MENRO - Labrador, Pangasinan

16/10/2026

Tree Planting Activity ng mga Cooperatives, NGO’s, at CSO’s ginanap po ngayon ika-16 ng Oktubre 2026 sa Sitio Apoler-Biga, Tobuan, Labrador. 🌱

Pagkatapos ng Coastal Clean-Up sa Laois Beach noong nakaraang Sabado, sinundan agad ng Municipal Cooperative and Development Officer at ating tanggapan ng MENRO-Labrador, Pangasinan ang pag-oorganisa ng Tree Planting Activity ngayong Cooperative Month na inimbitahan ang iba’t ibang opisina, samahan, at organisasyon sa ating bayan: PNP Labrador, Rotary Club of Labrador, Kagra Agriculture Cooperative, Bumados Arc MPC, Labrador RIC Agriculture and Fisheries Cooperative, ROCK Ministries, Kalangkuasan Timpoyog Agriculture Cooperative, Cebuana Lhuillier, Inter-Labrador Pride, Zumbayan Labrador Dance Fitness Group, LAKAS, at Professionals Group of Labrador.

Ipinapaabot rin ng aming Lokal na Pamahalaan ng Labrador na pinamumunuan ni Mayor Noel N. Uson at Vice Mayor Melchora “Soray” Arenas-Yaneza ang kanilang pasasalamat sa Pangasinan PPCLDO sa kanilang walang sawang suporta at donasyon ng mga magagandang klase ng punla na itinatanim tuwing Tree Planting Activity sa bayan ng Labrador.

Nawa’y lumaki at lumago ang mga itinanim para sa tuloy-tuloy na progresibong Greening Activities sa ating bayan. Baleg ya Salamat at God Bless us all!

14/10/2026

Year 1 Validation at Monitoring ng approved Labrador 10-Year Solid Waste Management Plan (2025-2034) ay ginanap po ngayong ika-14 ng Oktubre 2026.

Ang komprehensibong validation at monitoring ay pinangunahan ng ating mga bisita mula po sa EMB-Ilocos Region na sina Mr. Junero Rome Estolas, Senior Environmental Management Specialist (SEMS) at Ms. Janiela Santos, Environmental Monitoring Officer (EnMO) kasama ang ating tanggapan ng MENRO - Labrador, Pangasinan upang maglibot sa kapaligiran ng bawat barangay, Central MRF, Residual Containment Area, Composting Facility ng KAGRA Cooperative, Labrador Public Market, at Hazardous Waste Facility pati ang mabusising pangangalap ng mga consolidated datas, reports, MOV’s, at PPA’s ng ating Lokal na Pamahalaan patungkol sa Solid Waste Management.

Buong araw po isinagawa ang validation at monitoring na nagtapos po sa isang maayos na resulta, ngunit may ilan pa ring mahahalagang komento ang mga focal personnel ng EMB-Ilocos Region na kailangang mabigyang-pansin, suporta, at aksyunan patungkol po sa striktong pagpapatupad ng Proper Solid Waste Segregation, pagkakaroon ng mga Upcycling at Diversion strategies/interventions, at pagpapaigting ng Recycling at Composting upang mabawasan ang mga basura sa ating bayan.

Taos-puso po ang pasasalamat ng ating Executive Assistant na si Sir Cresencio “Boy” Cruz sa ating mga bisita sa kanilang ginawang validation at monitoring upang mapabuti pa ang serbisyong pangkalinisan at pangkaayusan sa Labrador. Ipinapaabot din po ng ating butihing Mayor Noel N. Uson at Vice Mayor Melchora "Soray" Arenas-Yaneza ang kanilang pasasalamat sa ating mga bisita.

Patuloy po ang serbisyong may puso at malasakit para sa mas malinis na bayan ng Labrador. Magtulungan po tayo, mga Kabaleyan!

10/10/2026

HAPPY COASTAL CLEAN-UP & HAPPY COOPERATIVE MONTH! ♻️🌊

Ngayong araw po ng Sabado, ika-10 ng Oktubre 2026, nagkaisa ang mga empleyado ng ating Lokal na Pamahalaan ng Labrador, PNP Labrador Municipal Police Station, Pangasinan PPO, Bfp RegionOne Labrador Pangasinan, Coast Guard Labrador and Sual, Inter-Labrador Pride (LGBTQIA+ association), mga Cooperatives, NGO's, CSO's, Limgas na Labrador 2026 queens, Laois Barangay Council, Rotary Club of Labrador, 4P's group at Zumbayan Labrador Dance Fitness Group upang gawing masaya at matagumpay ang Coastal Clean-Up Drive sa Laois Beach.

Umabot sa animnapu't isa (61) na sako ng basura ang nakolekta ng lahat ng dumalo sa matagumpay na Coastal Clean-Up, na nagtapos sa isang masayang Zumba upang mas maging masigla ang lahat.

Ipinapaabot ng ating butihing Mayor Noel N. Uson at Vice Mayor Melchora "Soray" Arenas-Yaneza ang kanilang taos-pusong pasasalamat, mga Ma'ams and Sirs, sa inyong pakikiisa sa ganitong aktibidad tungo sa malinis na karagatan at masaganang bayan ng Labrador, Pangasinan.

06/10/2026

DENR-EMB Region 1 Barangay Monitoring ginanap po ngayong araw ng Martes, ika-06 ng Oktubre 2026 sa ating bayan ng Labrador. ♻️🌱

Ang ginanap na Barangay Monitoring ay naging matagumpay sa pangunguna ng ating Environmental Monitoring Officer na si Ms. Janiela A. Santos na mula po sa EMB-Ilocos Region kasama ang mga staffs ng ating tanggapan ng MENRO - Labrador, Pangasinan na binisita at tinipon ang mga Barangay Councils ng sampung barangay sa ating bayan upang i-validate ang mga compliances at Programs, Projects, and Activities (PPA’s) ng ating mga barangay tungkol po sa Environmental Protection at Solid Waste Management na kanilang pinapatupad at inaaksyunan sa kanilang mga nasasakupang barangay at mga sektor.

Layunin po ng Barangay Monitoring na bigyang gabay ang ating mga Barangay Councils sa pagbibigay aksyon sa wastong pamamahala sa mga basura at paggawa ng mga makabuluhang proyekto o programa pangkalinisan at pangkalikasan na mahihikayat ang kanilang mga kabarangay na pangmatagalan.

Mula po sa aming Lokal ng Pamahalaan ng Labrador, Pangasinan na pinamumunaan nina Mayor Noel N. Uson at Vice Mayor Melchora "Soray" Arenas-Yaneza, maraming salamat po DENR Region 1 Office sa inyong walang sawang tulong, gabay, at suporta sa aming bayan.

26/09/2026

24/09/2026

15/09/2026

3rd Quarter Provincial Solid Waste Management Board Meeting (PSWMB) ginanap po ngayong ika-15 ng Setyembre 2026 sa Lingayen, Pangasinan.

Tinalakay po ang iba’t ibang mahahalagang paksa/usapin pang kalinisan at pang kalikasan ng mga participants mula sa mga munisipalidad at siyudad sa ating probinsya ng Pangasinan. Malugod na dinaluhan at sinuportahan rin po ang pagpupulong ni 2nd District Board Member Atty. Haidee S. Pacheco mula po sa ating Sangguniang Panlalawigan.

11/09/2026

𝓟𝓵𝓪𝓷𝓽 𝓽𝓸𝓭𝓪𝔂, 𝓑𝓻𝓮𝓪𝓽𝓱𝓮 𝓽𝓸𝓶𝓸𝓻𝓻𝓸𝔀! 🌱

Ang aming opisina ng MENRO - Labrador, Pangasinan kasama ang ating masipag at butihing Vice Mayor Melchora "Soray" Arenas-Yaneza, mga kagalang-galang na officers ng Rotary Club of Labrador, at mga empleyado ng ating Lokal na Pamahalaan ng Labrador ay nagsagawa po ng ocular inspection sa dalawang location para sa gaganaping Arbor Day/Tree Growing Day sa bayan ng Labrador ngayong buwan ng Setyembre at Oktubre 2026.

Ang taunang Arbor Day po ay naglalayong tulungan ang kalikasan para sa luntiang pamayanan at magkaroon ng ligtas na likas na yaman para sa kinabukasan ng ating bayan.

Abangan po ang iba pang mga detalye para sa gaganaping Arbor Day/Tree Growing Day dito sa aming opisyal na page.