30/09/2026
BAKUNA ESKWELA 2026
“Bakuna subong, proteksyon para sa ila nga palaabuton.”
1. Ano ang Bakuna Eskwela?
Ang Bakuna Eskwela isa ka programa sang Department of Health (DOH) kag Department of Education (DepEd) nga nagahatag sang LIBRENG BAKUNA sa mga kwalipikado nga estudyante sa eskwelahan.
Ini ginahimo agud maprotektahan ang aton mga kabataan batok sa mga balatian nga mahimo makahawa, makahatag sang komplikasyon, kag sa iban nga kaso, mahimo mangin seryoso.
Sa Bakuna Eskwela 2026:
* Grade 1: MR + Td
* MR – Measles-Rubella
* Td – Tetanus-Diphtheria
* Grade 7: MR + Td
* Grade 4 nga mga babayi: HPV vaccine
* Grade 5 nga mga babayi nga wala pa nakabaton sang HPV dose, mahimo man nga kwalipikado suno sa guidelines.
2. Ngaa kinahanglan pa ang bakuna?
Bisan pa nga daw maayo kag wala nagamasakit ang aton kabataan, importante gihapon ang bakuna.
Ang tigdas (measles) kag rubella mahapos makahawa kag mahimo magdala sang komplikasyon.
Ang tetanus mahimo maghalin sa bacteria nga makasulod sa pilas kag mahimo magresulta sa malala nga impeksyon.
Ang diphtheria isa ka malala nga impeksyon nga mahimo makaapekto sa pagginhawa.
Ang HPV isa ka virus nga mahimo magdugang sang risgo sang cervical cancer sa ulihi nga kabuhi.
Gani:
Mas maayo nga maprotektahan ang kabataan antes pa sila magkasakit.
3. Ano ang HPV vaccine?
Ang HPV vaccine isa ka bakuna nga nagahatag sang proteksyon batok sa Human Papillomavirus ukon HPV.
Ang iban nga klase sang HPV mahimo magdugang sang risgo sang cervical cancer.
Importante nga mahatag ang HPV vaccine sa angay nga edad kay ini isa ka cancer-prevention vaccine.
Simple nga mensahe sa mga ginikanan:
“Ang HPV vaccine indi lang ordinaryo nga bakuna. Isa ini ka importante nga proteksyon batok sa isa ka klase sang cancer sa palaabuton.”
4. Luwas bala ang mga bakuna?
Huo.
Ang mga bakuna nga ginagamit sa programa ginapasiguro nga nagaagi sa mga proseso para sa kaluwasan kag kalidad kag ginagamit suno sa national immunization guidelines.
Apang pareho sang iban nga bakuna, mahimo may makita nga ordinaryo kag temporaryo nga reaksyon pagkatapos mabakunahan.
Posible nga reaksyon:
Sa ginbakunahan:
* kasakit ukon panalakit sa gin-injectionan
* pamula ukon gamay nga hubag
* hilanat
* kapoy ukon indi maayo ang pamatyag
Pero temporaryo lamang ini.
5. Ano ang himuon pagkatapos mabakunahan?
Pagkatapos sang bakuna:
Pahuway anay kag obserbari ang bata.
Siguraduhon nga makainom sang igo nga tubig kag makapahuway.
Kung may ginrekomendar ang health worker nga bulong para sa hilanat ukon kasakit, sundon ang iya instruksyon.
IMPORTANTE:
Kung ang bata makapakita sang indi pangkaraniwan ukon malala nga sintomas, pareho sang mabudlay nga pagginhawa, grabe nga allergic reaction, ukon sobra nga pagkaluya:
Magpakonsulta dayon sa health center ukon health facility.
Indi mag-self-medicate kag indi magsalig sa sabi-sabi.
6. “Libre ang Bakuna, pero kinahanglan namon ang inyo nga pahintulot.”
Mga ginikanan kag caregiver, kamo gihapon ang may importante nga papel sa desisyon para sa inyo anak.
Antes magbakuna:
Basaha → Pamangkuta → Sabta → Magdesisyon → Pirmahan ang Consent Form
Kung nagapati kamo nga pabakunahan ang inyo anak:
1. Pirmahan ang consent form.
2. Ibalik ini sa eskwelahan sa ginatalana nga petsa.
3. Ihatag ang importante nga impormasyon parte sa health history sang bata sa health worker.
Tandaan:
Ang inyo nga pahintulot amo ang una nga tikang agud mahatagan ang inyo anak sang nagakaigo nga proteksyon.
7. Mga pamangkot sang mga ginikanan
Normal lang gid nga may pamangkot kita antes magdesisyon.
Mahimo kamo mamangkot:
“Luwas bala ini nga bakuna?”
“May side effects bala?”
“Kinahanglan bala gid ini sang akon anak?”
“Paano kung may sakit ang akon anak sa adlaw sang vaccination?”
“Ano ang himuon kung may reaksyon pagkatapos sang bakuna?”
“Para sa ano gid ang HPV vaccine?”
Ang importante:
PAMANGKOT. PAMATI. SABTA ANG INFORMASYON. DAYON MAGDESISYON.
Kung may concern kamo, istoryahi ang nurse, midwife, doktor, school health personnel ukon health worker.
8. MENSAHE PARA SA TANAN
Sa aton mga ginikanan, guardian, teachers, BHW, health workers kag community leaders:
Ang pagbakuna indi lamang responsibilidad sang health worker.
Isa ini ka pagpakig-upod sang pamilya, eskwelahan, health workers kag komunidad para maprotektahan ang aton mga kabataan.
Tandaan:
BAKUNA = PROTEKSYON
PROTEKSYON = PREVENTION
PREVENTION = MAS LIG-ON NGA KABATAAN KAG KOMUNIDAD
PINAKAMENSAHE NGA DAPAT MADUMDOMAN
“Bakuna subong, proteksyon para sa ila nga palaabuton.”
“Libre ang bakuna, pamangkot kita, sabton ang impormasyon, kag magdesisyon nga may sapat nga ihibalo.”
“Indi maghulat nga magkasakit anay ang aton kabataan antes kita magproteksyon. Mas maayo ang prevention kaysa komplikasyon.”
PARA SA MGA GINIKANAN:
Kung may pamangkot ukon alinlangan, indi mahadlok mamangkot. Ang aton mga health worker yara para maghatag sang insakto nga impormasyon kag sabat sa inyo mga concern.
Bakuna Eskwela 2026 — LIBRENG BAKUNA, IWAS-PAG-AALALA!
