MSWDO - Llanera, Nueva Ecija

08/10/2026

Serbisyo dire-diretso!
Natapos ang pay-out ng UPLIFT Program at Social Pension para sa mga bagong benepisyaryo.
Ito ay hatid ng pagtutulungan ng Bayan ng Llanera sa pamumuno ni Mayor Marilou L. Pascual. Para sa tao, para sa serbisyo! 💜

06/10/2026

📢ANNOUNCEMENT:

Isa ka ba sa mga nag-aabang ng pay-out ng 2nd Tranche para sa DSWD UPLIFT Program?

Narito na po ang inyong pinakahihintay.

Ang pay-out para sa 2nd Tranche ng DSWD UPLIFT Program ay isasagawa na at narito ang detalye ng kanilang pay out:

What: UPLIFT Payout for 2nd Tranche
When: OCTOBER 7, 2026, 9:00AM onwards
Where: LLANERA EVACUATION CENTER, Brgy. Bagumbayan, Llanera, Nueva Ecija

Narito ang LISTAHAN ng mga KWALIPIKADONG BENEPISYARYO:

https://docs.google.com/spreadsheets/d/1q5t1BcGdMkZ8DM874sMMfPYnc0Kj57KN/edit?usp=sharing&ouid=103198062799417630154&rtpof=true&sd=true

Requirements:

- Xerox and Original NATIONAL ID (pag walang National ID, any valid ID)

Change Beneficiary (PARA LAMANG SA MGA PATAY NA)
- Death Certificate ng Namatay na Benepisyaryo
- ID ng Namatay na Benepisyaryo
- ID ng claimant

Ang lahat po ay pinaaalalahanan ng magbaon ng tubig at pagkain kung sakaling abutin ng mahabang oras sa pagpila. Magbaon na rin po ng maraming pasensya.

Maraming salamat po!

17/07/2026

Ipagdiwang natin ang 48th National Disability Rights Week! ♿💛

Pinangunahan ng MSWDO ang makabuluhang pagdiriwang ngayong taon, katuwang ang buong suporta ng ating butihing Mayor Igg. Malou Lapuz Pascual.

Narito ang mga naging aktibidad:

➡️Symposium on Magna Carta for Persons with Disabilities
Maraming salamat sa ating mga Resource Speakers mula sa Provincial Disability Affairs Office - G. Ariel Sta. Ana, PDAO Head, at G. Christian Nicolas sa pagbabahagi ng kaalaman tungkol sa karapatan at kapakanan ng mga PWD.

➡️Pamamahagi ng Assistive Devices
Layunin nitong makatulong sa pang-araw-araw na pamumuhay ng ating mga kababayang may kapansanan.

➡️ Pagkilala at Pagpaparangal
Binigyan ng Certificate of Commendation si G. Francis T. Ramos, isang PWD, bilang pagkilala sa kanyang pagiging Gold Medalist sa nagdaang Paralympics. Proud na proud kami sa’yo! 🏅

Ang pagdiriwang na ito ay paalala na ang tunay na inklusibong komunidad ay nagsisimula sa paggalang, pagtanggap, at pagbibigay ng oportunidad para sa lahat.

Mabuhay ang mga PWD ng Llanera! Sama-sama tayo para sa isang lipunang walang maiiwan ❤️

14/07/2026

BATAYAN SA PAGPILI NG MGA BAGONG BENEPISYARYO NG SOCIAL PENSION

Ang pagpili ng mga bagong benepisyaryo ng Social Pension for Indigent Senior Citizens (SocPen) ay nakabatay sa Community-Based Monitoring System (CBMS), ang opisyal na database ng pamahalaan na naglalaman ng socio-economic information ng mga sambahayan. Sa ilalim ng CBMS Act, ginagamit ang datos na ito upang matukoy ang mga senior citizens na higit na nangangailangan ng tulong.

Mula sa listahan ng CBMS, isinasagawa ang cross-matching sa mga talaan ng SSS, GSIS, PVAO, at iba pang ahensyang nagbibigay ng pensyon. Pagkatapos nito, lahat ng potensyal na benepisyaryo ay sasailalim sa mahigpit na field validation ng DSWD, katuwang ang mga LGU, upang matiyak na tama ang impormasyon at kwalipikado ang bawat isa.

Sa mas sistematiko at masusing proseso ng pagpili, patuloy na tinitiyak ng DSWD na ang Social Pension ay naipagkakaloob sa mga tunay na kwalipikado at higit na nangangailangang senior citizens. Layunin nitong mapanatili ang isang patas, transparent, at makataong programa para sa kapakanan ng ating mga nakatatanda.

📱 I-scan ang QR Code upang mapanood ang buong video tungkol dito.

23/06/2026

09/06/2026

MASAGANANG PAMAYANAN ON WHEELS
Makataong Pamahalaan, Ramdam ng Pamayanan

Tinatawagan po ang lahat ng ating mga ka-barangay sa MURCON, paparating na po ang MASAGANANG PAMAYANAN ON WHEELS - Isang One-Stop Government Service Caravan
hatid ng ating Pamahalaang Bayan

📅 Hunyo 17, 2026 (Miyerkules)
⏰ Oras: 8:00AM-2:00PM
📍 Barangay Murcon Gymnasium

MGA SERBISYONG IHAHANDOG:

• Civil Registry / PSA Assistance
• Serbisyong Pangkalusugan, Libreng X-Ray Bakuna at TB Screening
• Social Welfare Consultations
• Employment Profiling (PESO)
• Livelihood at Economic Advisories
• Property at Tax Declaration Assistance
• Libreng check-up sa mata

📌 Ang aktibidad na ito ay serbisyong pampubliko, bukás sa lahat, at hindi kaugnay ng anumang gawaing pampulitika.

Serbisyo para sa Tao. Serbisyong Ramdam sa inyong Barangay

05/06/2026

Tagumpay ang Pay-out para sa ating mga Octogenarian at Nonagenarian! 🎉💜

Isinagawa ngayong araw ang pamamahagi ng ₱10,000.00 cash assistance para sa ating mga minamahal na lolo at lola na umabot ng 80, 85, 90 at 95 years old.

Taos-pusong pasasalamat sa mga Paymasters mula sa National Commission of Senior Citizens sa pagtugon sa pangangailangan ng ating mga katandaan.

At syempre, maraming salamat sa pagdalo at suporta ng ating butihing Mayor Igg. Malou Lapuz Pascual para sa programang ito. Ang inyong presensya ay nagbigay ng saya at karangalan sa ating mga senior citizens. 🩷

Mabuhay ang mga lolo’t lola ng Llanera! Patuloy po ang pamahalaan sa pag-aaruga sa inyo ❤️

23/05/2026

Matagumpay na natapos ang Project Hiranaya: TEACH, TALK, TRANSFORM! 🎓✨

Isang taos-pusong pasasalamat sa lahat ng Child Development Workers ng Bayan ng Llanera na aktibong nakilahok sa ating Child Development and Language Acquisition Training na ginanap noong May 2, 9, 16, at 23, 2026 sa Senior Citizens' Building, Brgy. Victoria, Llanera, Nueva Ecija.

Salamat sa inyong dedikasyon sa pagkatuto at paglilingkod para sa mas magandang kinabukasan ng mga bata sa ating bayan. Ang kaalamang inyong natamo ay magiging ilaw at gabay sa bawat batang inyong inaalagaan at tinuturuan. 👶❤️

Pasasalamat din po kay Hon. Marilou L. Pascual, RPh, Ph.D, ating Municipal Mayor, kay Amerjaphil Louie A. Vidal, MSWD Officer, lalo’t higit sa lahat sa Nueva Ecija University of Science and Technology-Institute of Linguistics and Literature sa pangunguna ni Dir. Rommel V. Espejo, sa inyong suporta at paggabay sa programang ito.

Patuloy tayong magtulungan para sa mas malusog, matalino, at masayang kabataan ng Llanera! 💚