GenSan City Public Library

FROM THE DESK OF VICE MAYOR ROSALITA T. NUÑEZ, MNSA, PhD
(BISAYA VERSION)
THE MOTHER OF ALL CORRUPTION

“The mother of all corruption” kini ang tawag sa almost-P500 Million nga Traffic Synchronization and Signalization Project sa Local Government Unit of General Santos City miaging 2022 Political Campaign Period.

Ang unta nahimong usa sa pinaka dako nga investments sa local government ug mahimo untang legacy project sa miaging Rivera Administration nahimong political nga pasangil sa matud pa dakong kurapsyon.

Kini nga proyekto nahimong kontrobersiyal nga isyu panahon sa kampanya tungod sa alegasyon nga kurapsyon, iregularidad, ug overpricing nga gilabay kontra ani sa ngalan sa pamulitika.

Tadtad ug nahugawan og dili patas ug himo-himong alegasyon ang maong proyekto hangtud sa miabot sa punto nga pati ako mismo, wala nagtuo nga mahimo pang tinuod.

Bisan pa niini, nagpasalamat ko sa kasamtangang adminisyon ug liderato ni Mayor Lorelie Pacquiao sa pag desisyon nga idayon ang nahisgutan natong proyekto.

Nagpamatuod lamang kini nga dili tinuod ang mga storya ug balita bahin sa among governance and political relationship nga matod pa “obstructionists and saboteurs” mi sa matag usa tungod sa mga political reasons ug bugti niini ang kaayuhan alang sa katawhan sa General Santos City.

Ang atong siyudad ang usa sa mga LGUs sa tibuok Rehiyon Dose nga nagpahigayon og traffic light system kapin 20 anyos na ang miagi ug kita tanan nasayod nga ang traffic lighting system sa siyudad dugay nang nahimong biktima sa panahon ug kinahanglan na pulihan ug i-upgrade tungod sa pagkakaraan niini.

Ang pag modernize sa traffic signalization ug pagbutang og state-of-the-art Closed-Circuit Television Capability (CCTV) dakong tabang sa security and law enforcement capabilities sa atong kapulisan ug dako usab nga tabang sa traffic control systems nato.

Ang desisyon ni Mayor Pacquiao nga ipadayon ang Traffic Synchronization and Signalization Project nagpakita usab nga ang mga alegasyon sa kurapsyon nga nahimo batok kang kanhing Mayor Ronnel Rivera, dili tinuod.

Ang plano usab sa Pacquiao Administration nga matud pa dugangan ang budget sa maong proyekto by an additional P60 million isip suporta sa mga components niini pasabot usab nga dili tinuod nga “overpriced” ang maong proyekyo sama sa mga gialegar kontra niini panahon sa eleksyon.

Sa makausa, daghang salamat kay Mayor Pacquiao sa pag desisyon nga ipadayon ang mga project ug pagbutang sa kahimtang sa katawhan sa General Santos City ibabaw sa mga mal inga political narrative nga giakusa kontra natong duha.

📚📚