Tigsik Manito

Dios maray na aga mga taga Manito
Satuyang pasalamatan ang mga grasyang tinao
Kang satong patron na maherakon asin matinao
San Raphael Archangel na tunay na milagroso

Tigsik ko ang gayon kan banwang Manito
Dakul na magagayon asin Mabuot na tawo
Mga karigusan digdi permi matawo
Muladbukad man iyan o maging sa Singko

Tigsik ko man ang Gayon kang Nag-aso
Sarong Boiling Lake na mainit masyado
Dae k mag karigos ta gadan abutan mo
Mag laga nin bunay, Luto na sa Limang minuto.

Tigsikon ko man ang Pangarang Manito
Hali daa sa balagon na Hapod Nito
Pwedi gibuhon na Basket asin Plato
Pwedeng pang Export sa mga nasyon sa mundo.

Tanaan mo man angDulci ni May mo
Gibu sa pili, Mahamison masyado
Pwedi pasalubong urog sa namumutan mo
Sigurado ang simbag simu mahamis na EU..

Mana mga madi,padi
Pagharampangan ta na ini
Ang sakung merindalan
Mahamis na Ginatan..

Tigsik ko ining si Pay
Perming Alak ang katubay
Daeng higos sa buhay
Muya sana mag paratubay.

Maluya dumiskarte
maurag sana sa katre
Daeng Trabaho permi
Muya sana permi banggi

Warang pangarap sa buhay
Tios na nganing tunay
Dae pang higos,gabus bublay
kaya karigusi na tabi Pay..

Marhay na aldaw mga madi, mga padi
sa banwang Manito na satuyang sadiri
mapresko,maparos,makawili-wili
ulgulyo kang gabos ang banwaang ini..