MedCann Mindanao

03/10/2025

MedCann Davao

❗𝗔 𝗖𝗔𝗟𝗟 𝗙𝗢𝗥 𝗛𝗘𝗟𝗣 𝗔𝗡𝗗 𝗦𝗢𝗟𝗜𝗗𝗔𝗥𝗜𝗧𝗬❗

MAGANDANG ARAW SA LAHAT

Kami po ay nananawagan ng tulong para sa mga pamilyang naapektuhan ng sunog sa Boulevard, Davao City. Marami po ang nawalan ng tahanan at ngayon ay nangangailangan ng pagkain, damit, at mga pangunahing pangangailangan. Anumang halaga o uri ng donasyon ay napakalaking tulong na sa kanilang muling pagbangon mula sa trahedya. Sama-sama po tayong tumulong, dahil sa panahon ng pagsubok, ang pagkakaisa ang pinakamalakas na sandigan.

Mga Pwedeng i-donate:

• Damit (Pang-bata at Pang-matanda)
• Canned Goods o Pagkaing Ready to Eat
• Toiletries, Sanitary needs
• Inumin (Tubig)
• Kumot, Unan, Beddings

For cash donations,you can send through:
📲 09292856563 –Roma Pearl B.

Maraming salamat sa lahat ng may pusong handang tumulong. Together, let’s bring hope and comfort to those who lost their homes. ✊🏼

11/04/2025

Prepping orders for shipout. We are going through messages one by one. Thank you for your patience!

08/04/2025

We resume shipping this week. For orders not shipped out, kindly message us again today so your order will be seen in the inbox.

12/03/2025

Who wants to distribute educational flyers about medical cannabis sa area nila sa Mindanao? We will share the flyer design 🙏

12/03/2025

Finally okay na ang access sa page 😭🙏 Balik na po kami sa posting ng educational content! May ipopost kami mamaya tungkol sa isang cannabis product sa US na nakakatulong sa alcoholism.

09/03/2025

Test post. Pacomment po if makita niyo ito. Kakaretrieve lang po ng admin account kaya di kami nakapagreply. Check po namin lahat ng messages tonight.

10/02/2025

🌿 MEDCANN ADVOCATES FOR HEALING, NOT DESTRUCTION 🌊

Kung iniinom mo ang lagundi para sa ubo o ginagamit ang cannabis para sa sakit, bakit hindi natin protektahan ang coral reefs—ang tahanan ng maraming likas na lunas ng kalikasan?

Ang mga coral reefs sa Davao Gulf ay tahanan ng marine biodiversity na may potensyal na magbigay ng natural medicine—katulad ng halamang gamot at medical cannabis. Pero dahil sa maling proyekto ng Davao-Samal Bridge, nawawasak ang mga bahura at ang kabuhayan ng mga mangingisda.

Ang kalikasan ay gamot, pero unti-unti natin itong pinapatay.

🐠 Sinisira ang protektadong fish sanctuary sa Barangay Hizon, kung saan nakatira ang maraming yamang-dagat.

💰 ₱19 Billion utang sa China—habang ang mga Pilipino, kapos sa pondo para sa edukasyon at kalusugan.

🌱 423 puno ang puputulin—katulad ng cannabis, ang mga punong ito ay likas na bahagi ng ating ecosystem na nagbibigay ng hangin at sustansya sa lupa.

🐟 Mawawala ang isda sa dagat—maapektuhan ang pagkain at nutrisyon ng maraming pamilya.

Hindi kailangang sirain ng Davao-Samal Bridge ang ating mga marine life! Ayon sa mga scientists, environmentalists, at isang pag-aaral ng Japan METI (Ministry of Economy, Trade, and Industry), pwedeng i-realign ang tulay sa mas maayos na lokasyon — mas mura (₱12 Billion), mas maikli, at HINDI sisira sa mga coral reefs na nagpapakain sa dagat at sa mga tao.

Kung nilalaban natin ang medical cannabis, dapat din nating ipaglaban ang kalikasan!

Ang Medical Cannabis & Environmental Justice ay magkaugnay—parehong lumalaban para sa natural healing, tamang siyensya, at makataong batas.

📢 Sumali sa laban! Pirmahan at ipakalat ang petisyon para protektahan ang ating kalikasan at kalusugan!

✍️ https://www.change.org/p/realign-samal-bridge-spare-the-reefs-marine-life-in-davao-gulf

05/02/2025

📢 SB 2573: Napag-usapan na sa Senado ang Medical Cannabis Bill NGUNIT hindi pa ito naipasa!

Matapos ang matagal na paghihintay, kanina (Feb 5), sa wakas ay napag-usapan na sa Senate hearing ang Senate Bill 2573 o ang "Act Providing for the Medicalization of Cannabis." 🙌

Malaking pasasalamat sa lahat ng tumulong—sa mga nag-email, tumawag, nag-message sa mga senador, at nag-flood ng comments sa Senate live sessions. Hindi pa ito pasado, pero malayo na ang narating natin!

📌 Ano ang laman ng panukalang batas?

✔️ Sa bill ay gagawing legal ang medical cannabis – Pero STRIKTONG ipinagbabawal pa rin ang recreational use.
✔️ Prescription-based – Tanging mga lisensyadong doktor na may training ang makakapag-reseta.
✔️ Regulated ng PMCA (Philippine Medical Cannabis Authority) – Magiging responsable sa pagmo-monitor ng medisina, pagsasanay ng mga doktor, at pagtiyak na hindi ito maabuso.
✔️ Medical benefits ng cannabis – Nakakatulong ito sa cancer, epilepsy, chronic pain, dementia, at iba pang sakit na hindi natutugunan ng ibang gamot.
✔️ Walang naitalang overdose deaths – Mas ligtas ito kumpara sa ibang gamot, pero may mga regulasyon para maiwasan ang maling paggamit.
✔️ Bawal pa ang pagtatanim sa ngayon – Pero may probisyon para sa future local cultivation.
✔️ May matinding parusa sa mga lalabag – Para maiwasan ang maling paggamit at pagkalat nito sa hindi medical na paraan.

📌 Nasaang bahagi na tayo ng proseso?

🚨 HINDI PA PASADO ANG BILL! Mahaba pa ang proseso bago ito maging batas. Narito ang susunod na mga hakbang:

1️⃣ Second Reading (Kasalukuyang Stage) – Dito tinalakay ang bill, pinagdebatehan, at pinag-usapan ang mga posibleng pagbabago.
2️⃣ Third Reading (Susunod na Hakbang) – Kapag pumasa sa second reading, iboboto ulit ito sa Senado.
3️⃣ Bicameral Conference Committee (Bicam) – Pag-uusapan at pag-aayusin ng Senado at Kongreso ang final na bersyon ng bill.
4️⃣ Lagda ng Pangulo – Kapag napirmahan ng Pangulo, magiging ganap na batas ito.

📌 Ano na ang nangyari ngayon?

👉 Sinuspinde ang deliberation sa bill, kaya hindi pa ito bumoto para sa Second Reading.
👉 Adjourned na ang Senate plenary session, at magbabalik ito sa June 2, 2025, 2 PM.
👉 May natitira pang 6 session days sa unang linggo ng Hunyo bago tuluyang magsara ang sesyon.
👉 Matapos ang eleksyon (May 12), may maliit pang window mula June 2-11 para maisulong ito.

📌 Ano ang pwede nating gawin?

📣Tuloy ang ingay! – Hindi natin pwedeng hayaang mamatay ang bill na ito. Dapat mas palakasin pa natin ang ating boses!
📣 Mag-email, tumawag, at mag-message sa mga senador – Paalalahanan natin sila na hindi tayo titigil hangga't hindi ito naipapasa.
📣 Sumali sa social media campaigns – Mag-share ng tamang impormasyon at himukin ang iba na makiisa!
📣 Siguraduhing ang mga halal na opisyal ay pro-medical cannabis – Ang eleksyon sa Mayo ay magiging mahalaga sa kinabukasan ng bill na ito.

Hindi pa tapos ang laban! 🙌 Laban pa! Ipaglaban natin ang medical cannabis! 💪💚

05/02/2025

They're finally talking about SB2573!

05/02/2025

Naubos po ang flyers namin kaya we had to pause shipping. Nagkastock na ulit kami ng flyers, kaya resume tayo ng shipping ng shirt at cap orders ninyo this Friday.

04/02/2025

NAGLILIGTAS NG BUHAY ANG CANNABIS! ITO'Y ISANG BAGONG PAG-ASA PARA SA MASANG PILIPINO!

Pinatunayan ng agham na ang medical cannabis ay isang lehitimong lunas para sa maraming sakit, kabilang na ang mga karaniwang nararanasan ng mga Pilipino:

👉 Cancer: Pampawala ng sakit, pangontra sa pagsusuka mula sa chemotherapy, at pampagana sa pagkain.

👉 Epilepsy: Nakakabawas ng seizures, lalo na sa mga hindi tinatalaban ng gamot.

👉 Chronic Pain: Nagbibigay ginhawa sa arthritis, sakit sa nerves, at sakit sa likod.

👉 Mental Health Disorders: Tumutulong sa anxiety, depression, at PTSD.

👉 Diabetes at Heart Disease: May potensyal na kontrolin ang blood sugar at mapabuti ang kalusugan ng puso.

Bakit kailangan natin ang medical cannabis sa Pilipinas?

❌ Maraming Pilipino ang nangangailangan.

Ayon sa mga pag-aaral, napakamaraming Pilipino ang may kanser, at milyun-milyong iba pa ang may sakit na maaaring gamutin ng medical cannabis.

❌ Mahal at limitado ang access sa epektibong gamot.

Ang medical cannabis ay maaaring magbigay ng alternatibong lunas para sa mga pasyenteng hindi makakapagbayad ng mahal na gamot.

Ang legalisasyon ng MedCann ay magbibigay ng bagong pag-asa para sa mas magandang buhay. Ilipat natin ang usapan mula sa takot patungo sa agham! Suportahan ang Senate Bill 2573 ngayon na!

https://legacy.senate.gov.ph/[UPDATED]%20The%20Senators'%20Directory_10.25.2023.pdf

Ano ang dapat gawin?

📞 Tumawag, mag-email, o magpadala ng mensahe sa mga senator natin. Gamitin ang Senate Directory para ipaabot ang inyong suporta sa MedCann bill.

Halimbawa:
'Senador [Name], ang medical cannabis ay makapagliligtas ng buhay at magpapabuti sa kalusugan ng milyun-milyong Pilipino. Pakiusap, unahin at ipasa ang MedCann bill o Senate Bill 2573.'

🔊 Magbigay-kaalaman at ipaglaban ang makabagong batas na ito. Sama-sama nating basagin ang stigma at magbigay ng pag-asa sa mga nangangailangan.

🖱 I-share ang impormasyong ito sa mga kaibigan at pamilya ninyo. Tulong-tulong tayong magpakalat ng kaalaman tungkol sa medical cannabis.

Sama-sama nating basagin ang stigma, magbigay-kaalaman, at ipaglaban ang makabagong batas na ito bago maging huli ang lahat!