https://www.facebook.com/393043810552097/

Infanta People's Council, Brgy. Comon Infanta, Quezon, Infanta (2026)

30/07/2026

Sa pagdiriwang ng Ika-6 na Anibersaryo ng Infanta People's Council (IPC), ating kinikilala at pinahahalagahan ang bawat sektor at samahang patuloy na nakikibahagi, nakikiisa, at nagsusulong ng mga adhikain ng konseho para sa mas maunlad at mas inklusibong pamayanan.

Ang anim na taong paglalakbay ng IPC ay patunay na ang tunay na pagbabago ay nagmumula sa pagkakaisa ng iba't ibang sektor mga mamamayang naniniwala na ang Good Governance ay hindi lamang responsibilidad ng pamahalaan, kundi isang pananagutang sama-samang isinusulong ng bawat organisasyon, institusyon, at mamamayan.

Nawa'y magsilbi ang pagdiriwang na ito bilang panibagong inspirasyon upang higit pang mapalakas ang pakikilahok ng bawat sektor, mapatatag ang ugnayan ng mga samahan, at maipagpatuloy ang kultura ng aktibong pakikilahok, pananagutan, at transparency sa ating komunidad.

Anim na taon ng pagkakaisa. Anim na taon ng pakikilahok. Anim na taon ng pagtataguyod ng Mabuting Pamamahala.

Maligayang Ika-6 na Anibersaryo, Infanta People's Council! Patuloy nating patatagin ang tinig ng mamamayan at sama-samang isulong ang isang pamahalaang tunay na nagsisilbi para sa lahat.

15/04/2026

TINGNAN | “Infanta People's Council Nagbukas ng Direktang Ugnayan ng Vendors at Farmers”

Nagsagawa ang Infanta People’s Council (IPC) ng Local Policy Forum kasama ang ICC Market Vendors at Vegetable Farmers Federation upang talakayin ang patuloy na pagpasok ng mga wing van sa bayan—isang usaping may malaking epekto sa kabuhayan ng ating lokal na mga tindero at magsasaka.

Sa nasabing pagpupulong, napag-usapan din ang mga posibleng paraan ng pagtutulungan, kabilang ang direktang pagbili ng mga vendor sa mga lokal na magsasaka upang mapalakas ang lokal na produksyon at masiguro ang patas na kita para sa lahat.

24/03/2026

𝐏𝐌𝐏𝐈 𝐀𝐓 𝐈𝐏𝐂, 𝐏𝐀𝐑𝐀 𝐒𝐀 𝐑𝐈𝐆𝐇𝐓𝐒 𝐎𝐅 𝐍𝐀𝐓𝐔𝐑𝐄 𝐀𝐓 𝐏𝐀𝐍𝐆𝐀𝐍𝐆𝐀𝐋𝐀𝐆𝐀 𝐍𝐆 𝐒𝐈𝐄𝐑𝐑𝐀 𝐌𝐀𝐃𝐑𝐄!

Nagtungo sa tanggapan ng 𝐈𝐧𝐟𝐚𝐧𝐭𝐚 𝐏𝐞𝐨𝐩𝐥𝐞’𝐬 𝐂𝐨𝐮𝐧𝐜𝐢𝐥 (𝐈𝐏𝐂)
ang 𝐏𝐡𝐢𝐥𝐢𝐩𝐩𝐢𝐧𝐞 𝐌𝐢𝐬𝐞𝐫𝐞𝐨𝐫 𝐏𝐚𝐫𝐭𝐧𝐞𝐫𝐬𝐡𝐢𝐩 𝐈𝐧𝐜. (𝐏𝐌𝐏𝐈) upang talakayin ang mga mahahalagang adbokasiyang pangkalikasan, partikular ang pagsusulong ng Rights of Nature Campaign.

Sa nasabing pagpupulong, napag-usapan ang mga posibleng pagtutulungan ng dalawang organisasyon upang higit pang mapalakas ang pangangalaga at pagtatanggol sa kalikasan—lalo na sa Sierra Madre Mountain na patuloy na kinakaharap ang iba’t ibang banta.

Layon ng inisyatibong ito na isulong ang pagkilala sa karapatan ng kalikasan at hikayatin ang mas malawak na partisipasyon ng komunidad sa pangangalaga ng ating likas-yaman.

19/03/2026

𝐓𝐈𝐍𝐆𝐍𝐀𝐍 | 𝐈𝐍𝐅𝐀𝐍𝐓𝐀 𝐏𝐄𝐎𝐏𝐋𝐄’𝐒 𝐂𝐎𝐔𝐍𝐂𝐈𝐋, 𝐈𝐍𝐀𝐍𝐘𝐀𝐘𝐀𝐇𝐀𝐍 𝐍𝐆 𝐆𝐄𝐍𝐄𝐑𝐀𝐋 𝐍𝐀𝐊𝐀𝐑 𝐏𝐄𝐎𝐏𝐋𝐄’𝐒 𝐂𝐎𝐔𝐍𝐂𝐈𝐋 𝐏𝐀𝐑𝐀 𝐒𝐀 𝐂𝐒𝐎 𝐎𝐏𝐄𝐍 𝐅𝐎𝐑𝐔𝐌

Inanyayahan ng General Nakar People’s Council ang Infanta People’s Council (IPC) upang dumalo at magsilbing tagapagbahagi ng kaalaman sa ginanap na CSO Open Forum sa General Nakar, Quezon.

Sa nasabing forum, ibinahagi ng IPC ang mahalagang papel ng konseho sa lokal na pamahalaan, kabilang ang mga epektibong pamamaraan sa pagpapalakas ng iba’t ibang sektor at ang pagpapaigting ng partisipasyon ng mamamayan sa pamamahala.

Dumalo sa aktibidad si IPC President Aristeo Flores, na mainit na tinanggap nina General Nakar Mayor Alfredo J. Pujeda at General Nakar People’s Council President Gerry Tena, kasama ang iba pang mga kalahok mula sa iba’t ibang sektor.

Patunay ang nasabing pagtitipon sa patuloy na pagpapalakas ng ugnayan, pagbabahaginan ng karanasan, at pagkakaisa ng mga Civil Society Organizations tungo sa mas inklusibo at epektibong pamamahala.

19/03/2026

𝐓𝐈𝐍𝐆𝐍𝐀𝐍 | 𝐍𝐚𝐠𝐭𝐮𝐧𝐠𝐨 𝐬𝐚 𝐭𝐚𝐧𝐠𝐠𝐚𝐩𝐚𝐧 𝐧𝐠 𝐈𝐧𝐟𝐚𝐧𝐭𝐚 𝐏𝐞𝐨𝐩𝐥𝐞’𝐬 𝐂𝐨𝐮𝐧𝐜𝐢𝐥 (𝐈𝐏𝐂) 𝐚𝐧𝐠 𝐦𝐠𝐚 𝐩𝐚𝐧𝐠𝐮𝐥𝐨 𝐧𝐠 𝐢𝐛𝐚’𝐭 𝐢𝐛𝐚𝐧𝐠 𝐫𝐮𝐭𝐚 𝐧𝐠 𝐓𝐫𝐢𝐜𝐲𝐜𝐥𝐞 𝐃𝐫𝐢𝐯𝐞𝐫𝐬 𝐎𝐩𝐞𝐫𝐚𝐭𝐨𝐫𝐬 𝐮𝐩𝐚𝐧𝐠 𝐦𝐚𝐠𝐢𝐧𝐠 𝐛𝐚𝐡𝐚𝐠𝐢 𝐧𝐠 𝐤𝐨𝐧𝐬𝐞𝐡𝐨 𝐚𝐭 𝐦𝐚𝐤𝐢𝐛𝐚𝐡𝐚𝐠𝐢 𝐬𝐚 𝐈𝐏𝐂 𝐓𝐫𝐚𝐧𝐬𝐩𝐨𝐫𝐭 𝐒𝐞𝐜𝐭𝐨𝐫.

Sa isinagawang pagpupulong, tinalakay ang kahandaan ng IPC na tumulong at gumabay sa kanilang hanay, lalo na sa usaping legal at sa pagsasaayos ng kanilang mga dokumento para sa akreditasyon sa lokal na pamahalaan.

Inanyayahan din ang kanilang grupo na maging aktibong bahagi ng IPC upang mas mapalakas ang kanilang boses at representasyon sa sektor ng transportasyon.

Napag-usapan din ang pangangailangang paghandaan ang pagdating ng mga Public Utility Vehicles (PUVs), lalo na kung sakaling ipatupad ang pagbabawal sa mga tricycle drivers sa national road sa bayan ng Infanta, Quezon.

19/03/2026

𝐓𝐈𝐍𝐆𝐍𝐀𝐍 | 𝐑𝐞𝐠𝐮𝐥𝐚𝐫 𝐧𝐚 𝐏𝐚𝐠𝐩𝐮𝐩𝐮𝐥𝐨𝐧𝐠 𝐧𝐠 𝐈𝐏𝐂 𝐁𝐨𝐚𝐫𝐝 𝐨𝐟 𝐓𝐫𝐮𝐬𝐭𝐞𝐞𝐬

Isinagawa ang regular na pagpupulong ng mga Board of Trustees ng Infanta People's Council (IPC) upang talakayin ang mahahalagang usapin kaugnay ng mga naisakatuparang gawain ng bawat sektor at ang mga susunod pang hakbang ng konseho.

Dinaluhan din ito ni Chief of Staff Belbrooks Belza, na nagbahagi ng mahahalagang impormasyon hinggil sa nalalapit na Fiesta ng Bayan ng Infanta. Sa kanyang mensahe, hinikayat niya ang aktibong pakikilahok ng IPC at ang pagtutulungan sa pagganap ng mga tungkulin na iaatas sa konseho para sa matagumpay na selebrasyon.

Patuloy ang IPC sa pagpapalakas ng ugnayan, koordinasyon, at sama-samang pagkilos para sa mas maunlad at organisadong pamayanan.

17/03/2026

𝐓𝐈𝐍𝐆𝐍𝐀𝐍 | 𝐂𝐨𝐮𝐫𝐭𝐞𝐬𝐲 𝐕𝐢𝐬𝐢𝐭 𝐧𝐠 𝐈𝐂𝐂 𝐕𝐞𝐧𝐝𝐨𝐫𝐬 𝐤𝐚𝐲 𝐌𝐚𝐲𝐨𝐫 𝐋.𝐀 𝐑𝐮𝐚𝐧𝐭𝐨

Nagsagawa ng courtesy visit ang mga miyembro ng Infanta Commercial Center (ICC) Vendors kay Mayor Lord Arnel “L.A” Ruanto sa gabay ng Infanta People's Council upang ilahad ang kanilang mga hinaing kaugnay sa patuloy na pagdami ng mga hindi rehistradong mga nagtitinda sa gilid ng kalsada at pagpasok ng mga malalaking magtitinda na gamit ay mga "winged Van".

Binigyang-diin ng mga vendor ang epekto nito sa kanilang kabuhayan, partikular ang hindi patas na kompetisyon laban sa mga lehitimong negosyanteng sumusunod sa mga umiiral na regulasyon at maayos na nagbabayad ng tamang buwis at permit.

Tiniyak naman ng Punong Bayan na agad tutugunan ang nasabing usapin. Sa tulong at gabay ng Infanta People’s Council, inaasahan ding mas mapapalakas at mas magiging organisado ang kanilang samahan upang mas epektibong maipahayag ang kanilang mga adbokasiya.

Layunin ng hakbang na ito na makahanap ng maayos at patas na solusyon upang mapanatili ang kaayusan sa lokal na kalakalan at maprotektahan ang kapakanan ng mga rehistradong negosyante sa bayan.

16/03/2026

𝐏𝐀𝐑𝐀 𝐒𝐀 𝐊𝐀𝐁𝐀𝐓𝐈𝐑𝐀𝐍 𝐍𝐆 𝐋𝐀𝐇𝐀𝐓!

𝐓𝐄𝐌𝐏𝐎𝐑𝐀𝐑𝐘 𝐒𝐔𝐒𝐏𝐄𝐍𝐒𝐈𝐎𝐍 𝐎𝐅 𝐅𝐋𝐄𝐗𝐈𝐁𝐋𝐄 𝐖𝐎𝐑𝐊 𝐀𝐑𝐑𝐀𝐍𝐆𝐄𝐌𝐄𝐍𝐓 𝐒𝐂𝐇𝐄𝐌𝐄 𝐀𝐓 𝐓𝐇𝐄 𝐋𝐎𝐂𝐀𝐋 𝐆𝐎𝐕𝐄𝐑𝐍𝐌𝐄𝐍𝐓 𝐔𝐍𝐈𝐓 𝐎𝐅 𝐈𝐍𝐅𝐀𝐍𝐓𝐀

Alinsunod sa Presidential Proclamation No. 1189, idinedeklarang Regular Holiday ang March 20, 2026 bilang paggunita sa Eid'l Fitr o Pagtatapos ng Ramadhan. Dahil dito, pansamantalang sinususpinde ang Executive Order No. 19 S.2026 na nagtatakda ng Flexible Work Arrangement ng Lokal na Pamahalaan.

Muling ibabalik ang operasyon ng mga tanggapan mula ika-8 ng umaga hanggang ika-5 ng hapon mula ngayong Lunes hanggang Huwebes. Ang Flexible Work Arrangement Scheme naman ay muling ipapatupad sa ika-23 ng Marso, 2026.

13/03/2026

𝐓𝐈𝐍𝐆𝐍𝐀𝐍 | 𝐈𝐬𝐢𝐧𝐚𝐠𝐚𝐰𝐚 𝐚𝐧𝐠 𝐂𝐨𝐧𝐬𝐮𝐥𝐭𝐚𝐭𝐢𝐯𝐞 𝐌𝐞𝐞𝐭𝐢𝐧𝐠 𝐚𝐭 𝐎𝐫𝐠𝐚𝐧𝐢𝐳𝐚𝐭𝐢𝐨𝐧𝐚𝐥 𝐁𝐮𝐢𝐥𝐝𝐢𝐧𝐠 𝐬𝐚 𝐢𝐥𝐚𝐥𝐢𝐦 𝐧𝐠 𝐩𝐫𝐨𝐠𝐫𝐚𝐦𝐚 𝐧𝐠 𝐈𝐧𝐟𝐚𝐧𝐭𝐚 𝐏𝐞𝐨𝐩𝐥𝐞’𝐬 𝐂𝐨𝐮𝐧𝐜𝐢𝐥 – 𝐈𝐏𝐂 𝐋𝐨𝐜𝐚𝐥 𝐏𝐨𝐥𝐢𝐜𝐲 𝐅𝐨𝐫𝐮𝐦, 𝐧𝐚 𝐝𝐢𝐧𝐚𝐥𝐮𝐡𝐚𝐧 𝐧𝐠 𝐦𝐠𝐚 𝐯𝐞𝐧𝐝𝐨𝐫 𝐦𝐮𝐥𝐚 𝐬𝐚 𝐈𝐧𝐟𝐚𝐧𝐭𝐚 𝐂𝐨𝐦𝐦𝐞𝐫𝐜𝐢𝐚𝐥 𝐂𝐞𝐧𝐭𝐞𝐫, 𝐤𝐚𝐛𝐢𝐥𝐚𝐧𝐠 𝐚𝐧𝐠 𝐦𝐠𝐚 𝐧𝐚𝐠𝐭𝐢𝐭𝐢𝐧𝐝𝐚 𝐧𝐠 𝐩𝐫𝐮𝐭𝐚𝐬, 𝐠𝐮𝐥𝐚𝐲 𝐚𝐭 𝐢𝐛𝐚 𝐩𝐚𝐧𝐠 𝐩𝐫𝐨𝐝

Kasama rin sa nasabing pagpupulong ang mga kinatawan mula sa 𝐁𝐮𝐬𝐢𝐧𝐞𝐬𝐬 𝐏𝐞𝐫𝐦𝐢𝐭𝐬 𝐚𝐧𝐝 𝐋𝐢𝐜𝐞𝐧𝐬𝐢𝐧𝐠 𝐒𝐞𝐜𝐭𝐢𝐨𝐧 (𝐁𝐏𝐋𝐒) ng Infanta, ilang miyembro ng 𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐲𝐚𝐧 𝐧𝐠 𝐈𝐧𝐟𝐚𝐧𝐭𝐚, at mga opisyal ng 𝐈𝐧𝐟𝐚𝐧𝐭𝐚 𝐏𝐞𝐨𝐩𝐥𝐞’𝐬 𝐂𝐨𝐮𝐧𝐜𝐢𝐥 upang pakinggan at talakayin ang mga mahahalagang usapin na kinahaharap ng sektor ng mga maliliit na negosyante.

Isa sa mga pangunahing isyung inilatag ng mga vendor ay ang patuloy na pagdami ng mga truck at nagtitinda sa gilid ng kalsada na walang kaukulang permit, na nagiging sanhi ng hindi patas na kompetisyon sa mga lehitimong negosyanteng sumusunod sa mga regulasyon at nagbabayad ng tamang permit. Giit ng mga vendor na paigtingin ang monitoring at pagpapatupad ng umiiral na mga ordinansa, upang maprotektahan ang kanilang kabuhayan.

Ipinahayag din ng mga vendor ang kanilang kahilingan na mabigyang prayoridad ang mga lokal na negosyante ng Infanta bago ang mga dayuhang pumapasok sa bayan upang magtinda sa nasabing lugar.

Matapos ang talakayan, nabuo ang samahan ng mga vendor sa paggabay ng Infanta People’s Council, upang maging mas organisado ang kanilang hakbang, mapalakas ang kanilang boses, at maprotektahan ang kapakanan ng kanilang mga kasamahan.

Umaasa ang sektor ng mga vendor sa agarang tugon at patuloy na pakikipagtulungan ng Lokal na Pamahalaan ng Infanta para sa mas maayos, patas, at organisadong kalakalan sa ating bayan.

13/03/2026

𝐁𝐞𝐧𝐜𝐡𝐦𝐚𝐫𝐤𝐢𝐧𝐠 𝐧𝐠 𝐆𝐞𝐧𝐞𝐫𝐚𝐥 𝐍𝐚𝐤𝐚𝐫 𝐏𝐞𝐨𝐩𝐥𝐞’𝐬 𝐂𝐨𝐮𝐧𝐜𝐢𝐥 𝐬𝐚 𝐈𝐧𝐟𝐚𝐧𝐭𝐚 𝐏𝐞𝐨𝐩𝐥𝐞’𝐬 𝐂𝐨𝐮𝐧𝐜𝐢𝐥

Nagsagawa ng benchmarking activity ang 𝐆𝐞𝐧𝐞𝐫𝐚𝐥 𝐍𝐚𝐤𝐚𝐫 𝐏𝐞𝐨𝐩𝐥𝐞’𝐬 𝐂𝐨𝐮𝐧𝐜𝐢𝐥 sa tanggapan ng 𝐈𝐧𝐟𝐚𝐧𝐭𝐚 𝐏𝐞𝐨𝐩𝐥𝐞’𝐬 𝐂𝐨𝐮𝐧𝐜𝐢𝐥, kasama ang mga opisyal ng konseho, upang matutunan at mapalalim ang kaalaman tungkol sa mga gawain at papel ng People’s Council sa lokal na pamahalaan.

Sa nasabing benchmarking, ibinahagi ng Infanta People’s Council ang kanilang mga karanasan, mekanismo, at mga inisyatiba sa pagpapalakas ng partisipasyon ng mga sektor sa pamamahala. Tinalakay din ang mahahalagang tungkulin ng konseho bilang katuwang ng lokal na pamahalaan sa pagsusulong ng maayos at participatory na pamamahala.

Binigyang-diin din sa talakayan ang pangangailangan na palakasin ang mga sektor at mga kasaping organisasyon, upang mas maging makabuluhan ang kanilang partisipasyon sa mga proseso ng pamahalaan.

Ipinahayag naman ng Infanta People’s Council ang kanilang kahandaan na patuloy na magbahagi ng kaalaman at karanasan upang makatulong sa pagpapalakas ng mga People’s Council sa General Nakar, Real, at iba pang karatig na bayan sa POGI (Polillo Group of Islands).

Sa pamamagitan ng mga ganitong hakbang, patuloy na itinataas ang antas ng kamalayan at kapasidad ng mga sektor bilang mahalagang katuwang ng mga lingkod-bayan sa pagsusulong ng good governance at tunay na partisipasyon ng mamamayan.

Infanta People's Council

30/07/2026

15/04/2026

24/03/2026

19/03/2026

19/03/2026

19/03/2026

17/03/2026

16/03/2026

13/03/2026

13/03/2026

Address

Website

Alerts

Shortcuts

Share

Category

Listing takedown request