NFA Sultan Kudarat

𝗨𝗴𝗻𝗮𝘆𝗮𝗻 𝘀𝗮 𝗟𝗲𝗯𝗮𝗸, 𝗦𝘂𝗹𝘁𝗮𝗻 𝗞𝘂𝗱𝗮𝗿𝗮𝘁 🌾🌾🤝

Mas pinaigting ang koordinasyon at pagkakaisa ng NFA Sultan Kudarat Branch Office at mga lokal na magsasaka ng Lebak tungo sa mas maunlad at produktibong sektor ng agrikultura.

Dumalo sa isang pagpupulong ang mga kinatawan ng NFA Sultan Kudarat na sina Warehouse Supervisor Gladys D. Bretaña, Acting WS/QAO Mary Michelle B. Lozarita, QAO Sheeny Mae L. Cortez, at Cashier II Jethe B. Benemerito kasama ang mga opisyal at miyembro ng Lebak Sustainable Organic Agriculture Multi-Purpose Cooperative (LESOA MPC) sa pangunguna ni William U. Saratao.

Sa nasabing pagpupulong, naibahagi ng mga magsasaka ang kanilang mga mungkahi at saloobin upang higit pang mapabuti ang proseso ng palay deliveries lalo na sa panahon ng anihan. Ipinaliwanag naman ng mga kinatawan ng NFA ang mga pagbabago sa klasipikasyon at mga pamantayan sa pagbili ng palay upang maging mas malinaw ang mga proseso at inaasahan ng bawat panig.

Patunay ang pagpupulong na ito sa patuloy na pakikipag-ugnayan ng NFA sa ating mga magsasaka. Sa pamamagitan ng bukas na komunikasyon at pagtutulungan, mas napapalakas ang suporta ng ahensya sa sektor ng agrikultura at mas napatatag ang ugnayan nito sa mga magsasakang katuwang sa pagsusulong ng seguridad sa pagkain ng bansa. 🌾

"Tiyak ang bigas panatag ang bukas"

“Sa Serbisyong Patas at Tapat, Bigas ay Laging Dekalidad.”

𝗜𝘀𝗮𝗻𝗴 𝗨𝗴𝗻𝗮𝘆𝗮𝗻 𝗽𝗮𝗿𝗮 𝘀𝗮 𝗠𝗮𝘀 𝗠𝗮𝗹𝗮𝗸𝗮𝘀 𝗻𝗮 𝗦𝗲𝗸𝘁𝗼𝗿 𝗻𝗴 𝗣𝗮𝗴𝘀𝗮𝘀𝗮𝗸𝗮 🌾🤝

Nagsagawa ng isang makabuluhang ugnayan at talakayan kasama ang ating mga lokal na magsasaka, mga lider at miyembro ng iba’t ibang farmers associations sa bayan ng President Quirino. Katuwang sa aktibidad si Municipal Agriculturist Engr. Onofre P. Asuncion kasama ang mga kinatawan ng NFA Sultan Kudarat na sina Warehouse Supervisor Joy P. Cabrera, Abraham A. Cahucom, Acting WS/QAO Kathleen Grace L. Concepcion, at Pest Control Officer Engr. Warren Balbin.

Tinalakay sa pagpupulong ang mga pagbabago sa mga patakarang ipinatutupad ng NFA, kabilang ang Price Range Scheme (PRICERS) na ina-update kada linggo upang maging gabay sa pagbili ng palay. Bahagi rin ito ng paghahanda ng ahensya para sa nalalapit na harvest season upang mas maging maayos ang pagbili ng palay at patuloy na masuportahan ang ating mga magsasaka.

Patuloy ang NFA sa pakikipag-ugnayan at pakikipagtulungan upang maisulong ang kapakanan ng sektor ng agrikultura at mapanatili ang sapat na suplay ng bigas para sa sambayanang Pilipino. 🤝🌾

"Tiyak ang bigas panatag ang bukas"

“Sa Serbisyong Patas at Tapat, Bigas ay Laging Dekalidad.”

𝙎𝙪𝙥𝙡𝙖𝙮 𝙣𝙖 𝙈𝙖𝙖𝙨𝙖𝙝𝙖𝙣, 𝙄𝙣𝙫𝙚𝙣𝙩𝙤𝙧𝙮 𝙣𝙖 𝙈𝙖𝙩𝙞𝙗𝙖𝙮 🌾

Sa pangunguna ng Branch Inventory Committee, matagumpay na isinagawa ng NFA Sultan Kudarat Branch Office noong Mayo 18–22, 2026 ang Semi-Annual Physical Inventory ng palay, bigas, at empty sacks sa lahat ng bodega nito.

Sa pamamagitan ng masusing actual counting at beripikasyon, tiniyak ng komite ang tamang bilang, maayos na dokumentasyon, at wastong monitoring ng mga nakaimbak na suplay ng bigas at iba pang accountabilities.

Patuloy na pinagtitibay ng NFA Sultan Kudarat ang transparency, accountability, at kahandaan sa pagpapanatili ng sapat at maayos na buffer stock para sa bawat pamilyang Pilipino.

"Tiyak ang bigas panatag ang bukas"

“Sa Serbisyong Patas at Tapat, Bigas ay Laging Dekalidad.”

𝗡𝗙𝗔 𝗦𝘂𝗹𝘁𝗮𝗻 𝗞𝘂𝗱𝗮𝗿𝗮𝘁, 𝗣𝗮𝘁𝘂𝗹𝗼𝘆 𝗻𝗮 𝗞𝗮𝘁𝘂𝘄𝗮𝗻𝗴 𝘀𝗮 𝗣𝗮𝗴𝗽𝗮𝗽𝗮𝗹𝗮𝗸𝗮𝘀 𝗻𝗴 𝗺𝗴𝗮 𝗞𝗼𝗼𝗽𝗲𝗿𝗮𝘁𝗶𝗯𝗮

Dumalo sina Acting Branch Manager Virgil Calasagsag at Assistant Branch Manager Jose M. Aguda sa ginanap na 2nd Quarter Meeting ng Provincial Cooperative Development Council (PCDC) ngayong Mayo 13, 2026 sa Sultan Kudarat Provincial Capitol.

Sa pangunguna ni PCDC Chairman Hon. Nestor Casador, tinalakay at pinagtibay ng konseho ang reorganized structure framework na layuning higit pang mapalakas ang ugnayan, koordinasyon, at mga programang sumusuporta sa sektor ng kooperatiba sa lalawigan.

Isinagawa rin ang halalan ng mga opisyal ng konseho kung saan nahalal bilang bagong Chairman ng konseho si Hon. Elias Segura. Nahalal din si Acting Branch Manager Virgil Calasagsag bilang isa sa mga opisyal ng PCDC.

Patunay ito ng aktibong pakikiisa ng NFA Sultan Kudarat sa mga programang naglalayong palakasin ang samahan ng mga kooperatiba at isulong ang mas maayos at mas inklusibong serbisyo para sa mamamayan.

"Tiyak ang Bigas, Panatag ang Bukas."

EASE OF DOING BUSINESS (EODB) MONTH 2026

Kaisa ang National Food Authority Sultan Kudarat Branch Office sa pagdiriwang ng EODB Month ngayong buwan ng Mayo na may temang: “Achieving Results through Transparency and Accountability: Towards a More Productive Bagong Pilipinas.”

Bilang bahagi ng aming tungkulin, patuloy naming pinaiigting ang paghahatid ng mabilis, malinaw, at episyenteng serbisyong publiko para sa bawat Pilipino.

“Tiyak ang Bigas, Panatag ang Bukas.”
“Sa Serbisyong Patas at Tapat, Bigas ay Laging Dekalidad.”