementation para sa mga batang edad 6–59 months, re-weighing ng mga bata upang mabantayan ang kanilang nutrisyon, at pamamahagi ng Iron Folic Acid (IFA) para sa postpartum mothers. Bukod dito, namahagi rin ng gamot para sa mga may ubo at family planning commodities bilang bahagi ng patuloy na pagsusulong ng maternal at reproductive health services sa barangay.

Sa kabuuan, 65 na indibidwal ang nabigyan ng serbisyong pangkalusugan para sa mga adult habang 22 bata naman ang nabigyan ng Vitamin A at sumailalim sa re-weighing. Naitala rin ang 21 benepisyaryo para sa oral health services at dalawang katao ang nabigyan ng HPV services.

Naging matagumpay ang aktibidad sa tulong at pakikiisa ng mga BHS Midwife at HRH Nurse, RHU Dentist, mga Barangay Health Workers (BHWs), at ng Kagawad on Health na sama-samang nagsikap upang maihatid ang dekalidad at mas pinalapit na serbisyong pangkalusugan sa komunidad.

🌾🐟 𝘾𝙄𝙏𝙔 𝙃𝙀𝘼𝙇𝙏𝙃 𝙊𝙁𝙁𝙄𝘾𝙀, 𝙉𝘼𝙂𝙃𝘼𝙏𝙄𝘿 𝙉𝙂 𝙎𝙀𝙍𝘽𝙄𝙎𝙔𝙊𝙉𝙂 𝙋𝘼𝙉𝙂𝙆𝘼𝙇𝙐𝙎𝙐𝙂𝘼𝙉 𝙎𝘼 𝙋𝘼𝙂𝘿𝙄𝙍𝙄𝙒𝘼𝙉𝙂 𝙉𝙂 𝙁𝘼𝙍𝙈𝙀𝙍 𝘼𝙉𝘿 𝙁𝙄𝙎𝙃𝙀𝙍𝙁𝙊𝙇𝙆 𝙈𝙊𝙉𝙏𝙃 💚

Nakiisa ang City Health Office sa pagdiriwang ng Farmer and Fisherfolk Month Celebration na ginanap ngayong Mayo 26, 2026 sa Lagao Gymnasium, General Santos City sa pamamagitan ng paghahatid ng serbisyong pangkalusugan sa mahigit 150 na mga magsasaka at mangingisda. Ang programang ito ay pinangunahan ng City Agriculturist Office.

Kabilang sa mga serbisyong ipinagkaloob ng City Health Office ay ang mga sumusunod:

✅Medical Consultation
✅ Blood Pressure (BP) Screening
✅HIV Counseling and Testing
✅Distribution of Family Planning Commodities sa pakikipagtulungan ng FPOP
✅Nutrition Counseling

Sa pamamagitan ng aktibidad na ito, muling pinagtibay ng City Health Office ang patuloy nitong suporta at malasakit sa kapakanan ng ating mga farmer at fisherfolk na nagsisilbing haligi ng seguridad sa pagkain at kabuhayan ng komunidad.

🚨 ALERTO KATANGAWAN! 🚨
May darating na ACTIVE CASE FINDING (ACF) sa inyong barangay!
📍 Brgy. Katangawan
🗓️ May 28, 2026
❗ Huwag balewalain ang ubo na tumatagal ng 2 linggo pataas, panghihina, pagpapawis sa gabi, at pagbaba ng timbang.
✅ LIBRENG TB Screening
✅ LIBRENG Chest X- Ray
✅ Maagang pagtuklas, maagang lunas!
💚 Sama-sama nating sugpuin ang TB para sa mas ligtas at malusog na komunidad.

📢 ACTIVE CASE FINDING SCHEDULE 📢

Your health matters! Join our Active Case Finding activity for early detection and timely care. Together, let’s protect our community and promote a healthier future. 💙🫁

See the schedule below and participate in your assigned area. Early detection saves lives!

🌍💙 WORLD THYROID DAY | May 25 💙🌍
Ngayong World Thyroid Day, mahalagang paalalahanan ang bawat isa na pakinggan ang ating katawan at huwag balewalain ang mga senyales tulad ng madaling pagkapagod, pagbabago sa timbang, at palaging pakiramdam na malamig o mainit.
✅ Magpatingin nang regular
✅ Kumain ng masustansya
✅ Alagaan ang kalusugan
✅ Palaganapin ang kaalaman tungkol sa thyroid disorders

Ang maagang pagtuklas ay susi sa mas maayos at malusog na pamumuhay.

🌍💙 WORLD THYROID DAY | May 25 💙🌍

Ngayong World Thyroid Day, mahalagang paalalahanan ang bawat isa na pakinggan ang ating katawan at huwag balewalain ang mga senyales tulad ng madaling pagkapagod, pagbabago sa timbang, at palaging pakiramdam na malamig o mainit.

✅ Magpatingin nang regular
✅ Kumain ng masustansya
✅ Alagaan ang kalusugan
✅ Palaganapin ang kaalaman tungkol sa thyroid disorders

Ang maagang pagtuklas ay susi sa mas maayos at malusog na pamumuhay. 💜

𝐀𝐍𝐍𝐎𝐔𝐍𝐂𝐄𝐌𝐄𝐍𝐓!

Please be informed that the City Health Office will observe official working hours from 8:00 AM to 5:00 PM for this week, May 25-28, 2026 (Monday to Thursday).

This adjustment is made to give way for the May 27, 2026 holiday (Eid al-Adha).

Thank you for your understanding and cooperation!
Please be guided accordingly.

‼️ALAMIN ANG TAMANG IMPORMASYON TUNGKOL SA EBOLA‼️

Detalye sa comment sa section.

𝐁𝐚𝐰𝐚𝐭 𝐂𝐡𝐞𝐜𝐤-𝐮𝐩, 𝐇𝐚𝐤𝐛𝐚𝐧𝐠 𝐬𝐚 𝐋𝐢𝐠𝐭𝐚𝐬 𝐧𝐚 𝐏𝐚𝐧𝐠𝐚𝐧𝐠𝐚𝐧𝐚𝐤 🤰
Sa bawat antenatal check-up, mas napapalitan ng kapanatagan ang pangamba.
Dahil ang pag-aalaga kay baby ay nagsisimula habang siya’y nasa sinapupunan pa lamang.
Kumpletuhin ang 8 antenatal check-ups para sa ligtas na pagbubuntis at mas malusog na kinabukasan.
Magpa-prenatal check-up. Dahil ang unang alaga, dapat maaga.

𝐁𝐚𝐰𝐚𝐭 𝐂𝐡𝐞𝐜𝐤-𝐮𝐩, 𝐇𝐚𝐤𝐛𝐚𝐧𝐠 𝐬𝐚 𝐋𝐢𝐠𝐭𝐚𝐬 𝐧𝐚 𝐏𝐚𝐧𝐠𝐚𝐧𝐠𝐚𝐧𝐚𝐤 🤰

Sa bawat antenatal check-up, mas napapalitan ng kapanatagan ang pangamba.
Dahil ang pag-aalaga kay baby ay nagsisimula habang siya’y nasa sinapupunan pa lamang.
Kumpletuhin ang 8 antenatal check-ups para sa ligtas na pagbubuntis at mas malusog na kinabukasan.
Magpa-prenatal check-up. Dahil ang unang alaga, dapat maaga.

𝙎𝙀𝙍𝘽𝙄𝙎𝙔𝙊𝙉𝙂 𝙋𝘼𝙉𝙂𝙆𝘼𝙇𝙐𝙎𝙐𝙂𝘼𝙉, 𝙄𝙉𝙄𝙃𝘼𝙏𝙄𝘿 𝙉𝙂 𝘾𝙄𝙏𝙔 𝙃𝙀𝘼𝙇𝙏𝙃 𝙊𝙁𝙁𝙄𝘾𝙀 𝙎𝘼 𝙎𝙀𝙍𝘽𝙄𝙎𝙔𝙊𝙉𝙂 𝙃𝙀𝙉𝙀𝙍𝘼𝙇

Nakilahok ang General Santos City Health Office sa isinagawang Serbisyong Heneral ngayong Mayo 21, 2026 sa Barangay Gymnasium ng Barangay Sinawal. Mahigit 200 pasyente ang nagpakonsulta at nabigyan ng libreng serbisyong inihandog ng City Health Office sa nasabing aktibidad. Umabot sa 61 na benepisyaryo ang nabigyan ng serbisyong dental at 85 naman ang sumailalim sa libreng tuli.

Sa pangunguna ni City Health Officer Dr. Lalaine M. Calonzo, binigyang-diin na libre ang lahat ng serbisyong pangkalusugan na ibinigay ng City Health Office. Ipinaalala rin niya na ang Barangay Sinawal ay nasa ilalim ng RHU Apopong kung saan maaaring magpatuloy ang mga residente sa pag-avail ng mga serbisyong medikal mula sa mga doktor, dentista, nurses, at midwives.

Kabilang sa mga serbisyong ipinagkaloob ng City Health Office ay ang mga sumusunod:

✓ Libreng medical check-up
✓ Libreng gamot
✓ Libreng dental consultation
✓ Libreng bunot ng ngipin
✓ Libreng chest X-ray
✓Libreng tuli
✓Libreng laboratory test

Sa pamamagitan ng patuloy na paglapit ng mga serbisyong medikal sa mga barangay, muling ipinakita ng City Health Office ang kanilang dedikasyon sa pagbibigay ng dekalidad, maagap, at accessible na serbisyong pangkalusugan para sa bawat mamamayan ng General Santos City.

Nagpaabot naman ng pasasalamat si City Mayor Hon. Lorelie G. Pacquiao sa lahat ng residenteng dumalo at sa mga partner agencies at government offices na patuloy na nakikiisa at sumusuporta sa mga programa ng lungsod.

𝗛𝗶𝗻𝗱𝗶 𝗶𝘁𝗼 𝘁𝘀𝗶𝘀𝗺𝗶𝘀: 𝗯𝗮𝗴𝗮 𝗺𝗼 𝗮𝗻𝗴 𝗻𝗮𝗴𝗯𝗮𝗯𝗮𝘆𝗮𝗱 𝘀𝗮 𝗯𝗮𝘄𝗮𝘁 𝗵𝗶𝘁𝗵𝗶𝘁!🚬
Sa bawat sigarilyong sinisindihan, hindi lang usok ang iniiwan dahil unti-unti nitong sinisira ang katawan.
Sa dulo, hindi bisyo ang maaalala mo—kundi ang mga nawala sa’yo
kalusugan, lakas, at mga araw na sana’y mas mahaba pa.
𝙃𝙪𝙢𝙞𝙣𝙩𝙤 𝙠𝙖 𝙣𝙖. 𝙉𝙜𝙖𝙮𝙤𝙣 𝙣𝙖.

𝗛𝗶𝗻𝗱𝗶 𝗶𝘁𝗼 𝘁𝘀𝗶𝘀𝗺𝗶𝘀: 𝗯𝗮𝗴𝗮 𝗺𝗼 𝗮𝗻𝗴 𝗻𝗮𝗴𝗯𝗮𝗯𝗮𝘆𝗮𝗱 𝘀𝗮 𝗯𝗮𝘄𝗮𝘁 𝗵𝗶𝘁𝗵𝗶𝘁!🚬

Sa bawat sigarilyong sinisindihan, hindi lang usok ang iniiwan dahil unti-unti nitong sinisira ang katawan.

Sa dulo, hindi bisyo ang maaalala mo—kundi ang mga nawala sa’yo
kalusugan, lakas, at mga araw na sana’y mas mahaba pa.

𝙃𝙪𝙢𝙞𝙣𝙩𝙤 𝙠𝙖 𝙣𝙖. 𝙉𝙜𝙖𝙮𝙤𝙣 𝙣𝙖.