Barangay Pusok Gender and Development - GAD Organization

🎗️ 𝐎𝐏𝐈𝐒𝐘𝐀𝐋 𝐍𝐆𝐀 𝐏𝐀𝐆𝐋𝐔𝐍𝐒𝐀𝐃 𝐒𝐀 𝐇𝐄𝐋𝐏 𝐃𝐄𝐒𝐊 𝐁𝐀𝐓𝐎𝐊 𝐇𝐔𝐌𝐀𝐍 𝐓𝐑𝐀𝐅𝐅𝐈𝐂𝐊𝐈𝐍𝐆 🎗️

Ubos sa mahinungdanong pagpanguna sa atong halangdong Mayor Cindi King Chan, uban sa suporta sa atong respetadong mga Konsehal — Hon. Annabeth "Mama Abeth" Cuizon, Hon. Ariane Yap, Hon. Jun Alforque, ug Hon. Joseph Taghoy Pangatungan — malampuson nga napahigayon karong 𝐇𝐮𝐥𝐲𝐨 𝟑𝟎, 𝟐𝟎𝟐𝟓, alas 9:00 sa buntag, ang 𝑳𝒂𝒖𝒏𝒄𝒉𝒊𝒏𝒈 𝒐𝒇 𝑯𝒆𝒍𝒑 𝑫𝒆𝒔𝒌 𝒇𝒐𝒓 𝑯𝒖𝒎𝒂𝒏 𝑻𝒓𝒂𝒇𝒇𝒊𝒄𝒌𝒊𝒏𝒈 𝒊𝒏 𝑷𝒆𝒓𝒔𝒐𝒏 sa Angasil Port, Barangay Mactan.

Kini nga programa nagtimaan sa dakong paningkamot sa lokal nga panggamhanan aron mapalig-on ang atong mga inisyatiba sa pagpanalipod batok sa human trafficking, ug sa pagpasiugda sa kaluwasan ug katungod sa matag Lumolupyo sa Dakbayan sa Lapu-Lapu.

Kauban usab nato ang atong 𝑶𝑰𝑪 𝒔𝒂 𝑪𝑺𝑾𝑫𝑶, 𝐌𝐬. 𝐒𝐡𝐞𝐢𝐥𝐚 𝐁𝐚𝐢𝐥𝐨𝐬𝐢𝐬, ug ang masinugtanon nga mga personahe sa 𝐁𝐂𝐏𝐒 ug 𝐕𝐀𝐖𝐂, nga walay undang sa ilang serbisyo alang sa kaayohan sa komunidad.

Sa panaghiusa ug tinud-anay nga serbisyo, atong mapalambu ang usa ka mas luwas ug malinawon nga Lapu-Lapu City.

👩‍👧‍👦 𝗦𝗢𝗟𝗢 𝗣𝗔𝗥𝗘𝗡𝗧 𝗠𝗢𝗡𝗧𝗛𝗟𝗬 𝗠𝗘𝗘𝗧𝗜𝗡𝗚
Kagahapon sa Hapon, July 20, 2025

Gipahigayon ang matagbuwan nga meeting sa Solo Parent dinhi sa Barangay Pusok aron paghinabi ug pagtingub sa mga isyu, panginahanglan, ug mga plano sa pagpanginabuhi. Sa ilahang panagtigom, gipakita ang kaisog ug determinasyon sa atong mga solo parents sa pag-atubang sa mga hagit, samtang gihisgutan ang mga paagi sa pagpalambo sa serbisyo ug suporta gikan sa barangay.

Dako kaayo ang among pagpasalamat sa tanang nitambong ug nagpakita og aktibong partisipasyon. Padayon ta sa pagtinabangay aron mas mapalig-on ug mapaayo pa ang kahimtang sa atong mga pamilya ug komunidad! 💙💪

𝐏𝐖𝐃 𝐄𝐌𝐄𝐑𝐆𝐄𝐍𝐂𝐘 𝐌𝐄𝐄𝐓𝐈𝐍𝐆!!

Gipahigayon niadtong Adlawng Dominggo, July 20, 2025, usa ka Emergency Meeting alang sa atong mga kaigsuonan nga Persons With Disabilities (PWD), nga gipangulohan ni Barangay Kapitan Ranie Godinez-EMPERIO, uban ni Konsehal Rodulfo Pino Jr, Ma’am Janeth Emperio, ug GAD Focal Person Nancy Dulohan.

Gihisgutan sa maong meeting ang mga panginahanglan ug mga concern sa PWD sector aron mas mapalambu pa ang serbisyo ug suporta alang kanila.

Ang Barangay Pusok padayon nga nagatubag sa tinuod nga mga isyu sa komunidad, isip kabahin sa atong paningkamot nga maghimo og inclusive ug malungtarong serbisyo para sa tanan. 💙