Tropang Talon Tres

Kamakailan ay kumalat ang mga paratang na ang Las Piñas-Zapote Riverdrive umano ang sanhi ng pagbaha. Ang pahayag na ito ay hindi lamang fakenews - lubusan nitong binalewala ang mga katotohanan at ang maraming taong pagsisikap para sa rehabilitasyon ng ilog sa Las Piñas at sa pagbibigay-prayoridad sa pakokontrol ng baha sa lungsod.

Itama natin ang usapan.

Ang Riverdrive project na sinimulan at isinulong natin ay kailanman hindi naging sanhi ng pagbaha. Sa katunayan, idinisenyo ito bilang pangmatagalang solusyon upang maiwasan ang pagbaha, mapaluwag ang trapiko, at maisulong ang sustainable urban development sa Las Piñas at mga karatig-lugar.

Noong itinayo ang Riverdrive, naging malalapad at malilinis ang mga ilog - kaya nitong dalhin ang natural na daloy ng tubig-ulan.

Ang Molino River ay natural na dumadaloy patungong Las Piñas River, at ang koneksyong ito ay pangunahing konsiderasyon sa pagpaplano at pagpapatupad ng proyekto.

Naisip natin na kung walang malinis at malayang agos ng ilog, tiyak na magdudulot ng pagbaha ang tubig mula sa mga mas mataas na lugar gaya ng Bacoor patungo sa Las Piñas.

Kaya noong 2001 pa lamang, pinangunahan na natin ang malawakang paglilinis ng ilog sa pamamagitan ng 𝗦𝗮𝗴𝗶𝗽-𝗜𝗹𝗼𝗴 𝗣𝗿𝗼𝗴𝗿𝗮𝗺. Ito ay nag-alis ng 𝘁𝗼𝗻𝗲𝗹𝗮𝗱𝗮𝗻𝗴 𝗯𝗮𝘀𝘂𝗿𝗮, 𝘄𝗮𝘁𝗲𝗿 𝗵𝘆𝗮𝗰𝗶𝗻𝘁𝗵𝘀, 𝗮𝘁 𝗺𝗴𝗮 𝗶𝗹𝗹𝗲𝗴𝗮𝗹 𝘀𝘁𝗿𝘂𝗰𝘁𝘂𝗿𝗲𝘀 na humaharang sa agos ng tubig. Ang mga 𝗯𝗮𝗹𝗮𝗸𝗶𝗱 𝗻𝗮 𝗶𝘁𝗼 𝗮𝗻𝗴 𝗽𝗮𝗻𝗴𝘂𝗻𝗮𝗵𝗶𝗻𝗴 𝗱𝗮𝗵𝗶𝗹𝗮𝗻 𝗸𝘂𝗻𝗴 𝗯𝗮𝗸𝗶𝘁 𝗺𝗮𝗱𝗮𝗹𝗮𝘀 𝗮𝘁 𝗺𝗮𝗹𝗮𝗹𝗮 𝗮𝗻𝗴 𝗽𝗮𝗴𝗯𝗮𝗵𝗮 noon sa Las Piñas. Kinilala ang tagumpay ng inisyatibong ito sa buong mundo nang ito ay 𝘁𝘂𝗺𝗮𝗻𝗴𝗴𝗮𝗽 𝗻𝗴 𝗨𝗻𝗶𝘁𝗲𝗱 𝗡𝗮𝘁𝗶𝗼𝗻𝘀 𝗕𝗲𝘀𝘁 𝗣𝗿𝗮𝗰𝘁𝗶𝗰𝗲𝘀 𝗔𝘄𝗮𝗿𝗱 𝗻𝗼𝗼𝗻𝗴 𝟮𝟬𝟭𝟭 para sa pangangalaga ng ating rivers at paglikha ng kabuhayan mula sa basura.

Mula 2012 hanggang 2022, natapos ang Riverdrive na may kabuuang habang 40 kilometro. Ipinatupad ito sa tatlong phases o yugto:

● 1st Phase: Ang 20-kilometrong Zapote Riverdrive ay nagsilbing alternatibong daanan sa trapiko habang nakatutulong sa pagpigil ng pagbaha sa mga lugar sa kahabaan ng Zapote River at Zapote-Alabang Road.

● 2nd Phase: Ang 10-kilometrong Las Piñas Riverdrive ay nagpalakas sa kontrol ng baha at pinahusay ang daloy ng tao at sasakyan sa mga mataong barangay.

● 3rd Phase: Ang ginagawa na 10-kilometrong Molino Riverdrive, na nag-uugnay sa Daang Hari Road sa pamamagitan ng Barangays Molino III at VI sa Bacoor, Cavite patungong Zapote River at kalaunan ay sa Manila Bay.

Ang bawat bahagi ng Riverdrive ay higit pa sa isang kalsada - ito ay bahagi ng isang structure na panangga at nagpoprotekta sa ating mga daluyan ng tubig. Dito dumaraan ang mga barges, banka, at iba pang malalaking equipment na ginagamit natin sa paglilinis ng ilog. Sa pamamagitan rin ng mga bakod sa gilid ng kalsada at mas maayos na access sa tabi ng ilog, nabawasan ang walang habas na pagtatapon ng basura, nakontrol ang mga informal settlers sa tabi ng ilog, at naging mas madali ang regular na maintenance.

Kung hindi ang Riverdrive, ano nga ba ang tunay na sanhi ng kamakailang pagbaha?

Narito ang mga totoong dahilan:
● Baradong drainage system dahil sa hindi nakokolektang basura at debris,
● Mga bara sa mga daluyan ng tubig na nangangailangan ng regular na paglilinis,
● Mali o iresponsableng pagtatapon ng basura ng ilang residente at negosyo,
● At ang lalong lumalakas na pag-ulan bunga ng climate change, na lumalampas sa kapasidad ng drainage infrastructure ng lungsod.

Bukod pa rito, kailangan din nating bigyang pansin ang isang lumalaking banta: ang mga 𝗥𝗲𝗰𝗹𝗮𝗺𝗮𝘁𝗶𝗼𝗻 𝗣𝗿𝗼𝗷𝗲𝗰𝘁𝘀 𝘀𝗮 𝗠𝗮𝗻𝗶𝗹𝗮 𝗕𝗮𝘆. Ang mga aktibidad na ito ay 𝗴𝘂𝗺𝗮𝗺𝗯𝗮𝗹𝗮 𝘀𝗮 𝗻𝗮𝘁𝘂𝗿𝗮𝗹 𝗻𝗮 𝗽𝗮𝗴𝗱𝗮𝗹𝗼𝘆 𝗻𝗴 𝘁𝘂𝗯𝗶𝗴 at 𝗻𝗮𝗴𝗽𝗮𝗽𝗮𝘁𝗮𝗮𝘀 𝗻𝗴 𝗽𝗮𝗻𝗴𝗮𝗻𝗶𝗯 𝗻𝗴 𝗯𝗮𝗰𝗸𝗳𝗹𝗼𝘄 𝗮𝘁 𝗽𝗮𝗴𝗯𝗮𝗵𝗮, 𝗹𝗮𝗹𝗼 𝗻𝗮 𝘀𝗮 𝗺𝗴𝗮 𝗺𝗮𝗯𝗮𝗯𝗮𝗯𝗮𝗻𝗴 𝗹𝘂𝗴𝗮𝗿 𝘁𝘂𝗹𝗮𝗱 𝗻𝗴 𝗟𝗮𝘀 𝗣𝗶ñ𝗮𝘀. Sa kabila ng mga proyektong ito,𝗶𝗻𝗮𝗺𝗶𝗻 𝗺𝗶𝘀𝗺𝗼 𝗻𝗴 𝗗𝗘𝗡𝗥 𝗻𝗮 𝘄𝗮𝗹𝗮 𝗽𝗮 𝗿𝗶𝗻𝗴 𝗰𝗼𝗺𝗽𝗿𝗲𝗵𝗲𝗻𝘀𝗶𝘃𝗲 𝗮𝗻𝗱 𝗶𝗻𝘁𝗲𝗴𝗿𝗮𝘁𝗲𝗱 𝗳𝗹𝗼𝗼𝗱 𝗺𝗮𝗻𝗮𝗴𝗲𝗺𝗲𝗻𝘁 𝗽𝗹𝗮𝗻 na tumutugon sa pinagsama-samang epekto ng agos mula sa itaas, urbanisasyon, at coastal developments gaya ng reclamation.

Ang 𝗸𝗮𝘄𝗮𝗹𝗮𝗻 𝗻𝗴 𝗶𝘀𝗮𝗻𝗴 𝗰𝗲𝗻𝘁𝗿𝗮𝗹𝗶𝘇𝗲𝗱 𝗮𝗻𝗱 𝘀𝗰𝗶𝗲𝗻𝘁𝗶𝗳𝗶𝗰 𝗳𝗹𝗼𝗼𝗱 𝗽𝗹𝗮𝗻 ang tunay na banta sa ating mga komunidad hindi ang Riverdrive, na matagal nang napatunayang epektibo.

Sa paglipas ng mga taon, naging modelo ang Riverdrive ng pinagsamang urban development: pinagsasama ang imprastruktura, pangangalaga sa kapaligiran, at serbisyong pampubliko para makabuo ng isang mas ligtas, mas malinis, at mas maayos na lungsod.

Habang patuloy na pinapalawak ang proyekto at inuugnay ang mas maraming barangay, nananatiling pareho ang layunin: protektahan ang buhay at ari-arian mula sa baha, pahusayin ang daloy ng trapiko, at muling buhayin ang ating mga likas na daluyan ng tubig.

Huwag nating hayaan na ang maling impormasyon ay burahin ang mga dekada ng trabaho at dedikasyon tungo sa kaunlaran.

Ang Riverdrive ay hindi ang problema - ito ay bahagi ng solusyon.

Mas matatag at mas handa na ngayon ang Las Piñas laban sa pagbaha, dahil kumilos tayo noong hindi pa man kumikilos ang iba.