Aurelio “Bobot” Lopez

09/10/2026

𝗜𝗖𝗬𝗠𝗜 | Mao kini ang mga programa nga nahitabo sa kasaulugan sa ika Kan-uman ug Siyam ka tuig sa Lungsod.

Padayon kita sa usa ka lungsod nga katawhan ang sentro sa tanan alang sa padayon nga pag-asenso sa Libona.

09/10/2026

Laing adlaw napud nga kita makaserbisyo sa katawhan!

Karong adlawa pormal nga giturnover sa lungsod ang Municipal Youth Hub and Reading Center kauban si Cong. Joeman Alba ug FCong. Malou Acosta-Alba, mga personahe sa DPWH 3rd DEO, Department Heads sa Lokal nga Pangagamhanan, Department of Education, BUKSU Libona ug mga SK Officials. Kini nga Multi-Purpose Building naglatid sa paghatag ug mas dakong espasyo sa atong mga kabatan-onan ug kabataan nga adunay dakong papel sa kaayuhan sa nasud. Nahimo kining posible tungod sa padayon nga suporta sa atong First District Congressman Joeman Alba nga kanunay naglantaw sa kaayuhan sa katawhan sa atong lungsod.

Abri ang atong Youth Hub and Reading Center sa tanang Kabatan-onan, magpabilin ang atong mainitong suporta kaninyo ug padayon kita sa pagmugna ug mas asensado nga Libona.

Congratulations sa tanan!

02/10/2026

𝗡𝗜𝗚𝗛𝗧 𝗖𝗔𝗙𝗘 & 𝗣𝗦𝗔 𝗠𝗢𝗕𝗜𝗟𝗘 𝗖𝗥𝗦 𝗢𝗨𝗧𝗟𝗘𝗧 | 𝗞𝗔𝗥𝗢𝗡𝗚 𝗔𝗗𝗟𝗔𝗪𝗔

Karong Oktubre 2, 2026, atong gihimo nga mas sayon ug accessible para sa atong mga katawhan ang pagkuha sa pipila ka importanteng civil registry documents pinaagi sa PSA Mobile CRS Outlet nga gipahigayon sa 𝗠𝘂𝗻𝗶𝗰𝗶𝗽𝗮𝗹 𝗚𝗿𝗼𝘂𝗻𝗱𝘀, 𝗟𝗶𝗯𝗼𝗻𝗮, 𝗕𝘂𝗸𝗶𝗱𝗻𝗼𝗻.

Pinaagi niini, makakuha ang atong mga residente sa mosunod nga mga serbisyo:

1. Birth Certificate
2. Marriage Certificate
3. Death Certificate
4. Certificate of No Marriage (CENOMAR)
5. PSA National ID

Kabahin kini sa atong mga kalihokan alang sa pagsaulog sa ika-kan-uman ug siyam nga Founding Anniversary sa Libona, diin atong gihiusa ang selebrasyon ug mga serbisyo para sa atong mga katawhan.

Ug karong gabii, magkita-kita usab ta sa Municipal Grounds alang sa atong NIGHT CAFE, sugod alas 6:30 sa gabii, uban sa Dreamscape Band. 🎶

𝗡𝗜𝗚𝗛𝗧 𝗖𝗔𝗙𝗘 𝗔𝗡𝗗 𝗣𝗦𝗔 𝗠𝗢𝗕𝗜𝗟𝗘 𝗖𝗥𝗦 𝗢𝗨𝗧𝗟𝗘𝗧

Alayon sa kasaulugan sa ika Kan-uman ug Siyam ka tuig sa Libona, ipahigayon ugmang adlawa Oktobre 2 tuig 2026 ang PSA Mobile CRS Outlet sa Municipal Grounds, Libona, Bukidnon. Kini nagtanyag sa mga batakang serbisyo sa Philippine Statistics Authority ug Municipal Civil Registry.

𝗣𝗦𝗔 𝗦𝗲𝗿𝘃𝗶𝗰𝗲𝘀:
𝟭. 𝗕𝗶𝗿𝘁𝗵 𝗖𝗲𝗿𝘁𝗶𝗳𝗶𝗰𝗮𝘁𝗲
𝟮. 𝗠𝗮𝗿𝗿𝗶𝗮𝗴𝗲 𝗖𝗲𝗿𝘁𝗶𝗳𝗶𝗰𝗮𝘁𝗲
𝟯. 𝗗𝗲𝗮𝘁𝗵 𝗖𝗲𝗿𝘁𝗶𝗳𝗶𝗰𝗮𝘁𝗲
𝟰. 𝗖𝗲𝗿𝘁𝗶𝗳𝗶𝗰𝗮𝘁𝗲 𝗼𝗳 𝗡𝗼 𝗠𝗮𝗿𝗿𝗶𝗮𝗴𝗲
𝟱. 𝗣𝗦𝗔 𝗡𝗮𝘁𝗶𝗼𝗻𝗮𝗹 𝗜𝗗

Ugma usab ipahigayon sa gabii ang 𝗡𝗜𝗚𝗛𝗧 𝗖𝗔𝗙𝗘 sa Municipal Grounds ug magsugod alas-sais traynta (6:30PM). Magsadya kita kauban ang 𝗗𝗥𝗘𝗔𝗠𝗦𝗖𝗔𝗣𝗘 𝗕𝗔𝗡𝗗.

Maglingaw, makig-uban ug makighiusa kita alang sa padayon nga pag-asenso sa Libona.

29/09/2026

𝗛𝗜𝗚𝗛𝗟𝗜𝗚𝗛𝗧 𝗣𝗛𝗢𝗧𝗢𝗦 | Katloan (30) ka mga aplikante ang diretsong nadawat sa trabaho atol sa gipahigayon nga Job Fair sulod sa Municipal Gymnasium adlawng Lunes, Setyembre 28 tuig 2026, isip kabahin sa mga importanteng kalihokan sa pagsaulog sa ika-69th Founding Anniversary sa lungsod sa Libona.

Gitambongan sa nagkadaiyang mga employer gikan sa mga kasikbit nga lugar ang maong kalihokan aron hatagan og oportunidad ang mga Libonanhon nga nangita og trabaho, lokal man o alang sa trabaho sa gawas sa nasud. Gitambongan usab kini sa pipila ka national government agencies nga mipahigayon sa paghatag sa ilang mga batakang serbisyo alang sa katawhan sa Libona. Gitanyag usab ang libreng legal services alang sa mga gustong magpakonsulta bahin sa nagkalain-laing legal nga mga butang.

Gawas sa job opportunities, gitanyag usab sa maong kalihokan ang nagkalain-laing libreng serbisyo alang sa mga partisipante ug mga residente, lakip ang pag-print sa mga dokumento alang sa mga aplikante, libreng champorado, ingon man libreng pedicure, manicure, haircut, ug masahe alang sa mga gustong moparelax.

Sa laing bahin, dungan usab nga gipahigayon ang libreng Medical ug Dental Mission sulod sa Rural Health Unit, diin ubay-ubay nga mga residente ang nakatagamtam sa nagkalain-laing serbisyong panglawas.

Ang pagsaulog sa Founding Anniversary sa lungsod sa Libona magpadayon hangtod Oktubre 4 tuig 2026, diin ang mga kalihokan nagpunting sa mga serbisyo ug programa nga gitumong alang sa kaayuhan sa katawhan sa Libona.

29/09/2026

𝗛𝗜𝗚𝗛𝗟𝗜𝗚𝗛𝗧 𝗣𝗛𝗢𝗧𝗢𝗦 | Nagkahiusa ang nagkalain-laing kooperatiba ug asosasyon sa mga mag-uuma sa lungsod sa Libona atol sa gipahigayon nga Farmer's Day adlawng Martes, Septembre 30 tuig 2026, nga gipasiugdahan sa Municipal Agriculture’s Office (MAO) sa pagpanguna ni MAO-OIC Engr. James Berlin Escaner.

Gisugdan ang kalihokan pinaagi sa usa ka mubo apan mahinungdanong parada nga nagsugod gikan sa Municipal Hall padulong sa Municipal Gymnasium, diin gipadayon ang nagkadaiyang kalihokan alang sa mga mag-uuma.

Kabahin sa programa ang raffle draw diin gipanghatag ang mga gamit sa pag-uma sama sa sundang, pala ug gloves, lakip ang corn seeds. Gipanghatag usab ang mga fruit-bearing tree seedlings sama sa rambutan, mangosteen ug durian aron makatampo sa dugang nga produksiyon sa mga mag-uuma.

Gipahigayon usab ang nagkalain-laing dula ug kalihokan sama sa Amazing Race, pagdakop og baboy ug baktin, bingo, ug uban pa nga nakadugang sa kasadya sa mga partisipante.

Lakip sa mga dinapit nga bisita mao sila Municipal Councilor Hon. Feliciano S. Gabito, Jr. ug Chief, Provincial Operations Center-DA RFO X Jamaica L. Docdoc.

Gawas niini, gipahigayon usab ang KADIWA ug Diskwento Caravan nga nag-display ug namaligya og nagkalain-laing produkto ug mga lagutmon nga gikan mismo sa mga mag-uuma sa lungsod.

Aduna usab mga product display sa mga ekipo ug materyales sa pag-uma gikan sa nagkalain-laing kompanya nga gitumong aron makatabang sa adlaw-adlaw nga buluhaton ug panginahanglan sa mga mag-uuma.

Girekognisar usab ang mga indibidwal ug grupo pinaagi sa paghatag og mga sertipiko tungod sa ilang dakong kontribusyon sa pagpa-uswag sa agrikultura sa lungsod.

Kauban si Municipal Mayor Aurelio B. Lopez ug ang mga miyembro sa Sangguniang Bayan, gipahayag ni Municipal Vice Mayor Noel “Tawing” B. Woo ang iyang pasalamat ug pag-ila sa tanang mag-uuma sa lungsod tungod sa ilang pagmahal, pag-atiman ug mga sakripisyo alang sa yuta ug katawhan sa Libona. Gihatagan usab og gibug-aton ang ilang padayon nga pag-alagad sa katawhan bisan pa sa nagkalain-laing hagit nga ilang giatubang sa ilang personal nga kinabuhi ug sa ilang panginabuhian sa pag-uma.

Nahimong usa sa mga gipaabot nga kalihokan sa pagsaulog sa ika-69th Founding Anniversary sa Libona ang maong programa, diin mapakita ang mga produkto, talento ug kontribusyon sa mga mag-uuma, lakip ang padayong suporta sa lokal nga pangagamhanan alang sa sektor sa agrikultura.

28/09/2026

Malampuson nga gipahigayon karong adlawa ang Asenso Serbisyo Caravan 2026 alayon sa kasaulugan sa ika Kan-uman ug Siyam ka tuig sa Libona.

Daghang salamat sa tanang mitambong ug ni-avail sa tanang serbisyo. Padayon ta sa usa ka lungsod nga katawhan ang sentro sa tanan.

Mapasalamaton usab kita sa mga partner agencies, doktor ug dentist lakip ang mga opisina ug kawani sa lokal nga pangagamhanan sa paghatag sa ilang walay puas nga serbisyo.

28/09/2026

28/09/2026

ASENSO SERBISYO CARAVAN 2026

Karong adlawa pormal nga gibuksan ang atong Asenso Serbisyo Caravan 2026 diri sa Municipal Gymnasium, Poblacion, Libona, Bukidnon.

Anaa ang serbisyo sa National Offices, Private Companies ug Libre nga Serbisyo Medical ug Legal.

Magsugod kini 8:00AM hangtod 5:00PM karong adlawa.

Ali namo ug atong e-avail ang mga serbisyo.

26/09/2026

Karong adlawa mainiton natong gisugat ang mga partisipante sa Rally Cross Competition 2026 kauban si Vice Mayor Tawing Woo, subay kini sa kasaulugan sa ika-69th Founding Anniversary sa atong lungsod.

Ang mga partisipante nag-gikan sa nagkalain-laing lugar sa Pilipinas sama sa Manila, Davao, Ormoc, Leyte, Cagayan de Oro, Sumilao ug kasikbit nga dapit. Garbo kita nga maipakita ang turismo sa atong lungsod.

Mapasalamaton usab kita kay anaa ang presensya ni Vice Mayor Toto Locsin gikan sa Ormoc City nga nakig-duyog sa atong selebrasyon.