ANGAT KA Hilongosnon

24/10/2026

Malipayong Adlawng Natawhan, Dr. Ferman Joaquin M. Gabisan, Municipal Health Officer!

Gikan sa Lokal nga Pangagamhanan sa Hilongos nga pinangulohan ni Mayor Manuel “Linlin” R. Villahermosa, uban sa bug-os nga suporta sa Sangguniang Bayan nga gipangulohan ni Bise Mayor Albert R. Villahermosa, among gipapaabot kanimo ang among kinasingkasing nga pagbati ug labing maayong mga pangandoy niining imong espesyal nga adlaw.

Hinaut nga ang Labawng Makagagahum magpadayon sa pagpanalangin kanimo og maayong panglawas, kalig-on, kaalam, ug dugang pang kalampusan sa tanan nimong mga pangandoy ug mga buluhaton sa pag-alagad sa katawhan. Hinaut usab nga mapuno sa kalipay, gugma, ug walay kinutuban nga mga panalangin ang imong kinabuhi.

Malipayong Adlawng Natawhan ug daghang salamat sa imong pag-alagad!

23/10/2026

Gipangunahan ni Mayor Manuel “Linlin” R. Villahermosa ang Local Health Board Meeting nga gipahigayon sa Mayor’s Conference Room, Hilongos Municipal Building, kauban ang mga miyembro sa Local Health Board.

Lakip sa mga nag-unang gihisgotan sa tigom ang presentasyon sa Health Facility Development Plan (HFDP), mga update sa Primary Care Facility (PCF), ug ang sugyot nga badyet alang sa pagpalit og mga medikal nga kagamitan sa tuig 2028, lakip ang ubang mga butang nga may kalabotan sa pagpalambo sa serbisyong panglawas sa lungsod.

Pinaagi sa hiniusang paningkamot ug maampingong pagplano, padayon nga gipaningkamotan sa lokal nga pangagamhanan ug sa Local Health Board ang pagpalig-on sa mga pasilidad ug pagpauswag sa kalidad sa serbisyong panglawas aron mas matubag ang panginahanglan sa matag Hilongosnon.

23/10/2026

Usa ka makahuluganon nga higayon sa gugma ug panaghiusa ang nahitabo sa seremonya sa kasal nila Mr. Christopher M. Otis ug Ms. Britney Lyn R. Glimada, nga gipangunahan ni Mayor Manuel “Linlin” R. Villahermosa.

Pinaagi sa seremonya, ilang gisaulog ang bag-ong yugto sa ilang kinabuhi isip magtiayon—nga puno sa gugma, pagsinabtanay, pagtahod, ug matinud-anong pagtinabangay sa pag-atubang sa mga hagit ug kalipay sa kaminyoon.

Sa iyang mensahe, gipasiugda sa Mayor ang kamahinungdanon sa gugma, pagsalig, ug panaghiusa isip lig-on nga pundasyon sa usa ka malipayon ug malungtarong kaminyoon.

Mainitong pahalipay kang Mr. Christopher M. Otis ug Ms. Britney Lyn R. Glimada! Hinaot nga ang inyong panaghiusa magmalungtaron, mapuno sa panalangin, ug magpabiling lig-on sa matag panahon.

Ang Lokal nga Pangagamhanan sa Lungsod sa Hilongos nagpaabot sa kinasingkasing nga panghinaot alang sa usa ka malipayon ug bulahang kinabuhi isip magtiayon.

23/10/2026

Usa na usab ka dungog ug kalampusan alang sa Lokal nga Pangagamhanan sa Hilongos ang pag-ila sa padayon nga paningkamot sa pagpalambo sa nutrisyon ug pagpanalipod sa kahimsog sa matag Hilongosnon.

Gipasidunggan ang Lokal nga Pangagamhanan sa Hilongos isip Green Banner Seal of Compliance sa gipahigayon nga 2026 Regional Nutrition Awarding Ceremony – Gawad Nutrisyon, nga may temang “Aspiring for Sustainable Excellence in Advancing Nutrition,” didto sa The Radiant Hotel and Events, Tacloban City.

Kini nga kalampusan gipasiugdahan ubos sa pagpangulo ni Mayor Manuel “Linlin” R. Villahermosa, uban sa hingpit nga suporta sa Sangguniang Bayan nga gipangulohan ni Bise Mayor Albert R. Villahermosa, isip pag-ila sa hiniusang paningkamot sa pagpalig-on sa mga programa ug serbisyo alang sa maayong nutrisyon ug kahimsog sa komunidad.

Gipadayag usab ang garbo sa Hilongos sa talagsaong mga pasidungog nga nadawat sa atong mga nutrition workers:

🌟 Mr. Edward F. Lora, Municipal Nutrition Action Officer (MNAO) sa Hilongos – Provincial Outstanding Municipal Nutrition Action Officer.

🌟 Ms. Virgenia Y. Antido, Barangay Nutrition Scholar (BNS) sa Barangay Marangog – Provincial and Regional Outstanding Barangay Nutrition Scholar (RO BNS).

Kining mga pasidungog nagpakita sa dakong bili sa dedikasyon, kakugi, ug panaghiusa sa pagpalambo sa nutrisyon, ilabi na sa pag-atiman sa kahimsog ug kaayohan sa matag pamilya ug komunidad.

Congratulations sa Lokal nga Pangagamhanan sa Hilongos ug sa atong mga pinalanggang nutrition advocates! Padayon sa paghatag og dekalidad nga serbisyo ug sa pagpalig-on sa mga programa nga maghatod sa mas himsog, lig-on, ug mauswagong Hilongosnon.

Hilongos, padayon sa paglambo alang sa mas himsog nga kaugmaon!

22/10/2026

ANGAT KA Hilongosnon

22/10/2026

ANGAT KA Hilongosnon

𝐇𝐈𝐋𝐎𝐍𝐆𝐎𝐒, 𝐓𝐇𝐄 𝐒𝐓𝐀𝐆𝐄 𝐈𝐒 𝐂𝐀𝐋𝐋𝐈𝐍𝐆! 𝐋𝐄𝐘𝐓𝐄 𝐈𝐃𝐎𝐋 𝐒𝐄𝐀𝐒𝐎𝐍 𝟏𝟑 𝐈𝐒 𝐂𝐎𝐌𝐈𝐍𝐆 𝐓𝐎 𝐓𝐎𝐖𝐍!

𝗧𝗵𝗲 𝗟𝗲𝘆𝘁𝗲 𝗜𝗱𝗼𝗹 𝗦𝗲𝗮𝘀𝗼𝗻 𝟭𝟯 is calling for 𝘼𝙐𝘿𝙄𝙏𝙄𝙊𝙉𝙎 to all student/youth singers in Hilongos, Leyte. This is your chance to sing your passion, represent your school, and chase your dream of becoming the next singing sensation of Leyte!

With ₱𝟓𝟎𝟎,𝟎𝟎𝟎 𝐖𝐎𝐑𝐓𝐇 𝐎𝐅 𝐂𝐀𝐒𝐇 AND SPECIAL PRIZES at stake in the Grand Finale, this is your moment to step up, stand out, and let your talent shine!

📅 𝗪𝗛𝗘𝗡: 𝗢𝗰𝘁𝗼𝗯𝗲𝗿 𝟮𝟳, 𝟮𝟬𝟮𝟲 (𝗧𝘂𝗲𝘀𝗱𝗮𝘆)
⏰ 𝗧𝗜𝗠𝗘: 𝟵:𝟬𝟬 𝗔𝗠 – 𝟰:𝟬𝟬 𝗣𝗠
📍 𝗪𝗛𝗘𝗥𝗘: 𝗩𝗲𝗻𝘂𝗲 𝘁𝗼 𝗯𝗲 𝗮𝗻𝗻𝗼𝘂𝗻𝗰𝗲𝗱

𝗪𝗛𝗢 𝗖𝗔𝗡 𝗔𝗨𝗗𝗜𝗧𝗜𝗢𝗡?
• 𝗠𝗮𝗹𝗲 𝗼𝗿 𝗳𝗲𝗺𝗮𝗹𝗲
• 𝟭𝟲–𝟮𝟱 𝘆𝗲𝗮𝗿𝘀 𝗼𝗹𝗱
• 𝗦𝗶𝗻𝗴𝗹𝗲
• 𝗡𝗼 𝗰𝗵𝗶𝗹𝗱𝗿𝗲𝗻
• 𝗡𝗼𝘁 𝗹𝗶𝘃𝗶𝗻𝗴 𝘄𝗶𝘁𝗵 𝗮 𝗽𝗮𝗿𝘁𝗻𝗲𝗿

AYAW NA PAGPA-ULAHI! Polish those vocals, prepare your audition piece, and get ready to own the stage! Your big break might just begin right here!

Stay tuned for the final audition venue and more updates.
Follow HILONGOS TOURISM for announcements!

𝙊𝙣𝙚 𝙫𝙤𝙞𝙘𝙚. 𝙊𝙣𝙚 𝙨𝙩𝙖𝙜𝙚. 𝙊𝙣𝙚 𝙙𝙧𝙚𝙖𝙢.
BE THE NEXT LEYTE IDOL!

21/10/2026

PAHIBALO SA PUBLIKO | EXECUTIVE ORDER NO. 37-2026

Aron masiguro ang kaluwasan sa publiko ug mapadayon ang hapsay nga dagan sa trapiko atol sa rehabilitasyon sa duha (2) ka tulay sa lungsod, nagpagawas si Mayor Manuel “Linlin” R. Villahermosa sa Executive Order No. 37-2026, nga nagmando sa temporaryong pagsira sa usa ka bahin sa R.V. Villaflores Street, Munisipalidad sa Hilongos, Leyte.

📍 R.V. Villaflores Street – ang bahin sa dalan gikan sa eskina sa Captain Vilbar Street hangtod sa eskina sa C.V. Alcuino Street temporaryong dili agian sa panahon sa rehabilitasyon sa tulay.

Kini nga lakang gitumong aron mahatagan og luwas nga lugar ang mga trabahante sa konstruksyon, malikayan ang posibleng disgrasya, ug masiguro ang kaluwasan sa mga residente, motorista, pedestrian, ug ubang mga molabay sa maong dapit.

Giawhag ang tanang motorista ug publiko nga magmatngon, mosunod sa mga pahimangno sa mga otoridad, ug mopili og alternatibong mga ruta aron malikayan ang kahuot sa trapiko ug malikayan ang posibleng peligro.

Ang inyong pagsabot, kooperasyon, ug pag-amping dako kaayog ikatabang aron masiguro ang kaluwasan sa tanan ug ang hapsay nga pagpatuman sa maong proyekto.

Alang sa kahibalo ug giya sa tanang katawhang Hilongosnon.

19/10/2026

🌐 𝐇𝐈𝐋𝐎𝐍𝐆𝐎𝐒 𝐄𝐋𝐆𝐔 𝐒𝐘𝐒𝐓𝐄𝐌 𝐋𝐈𝐕𝐄 𝐍𝐀!

Mas sayon nga serbisyo. Mas paspas nga transactions. Mas accessible nga government services.

Usa ka bag-ong milestone sa padayon nga digital transformation sa Municipality of Hilongos ang opisyal nga pag-live sa Hilongos eLGU System ug eNews.

Ubos sa pagpangulo ni Mayor Manuel “Linlin” R. Villahermosa, ug sa suporta sa Sangguniang Bayan sa pagpanguna ni Vice Mayor Albert R. Villahermosa, padayon nga gipalambo sa Local Government Unit of Hilongos ang mga pamaagi sa paghatag og serbisyo aron mas mapadali, mapasayon, ug mapaduol kini ngadto sa katawhan.

Pinaagi sa eGovPH App, mas sayon na alang sa mga Hilongosnon ang pag-access sa pipila ka LGU services, nga makatabang sa pagminus sa processing time ug sa unnecessary nga personal nga pag-adto sa opisina alang sa mga available online services.

📲 𝐔𝐍𝐒𝐀𝐘 𝐌𝐀𝐀𝐂𝐂𝐄𝐒𝐒 𝐍𝐈𝐌𝐎 𝐎𝐍𝐋𝐈𝐍𝐄?

🏢 BUSINESS PERMITS & BARANGAY CLEARANCES

Makapag-apply ug makapa-renew online alang sa Business Permits ug Barangay Clearances para sa negosyo.

💳 ONLINE PAYMENTS

Mas convenient ug secure nga paagi sa pagbayad alang sa mga eligible LGU transactions.

🧾 eCEDULA

Makapag-apply alang sa Community Tax Certificate (CTC) pinaagi sa digital platform.

👶 eLCR – BIRTH CERTIFICATE REQUEST

Makapag-request og copy sa Live Birth Certificate pinaagi sa Electronic Local Civil Registry System.

📰 eNEWS

Magpabiling updated sa mga official announcements, advisories, programs, activities, ug importanteng impormasyon gikan sa LGU Hilongos.

💡 𝐌𝐀𝐒 𝐒𝐀𝐘𝐎𝐍 𝐍𝐆𝐀 𝐒𝐄𝐑𝐁𝐈𝐒𝐘𝐎, 𝐌𝐀𝐒 𝐃𝐔𝐎𝐋 𝐍𝐆𝐀 𝐆𝐎𝐕𝐄𝐑𝐍𝐌𝐄𝐍𝐓

Ang Hilongos eLGU System usa ka lakang sa padayon nga pag-improve sa delivery sa public services pinaagi sa paggamit sa technology.

Pinaagi niini, atong gitinguha nga mapasayon ang transactions, mapamubo ang processing time, mapalambo ang transparency, ug mas mapaduol ang government services sa matag Hilongosnon.

Kay ang maayong serbisyo dili lamang kay available—kinahanglan accessible, convenient, ug responsive sa panginahanglan sa katawhan.

🤝 𝐏𝐀𝐃𝐀𝐘𝐎𝐍 𝐍𝐆𝐀 𝐏𝐀𝐆𝐓𝐀𝐌𝐁𝐀𝐘𝐀𝐘𝐎𝐍𝐆

Ang Local Government Unit of Hilongos nagpasalamat sa Department of Information and Communications Technology (DICT) ug DICT Regional Office VIII alang sa ilang technical expertise, guidance, ug continued support sa pagpatuman niini nga digital initiative.

Dako ang ilang contribution aron mapadayon ang atong tumong nga maghatag og faster, more accessible, ug more efficient public services alang sa atong katawhan.

📲 𝐑𝐄𝐀𝐃𝐘 𝐍𝐀 𝐀𝐍𝐆 𝐇𝐈𝐋𝐎𝐍𝐆𝐎𝐒!

Sa tanang Hilongosnon, business owners, ug stakeholders, among giawhag ang tanan nga i-download ug i-explore ang eGovPH App ug susihon ang available services sa Hilongos eLGU System.

Kini usa ka bag-ong paagi sa pag-connect sa katawhan ug sa local government—mas sayon, mas paspas, ug mas accessible.

Padayon ang Hilongos sa pag-embrace sa digital transformation alang sa usa ka government nga mas responsive, efficient, transparent, ug mas duol sa katawhan.

HILONGOS eLGU- MAS SAYON NGA SERBISYO, MAS DUOL NGA GOBYERNO.

19/10/2026

PAGHIUSA SA PAGLIHOK, PAGKAHIUSA SA PAG-ALAGAD

Ang epektibo nga pagdumala sa usa ka lungsod naggikan sa lig-on nga panaghiusa, tin-aw nga direksyon, ug makanunayong paningkamot sa matag opisina sa gobyerno. Isip kabahin sa padayon nga pagpalig-on sa serbisyo publiko, gipangunahan ni Mayor Manuel “Linlin” R. Villahermosa ang Department Heads Meeting uban sa Municipal Administrator nga si Atty. Lemuel Jan M. Nerves ug sa mga head sa nagkadaiyang opisina sa Local Government Unit (LGU) sa Hilongos.

Atol sa maong tigom, gipresentar sa matag head sa opisina ang ilang tagsa-tagsa ka mga nahimo ug kalampusan, nga nagpakita sa mga programa, kalihokan, ug serbisyo nga ilang gipaningkamutang mahatag alang sa katawhan. Nahimo usab kining higayon aron masuta ang kahimtang sa pagpatuman sa mga kalihokan, mapaambit ang mga nahimo sa matag departamento, ug mapalig-on ang koordinasyon alang sa mas hapsay ug episyenteng pagserbisyo.

Pinaagi sa padayon nga panag-uban ug responsableng pagdumala, gipakita sa administrasyon nga ang kalampusan sa usa ka lungsod dili lamang masukod sa mga nahuman nga programa, kondili usab sa panaghiusa ug dedikasyon sa matag kawani sa paghatag og matinud-anon, episyente, ug dekalidad nga serbisyo alang sa matag Hilongosnon.

19/10/2026

Usa na usab ka semana sa matinud-anong pag-alagad, pagtinabangay, ug pagpalig-on sa serbisyo publiko ang gisugdan pinaagi sa malampusong pagpahigayon sa Flag Raising Ceremony didto sa Plaza Rizal, lungsod sa Hilongos, Leyte. Kini nga kalihokan nagsilbing pahinumdom sa matag kawani sa gobyerno sa ilang dakong responsibilidad sa pagserbisyo nga may integridad, dedikasyon, ug kinasingkasing nga pagtagad sa panginahanglan sa katawhan.

Gitambongan kini ni Municipal Administrator Atty. Lemuel Jan M. Nerves, isip representante ni Mayor Manuel “Linlin” R. Villahermosa, uban sa pipila ka miyembro sa Sangguniang Bayan, mga heads sa nagkadaiyang departamento sa LGU, mga representante sa Philippine National Police (PNP) ug Bureau of Fire Protection (BFP), ug mga empleyado sa munisipyo.

Usa sa mga mahinungdanong bahin sa maong kalihokan mao ang paghatag og tseke ngadto kang Ms. Christie Rose Esplanada, taga-Barangay Kang-iras, Hilongos, Leyte, isip pag-ila ug pagpasidungog sa iyang talagsaong kalampusan sa March 2026 Licensure Examination for Professional Teachers (Secondary). Nakab-ot niya ang Top 7 nga ranggo sa nasudnong eksaminasyon, nga adunay impresibong rating nga 93.80%.

Ang maong kalampusan dili lamang personal nga kadaugan, kondili usa usab ka garbo alang sa tibuok lungsod sa Hilongos. Nagpakita kini nga ang kakugi, paglahutay, ug dedikasyon sa pagtuon mahimong magbunga og kalampusan nga makadasig sa ubang mga magtutudlo, estudyante, ug mga batan-on sa pagpadayon sa ilang mga pangandoy. Ang iyang kalampusan usa ka maayong ehemplo sa kahusayan ug determinasyon nga angay pasidunggan ug sundon.

Ang Lokal nga Kagamhanan sa Hilongos, ubos sa pagpangulo ni Mayor Manuel “Linlin” R. Villahermosa, nagpahayag sa dakong garbo ug kalipay sa maong kalampusan. Padayon ang pagdasig sa administrasyon sa mga Hilongosnon nga maningkamot, molambo, ug mahimong inspirasyon sa uban pinaagi sa ilang mga nahimo ug kontribusyon sa komunidad.

Congratulations, Ms. Christie Rose Esplanada! Ang imong kalampusan garbo sa Hilongos ug inspirasyon sa matag Hilongosnon nga nagtinguha sa usa ka mas maayong kaugmaon.