PNP ICPO Public Information Office

09/10/2026

09/10/2026

ISA KA DODEGERO SANG SHABU SA CIUDAD SANG ILOILO DAKOP SA DRUG BUY BUST SANG CDEU-ICPO

Arestado ang isa ka ginkilala nga bodegero sang shabu sa isa ka buybust operation sang Iloilo City Police Office- City Drug Enforcement Unit (ICPO-CDEU), las 3:50 sang hapon sa Brgy. San Isidro,Jaro. Oktubre 7,2026.

Ang arestado ginkilala kay Alyas Ace isa ka menor de edad kag residente sang na sambit nga lugar.

Si Ace nabaklan sang isa ka sachet sang suspected shabu sa balor nga ₱15,000.00.

Suno kay PCapt Jersey Besas, Chief sang CDEU. Nakipag angut ang BJMP Ungka sa ila sang sila may na recover nga cellphone sa ila nga Greyhound Operation kag didtu nakita nga si Alyas Ace ang naga baton sang mga drug items nga gikan sa iya nga source.

Dugang pa ni Besas,nga maka pila na ka beses nga gin tudlo kag gin pangalanan si Alyas Ace sang ila man mga subject sa buybust operation sang nagligad nga bulan.

Nakuha man dugang sa paghinakop sang subject ang 18 ka sachets sang ginapatihan illegal nga druga nga may kabug-aton nga 95 grams kag may standard drug price nga ₱646,000.00.

Via - JCL-JT|| Ilonggo News Live

09/10/2026

“BANA KO ANG NAGHALIT SA AKON, GIN-INFLUENSIYAHAN AKO SA PAG-ENGAGE SA ILEGAL NGA DRUGA SULOD SANG 7 KA TUIG”



ILOILO CITY — “Bana ko ang naghalit sa akon. Gin-influensiyahan niya ako sa pag-engage sa ilegal nga druga sa sulod sang pito ka tuig.”

Amo ini ang pahayag ni alyas “Joy,” isa sa mga nadakpan sa buy-bust operation sang Station Drug Enforcement Team (SDET) sang Iloilo City Police Station-5 (ICPS-5) sa Barangay Calajunan, Mandurriao, Iloilo City, las-2:10 sang hapon sang Oktubre 7, 2026.

Ginkilala ang suspek kay Ellery Joy Ibhong, 33 anyos, may live-in partner kag residente sang Zone 4, Barangay North Baluarte, Molo.

Aminado ang suspek nga nakig-engage siya sa ilegal nga droga kag ginaangot niya ini sa impluwensiya sang iya partner nga si alyas “Junjun,” nga kaupod na niya sa sulod sang pito ka tuig.

Suno kay “Joy,” indi lang ilegal nga droga ang iya gin-atubang sa ila relasyon. Ginpahayag man niya nga ginasakit siya kuno permi sang iya partner kag may mga tion nga ginapahog pa siya, lakip na ang paggamit sang kutsilyo.

Nagpahayag man si “Joy” sang pagpasalamat bisan nadakpan siya, bangud para sa iya mahimo ini nga paagi agod matapos ang problema sa iya pamilya kag sa iya relasyon.

Ginapangabay man niya si “Junjun” nga indi na magbalik sa ila balay sa Baluarte, bangud dugay na kuno niya nga luyag tapuson ang ila relasyon tungod sa pamatasan sini.

Sa interview sang Ilonggo News Live Kay Police Captain Greg B. Matutino, Officer-In-Charge sang ICPS-5, ginpahayag sini nga nagdangat sa 1 tubtob 2 ka semana ang ila monitoring antes pa ang madinalag-on nga operasyon.

Ginkumpirmar ni Matutino ang kaangtanan sang mag live-in-partner sa ilegal nga druga kag ila pa gina-validate ang source sini nga ginatumod nga halin sa distrito sang Molo.

Sa operasyon, isa ka sachet sang suspected shabu ang nabakal sang police poseur-buyer gikan sa suspek gamit ang ₱500 buy-bust money.

Narekober pa gid sa iya paghinakop ang tatlo ka elongated sachets sang suspected shabu nga nasulod sa isa ka coin purse.

Sa kabug-usan, ginabanta nga 1 gramo ang kabug-aton sang tanan nga narekober nga suspected shabu, nga may ginabulubanta nga standard drug price nga ₱6,800.

Yara na sa kustodiya sang ICPS-5 ang suspek kag magapangatubang sang kaso may kaangtanan sa paglapas sa Republic Act No. 9165, ukon Comprehensive Dangerous Drugs Act of 2002.

RELATED ARTICLES :
https://www.facebook.com/share/v/19ZwnWDPZR/
https://www.facebook.com/share/v/19eMRfzNSa/
https://www.facebook.com/share/v/19gTMKmYcY/


ACS / ARDS | Oct. 08, 2026

09/10/2026

39 ANYOS NGA LALAKI ARESTADO SA DRUG BUYBUST OPERATION SANG ICPS 3

Nadakpan ang isa ka 39-anyos nga lalaki sa ginpatigayon nga buy-bust operation sang Iloilo City Police Station 3 (ICPS 3),Sa Barangay Lanit, Jaro, Iloilo City,las 8:31 sang gab-i, Oktubre 7, 2026.

Ang subject ginkilala nga si Alyas Aye, isa ka freelancer kag residente sang amo nga lugar.

Nabaklan si Aye sang isa ka sachet sang suspected shabu sa balor nga ₱2,600.00.

Dugang nakuha sa iya ang isa ka sachet sang supected shabu nga naga bug-at 2 grams kag may standard drug price nga ₱13,600.00.

Sa karun yara sa kustodiya sang kapulisan ang subject para sa naga kaigo nga kaso.

JT|| Ilonggo News Live