DAR Batangas Provincial Office

08/10/2026

Quezon City – Itinalaga si Agrarian Reform Secretary Conrado M. Estrella III bilang isa sa mga caretaker ng bansa habang nasa limang araw na working visit sa Singapore si Pangulong Ferdinand R. Marcos Jr. mula Oktubre 7 hanggang 11, 2026.





Follow us:
https://twitter.com/dargovph
http://instagram.com/dargovph
https://www.tiktok.com/
https://www.youtube.com/c/dargovph1

07/10/2026

TINGNAN | Nagsagawa ang Department of Agrarian Reform - Batangas ng Onboarding at Mentoring Session para sa Bagong Silang San Juan Batangas Irrigators Association, Inc. noong Setyembre 11, 2026 bilang bahagi ng mga hakbang tungo sa pagpapaigting at muling pagsasakatuparan ng kanilang microfinance program.

Pinangunahan ni Bb. Elsa N. Hernandez, Microfinance Specialist, ang technical mentoring at capability-building sessions para sa nasabing Agrarian Reform Beneficiaries' Organization (ARBO), na nakatuon sa pagpapalakas ng kanilang kakayahan sa pamamahala at pagpapatakbo ng microfinance services.

Dumalo rin sa nasabing aktibidad sina Hanika C. Maghirang, Technical Support Staff IV ng Rural Credit and Microfinance Division (RCMD) ng Bureau of Agrarian Reform Beneficiaries Development (BARBD); Ma. Surallah V. Rabino, CARPO-PBDD; Rizza R. Leynes, EDES/Unit Head; at Rhandell T. Loisaga, Provincial ACMF Point Person.

Layunin ng aktibidad na mapalakas ang kakayahan at pamamahala ng ARBO upang maihanda ito sa tuloy-tuloy at pangmatagalang pagpapatupad at muling paglulunsad ng mga serbisyong microfinance para sa mga Agrarian Reform Beneficiaries (ARBs) at kanilang komunidad.

29/09/2026

SPLIT NEWS UPDATE | Nagsagawa ang Department of Agrarian Reform - Batangas ng Reorientation on Real-Time Kinematic (RTK) and Hands-on Training on the Use of Total Station and AutoCAD noong Setyembre 23–25, 2026 sa Lipa City, Batangas, bilang bahagi ng pagpapatupad ng Support to Parcelization of Lands for Individual Titling (SPLIT) Project.

Layunin ng aktibidad na higit pang mapalawak ang kaalaman at kasanayan ng DAR Batangas Survey Team sa paggamit ng makabagong teknolohiya sa land surveying, partikular sa RTK, Total Station at AutoCAD.

Sa pamamagitan ng reorientation at hands-on training, nabigyan ang mga kalahok ng praktikal na kaalaman sa tamang paggamit ng surveying equipment, pagproseso ng survey data at pagbuo ng mas tumpak at maaasahang survey plans.

Ang pagpapalakas ng teknikal na kakayahan ng survey team ay mahalaga upang mapabuti ang accuracy, efficiency, at consistency ng survey operations, na makatutulong sa mas mabilis at maayos na pagpapatupad ng SPLIT Project at sa paghahatid ng serbisyo para sa mga Agrarian Reform Beneficiaries (ARBs).

28/09/2026

TINGNAN | Nagsagawa ang Department of Agrarian Reform - Batangas ng Orientation Program hinggil sa International Organization for Standardization (ISO) 9001 noong ika-24 ng Setyembre sa Lipa City, Batangas.

Pinangunahan ni G. Leandro Lorenzo G. Bautista ang naturang programa, na naglalayong higit na mapalawak ang kaalaman at pag-unawa ng mga kawani hinggil sa mga pamantayan at proseso ng ISO 9001.

Isinagawa ang aktibidad bilang bahagi ng patuloy na pagsusulong ng DAR Batangas ng dekalidad na paglilingkod sa mga Agrarian Reform Beneficiaries at katuwang na sektor.

28/09/2026

28/09/2026

TINGNAN | Buong galak na pagbati ang ipinaaabot ng Department of Agrarian Reform - Batangas sa tatlong kawani na opisyal na nanumpa sa kanilang mga bagong katungkulan sa harap nina DAR IV-A Regional Director Cupido Gerry Asuncion, Director IV Atty. Rexie Maristela, OIC-Assistant Regional Director Atty. John Erick M. Sawal, na sinaksihan nina DARPO Batangas OIC-PARPO I Atty. Emaculada Concepcion S. Mendoza, CARPO Ma. Surallah Rabino, OIC-CARPO Melvin Esmedilla, at OIC-CAO Atty. May B. Peña sa Tagaytay City, Cavite.

Ang mga bagong itinalaga at napagkalooban ng promosyon ay sina SARPO John Derick S. Catapang, ARPO I Nathaniel N. Mojica at ARPO I Albert M. Advento.

Nawa’y patuloy kayong magsilbi nang may dedikasyon at kahusayan para sa kapakanan ng mga benepisyaryo ng ating tanggapan.

27/09/2026

Happy Birthday, Undersecretary Atty. Kazel Celeste!

Wishing you a day filled with happiness, laughter, and the love of the people who truly value you. Thank you for the kindness, warmth, and inspiration you continue to share with all of us.

From your DAR CALABARZON family, may this new chapter bring you more blessings, beautiful moments, and reasons to smile. Happy birthday, Atty. Kazel! God bless you always!

24/09/2026

ABISO SA PUBLIKO | KAINANG PAMILYA MAHALAGA DAY 2026

Ipinababatid ng Department of Agrarian Reform (DAR) na suspendido ang trabaho sa mga tanggapan ng DAR simula alas-1:00 ng hapon sa Lunes, Setyembre 28, 2026, bilang pakikiisa sa pagdiriwang ng “Kainang Pamilya Mahalaga” Day.

Layunin ng pagdiriwang na bigyang-daan ang mga kawani ng pamahalaan na makapaglaan ng mahalagang oras para sa kanilang pamilya at mapagtibay ang ugnayan at pagsasama-sama ng bawat pamilya.

Mahalaga ang pamilya. Mahalaga ang bawat sandali na magkakasama.



Follow us: https://twitter.com/dargovph
http://instagram.com/dargovph
https://www.tiktok.com/
https://www.youtube.com/c/dargovph1 S