09/10/2026
๐๐๐จ ๐๐ฝ๐ถ๐น ๐ก๐ฎ๐ด-๐๐ผ๐ผ๐ฟ๐ฑ๐ถ๐ป๐ฎ๐๐ฒ ๐๐ฎ๐ป๐ด ๐๐ฎ๐ฏ๐ถ๐ป๐ฒ๐ ๐ฆ๐ฒ๐ฐ๐ฟ๐ฒ๐๐ฎ๐ฟ๐ ๐๐ฏ๐ฎ๐น๐ผ๐ ๐๐น๐ฎ๐ป๐ด ๐๐ฎ ๐ฃ๐ฎ๐ด๐ฝ๐ฎ๐๐๐๐ฎ๐ด ๐๐ฎ ๐บ๐ด๐ฎ ๐ฆ๐ฒ๐ฟ๐ฏ๐ถ๐๐๐ผ ๐ฃ๐ฎ๐ป๐ด๐น๐ฎ๐๐ฎ๐ ๐ฃ๐ฎ๐ป๐ด๐น๐ฎ๐๐ฎ๐ ๐๐ด ๐๐บ๐ฝ๐ฟ๐ฎ๐๐๐ฟ๐ฎ๐ธ๐๐๐ฟ๐ฎ
Usa ka makahuluganon nga panagtagbo sa Malacaรฑang Palace, Manila, niadtong Oktubre 8, 2026, ni Mun. Mayor Hon. Ramses Troy Olegario ug Cabinet Secretary Hon. Benjamin Abalos Jr., aron hisgutan ang kasamtangang kahimtang ug nag-unang panginahanglan sa Lungsod sa Ipil.
Sa maong panagtagbo, gipresentar ni Mayor Olegario ang mga prayoridad sa munisipyo ug gipasiugda ang panginahanglan sa suporta gikan sa National Government, ilabi na sa pagpalig-on sa serbisyong panglawas ug pagpauswag sa mga proyektong pang-imprastraktura.
Usa sa mga nag-unang gihatagan ug pagtagad mao ang pagpaayo sa mga dalan ug konektibidad sa mga barangay nga layo sa sentro sa lungsod. Importante kini aron mas sayon ug episyente ang pagdala sa mga produktong panguma gikan sa mga komunidad sa mag-uuma padulong sa mga merkado, nga makatabang sa pagpalambo sa panginabuhian ug ekonomiya sa lokal nga komunidad.
Mitambong usab sa maong panagtagbo sila Mun. Engineer Carlito T. Culanculan Jr., OICโMunicipal Cooperative Officer Hansel E. Saluba, JD, ug Municipal Assessor Charlie F. Ilagan.
Nagpahayag usab ang LGU Ipil sa kinasingkasing nga pagpasalamat kang Gener Sison, City Assessor sa Mandaluyong, sa iyang dakong tabang sa pag-coordinate ug pagpadali sa paghiusa sa mga opisyal alang niining importanteng panagtagbo.
Nagpadayon ang LGU Ipil, ubos sa pagpangulo ni Mayor Ramses Troy Olegario, sa pagpangita ug mga oportunidad ug lig-on nga pakigtambayayong sa National Government aron matubag ang mga panginahanglan sa katawhan, mapalambo ang serbisyo publiko, mapalig-on ang konektibidad sa mga komunidad sa panguma, ug mapadayon ang kalamboan nga direktang makahatag og kaayohan sa matag Ipileรฑo.
