LTO - Laoag District Office

16/09/2026

𝐋𝐓𝐎 𝐂𝐇𝐈𝐄𝐅, 𝐈𝐍𝐈𝐑𝐄𝐊𝐎𝐌𝐄𝐍𝐃𝐀 𝐀𝐍𝐆 𝐓𝐔𝐋𝐔𝐘𝐀𝐍𝐆 𝐏𝐀𝐆𝐏𝐀𝐓𝐀𝐖 𝐍𝐆 𝐑𝐄𝐕𝐎𝐂𝐀𝐓𝐈𝐎𝐍 𝐒𝐀 𝐋𝐈𝐒𝐄𝐍𝐒𝐘𝐀 𝐍𝐆 𝐃𝐑𝐀𝐘𝐁𝐄𝐑 𝐍𝐆 𝐈𝐌𝐏𝐎𝐔𝐍𝐃𝐄𝐃 𝐒𝐔𝐏𝐄𝐑𝐂𝐀𝐑 𝐃𝐀𝐇𝐈𝐋 𝐒𝐀 𝐏𝐀𝐆𝐆𝐀𝐌𝐈𝐓 𝐍𝐆 𝐇𝐈𝐍𝐃𝐈 𝐀𝐖𝐓𝐎𝐑𝐈𝐒𝐀𝐃𝐎𝐍𝐆 𝐏𝐋𝐀𝐊𝐀; 𝐒𝐀𝐒𝐀𝐊𝐘𝐀𝐍 𝐓𝐔𝐋𝐔𝐘𝐀𝐍 𝐍𝐀𝐍𝐆 𝐊𝐈𝐍𝐔𝐌𝐏𝐈𝐒𝐊𝐀 𝐍𝐆 𝐁𝐎𝐂

Inirerekomenda ni Land Transportation Office (LTO) Chief, Assistant Secretary Markus V. Lacanilao, ang tuluyang pagbawi sa lisensya ng drayber ng isang impounded Porsche Spyder na pagmamay-ari ng isang aktor matapos itong gumamit ng hindi awtorisadong plaka na may initials ng kanyang pangalan habang bumibiyahe sa pampublikong kalsada.

Matatandaang inisyuhan ng Show Cause Order (SCO) ang rehistradong may-ari at drayber matapos mamataang minamaneho ang naturang Porsche Spyder na may nakakabit na plaka na hindi awtorisado ng LTO at nagtataglay ng initials ng pangalan ng drayber. Dahil dito, ipinatawag ng LTO ang rehistradong may-ari at drayber ng sasakyan upang magpaliwanag at magsumite ng mga kinakailangang dokumento kaugnay ng insidente.

Kaugnay nito, ang pag-release ng naturang sasakyan ay nananatiling 𝙝𝙚𝙡𝙙 𝙞𝙣 𝙖𝙗𝙚𝙮𝙖𝙣𝙘𝙚, alinsunod sa magiging disposisyon ng Bureau of Customs (BOC).

“Malinaw ang paglabag ng drayber ng supercar na ito. Mahigpit po tayo laban sa paggamit ng peke o hindi awtorisadong plaka. Ginagawa lang naman natin ito upang matiyak na tama at legal ang pagkakakilanlan ng bawat sasakyan sa kalsada,” ani Asec. Lacanilao.

Patuloy na paiigtingin ng LTO ang pagpapatupad ng mga alituntunin sa paggamit ng plaka at ang pagtugon sa mga paglabag kaugnay nito. Hinihikayat ng LTO ang lahat ng motorista na gumamit lamang ng legal at awtorisadong plaka at huwag tularan ang ganitong gawain upang mapanatili ang maayos at ligtas na paggamit ng mga sasakyan sa kalsada.

16/09/2026

𝐋𝐓𝐎, 𝐍𝐈-𝐑𝐄𝐕𝐎𝐊𝐄 𝐍𝐀 𝐀𝐍𝐆 𝐋𝐈𝐒𝐄𝐍𝐒𝐘𝐀 𝐍𝐆 𝐀𝐊𝐓𝐎𝐑 𝐍𝐀 𝐒𝐀𝐍𝐆𝐊𝐎𝐓 𝐒𝐀 𝐀𝐊𝐒𝐈𝐃𝐄𝐍𝐓𝐄 𝐒𝐀 𝐀𝐍𝐓𝐈𝐏𝐎𝐋𝐎 𝐂𝐈𝐓𝐘, 𝐑𝐈𝐙𝐀𝐋

Ipinataw ng Land Transportation Office (LTO) ang dalawang taong revocation sa lisensya sa pagmamaneho ng isang aktor matapos itong masangkot sa isang aksidente sa Marcos Highway, Antipolo City, Rizal.

Batay sa isinagawang imbestigasyon at pagdinig hinggil sa insidente, lumabas na nakaranas ng matinding pagkapagod ang nasabing aktor bago mawalan ng kontrol sa kanyang minamanehong sasakyan, na nagresulta sa pagkakabangga nito sa tatlong establisyimento.

Dahil dito, napatunayang may pananagutan ang nasabing aktor sa paglabag sa Reckless Driving at idineklarang Improper Person to Operate a Motor Vehicle, na naging batayan sa pagpapataw ng dalawang taong revocation sa kanyang lisensya sa pagmamaneho.

Samantala, nananatiling nasa alarm status ang naturang sasakyan upang matiyak ang pagpapatupad ng ipinataw na kaparusahan at maiwasan ang anumang transaksyon kaugnay nito habang umiiral ang nasabing resolusyon.

Ani Asec. Lacanilao, “Seryoso ang LTO sa pagpapatupad ng batas-trapiko, lalo na sa mga paglabag na maaaring magdulot ng panganib sa ibang gumagamit ng kalsada. Ipatutupad natin ang kaukulang kaparusahan batay sa resulta ng imbestigasyon at pagdinig, anuman ang katayuan ng sangkot.”

Mahigpit na ipinatutupad ng LTO ang mga batas at alituntunin sa kalsada upang mapangalagaan ang kaligtasan ng lahat ng motorista at iba pang gumagamit ng lansangan. Hinihikayat ng LTO ang publiko na maging responsable sa pagmamaneho at sumunod sa mga itinakdang patakaran upang maiwasan ang mga aksidenteng maaaring magdulot ng pinsala sa buhay at ari-arian.

16/09/2026

16/09/2026

NOTICE: REPLACEMENT PLATES

Please check the list of available replacement plates ending in numbers 1–0 for claiming at the LTO Laoag District Office.

Claiming Area: LTO Laoag District Office

Kindly bring a photocopy of the following documents:
1. Official Receipt (OR)
2. Certificate of Registration (CR)

Please ensure that the OR and CR photocopies are clear and readable for verification purposes.

Thank you for your cooperation.

16/09/2026

ANNOUNCEMENT | FREE THEORETICAL DRIVING COURSE (TDC)

September 18-19, 2026
Venue: Robinsons Mall Ilocos, San Nicolas Ilocos Norte

IMPORTANT REMINDERS:
1. Please arrive on time and attend the two-day seminar.
2. Kindly bring a valid ID for verification and attendance purposes.
3. No walk-ins or substitutions, please.

Forms will not be accepting registration once full.

Register Now!

We look forward to your cooperation and participation.

Thank you, and see you at the seminar!

15/09/2026

𝐀𝐁𝐈𝐒𝐎 𝐒𝐀 𝐏𝐔𝐁𝐋𝐈𝐊𝐎

Nais ipabatid ng Land Transportation Office (LTO) na muli nang magagamit ang Land Transportation Management System (LTMS) at maaari nang ipagpatuloy ang mga transaksyon dito ngayong araw, Setyembre 15, 2026.

Patuloy na isinasagawa ng technical team ng ahensya ang pagmo-monitor sa sistema upang matiyak ang maayos at tuloy-tuloy na paghahatid ng serbisyo.

Maraming salamat sa inyong pang-unawa.