What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm Saturday 8am - 5pm

https://www.facebook.com/615080098352183/

Sangguniang Kabataan ng San Sebastian - Hagonoy, Bulacan, San Sebastian, Hagonoy (2026)

02/11/2026

𝗔𝗡𝗧𝗜-𝗗𝗘𝗡𝗚𝗨𝗘 𝗧𝗛𝗘𝗥𝗠𝗔𝗟 𝗙𝗢𝗚𝗚𝗜𝗡𝗚 𝗢𝗣𝗘𝗥𝗔𝗧𝗜𝗢𝗡

Bilang tugon sa naitalang dengue outbreak sa Purok Peralta, matagumpay na isinagawa ang Thermal Fogging Operation noong ika-31 ng Oktubre 2026 bilang bahagi ng mga hakbang upang makatulong na mapigilan ang pagdami ng lamok na nagdadala ng dengue.

Naging posible ang gawaing ito sa pamamagitan ng inisyatibo ni SK Chairperson George R. Pablo, sa pakikipagtulungan ng Sangguniang Barangay ng San Sebastian, Kons. John David Martin, at ng pamunuan ng Mother of Perpetual Help School.

Taos-puso ang aming pasasalamat sa lahat ng indibidwal at institusyong nakiisa at nagpaabot ng suporta upang maisakatuparan ang makabuluhang gawaing ito.

Patuloy ang sama-samang pagkilos para sa isang ligtas, malusog, at dengue-free na pamayanan.

𝗔𝗕𝗔𝗡𝗧𝗘, 𝗞𝗔𝗕𝗔𝗧𝗔𝗔𝗡𝗚 𝗕𝗔𝗦𝗧𝗘!

02/11/2026

𝗔𝗡𝗧𝗜-𝗗𝗘𝗡𝗚𝗨𝗘 𝗧𝗛𝗘𝗥𝗠𝗔𝗟 𝗙𝗢𝗚𝗚𝗜𝗡𝗚 𝗢𝗣𝗘𝗥𝗔𝗧𝗜𝗢𝗡

Bilang tugon sa naitalang dengue outbreak sa Purok Peralta, matagumpay na isinagawa ang Thermal Fogging Operation noong ika-31 ng Oktubre 2026 bilang bahagi ng mga hakbang upang makatulong na mapigilan ang pagdami ng lamok na nagdadala ng dengue.

Naging posible ang gawaing ito sa pamamagitan ng inisyatibo ni SK Chairperson George R. Pablo, sa pakikipagtulungan ng Sangguniang Barangay ng San Sebastian, Kons. John David Martin, at ng pamunuan ng Mother of Perpetual Help School.

Taos-puso ang aming pasasalamat sa lahat ng indibidwal at institusyong nakiisa at nagpaabot ng suporta upang maisakatuparan ang makabuluhang gawaing ito.

Patuloy ang sama-samang pagkilos para sa isang ligtas, malusog, at dengue-free na pamayanan.

𝗔𝗕𝗔𝗡𝗧𝗘, 𝗞𝗔𝗕𝗔𝗧𝗔𝗔𝗡𝗚 𝗕𝗔𝗦𝗧𝗘!

01/11/2026

𝗪𝗔𝗪𝗔 𝗗𝗢𝗦 & 𝗧𝗥𝗘𝗦 𝗛𝗔𝗟𝗟𝗢𝗪𝗘𝗘𝗡 𝗣𝗔𝗥𝗧𝗬

Patuloy ang pagbabahagi ng saya at ngiti sa mga Kabataang Baste!

Sa pangunguna ni SK Chairperson George R. Pablo, namahagi ang Sangguniang Kabataan ng San Sebastian ng mga loot bags at kendi sa dalawang magkahiwalay na pagdiriwang ng Halloween Party sa Purok Wawa Dos at Wawa Tres nitong Oktubre 30, 2026.

Bahagi ito ng patuloy na pagsuporta ng Sangguniang Kabataan sa mga gawaing nagtataguyod ng pagkakaisa, pakikilahok at masasayang karanasan ng mga kabataan sa ating pamayanan.

Happy halloween, batang Baste!

𝗔𝗕𝗔𝗡𝗧𝗘, 𝗞𝗔𝗕𝗔𝗧𝗔𝗔𝗡𝗚 𝗕𝗔𝗦𝗧𝗘!

31/10/2026

𝗣𝗔𝗕𝗔𝗧𝗜𝗗 𝗦𝗔 𝗣𝗨𝗕𝗟𝗜𝗞𝗢: 𝗢𝗣𝗜𝗦𝗬𝗔𝗟 𝗡𝗔 𝗣𝗔𝗚𝗕𝗜𝗕𝗜𝗧𝗜𝗪 𝗦𝗔 𝗣𝗔𝗡𝗨𝗡𝗨𝗡𝗚𝗞𝗨𝗟𝗔𝗡 𝗡𝗜 𝗦𝗞 𝗞𝗔𝗚𝗔𝗪𝗔𝗗 𝗝𝗛𝗔𝗡𝗘𝗟𝗟𝗔

Pormal na ipinababatid sa publiko ang pagbibitiw ni Hon. John Axcel “Jhanella” V. Mendoza bilang Sangguniang Kabataan Kagawad ng Barangay San Sebastian, Hagonoy, Bulacan, na magkakabisa ngayong Oktubre 31, 2026.

Ang kanyang desisyon na magbitiw ay kaugnay ng pagtanggap niya ng bagong oportunidad sa trabaho.

Lubos ang ating pasasalamat kay SK Kagawad Jhanella sa kanyang tatlong taong serbisyo. Kinikilala natin ang kanyang naging bahagi sa pagsusulong ng mga programa at adhikaing naglalayong magtaguyod ng isang progresibo, inklusibo, at kolektibong pamamahala.

Nawa’y maging bahagi ng magagandang alaala at karanasan niya ang kanyang naging paglilingkod sa ating barangay. Maraming salamat sa kanyang mga ambag, at hangad natin ang patuloy niyang tagumpay sa bagong yugto ng kanyang propesyonal na buhay.

Maraming salamat sa iyong serbisyo, SK Jhanella!

30/10/2026

𝗣𝗔𝗕𝗔𝗧𝗜𝗗 𝗦𝗔 𝗣𝗨𝗕𝗟𝗜𝗞𝗢: 𝗙𝗢𝗚𝗚𝗜𝗡𝗚 𝗢𝗣𝗘𝗥𝗔𝗧𝗜𝗢𝗡 𝗦𝗔 𝗣𝗘𝗥𝗔𝗟𝗧𝗔

Bilang tugon sa naitalang Dengue Outbreak sa Peralta, magkakaroon ng Fogging Operation sa nasabing lugar upang makatulong na makontrol ang pagdami ng mga lamok na nagdadala ng dengue.

ISKEDYUL NG OPERASYON:
Petsa: Oktubre 31, 2026 (Sabado)
Oras: 9:00 AM
Lugar: Peralta, Brgy. San Sebastian

MAHAHALAGANG PAALALA:
1. Isara ang mga pinto at bintana habang isinasagawa ang operasyon.
2. Ilayo ang mga bata at alagang hayop sa lugar na apektado ng fogging.
3. Takpan ang mga pagkain, inumin, kagamitan sa kusina, at iba pang personal na gamit.
4. Iwasang lumapit o manatili sa lugar habang may fogging operation.
5. Sundin ang mga tagubilin ng mga awtoridad pagkatapos ng operasyon.

Hinihiling ang pakikiisa ng lahat ng residente upang matiyak ang maayos at ligtas na pagsasagawa ng aktibidad.

Sama-sama nating labanan ang dengue! Para sa isang malinis at ligtas na barangay San Sebastian.

𝗔𝗕𝗔𝗡𝗧𝗘, 𝗞𝗔𝗕𝗔𝗧𝗔𝗔𝗡𝗚 𝗕𝗔𝗦𝗧𝗘!

28/10/2026

🗳️ 𝗦𝗞 𝗦𝗔𝗡 𝗦𝗘𝗕𝗔𝗦𝗧𝗜𝗔𝗡: 𝗬𝗢𝗨𝗧𝗛 𝗣𝗥𝗢𝗝𝗘𝗖𝗧 𝗦𝗨𝗥𝗩𝗘𝗬

Ano ang mga proyektong nais mong maisakatuparan ng Sangguniang Kabataan ng San Sebastian sa taong 2027?

Bukas ang ating tanggapan sa inyong mga mungkahi, ideya, at rekomendasyon upang makabuo ng mga programang tunay na tumutugon sa pangangailangan at adhikain ng mga kabataang Baste.

I-scan ang QR code sa larawan o i-click ang link na ito: https://tinyurl.com/SKSS-YouthProjectSurvey at ibahagi ang inyong mga mungkahi. Bawat boses ay mahalaga, at bawat ideya ay maaaring maging simula ng isang makabuluhang pagbabago!

Sama-sama nating hubugin ang mga proyektong para sa kabataan, kasama ang kabataan, at pinangungunahan ng kabataan.

Progresibo. Inklusibo. Kolektibo.

𝗔𝗕𝗔𝗡𝗧𝗘, 𝗞𝗔𝗕𝗔𝗧𝗔𝗔𝗡𝗚 𝗕𝗔𝗦𝗧𝗘!

27/10/2026

𝗦𝗔𝗡 𝗦𝗘𝗕𝗔𝗦𝗧𝗜𝗔𝗡 𝗖𝗛𝗜𝗟𝗗 𝗗𝗘𝗩𝗘𝗟𝗢𝗣𝗠𝗘𝗡𝗧 𝗖𝗘𝗡𝗧𝗘𝗥: 𝗛𝗔𝗟𝗟𝗢𝗪𝗘𝗘𝗡 𝗣𝗔𝗥𝗧𝗬

Kahapon, ika-26 ng Oktubre 2026, isinagawa ang Halloween Party ng San Sebastian Child Development Center. Aktibong nakiisa ang Sangguniang Kabataan ng San Sebastian, sa pangunguna ni SK Chairperson George Pablo, sa pamamagitan ng pamamahagi ng mga munting handog para sa mga batang trick-or-treaters upang higit na maging masaya at makabuluhan ang pagdiriwang.

Taos-puso rin tayong nagpapasalamat kay Bb. Ma. Cristina D.A. Eligio, Youth Development Officer II ng ating bayan, sa pagtugon sa aming paanyaya at pakikiisa sa nasabing gawain. Ang inyong presensya ay nagbigay ng dagdag na sigla at saya sa pagdiriwang ng ating mga kabataan.

Patuloy na nakikiisa ang Sangguniang Kabataan ng San Sebastian sa mga gawaing naglalayong maghatid ng saya, pag-aaruga, at makabuluhang karanasan sa mga batang Baste. Sapagkat para sa amin, ang bawat munting handog at simpleng ngiti ay mahalagang bahagi ng pagbuo ng isang mas masaya at inklusibong komunidad.

Para sa masayang kabataan, sama-sama nating buuin ang isang komunidad na may malasakit sa bawat bata!

𝗔𝗕𝗔𝗡𝗧𝗘, 𝗞𝗔𝗕𝗔𝗧𝗔𝗔𝗡𝗚 𝗕𝗔𝗦𝗧𝗘!

24/10/2026

𝗖𝗢𝗔-𝗗𝗜𝗟𝗚-𝗟𝗚𝗨-𝗕𝗦𝗞 𝗗𝗜𝗔𝗟𝗢𝗚𝗨𝗘 𝟮𝟬𝟮𝟲

Noong ika-21 ng Oktubre 2026, aktibong nakiisa si SK Chairperson George Pablo kasama ang mga kapwa Sangguniang Kabataan at Barangay Officials ng Bayan ng Hagonoy sa isinagawang COA-DILG-LGU-BSK Dialogue 2026 na may temang “Financial Management and Transparency for Accountable Governance” sa Hagonoy Grandstand.

Layunin ng nasabing diyalogo na higit pang palakasin ang kaalaman at kakayahan ng mga opisyal sa wastong pamamahala ng pananalapi, pagsunod sa mga umiiral na alituntunin, at pagtataguyod ng transparency at accountability sa paglilingkod sa publiko.

Bilang lingkod-kabataan, nananatiling mahalaga ang patuloy na pagkatuto at pakikilahok sa mga programang nagtataguyod ng mabuting pamamahala upang matiyak na ang bawat pondo at proyektong ipinagkakatiwala sa pamahalaan ay nagagamit nang maayos, wasto, at para sa kapakanan ng mamamayan.

Progresibo. Inklusibo. Kolektibo. Patuloy na isinusulong ang isang pamamahalang may integridad, pananagutan, at tunay na malasakit sa komunidad.

𝗔𝗕𝗔𝗡𝗧𝗘, 𝗞𝗔𝗕𝗔𝗧𝗔𝗔𝗡𝗚 𝗕𝗔𝗦𝗧𝗘!

22/10/2026

𝗜𝗞𝗔𝗧𝗔𝗧𝗟𝗨𝗠𝗣𝗨'𝗧 𝗔𝗡𝗜𝗠 𝗡𝗔 𝗣𝗔𝗡𝗚𝗞𝗔𝗥𝗔𝗡𝗜𝗪𝗔𝗡𝗚 𝗣𝗔𝗚𝗣𝗨𝗣𝗨𝗟𝗢𝗡𝗚

Noong ika-18 ng Oktubre ng kasalukuyang taon, sa pangunguna ni SK Chairperson George Pablo bilang Tagapangulo ng pulong, matagumpay na isinagawa ang Ikatatlumpu't Anim na Pangkaraniwang Pagpupulong ng Sangguniang Kabataan ng San Sebastian.

Ang nasabing pagpupulong ay ginanap sa Tanggapan ng SK.
Nais po ng Sangguniang Kabataan na humingi ng paumanhin sa pagpapaliban ng live stream sa ating opisyal na page dulot ng ilang teknikal na suliranin. Upang hindi maantala ang daloy ng pulong, napagpasyahan na ipagpaliban muna ang pagla-live ngayong buwan.

Makaaasa po ang lahat na sa mga susunod na pagpupulong ay maaayos na ang nasabing isyu upang maipagpatuloy ang nasimulan ng Sanggunian.

Ang mga natalakay ay ang mga sumusunod:
1. Preliminary Discussion and Planning for the Preparation and Drafting of the 2027 SK San Sebastian Annual Budget
2. Iba pang paksa

Kasama ninyo sa isang Progresibo, Inklusibo, at Kolektibong Sangguniang Kabataan.

𝗔𝗕𝗔𝗡𝗧𝗘, 𝗞𝗔𝗕𝗔𝗧𝗔𝗔𝗡𝗚 𝗕𝗔𝗦𝗧𝗘!

20/10/2026

𝗚𝗥𝗔𝗡𝗗 𝗦𝗟𝗔𝗠 𝗪𝗜𝗡 𝗣𝗔𝗥𝗔 𝗦𝗔 𝗞𝗔𝗕𝗔𝗧𝗔𝗔𝗡𝗚 𝗕𝗔𝗦𝗧𝗘!

Isang makasaysayang tagumpay para sa buong San Sebastian! Sa katatapos lamang na SAGWAN: Gawad Galing Kabataan ng Hagonoy 2026, siyam na parangal ang naiuwi ng Kabataang Baste sa iba’t ibang larangan—patunay ng husay, dedikasyon, at sama-samang pagkilos ng ating mga kabataan.

𝗣𝗿𝗼𝗴𝗿𝗲𝘀𝗶𝗯𝗼. 𝗜𝗻𝗸𝗹𝘂𝘀𝗶𝗯𝗼. 𝗞𝗼𝗹𝗲𝗸𝘁𝗶𝗯𝗼. Ito ang prinsipyong gumagabay sa atin at tatak na patuloy nating ipinagmamalaki.

Sa bawat kabataang nangarap, kumilos, at nakibahagi—ang tagumpay na ito ay para sa inyo. Sama-sama nating patutunayan na ang kabataang Baste ay hindi lamang basta kalahok, kundi mga lider na may kakayahang maghatid ng progresibong pagbabago.

𝗔𝗕𝗔𝗡𝗧𝗘, 𝗞𝗔𝗕𝗔𝗧𝗔𝗔𝗡𝗚 𝗕𝗔𝗦𝗧𝗘!