10/11/2026
𝐔𝐬𝐚 𝐤𝐚 𝐃𝐫𝐮𝐠 𝐏𝐞𝐫𝐬𝐨𝐧𝐚𝐥𝐢𝐭𝐲 𝐍𝐚𝐝𝐚𝐤𝐩𝐚𝐧 𝐬𝐚 𝐌𝐚𝐥𝐚𝐦𝐩𝐮𝐬𝐨𝐧𝐠 𝐁𝐮𝐲-𝐁𝐮𝐬𝐭 𝐎𝐩𝐞𝐫𝐚𝐭𝐢𝐨𝐧 𝐬𝐚 𝐈𝐂𝐏𝐒𝟏, 𝐈𝐥𝐢𝐠𝐚𝐧 𝐂𝐢𝐭𝐲
𝗜𝗟𝗜𝗚𝗔𝗡 𝗖𝗜𝗧𝗬 | Usa na usab ka malampusong operasyon batok sa ilegal nga droga ang gipahigayon sa Station Drug Enforcement Team (SDET) sa Iligan City Police Station 1 (ICPS-1) sa Barangay Luinab, Iligan City, niadtong Nobyembre 10, 2026.
Ang operasyon gipangulohan ni PMAJ JAAZANIAH JOSE BONGCAWIL, Deputy Station Commander sa ICPS-1, uban sa mga personnel sa Iligan City Mobile Force Company (ICMFC), 1005th RMFB 10, ug Philippine Drug Enforcement Agency (PDEA)-10. Miresulta kini sa pagkadakop sa usa (1) ka drug personality ug sa pagkarekober sa gibana-banang 1.46 gramos nga gidudahang shabu, nga adunay Standard Drug Price (SDP) nga ₱9,928.00.
Human sa operasyon, gipahibalo ang nadakpan mahitungod sa iyang mga katungod subay sa Konstitusyon ug sa mga balaod nga nagdumala sa proseso sa pagdakop. Karon, nag-atubang siya og kaso tungod sa giingong paglapas sa Republic Act No. 9165, o ang Comprehensive Dangerous Drugs Act of 2002.
Nagpabiling lig-on ang Iligan City Police Station 1 sa pagpatuman sa kampanya batok sa ilegal nga droga aron mapadayon ang kalinaw, kahapsay, ug kaluwasan sa komunidad. Ginaaghat usab ang publiko nga magpadayon sa pakigtambayayong sa kapulisan pinaagi sa pagreport sa mga kahina-hinalang kalihokan sa ilang tagsa-tagsa ka komunidad.
"Bagong PNP para sa Bagong Pilipinas; Serbisyong Mabilis, Tapat at Nararamdaman."