Rodolfo “Boboy” Mabuhay

DAGHANG SALAMAT BRGY. BIG MARGUS SA INYONG GIPAKITANG SUPORTA SA TEAM DVY PARTIDO LAKAS-CMD!

Daghang salamat Brgy. New Aklan ilabi na sa Brgy. Captain Victoriano Salutan sa pag pagamit sa gym ug sa pag tugot sa mga taw nga maminaw ug mo tambong sa TEAM DVY LAKAS-CMD Rally!

Daghang salamat! 💯💪🏼

Masadyaong nakighimamat ang mga katawhan sa Brgy. Baliton kay Mayora Vivien Yap, Vice Mayor Yoyong Yap ug inubanan sa iyang walo (8) ka mga Municipal Kagawad sa ilang gipatigayong rally (pulong-pulong) karung adlawa April 16, 2022- Sabado sa gymnasium sa maong barangay.

Dako usab ang kalipay ni Kagawad Rodolfo "Boboy" Mabuhay sa iyang nakitang kusog ug walay puas na suporta gikan sa mga lumulupyo sa maong barangay. Kini nagpasabot lamang na andam silang makigduyog ug muoban sa partidong Lakas CMD-Team DVY Cares sa mga maayong programa ug plataporma niini. Nadungog usab niya/nila ang mga yangu-ngo ug mga suhestiyon sa mga tawo aron mas mapalapad ug mas mapanday ang ilang mga programa sa panahon nga sila makalingkod na.

Gipaambit usab ni Kagawad Boboy ang iyang mga eksperyensya isip usa ka "public servant" kung diin mas nabansay siya sa pagpanerbisyo. Ug gipaabot usab niya sa mga tawo ang maayo niyang tumong ug tinguha sa iyang paglansad isip usa ka Municipal Kagawad. Nagpakita ang katawhan sa ilang dakong interes sa pagpaminaw kaniya kay siya gayud adunay maayong mga programa na ang handom kay ang matabangan ug maabagan ang mga kabus, kaigsuonan natong mga mag-uuma, kabatan-onan, ug ang mga Indigenous People.

Usa pa niya gihuman ang iyang pagdiskurso, nipalakpak ug naghugyaw na ang mga tawo sa ilang kalipay ug sa kaanindot sa mga programa na ihatag ug i-implementar ni KaTropang Boboy. Sigun pa ni Boboy "Kining tanan dili lamang saad, ako niatubang ninyo isip usa ninyo ka suloguon na muduso sa inyong mga gusto programa, suhestiyon ug mga ordinansa ngadto sa Sangguniang Bayan kung ako inyong palingkuron".

Si Boboy Mabuhay na usa sa mga naay dakong panglantaw sa lungsod sa Glan ug ang kasamtangang kapitan sa Brgy. Datalbukay, nikuyog sa pagsud-ong sa usa ka baranggay nga gigiyahan sa maanindot na talan-awon, mineral resources ug maabi-abihong mga tawo. Kinasing-kasing niyang gipadayag ang iyang mga plataporma ngadto sa mga katawhan sa Purok Datal Lanao ug Bâ Glan, Baranggay Congan, Glan Sarangani Province.

Maabtikong naminaw ang mga katawhan ug sila nalipay gayud nga adunay mga tawo sama ni Boboy Mabuhay nga naay kasingkasing na mutabang sa katawhan hilabi na katong kaigsuonan natong mga Indigenous People. Dako usab ang iyang pag-pokus sa pagtabang sa mga mag-uuma sa mga kabukiran, kay siya usab niagi sa kalisod sa pag-ugmad sa yuta.

Nadungog usab niya ang mga mulo ug aligutgot sa mga tawo sa maong lugar ug kini ang mahimo niyang basehan sa iyang mga programa kung siya makalingkod na isip usa ka Municipal Kagawad.

Matud pa niya" Ang bug-at ipagaan, ang lisod ipasayon, ang maayong buhat ipadayon".


-BoBoyMabuhay #23
-CMD

DAGHANG SALAMAT SA MGA KATAWHAN SA BRGY. PANGYAN SA WAY PUAS NA PAG SUPORTA SA PARTIDO LAKAS-CMD TEAM DVY CARES!


-CMD

HAPPY WOMEN’S DAY, MGA KABABAEHAN SA BRGY. DATALBUKAY! ❤️

Isip inyong amahan sa atong barangay, nagahinaot ko na ang gugma ug panagtinabangay maoy himuong pundasyon sa maanindot nga pamilya. Unta magpadayon kamo sa paghatag ug kahayag sa inyong tagsa tagsa na panimalay.

Daghan salamat ninyong tanan ❤️💚

- KA-TROPA BOBOY